Ka Nupepa Kuokoa, Volume LXIII, Number 17, 24 April 1924 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KEIA POAONO E HOOLOHEIA AI KA HIHIA O NA MAKAI
Ma ka aoao Ekahi mai
La põe e kokeia aku ana no ka oi aku makai ame kinaiahi a ma ka la 15 hoi ka manawa e hoikeia ai la mamao o ka poe nei.
O ka põe apau e loaa ana i la koa na pakenaeka kiekie ma ka hoike ana o lakou ke hookohuia aku no ka lakeu mau kelana oihana i makemake ai i ka manawa e hakahaka ai kekahi mau kulana a i ole hoonohoia aku paha ma na kulana hou loa eia nae elike me ke kiekie ame ka haahaa paha o na pakeneka e kona ana i ka poe noi pela no ke ano e hoopihaia aku ai na wahi hakahaka. Oia hoi, o ka poe kiekie ko lakou mau pakeneka ka mua e hoonohoia ma na oihana a mahope aku ka poe haahaa o ko lakou mau pakeneka.
Ma ka hoololi i aponoia e ke komisina makai ma ka po o ka Poakahi iho nei he kana oho pakeneka e loaa i kekahi mea ma ka hoke pili i ke kulana ola kino, alaiola keia oia e lilo i ka mea noi aole elike me mamua he kanaono kumamalima pakeneka.
O kekahi hoololi i aponoia e ke komisina makai o ia no ka haawi ana i na poo o na keena oihana he hookahi pule e noii a e hule pono ai i na kumu hoohalahala pili i ka poe e laweia mai ana na kumu hoohalahala e kue ana ia lakou.
O na makaainana wale no o Amerika huipuia ka i kuleana i na hookohu oihana e hanaia ana e kela ame keia keena i kaa aku ai malalo o ke komisina makai a e lilo hoi ka poe noi, i poe nohopaa maloko iho nei Honolulu no ka manawa o hookahi makahiki aka no la loaa nae ma ka lakou mau oihana ua hiki no ke hookohui kekahi mea ke piha iaia he hookahi makahiki o kona noho ana ma kekahi wahi o Hawaii nei eia nae in a e loaa ole ana he mea makaukau o kela ano maanei alaila ua hiki ke hookohuia kekahi mea maiwaho mai.
No keia halawai kumau hou ae a ke komisina makai, e malamaia ana ia ma ka la 12 o Mei ae nei, maloko o ke keoua o ko Kakauolelo Kalana Kalauokalani
E NOIIIA ANA KE KEENA O KA LUNA NANA KUKULUHALE
Mahopo iho o ka malamaia ana he aha kukakuka maloko o ke keena o ka Loio Kalana Heen, ma ke kakahiaka o ka poaono aku nei i hala mawaena o ka lunakiai ben hollinger, ka Loio Kalana Heen, ka Lunahooia Bicknell, ame kekahi mea o ka Henry Davis Audit Co. i hoakaka ae. ai ka Lunakiai Hollinger, e hoomaka koke aku ana ka Loio Kalana Heen e noii pono i ke kulana o ka lunanana kukuluhale, iloko o ka makahiki 1922 ame ka makahiki 1923.
Wahi a ka Lunakiai Hollinger, hookahi kumu, i konoia mai ai ke keena oka Loio Kalana e noii pono aku i ke kulana o kela keena, mamuli no ia o na mea i loaa mai, ma ke kuekaaia ana o na buke o kela keena e ka Henry davis audit co., ka hui i hoolimalimaia he mau pule ho nei i hala, n oka hooiaio ana i na moohelu waiwai ame na moohelu dala oloko o kela keena ame ke keena o ka oihana wai.
Ma kahi nae o ka hoike ana ae i na mea i ikeia e ka hui nana i hooiaio i na moohelu oloko o ke keena o ka lunanana kukuluhale, ua noho hamau loa ka Lunakiai Hollinger, lo ka mea wahi ana, aole e hiki iaia ke hua'i e ae i kekahi mea i ke akea, ahiki i ka waihoia ana mai okahoike a ka poe na lakou i hooia na moohelu o kela keena, imua o ka papa lunakiai, i ka manawa e makaukau ai kela hoike i ka hanaia.
o ka Loio Kalana Heen pu kekahi i hoole ae, i ka hoakaka ana i kekahi mea, koe wale no kona hooia ana mai, e noii aku ana kona keena, i na mea oiaio i ikeia e ka Henry davis Co., a ma ia noii pono ana aku, e maopopo ai kana mea e hana ai.
