Ka Nupepa Kuokoa, Volume LXIII, Number 18, 1 Mei 1924 — HE LEO HAMAMA IO'U MAU HOAHANAU POOLA. [ARTICLE]

HE LEO HAMAMA IO'U MAU HOAHANAU POOLA.

Mr. Lunahooponopono o ka Nu- j pepa Kuokoa ke Kilohana Pookela j o ka Lahui Hawaii; Mr. Solomon Hanohano; Aloha Kaua:—E oluolu kou ahonui mau, no'u hoi kauwahi puolo hamama, i o'u mau hoahanau poola, o ka la ikiiki weiawela o ka uwapo a makou i hoomanawapui mau ai i na makahiki koli'uli'u i hala hope aku la a pela hoi i kela ame keia makahiki, no ka pono o ko makou mau ohana ame na lei a makou he keiki, na manaolana o keia mua aku na poola opio o ka uwapo; e hewa ole ai ia'u ke olelo ae o ke ola o na keiki poola, aia no ia i ka ihu o ka moku, 110 ka mea, aia i na ale kawahawaha ame na ale kupikipiki kualoloa o ka moana kahi i kanuia ai o ka lakou mahinaai. A e hoolako pu ia nei hoi ia kakou apuni, ko kakou wahi Teritore o Hawaii nei. 1 He oiaio, keia mau olelo a'u, ke hoolako mai nei na aina e ia kakou me na meaai like ole a ma na wai hohonu o ka moana lakou e halihali mau mai nei i na ukana like ole 110 Hawaii nei. Nolaila, o ke ola o na keiki Poola, aia iloko o ka ileaika ame ke ko'iko'i o ka hana, iloko o na hora loloa o ka la, amo na hora pokopoko o ka po. Iloko o leo lakou maluhiluhi nui a kaea, aole loa no nae lakou i leaniuhu iki i ka leo ko 'iko'i o na haku, ame ka leo nui o na luna hoohana, aka uumi wale ia iho la no ia e ka puuwai hoomanawanui o na keiki poola, a he maikai wale no ia ia lakou i na manawa apau. Nolaila, e o'u mau hoahanau poola, na hoahanau poola kahiko ame na hoalianau poola hou, o ka hapamua aku la kela o ko'u manao no oukou, a o keia ka hapa hope o ko'u manao ia oukou apau loa. He leo hamama no oukou apau, elike me ko oukou kaniuhu ole iloko o ke ko'iko'i o na bena o ka uwapo a kakou i luhi like ai, i na inea like ole apau, pela au e kono aku nei ia oukou apau loa no'u hoi kahi aloha iloko o ko oukou mau puuwai pakahi, o hoi mai iloko o ka Ahahui a oukou i kukulu ai, no ke kukulu hou ana i kona mau wahi i hapa'upa'u, a nawaliwali no ka hooponopono hou ana i ko oukou home ponoi a oukou i inea ai ame ko oukou aina ponoi, i luhi ai, no ka mea, aolo ke kaniuliu iloko o oukou, aia mau kela hoonianawanui me ke kunukunu ole, a'u pu hoi o hoomanao aku nei ia oukou i keia mau -wahi manao uuku, a oukou o omau iho ai a paa ma ko oukou mau puuwai pakahi. A aloha walo ia ka hoi o Konahuanui, he puu wale no, owau hoi keia he kanaka, no'u hoi kahi aloha. Mai kuihe a kanalua, hele mai apau loa. Me ka Lunahooponopono ahonui mau ka'u mau mahalo ana, me na keiki oniuhua metaia kila o kou papapa'i ko'u welina pau ole. Owau iho 110 me ka haahaa, GEOEGE K. KANE, Peresidena. Hui Kokua ame Manawalea ona Poola.