Ka Nupepa Kuokoa, Volume LXIII, Number 16, 17 April 1924 — Ku he Luina i Ka Pu ma ke Ano Ulia Wale Oiai Wehe Ana i ka Poka i Kani Hewa ae ai ka Pu Panapana MANAOIA NAE AOLE OIA E POINO ANA Ku ka Poka ma Kona Opu me ka Puka Ana o ka Naau he Ekolu Wahi [ARTICLE]

Ku he Luina i Ka Pu ma ke Ano Ulia Wale

Oiai Wehe Ana i ka Poka i Kani Hewa ae ai ka Pu Panapana

MANAOIA NAE AOLE OIA E POINO ANA

Ku ka Poka ma Kona Opu me ka Puka Ana o ka Naau he Ekolu Wahi

Oiai e wehewehe ana i na poka maUoko mai o kekalii pu panapana, i kani hewa ae ai kela pu, me ka lele ana aku o* ka poka a ku ma ka opu o J. J. Gomes, he hiina no ka mokuahi Niihau, ma ka auwina la o ke Sabati i hala, m? ka manao nae o na kauka o ka Halema'i Moiwahine, kahi i hoihoiia aku ai kela luina no ka' lapaauia mai, e palekana ana no oia mai ka poino mai i kau aKu maluna ona. I kulike ai mo ka moolelo e pili ana i kela ulia, ua hoea aku o J. J. Gomes noluna o ka mokuahi Niihau, ma ka hora ekolu o ka auwina la o kela Sabati, me ka pu panapana iloko o ka pakeke o kona 101-owa-wae. I ka wa i ike mai ai o W. Keawe, he aliiwaapa noluna o ka Niihau ua hoike mai la oia i kona manao, o ia ka ae ole ia o Gomes e noho maluna o ka mokuahi, me ka pu panapana. Ua pono no kela manao o W. Keawe i ko Gomes noonoo, nolaila haawi aku la oia i ka pu panapana ia Keawe, m-3 ka olelo ana mai, e waiho aku ma kekahi wah'i kupono. I ka wa i kaa mai ai ka pu panapana malalo o W. Tveawe, ua hoomaka iho oia e wehewehe i na poka, a oiai e lawelawe ana i kela hana, i kani hewa ae ai ka pu panapana, me ka lele ana aku o kn poka, a ku ma ka aoao malalo o ka opu o Gom-es. Ua hoiKoi awiwi ia o Gomea noloko o ka Halema'i Moiwahine, a malaila i kahaia ai kona kino, no ka huli ana i ka poka, o ks. mea nae i hoomaopopoia, o ia no ka puka ana o ka naau, ma na wahi ekolu. O ka hopena o ka nana ana a na kauka i ka poino maluna o Gomcs, o ia no ka hoikeia ana ae mai ka Halema'i Moiwahine mai, ma kela po Sabati, aia he manaolana" niii, no kona palekana mai ka make mai.