O ka hoolimalimaia ana o ka Henry Davis Audit Co., e kuekaa i na buke oloko o ke keena o ka lunanana kukuluhale, mamuli ia o ka makemake o na hoa Repubalika o ka papa o na lunakiai, he mau pule ue nei i hala, mahope iho o ka ikeia ana o na hana poholalo o ke keena o ka oihana wai. i hoopa'iia ai o Dan S. K. Pahu, no ke kolohe i na dala o ka lehulehu, a i kauia mai ai ka hoopa'i he elime makaliki ka haahaa e noho ai nialoko ka halepaahao, e lawelawe i na hana ikaika.
O Mr. Louis S. Cain, ke poo mua o ke keena lunauana kukuluhale, ka mea a ka Meia Wilson, i hookohu aku ai iloko o na minuke hope loa, o ka noho mana ana o ka papa lunakiai kahiko, a i ku-eia ai hoi kela hookohu oihana e na hoa Repubalika, o ka papa lunakiai kahiko, a i ku-eia ai hoi kela hookohu oihana e na hoa Repubalika, o ka papa luna kiai hou, ahiki i ka lawe okoa ia ana o ka ninau imua o ka aha hookoloholo, a ke waiho mai nei no kela hihia, me ka puka ele mai o ka olelo hooholo
MALAMAIA HE ANAINA HAIPULE MA PUOWAINA
(Mai ka aoao Ekahi mai)
apau ma ka himeni ana.
E uknli aku ana i kela kiuneni, i mele mai ai o Mr. Joesph M. Kamakau ame Mrs. Lizzie Alohikea, me ke ku i ka nani; alaila heluhelu mai la o C. W. Bourne o ka Puali Hoola ikekahi mau pauku o ka Baibala, a i ka Lukanela Stromme o ka oihana koa o Amerika ka pule webe.
Mahope o ka pau ana o kana pule, i mele mai ai na keiki kula i kekahi himeni malalo o ke alakai ana a Miss lydia Kawainui, a hoomaka mai la ka Rev. Augustine Jones o ka Ekalesia Uniona o Makawao e haiolelo, i kekahi haiolelo, i pili loa no na hana o kela kakahiaka.
O kana poolelo o ka halolelo ana mai, "Ka Mana o ke Ola Mau," a i ka Rev. Galen R. Weaver ka pule hookuu.
PAKELE KE OLA MA KA APUA I KA WAIKAHE
(Mai ka aoao Ekahi mai)
wai ma kekahi mau halekuai.
O ke alanui Vinia keia, mai ke alanui Ema aku a hoea i Puowaina, he moanawai nui ia ma kela po, nie ke ku a pilikia maoli o kehahi mau kaa otomobile, aole e hiki ke hooholoia, i kau a mea o ka pilikia o ka enekini i ka wai.
O kahi keia o ke alanui Moi, mauka ae nei o Kapalama, he ilina ia na ka wai, me ka hiki ole i na kaa otomobile ke holo, a ua konoia ka poe o Kalihi, e huli hoi ana no ko lakou mau home, a c holo mai ana paha no ke taona nei, e holo ma ke alanui Kula ame kekahi mau alanui e ae, i hiki ai ke oili ma kekahi aoao; na wahi a lakou i makemake ai e hoea ilaila.
Mamuli o ka ike mau ia i ka poino, o ka lehulehu ma Moanalua, i ka wa ua nui, i hoouna okoa ia ai he poe makai, no ke kiai ana, i ole ai c hoao kekahi poe, e onou aku i ko lakou kaa otomobile iloko o ka wai, no ka mea ma keia po, ma kahi o ka ekolu kapuai ka hohonu o ka wai, maluna ae o ke alanui, a e kahe ana hoi ka wai, ma kahi o iwakalua-kumamlima nile i ka hora.
