Ka Nupepa Kuokoa, Volume LXIII, Number 16, 17 April 1924 — HOOMAKA AI KAHANA O KE ALAHAKA. [ARTICLE]

HOOMAKA AI KAHANA O KE ALAHAKA.

0 ke paniku ana i ke alahaka Haaliliamanu o ke alanui Moi i mea e hiki ai ke hana ia ke alahaka hou aole e hoomaka kokeia ana a hala he mahina mai keia la aku, elike me ia a ke leokua enekinia mua o ke aupuni kulanakauhale, H. A. E. Austin o ka hoolaha ana ae ma ka Poaha o ka pule aku la i hala. He iwakalua-kumamawalu mau kia pohaku kameki ka i koe e hana ai, a e hala ana he 30 la e waiho ai i paakiki pono na pou mamua o ka hoomaka ana aku e hana ke alahaka hou, walii a Austin. He kanaiwa la i aeia ma ka aelike e hana ai ia alahaka hōu ahlki i ka paa ana; o ka liui a E. J. Lord Construction ka mea iaia ka aelike, a ua manaoia e pau ana no na hana o ia alahaka maloko o ia mau la. 1 ka manawa e hanaia ana o ke alahaka hou e weheia ana i alanui no ka poe helewawae maluna ae o ka nfuliwai o Nuuanu, ma kahi kokoke mai i ke alanui Moi, elike me ia a ka enekinia Austin o ka hoike ana ae, a no ka poe e holo aua maluua o na kaa uwila ma na kaa o ke alanui Hokele e kau ai a hoololi ma ke alanui Moi, a i ole ma ke alanui Moi a hoololi ma ke kaa o ke alanui Hokele ma na alahele hikina a komohana. . i. -