Ka Nupepa Kuokoa, Volume LXIII, Number 16, 17 April 1924 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

OKIIA KEKAHI KEPANI A MOKU I KA PAHI

 

            Ma kahi kanu halakahiki ma Ki@@@@ @ k@koke ana i Wahiawa, i @@@@ ae ai he Kepani i ka pahi, e @ @@@ @@@ lahui. mamuli o ke ala ana @@ o ka hoopaapaa mawaena o laua, @ ka hopena i ikeia. o ia no ka @@@hoiia ana mai o ka mea i moku i ka pahi no ka Halema'i Moiwahine. a hoio aku hoi ka mea houpahi no kahi e pakele ai oia mai ka paa ana aku i ka hopuia.

            Ma ka auwina la o ke Sabati aku a i hala. i lawelaweia ai kela hana hou pahi.

            Ma ke kakahiaka o kela Sabati, i hoomaka mua ai ka hakaka ana @ na Kepani elua maloko o ka mala@alakahiki; aka nae ma ka auwina a ua loaa aku la ke kino o ke @e@a@i i moku i ka pahi. nona ka @ @@@@@@@ e waiho ana @una @ ka papahele o kona hale.

            No kela hakaka mua ana nae o na Kepani elua, i ala mai ai ka hoohuoi iloko o na kanaka o ke aupuni, no Terukina, ma ke ano o ka mea ia nana i lawelawe i ka hana hou pahi maluna o kona hoa @@@@.

 

E HOOLOIHI@A ANA KE

            ALANUI MOIWAHINE

 

            No ka hooloihi ana aku i ke alanui Moiwahine. ahiki i ke alanui o Puuloa. e waiho ae ana ke keena @@@kinia o ke kalana, he hoike no na hoolilo o kela alanui, imua o ka papa o@ na lunakiai. no ka noonoo ana mai, mamua o ka waiho ana aku no ka hookomo ana mai o na hui lawe aelike i ka lakou koho, no ka hana ana i kela alanui.

            No ka mahele o kela alanui mai ke alanui Moi aku ahiki i ke alanui Waiakamilo. mauka ae nei o Palama. o ke ano o na alanui i hanaia ai ma Kakaako, o ia aku ana ke hoohanaia malaila; aka mai Waiakamilo aku a hoea i Moanalua, e ka@k@a ae ana na meahana e hoohanaia no ia mahele o ke alanui, i kupono no kela wahi o ka honua.

            Ina noi no ka hanaia aku o ke alanui Moiwahine, a hoea i ke alanui o P@uioa. alaila e hoomaalahiia mai ana ke alahele no na kaa uwila ma ke alanui Moi, mamuli o ka lilo o ke alanui Moiwahine, i wahi @@ na kaa otomobile e holo ai.

            O na hoolilo no ka hana aku i kela mahele o ke alanui Moiwahine. @ kaa ana na na on a o na aina e pili kokoke ana i ke alanui, ka auamo ana i kekahi mahele o na hoolilo, malalo o ka auhau alanui, a i ke aupuni hoi kekahi mahele.

 

PAKELE KEKAHI

            PILIPINO AIHUE

 

            Malalo a@ nei o Puuloa, ma ka Poakahi o ka pule aku la i hala, i komoia ae ai he haleaiua e kekahi Pilipino aihue@ me kona loaa pono ana aku i ka on a nona ka haleaina ame kekahi mea e ae mawaho on a eia nae iloko o ka wa e aumeume ana o kela Pilipino i pakele aku ai @ia. me ka holo ana e p@@.

            Ma ka hapalua o ka hora umi o kela po Poakahi i komoia ai ka haleaina e kela Pilipino, a ua manao wale ia. @ kela no ka Pilipino @ookahi. nana i komo aihue i na halekuai o Puuloa mamua aku, a @@@ he mau waiwai lehulehu, me kona paa ole i ka hopuia.

            Ua hookolo ka makai o ke aupuni ame kekahi poe e ae mahope o kela Pilipino aole nae i loaa ia lakou.

            Nui na Pilipino olohani o ka mahik@ @ Kahuku, i hoolilo ia Puuloa

            wahi no lakou e hoolulu ai, no ke kakali ana ahiki i ka maopopo ana o ka lakou mea e hana aku ai, in a paha no ka hoi hou ana e hana @@ ka ma@iko, a i ole, komo aku paha ma kekahi mau hana e ae.

            No ka @ono o kela poe Pilipino @@@@@@@ ame ko lakou mau ohana, @@ malamaia he halawai makaainana @ kela poe Pilipino. no ka uwalo @@@ aku i na Pilipino apau, e haawi mai i na kokua ana, ua hooloheia aku ia leo uwalo, ma o ka luluia @@@ @ kekahi huina dala kokua ma@@@@@@.

 

KA HAIOLELO KOI UKUHANA

            A NA PILIPINI

 

            Ma ka Sabati iho la i hala e hoomaka ana mawaena o ka hora 10 a. m. ame ka hora 5 p. m., mawaena o ka 1500 ame ka 200 mau Pilipino limahana olohani mai na mahik@ like @l@ mai o ka Mokupuni @ Oahu i akoakoa ae ma ka Paka @@@@ no ka hoolohe ana i na haiolelo @ na alakai o lakou maluna o ke kumuhana e pili ana i kela olohani ana.