O na alanui Papu keia me Alakea he mau kahawai nui malaila, me ka pii ana o ka wai ma na alanui kauaoao, a ua komo pu ia oloko o kekahi mau halekuai e ka wai, o ka oi loa aku, o ka halekuai o E. O. Hall & Son, ma ke kihi makai o na alanui Papu me Moi.
O na kaa otomobile halihali ohua keia, pela pu me ka lehulehu, e ake ana c hoea no ko lakou mau home, he mau hora okoa ke kakali ana, ahiki i ke akakuu ana mai o ka ua, mamua o ka hiki ana ia lakou ke hana aku i kekahi mau mea e maalahi ai ko lakou hoea ana no na home.
O ke kukui uwila keia, ua pio maoli na kukui, ma kekahi mau alanui; a ua pilikia pu hoi me na kaa uwila, aka ma ke kakali ana no kekahi mau hora mahope mai, au hoopauia ae kela mau pilikia.
Halana pu ia e ka wai
Ma Waikiki ae nei he wai wale no na wahi haahaa apau, o ka mea wale no nana i hoopakele ae i ka hapanui o na home ma kela apana, o ia ka eliia ana he alawai oki, i wahi no ka wai e holo ai iloko olaila.
Ma ke kakahiaka ana ae o ka Poalua, aohe wahi mea a akakuu iki mai o ka ua, he mau kuaua ko'iko'i maoli ka i haule iho, me ka halana pu ia o na wahi apau e ka wai, a he heluna mahuahua maoli o na kaa otomobile, ma na alanui like ole, i hiki ole ke hooholoia, i kau a mea o ka pilikia o na enekini.
ma ka manao o na kamaaina o Honolulu nei, o kekahi keia o na kuaua ko'iko'i maoli, a hookahi wale no kumu nana i hoemi mai i na poino, o ia uo ka hele pu ole mai o ka ua me ka makani, elike me na ino o kekahi mau makahiki i kaahope aku nei.
EHA KAUKANI KAHUA HOME HOOKUONOONO E WEHEIA AKU ANA
I kulike me ka rudolph M. Duncan ke kakauolelo mana hooko o ke Komisina Honic Hawaii o ka hoike ana ae ma ka Poaono o ka pule aku la i hala, he eha kaukani kahua home hookuonoono e weheia aku ana ma ka mokupuni o Hawai uo ka poe e makemake ana i mau kuhaa home a e loaa aku ana i kela ame keie apana pa-hale hookahi eka ka nui malalo o ka hoolimalima o 99 makahiki ma ka $1 o ka makahiki. He bapa ka o na kahua hale e weheia aku ana aia un ke alanui e holo ana i ka Luaopele e pili ana i ka uluahelo o Panaewa a o ke koena iho aia ma na wahi e pili ana is Keaukaha, e huli la i ka moana maloko o ia spana hookahi.
Ua noonooia keia kumuhana e ka papa komisina a ua aponoia, elike me ia a Mr. Duncan o ka hoike ana ae, a e boonee kokeia aku ana na hana imua me ka hookakalia ole ia, wahi a Mr. Duncan. Ua i Puna.
HOPUIA HE WAHINE HAOLE E KA MAKAIKIU
Mawaho ae nei o Waikiki, ma ka hora elua a oi o ka auwina la o ka Poalima aku la i hala, i hopuiu ae ai he wahine haole o Miss X. Barcklin ka inoa, e ka makaikiu Jon Kellett, a hoihoiia ae e hoopaa maloko o ka halewai, no ke kakali ana, ahiki i ka wa e pan pono ai na hana nuii a ku oihana mukai, e pili aua nona.
Ua lilo ka hopuia ana o kela wahine, i mea hoopohihihi aku i kauoonoo o ka lehulehu, no ka mea aole i hoike iki in ae, na kumu o kona hopuia anu, aka aae um hookomoia aku na manao hoohuoi iloka o lakou, aia kekahi mea ano nui lou, i pili aku i kela wahine, pela iho la i haba mai ai na lima o na kunaka e hooko ana i ke kanawai maluna ona.
