Ka Nupepa Kuokoa, Volume LXIII, Number 18, 1 Mei 1924 — HE HOALOHALOHA. [ARTICLE]

HE HOALOHALOHA.

Mr. Lunahoopouopono; Aloha nui oe:—O makou o na lala o ka Ahahui C. E., na haumana Kula Sabati, na hoahanau, na luna, ame ko makou haiololo o ka ckalcsia o Iluelo, Maui, Teritore o Hawaii; ke hoomanao aloha nei no ko makou hoapaahana, i haalele mai i keia ola ana, ma ka līaukapila Malulani, lna Wailuku, i ka Poalima, la 4 o Aperila, 1924, oia no o Kupa Piohia, a kuu aku ]a ka luhi, pau ka ike ana i na inea o keia ao akea. Ho luna ekalesia oia, a he puuku Kula Sabati, a he kakauolelo, no kekahi mau manawa lehulehu, a he kakoo ikaika no ka ekalesia ana i aloha ai, a hala wale aku la no. Ua piha iaia na makahiki 72, ame na la keu, o kona ola ana, a hoi aku la ka lepo i ka lepo, a o ka uhane, i ka mea nana i hana, no ka mea, Nana no i haawi mai, a Nana no i lawe aku, e hoomaikaiia kou inoa: Nolaila; ke komo pu aku nei makou, me kona mau ohana apau, iloko o ka u ana no ka mea i hala, a na ko kakou Haku alolia e holoi ae i na waimaka mai ia kakou ae, iloko o kona aloha. E hooholoia, hookahi kope i ka Nupepa Kuokoa. a hookahi kope i ka Hoaloha. 0 makou iho no me ke aioha poina ole, Komite Ekaleeia:—. ,JOS. H. I. KEALOHA, JOS. K. PUU, Kula Sabati:— MRS. ABI KAHIAMOE, MRS. VITORIA KEALOHA Komite C. E.— MRS. H. A. PUU, MRS. M. A. KEALA, Huelo, Maui, Ap€rila 15, 1924. WAKINEKONA, Apr., 21.—Ua hooholoia e ka hale o na hanamakaainana ka bila uku hoomau a Bursum i loaa mua ai ke aponoia e ke Benate. Ua hoakakaia maloko o ka bila ka hoomahuahua hou ana ae i na uku hoomau i loaa mua ai i na

koa "kaliiko o na kaoa Kuloko, Sepania, Mekiko, Uikini ame na kaua o ka 1512.