Ka Nupepa Kuokoa, Volume LXIII, Number 16, 17 ʻApelila 1924 — UKUIA KA INISUA NO KA MOKU POINO [ARTICLE]

UKUIA KA INISUA NO KA MOKU POINO

Ma ka hora eha o ka auwina la o ka Poalima aku i hala, i ukuia ae ai ka huina o hookahi haneri kaukani dala inisua no ke piholo ana o ka mokuahi Bee o ka Hawaiian Meat Company, e ka Hui Iniaua o Bihopa ma, ka akena no ka hui IniBua Fireman's Fund Co. Ma ka hora umi-kumamalua a oi o ka po o ka Poakahi, o ka pule aku nei i hala, i hooku'i ai ka mokuahi Bee i ka pohaku ma na kapakai o Maui, me ka haaleleia ana o kela moku e na iuina, me kona ike hou ole ia mahopo mai, a ma ka auwina la o ka Poalima, i ukuia ai na dala iniaua i na ona o mokuahi. Hookahi kumu o ka hikiwawe loa o ka ukuia ana ae o kela mau kaukani dala inisua, mamuli no ia o ka hoea ana mai o ke kakauolelo 0 ka hui inisua no Honoluln nei, he mau la ae nei i hala, nolaila aole he man hoololoiahili wale ana, e hoouna palapala ai mawaena o Honolulu n-ei ame Kapalakiko, aka ua haawi koke ia ae ke kauoha e ukn 1 kela huina dala mahuahua. No ke pani ana aku ma kahi o ka mokuahi Bee i holoai'a i ka moana, he elua mau akena o ka Hawaiian Meat Company, e nana mai Ia i kekahi mokuahi hou ma Ame"ka, me ka manaoia, iloko o keia mau pule kakaikahi aku, e loaa ai lw moku hou no kela hui, a hoomau aku i ka halihali ana i na ukana, ma na awakumoku i kipa mau aku ai ka mokuahi Bee. Mawaho ae o ka hana halihali ukana, ua hoike ae na lunanui o kela hui, no ko lakou manao e kuai i kekahi moku, e hiki ai ke halihali i na ukana ame na ohua, mamuli o ko lakon manaoio, aia kekahi pomaikai nui e loaa mai ana, mai ka hana halihali ohna mai kekahi mokupuni a i kekahi, elike me na mokoahi o ka hui mokuahi holo pili aina e hoohanaia iwi i keia manawa. Ma ka noho ana o ka halawai kuikawa a ka Ahahui ma ke Sabati iho nei, lie 79 mau lala hou i hoohikiia, a ma na mea i loheia mai e oi aku ana na lala komo hon i keia mahina ae mamua o keia.