Aolo he mau kumu hoopii maopopo loa, ma ka manawa i kaa aku ai kela wahine malalo o ka malu o ka oihana makui, ua manao wale iu mae, ua loaa aku ka ike i na kanaka o ke aupuni, no kekahi hana hakihaki kanawai; aka e hoea mainna no nae i ka manawa e ikeia ae ai na mea oiaio i ke akea, ke pau ka noii ana a na kanaka o ke aupuni
uui a lehulehu na kanaka i waiho ae i ka lakou mau noi ma o Mr. Desha la imua o ke komisina no ka weheia o ia mau apano, a mahope o ko ke komisina Home Hawaii noonoo ana no kekahi manawa o keia a la ka ia papa o ka hooholo ana no ka hooko ana aku i ka makemake o ka lehulehu
No ka nana ana aku iloko o ia mau apana no ka pono o na alanui e hanaia aku ai a pela hoi me ka wai, ke ana ana a pela aku, e holokino aku ana o Mr. Duncan i hiloma keia mau la aku, a mahope o a pela aku, e kaheaia ka poe e makemake ana i mau kahuahale no lakou ma o ka hoolahaia ana ae ma ke akea.
No ka pomaikai o na Kanaka Hana
Wahi hou n Mr. Duncan o ka hoakaka ana ae o ka hoakaka ana ae o ka manao nui o keia hana mahelehele aku i na apana kahua hale no ka pomaikai no ia o na kanaka mau ana i ka hana mawaena o na kanaka hawaii a hapa Hawaii. o ka pilikia nui wale no mua ka aoao o ka papa komisina i nei manawa elike me ia o ka hoi keia ana ae o ia ka lawa ole o ke dala ana ka waihoa o ke komisina no ka hana ana aku i na alanui ame kekahi mau kokua e ae e pono ai ka poe e hoi ae ana maluna o ia mau apana aina aka nae aole no ia he kumu e hooneieia aku ai ka makemake o ka poe i lakou ua hiki no ia lakou ke kokua ia lakou iho ma kekahi ano o ka mea nui wale no o ka loaa ia lakou o kekahi mau kahua e ku ai na wawae.
A oiai na apana aina ma keaukaha e wehia aku ana no ka nohoia e na kanaka e makemake ana e hoi aku ana no ka nohoia e na kanaka e makemake ana e hoi aku ma ia kaha e noho ai e hookoeia kemake o ka poe noi ua hiki no he 50 kapuai o kekahi apana aina pili loa i kahakai no ke teritore.
E hoopomaikai nui ia aku ana ko hilo mau kini mamuli o keia apono ana o ke omisina a ke wehia aku keia mau apana he hoopalahalaha loa ana aku ia i ke kulanakauhale o hilo i ka hikina a me he mea la in a me ia ka nee mau ana o ka noho ana o na kanaka i ka hikina o ka hoea aku koe o ka eheu hikina o ke kulanakauhale hoaka o hilo i puna.
AHEWA KA LUNA KANAWAI NO KA HOOHEMAHEMA
No ka hoea ole ana ae o kekahi mea mai ke keena mai o ka Loio Amerika Carden, ma ka manawa i noho ai o ka aha a ka Lunakanawai Federala Rawelins, ma ka Poaha aku nei i hala, i hoakaka ae ai ka lunakanawai rawlins, i kona manao hoahewa i ka loia amerika no kona hoohemahema i kana hana.
Hookahi kumu o ka hoike okoa ana aku o ka lunawai rawlins i kona manao ahewa i ke keena o ka loio amerika o ia no ka lilo o ke kaheaia ana o ke kiure federala i mea waiwai ole no ka meawahi ana he elua mau la i nohoai kana aha me ka loaa aole he hana na ke kiure e noonoo ai.
Ma ka manawa i noho ai ka aha ma ka hora eiwa o ke kahiaka o kela poaha ua akoakoa ae na luna oihana apau o ka aha ma hora eiwa o ke kakahiaka o kela poaha ua akoakoa ae na luna apau o ka aha aole nae hookahi mea mai ke keena mai o ka loio amerika no no kela kumu u a hoouna okoa ia ka makai o ka aha e kii i kekahi hope o kela keena a o ka hope loio amerika robinson ka mea i hoea mai.
