Ka Nupepa Kuokoa, Volume LXIII, Number 16, 17 April 1924 — MA KEIA PULE AE KA AHALELE DEMOKARATA [ARTICLE]

MA KEIA PULE AE KA AHALELE DEMOKARATA

Ma ka Poalia, o keia pule ae, ka la 24 o k?ia mahina, e noho mai ai ka ahaelele a na Demokarata maluna o kaupoku o ka Hokele lana, no ke koho ana i na elele ame ko lakou mau hope. i ka ahaelele lahui e ana maloko o ke kulanakauhale o Nu Ioka; pela hoi ki koho ana i na komite lahui. 0 ke paonioni nui e hoomaopopoia aku nei iloko o keia mau la, aia no ia mawaena o ka Meia John H. Wilson ame ka lilele Lahui Jarrett, no ke kulana komite lahui, me ka i paa o na hoaloha o laua pakahi, e loaa ana no ka lanakila i ka lakou mau inoa. Iloko aku nei o na la i hala, o ka inoa o ka Meia Wilson, ka lohe nui ia iwaena o na alakai Demoka- | rata ma Honolulu nei, no ke kana|lua ole o kona koho hou ia i komite ! lahui, aka nae iloko o keia mau la e hookokoke aku nei i ka wa e noho mai ai o ka ahaelele, o ka inoa ! o ka Elele Lahui Jarrett, ka ikaika, loheia nei mai na elele mai o na mokupuni mawaho aku o Honolulu nei. Aole he mau hoohewahewa ana ma ka aoao o na elele o ka mokupuni o Oahu nei, no ka loaa o ka lanakila i ka Meia Wilson, ma keia mokupuni, mai na hoaloha o ka Elele Jarrett, a i na hoaloha o ka Meia Wilson. Mai kekahi mau elele mai, o na kuaaina i hoea e mai no keia kulaoakauhale, i hoakaka ae ai lakou, no ke kakoo o kekahi mahele nui o na elele o Hawaii, Maui ame Kauai i ka inoa o Jarrett, i komite lahui. Aia ka Elele Lahui Jarrett nia Wakinekona i keia manawa, eia nae ho mau leka lehulehu kana i kakau mai ai i kona mau hoaloha ma Honolulu iei, a ma na mokupuni like ole, e hoeueu mai ana ia lakou, e hooikaika nona, ma ke kulana komite lahui, a mamuli o kela mau leka, ua paa maoli ko lakou manao, e hooikaika nona, ahiki i kona lanakila ana maluna o ka Meia Wilson. Mc kela manao paa nae iloko o na hoaloha o ka Elele Jarrett no kona kohoia i komit? lahui, aole he hopohopo iki o na hoaloha o ka Meia Wilson, aka ua hoike okoa ae kekahi poe o lakou, aia a noho mai kela ahaelele, e haalele aku ana kekahi poe kakoo o Jarrett, a hui pu mai me ka puulu elelo ma ka aoao o ka Meia Wilāon. Elike no me kela kulana mahae o na puulu elele Repubalika, ma ka ahaelele aku nei a kela aoao kalaiaina. i hala, o ia ke kakoo ana i ka lakou mau moho komite lahui pakahi, ahiki i k-o kaa ana o ka lanakila ia li. W. Shingle, o ia hiona hookahi no ia e ikeia aku i nei iwaena o na Demokarata.