Ka Nupepa Kuokoa, Volume LXIII, Number 16, 17 April 1924 — HE HOOMANAO ALOHA NOKUU KAIKAMAHINE. [ARTICLE+ILLUSTRATION]

HE HOOMANAO ALOHA NOKUU KAIKAMAHINE.

Mr. Solomon Hanohano; Aloha oe a nui:—E oluolu oe e hookomo iho i ka'u puolo waimaka o ke aloha no kuu kaikamahine, i haalele mai i keia ola ana, maloko o na kolamu o ka Nupepa Kuokoa, a nana hoi ia e hoike aku i ka lono kaumaha ma na kaiaulu o Hawaii nei, mai ka puka ana a ka la ma Kumukahi, a- ka welona a ka la i Lehua. Ua haakle mai kuu kaikamahine, kuu leialoha Mrs. Ellen McClary i keia ola ana ma San Diego, Kaleponi, ma ka hapalua o ka h.ora "amikumamalua o ka po Poakolu, ka la 9 o Aperila nei, na ke kelekalapa uwea ole i hoike mai i ka lono kaumalia hoolelehauli, ka mea nana i hookupouli ae i ka noonoo maikai, auwe no hoi ke aloha no kuu kaikamahino e! Aole he wahi haupu ae iloko o'u he lono kaumaha lee halawai mai ana me a'u ame ka ohana, no ka mea ma kana mau leka lehulehu i

kakau mau ai, a-ole he hoike, no ka ma'i, e hookaumahaia ai ka noonoo, nolaila ua noho palaka wale no au, ahiki wale i ka hoea ana mai o ka lohe, ua haal?le mai oia i keia ola ana; auwe no hoi e, he manawa ia no ka uwe kumakena, aohe mea pono i ka noonoo, hele mai la ko aloha no ke kaikamahine a pili-pu i ka houpo; na ka waimaka no e hiolo. Ua hanauia kuu kaikaniahine heleloa Mrs. Ellen McClary, ma ka la 6 o Feb°ruari, 1895, mailoko aku 0 ko'u >puhaka kona mama, ma Hana, Maui; nolaila ma kona manawa i haalele mai ai i keia ola ana, ua piha iaia na makahiki he 29 ame na la keu, o ka hanu ana i na ea o keia ola inea ana. Maloko o ke kula aupuni ma Hana kona wahi mua loa i hoonaauaoia ai iloko o na la kamalii, a 1 ko'u hoi ana mai a noho ma Honolulu nei, ua hoi pu mai no oia me a'u, a komo maloko o ke Kula Alii o Kahehuna, no ka hoomahuahua ana ae i ka imi naauao ana. Ua mare kuu kaikamahine me kana kan? mua me Mr. Groi-er C. Black, ma Honolulu nei i ka makahiki 1915, a mailoko. mai o ko laua

noho mare ana, i loaa mai ai he hookahi ka'ikamahine nona na makahiki eiwa i 'keia manawa. Ua kaawale kuu kaikamahine alolia mai kela kane mai, ma Kapalakiko, malalo o na kanawai o ka aina, a mare hou oia i ke kane i ka Lukanela J. B. McClary, ma Honolulu nei 110, he elua ae nei makahiki i hala. H-2 lukanela kana kano hope o ka mare ana no ka oihana kaua o Amerika, a ma Puuloa ae nei kona wahi i noho hana ai, no kekahi mana-wa, ahiki i ke ka\iohaia ana mai e kona mau poo ma ka oihana, ua hoi aku la laua no San Diego e noho ai, he makahiki a oi i hala ae nei. Oiai laua i hoi aku ai no Kaleponi e no.li o a'i, ua loaa mai la ke kauoha ia'u, e lawe aku i kana kaikamahine malaila e hoonaauaoia ai; a no ka nui aloha no i kuu kaikamaliin?, i au aku ai au i ke kai loa no ka īpuka Gula; f ka mahina o lune o ka niakahiki i hala, eia ka o ko'u ike hope ana ia i na maka o kuu kaikamahine. Auwe no hoi kuu kaikamahine heleloa el O kuu kaikamahine aloha i haalple mai la ia'u kona makuahine ame ka ohana, he akahai, he oluolu, he hcah-?a, he ike ohana, a he hookipa i na hoaloha ame na makamaka, he makua no hoi no'u a no ka ohana, e hiki ole ai ia'u ke hoopoina nona i na kau a kau. He umi-kumamalua ka nui o ka'u mau koiki i hanau ai mailoko aku 0 ko'u puhaka, ua lawe aku ka po 1 ka nui a ukali aku la hoi kuu kaikamahine aloha, mahope o ka meheu o kona mau pokii, a koe iho la he ekoiu a'u mau kaikamahine

e ola n?i, oia o Mrs. Lily Neff, Mr?. Fibby Miller ame Misa Liby Keanini. L r a hookoia iho la na olelo a ka Buke Nui, 110 ka lepo mai no oe, a e hoi aku no ka lepo i ka lepo. Nana no i liana niai, a Nana no i lawe aku la, e hoomaikai nui ia ka inoa o ka Makua ma*ka lani; o na haawe kaumaha nae o ka ehaeha, ke kaumaha ame ka luuluu, ua ili iho ia maluna o kana kan-?, ka laua k.iikamahine, maluna hoi o'u kona makuahine, ame ka ohana. Iloko' nae o ia mau manao kau maha apau, hookahi mea nana i hoolana mai i ko'u manao, o ia no ka waiho ana aku, na ko kakou Makua Lani, e hoomama mai, a Nnna no e holoi ae i na kulu waiinaka » ke aloha keiki. Owau iho no iloko o ka ehaeha ame ke kaumaha, MRS. APIKAKA J. SAMUEL. 838 9th Are. Kaimuki, Apr. 14, 1021.

MRS. ELLEN McCLARY,