Ma ka ninau ana aku o ke lunakanawai rawlins i ka hope loio amerika robinson no ka loio amerika carden ame kekahi mau hope e ae na loio ia lakou ka lawelawe ana i na hihia karaima o kana pane aole he hookahi o lakou i hoea ae i ke keena a aole no he mea maopopo iaia e pili ana i na hihia karaima no ka mea ma na hoopii kivila wale no kana hana.
Malalo o kela mau hoakaka a ka hope lopio robinson i hookuu aku ai ka lunakanawai rawlins i na kiure ahiki i ka poakolu iho nei.
NALOWALE ELUA KEPANI OHUA MA HONOLULU NEI
Oiai ka mokuahi ginyo maru ma honolulu nei ma ka la 10 o keia mahina, i nalowale honua ai he elua mau kepani ohua me ka maopopo ole he hookahi o kela mau kepani he ohua oia no ka papa ekahi a o kona kokoolua he ohua no ka papa elua.
Aole i ikeia ka nalowale ana o kela mau kepani mai ka papainoa aku o na ohua ma ka manawa i haalele iho ai ka mokuahi ia honolulu nei aka i ka hoea ana no hilo i kakau mai ai ke kapena o kela mokuahi he leka i ka lunanana a. e. burnett, o ka oihana hoopae limakana maanei nei e pili ana no kela mau ohua a ke hookolo mai nei na luna oihana federala mahope o ko laua meheu me ke kokua pu ana mai o ke kanikela kepani maanei nei.
O keia ka manawa mui loa i ike ia ai ka nalowale ana o na kepani ohua ma keia ano.
Ma ka manao nao o ke kapena o kela mokuahi hookahi kumu o ka nalowale ana o ke kepani ohua o ka papa ekahi o ia no kona haule ana i ka moku ma ka manawa i haalele iho ai ka mokuahi ma kona alahele no hilo, wahi ana, me he mea la, ma honolulu nei no kela kepani kahi i nanaea ai me kona mau hoaloha.
He mea maa i na ohua o ka papa ekahi ka lele ana iuka o ka aina ma ka manawa e ku mai ai no mokuahi no honolulu nei aka no na ohua oneki aole o lakou aeia e lele iuka o ka aina aua lilo ka nalowale ana o ke kepani ohua o ka papa elua i mea hoopohihihi i ka noonoo o ke kapena o kela mokuahi.
EKOLU MAU PAKE E KIPAKUIA AKU ANA
Ma ke ano he hana kihimua no ka hooko ana i ke kanawai hoopaelimahana me ke kakauha a e kaupale aku hoi i ke komo kuleana ole ana mai o na Pake iloko o hawaii nei elua mau kane pake, a hookahi wahine pake, o kipakuia aku ana e hoi i kina maluna o ka mokuahi laweleka o ka pakipika ka peresidena pierce elike me ia a ka luna nui o ka oihana hoopaelimahana a.e. burnett o ka hoike aua ae ma ka poakahi nei.
O na pake e kipakuia aku ana no lakou keia mau inoa malalo nei oia o kong cheong, chun chew, a me chock look shee, he wahine pake.
O na Pake ekolu i hookauia aku maluna o ka mokuahi pierce o lakou ka mua o kekahi huina nui o 30 mau pake i homohewa mai i hawaii nei e kipakuia aku ana e hoi i ko lakou aupuni mai ka manawa mai o ko Mr. Burnett manawa o ka lawe ana ae i ka hookele ana i ka hale oihana hoopae limahana, mahope iho o ka hoi ana aku o i.f. wixon i amerika maluna o ka mokuahi maui ma ka pula aku la i hala.
Tokio, Apr. 18- Ua kauohaia aku ka Hope-Kenerala K. Naito ma honolulu e hoololi ae i rangoon, burma, a o k. Takeuehi, ka hope-Kanikela ma Colmbo, ceylon ka i kohoio oia ke pani aku ma kona wahi.
HOOLAHA.
