Ka Nupepa Kuokoa, Volume LXIII, Number 16, 17 April 1924 — AOHE PAONIONI NO KE KOMITE LAHUI [ARTICLE]

AOHE PAONIONI NO KE KOMITE LAHUI

Mamuli o ka unuhi ana o ka El©le Lahui .Tarrett i kona inoa, mai ka lilo ana oia kekahi moho no kekulana komite lahui, ma ka ahaelele a na Demokarata e noho mai ana ma keia Poaha ae, ua maJaelae ke alahele no ke koho hou ia o ka Meia John H. Wilson, no kela kulana no keia mau makahiki e nee aku nei. Ma ka Poalua aku la i hala, ka loaa ana mai he kelekalapa mai ka Elele Lahui Jarrett, i ke Kakauolelo Harris o ke komite kuwaena teritore Demokarata e ho&kaka mai ana, no kona hoopau ana i ka manao e alualu i ko kulana komite lahui. O ke kumu nni o ka nnuhi hou ana o ka Elele Jarrett i kona inoa, elike me kana kelekalaka, o ia no makemake e holo hou no ke kulana elele lahui, ma keia kau koho baloka kuloko, a i wahi e malaelae ai kona alahele, aole he mea maikai, ka hoala ana mai i na hana paonioni iwaena o na mahele like ole o ka aoao Demokarata. Oiai nae na poho wale na manaolana o na hoaloha o ka Eleie Jarrett, no ke kaa o ka lanakila o ka paio komite lahui iaia; ua hoohauoliia aku no nae ko lakou manao, mamuli o ka hoomaopopo ana iho, aole he mau alalai mamua o kona alahele, ma ke koho baloka e hoea mai ana, no ke kulana elele lahui. Iloko o na la i hala aku nei, nui wale na mea i loheia ae no ke tulana paonioni iwaena o na hoaloha o ka Meia Wilaon ame ka Elele Jarrett, o ia ka hooukaia o kekahi paio hahana maloko o ka ahaelelo, akahi nae a malu ke kula, aohe pueo lele, ua koe hookahi ka Meia Wilaon no kela kulana. Aole iio nae he kanalua iloko e, na hoaloha o ka Meia Wilaon, no kona lanakila, ina nei no ka unuhi ole o ka Elele Jai-rett i leona inoa; ua mahalo nae lakou no keia unuhi ana, no ka mea ma ia ano, e hoolokahiia ai na Demokarsta apau,' no ke kulana ikaika o ka aoao kano keia nee-aaa aku.