E malamaia ana e ke komisina o na hana kiwila o honolulu he hoike hookeke laua a i hoonohonoho papa i ma ka halekula kiekie mckinley kihi o na alanui beritania ame victoria vhonolulu ma ka poaha, mei 15, 1924, ma ka hora 7:00 p.m. no na makaainana amerika e makemake ana i mau kulana oihana maloko o ke keena kinaiahi o honolulu ame ke keena o ka oihana makai o ke aupuni kulanakauhale a kalana o honolulu o ia hoike i oleloia ae la e malamai no ia malalo o na rula ame na hooponopono ana a ke komisina i oleloia no na kula oihana malalo nei:
OIHANA KINAIAHI
Hoike laula no na mea apau:
OIHANA MAKAI
Makai Kaulio, Makai Kuhuina, Makai motokaikala, makai kaa, makai kium kakauolelo, kiai halepaahao, makai no na kuaaina, wahine hooponopono ame loea kuni manamanalima.
Ua hiiki no e loaa na pepa paihakahakaha no na palapala noi ma ke keena oihana o ke kakauolelo o ke kulanakauhale a kalana ma ka hale kapiolani, honolulu, a e pono e waihoia ae ia palapala noi maloko o ke keena i oleloia ae la, aole e lohi aku mahope o ka hora 4 o ka auwina la poakahi, mei 5, 1924.
O ka mea noi, he mea oia e noho ana maloko o ke kulanakauhale a kalana o honolulu no ka manawa i emi ole iho malalo o hookahi makahiki ma mua ae o ka la o ka hoike ana a ua piha iaia na makahiki he iwakalua (20).
O k mea e noi ana no ke kulana makai kuhuina a i ole makai nana kaa paha, e pono e loaa iaia ke kiekie o elima kapuai ame eiwa iniha a he kaumaha kona i emi ole iho malalo o ka 145 paona.
O ka põe noi no na kulana oihana apau mawaho ae o na kakauolelo, wahine hooponopono amea na loea kuni manamanalima no ka oihana makai ame na kakauolelo na wiliki amea na mekanika n ka oihana kinaiahi e pono e hele ae e hoike ma ke keena hooikaika kino o pierre baron, ma ka halepohaku mua o ka ppa hawaii ma ke kihi o na alanui alakea ame kalepa, puka komo ma ke alanui alakea, honolulu e hoomaka ana ma ka hora 12 awakea poano mei 10 19 24, no ka hoao aua i ko lakou mau aahuki ame ko lakou mau ola kino.
Ma ke kauoha a ka
HONOLULU CIVIL SERVICE COMMISSION
D. KALAUOKALANI Kakauolelo
6605- Apr. 24;
HOOLAHA KUAI O NA APANA AUPUNI.
Ma keia ke haawiia aku nei ka hoolaha akea ma ka hora 10:00 a. m. poakahi, mei 19, 1924 ma ka puka mamua o ka hale kapitaa honolulu t.h. malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka pauku 73 o ke kanawai kumu o hawaii na pauku 348 ame 358 o na kanawai hooponopono hoia o hawaii o 1915 ame ke kanawai 143 o na kanawai ahaolelo o 1917 ke koena apana aupuni no ka hana pahale mahope ae nei:
Koena apana aupuni ma ka hooloihi ana o ke alanui middle, honolulu, oahu, nona ka liaina o 25, 780 kapuai kuea oi aku a emi mai paha.
E kaa ke kuai maluna ae malalo o na kulana mahope ae nei:
a. kumukuai haahaa $7, 734.00.
b. kumu aelike, kuike ma ka haule eana o ka hamare.
c. e uku ka mea e lilo ai i na hoolilo apau o ka hoolaha ana mahope koke iho o ke kuai.
d. o ka makaainana wale no o na mokuaina huiia o amerika a i ole o kekahi mea paha i hoike ae i kona manao e lilo i makaainana a i ole o kekahi ahahui paha i kukuluia a e ku ana malalo o na kanawai o ke teritore o hawaii ke lilo i mea kuai mai.
O ke kii palapala aina e hoikeike ana i na aina e hooliloia aku ana eia ke waiho nei ma kahi o na palapala a e ikeia no ma ke keena o ke komisina o na aina aupuni, hale kapitala, honolulu.
No na hoakaka aku i koe e ninau ae ma ke keena o ke komisina o na aina aupuni, hale kapitala, honolulu.
Hanaia ma honolulu maloko o ke keena o ke komisina o na aina aupuni i keia la 17, o aperila a. d. 1924.
C.T. BAILEY
Komisina o na aina aupuni 6605-apr. 24; mei 1.
HOOPAU ANA I KA HONOLULU RICE MILL CO. LTD
Hoolaha i ka poe paa aia
Mamli o ka hookohuia ana mai o ka mea nona ka inoa malalo iho nei i kahu no ka poe paa aia ame ka poe paa mahele no ka ahahui i hoe keia ae nei maluna, ma ke kauoha no kona hoopauia ana i hana pono ia e ka puuku o ke teritore o hawaii i maraki 29, 1924, ma keia ke haawiia aku nei ka hookeia i ka poe [aa aie apau e ka ahahua i oleloia e waiho mai i ka lakou mau kou i ke kahu nona ka inoa malalo iho nei ma kona wahi lawelawe oihana 417 alanui moi akau honolulu, kokoke i ka hale hoolulu o ka hui alahao oahu heka o kanaiwa la mai ka hoopuka mua o ana o keia hoolaha o na koi apau e waiho ole ia mai ana pela e hoa mau loa ia aku no.
K TANAKA
Kahu i olelo mui ia ae nei
Aperila 10, 1924
6003-Apr. 10, 17, 24, Mei
PIONEER BUILDING & LOAN ASSʻN.
Runi 1. Kuea Campbell
Hookumuia 1800.
Mahele $200 ka waiwaiio
ukuia ma ka mahina ma ka ukuliilii o $1.
Wa e oo ai kohoi umi makahiki.
NA HOPENA I HALA
Dala Maoli i Dala Maoli i Ukuia
Ukuia i ka ahahui I ka poe paa mahele
10 makahiki- ma ka pau ana o 10 makahiki
$120.00 $200.00
Kuaiina na mahele ma na kuea o 1 a 100
WARREN DEASE
Kakauolelo.
"Iluna no ka Ua Waele e ke Pulu"
O na olelo maluna ae nei, oia kekahi o na "olelo noeau" loa a na hawaii o ke au kahiko a e malamaia nei e kekahi hapa uuku on a hawiai hou o keia la.
O ka manao nui o kela mau olelo "e hoomakaukau a e malama i kau mau wahi hunahuna liilii no na la pilikia e hoea mai ana."
he olelo noeau naauao loa kela ae pono e lawe i kana mau alakai ana.
E HOOMAKA I KA HOAKU LIILII ANA I KAU MAU KENIKENI LIILII ME MAKOU I KEIA LA
o ia wale no ka hoaloha oiaio nana e kupale ia oe i kou wa o ka pilikia.
CHINESE-AMERICAN BANK
Kihi o na alangui moi âme nuuanu. Honolulu t.h.
Pahu leka 2000 Kelepona 6119
KAUA Menemene Ole
O kekahi mea paa kupono loa o ka meakaua menemene ole ia hoohana ai. E halawai ana ia i kela ame keia la me na paio ana a na poino i na lako kukulu hale. O ka enemi holomua loa e kue ana i keia popopo o ia ka "white lead." Ua ku hookahi aku ia maluna ae o na mea apau i hoohanaia no ka paa ame ka mau, a he kahua ia i keia wa no na pepa maikai.
Pioneer White Lead
I hanaia e ka W.P. Fuller Co.
Ua loaa mai ma ke ana o ka hana ana a ke dutch ke ano wale no e loaa mai ai ka auua ame ke aiai i makemakeia ai ka pena. Loihi kona paa maalahi kona hana ana, maikai ka maloo ame ka paholo ana a ke hoohuihuiia me ka waihooluu o ia mau no ka maikai.
LEWERS & COOKE, LTD.
Poe loea ma na Lako Kukulu Hale Mahope mai o ka 1852
169-177 Alanui Moi Hema