            He @ana Pilipino kekahi malaila @a ia manawa, a ma kela ame keia manawa e hoomaha ai ka haiolelo @@@ a ka poe haiolelo ua hoopihaia @@ manawa me ka leo @ na meakani, @ ia manawa hookahi ua kaahele ae @@ kekahi wahine opio mawaena iho @ na Pilipino no ka ohi ana i mau @ala kokua no ka waihona o na limahana olohani.

            O @. S. Bassan ka lunahoomalu o @ halawai. O ka poe haiolelo o Pablo Malapit, George H. Wright, @. Dizon, E. Monticello, D. Temporal, P. Balderama, H. Magpion, R. Cebagd@, ame P. Belen.

 

MA KEIA PULE

            AE KA AHALELE

                        DEMOKARATA

 

            Ma ka Poaha, o keia pule ae, ka la 24 o keia mahina, e noho mai ai ka ahalele a na Demokarata maluna o kaupoku o ka Hokele Iana, no ke koho ana i na elele ame ko lakou mau hope, i ka ahaelele lahui e noho mai ana maloko o ke kulanakauhale o Nu Ioka; pela hoi k@ koho ana i na komite lahui.

            O ke paonioni nui e hoomaopopoia aku nei iloko o keia mau la, aia no ia mawaena o ka Meia John H. Wilson ame ka Elele Lahui Jarrett, no ke kulana komite lahui, me ka paa o na hoaloha o laua pakahi, e loaa ana no ka lanakila i ka lakou mau inoa.

            Iloko aku nei o na la i hala, o ka inoa o ka Meia Wilson, ka mea lohe nui ia iwaena o na alakai Demokarata ma Honolulu nei, no ke kanalua ole o kona koho hou ia i komite lahui, aka nae iloko o keia mau la e hookokoke aku nei i ka wa e noho mai ai o ka ahaelele, o ka inoa o ka Elele Lahui Jarrett, ka ikaika, e loheia nei mai na elele mai o na mokupuni mawaho aku o Honolulu nei.

            Aole he mau hoohewahewa ana ma ka aoao o na elele o ka mokupuni o Oahu nei, no ka loaa o ka lanakila i ka Meia Wilson, ma keia mokupuni, mai na hoaloha o ka Elele Jarrett, a i na hoaloha o ka Meia Wilson.

            Mai kekahi mau elele mai, o na kuaaina i hoea e mai no keia kulanakauhale, i hoakaka ae ai lakou, no ke kakoo o kekahi mahele nui o na elele o Hawaii, Maui ame Kauai i ka inoa o Jarrett, i komite lahui.

            Aia ka Elele Lahui Jarrett ma Wakinekona i keia manawa, eia nae he mau leka lehulehu kana i kakau mai ai i kona mau hoaloha ma Honolulu nei, a ma na mokupuni like ole, e hoeueu mai ana ia lakou, e hooikaika nona, ma ke kulana komite lahui, a mamuli o kela mau leka, ua paa maoli ko lakou manao, e hooikaika nona, ahiki i kona lanakila ana maluna o ka Meia Wilson.

            Me kela manao paa nae iloko o na hoaloha o ka Elele Jarrett no kona kohoia i komite lahui, aole he hopohopo iki o na hoaloha o ka Meia Wilson, aka ua hoike okoa ae kekahi poe o lakou, aia a noho mai kela ahaelele, e haalele aku ana kekahi poe kakoo o Jarrett, a hui pu mai me ka puulu elele ma ka aoao o ka Meia Wilson.

            Elike no me kela kulana mahae o na puulu elele Repubalika, ma ka ahaelele aku nei a kela aoao kalaiaina i hala, o ia ke kakoo ana i ka lakou mau moho komite lahui pakahi, ahiki i ke kaa ana o ka lanakila ia R. W. Shingle, o ia hioua hookahi no ia e ikeia aku nei iwaena o na Demokarata.

 

HIAMOE IA MAKUAHINE.

 

            I ka mea mahaloia, Mr. Solomon Hanohan@, Aloha oe ame na keiki o kou keena pa'i. Ina he wahi kaawale o ke Kilohana Pookela a ka lahui Hawaii, oluolu mai e hookomo iho, i ka makou puolo waimaka i ike mai na makamaka ame na ohana, ame na hoaloha o ko makou mama heleloa. Luuluu Hanalei i ka Ua Nui.

            Ua haalele mai ko makou mama Mrs. Hannah Kekuialono, J. W. Keaunui, ma ka Poaono, hora 9:45 a m., Maraki 20, A. D. 1924 ma Hauula, Koolauloa, Oahu, ma ka home a laua me kana kane J. W. Keaunui ko makou papa i haalele mai la ia makou apau loa.

            Malaila i hookuu mai ai kona uaha@e, ko iho la ka ka buke nui, aohe he kulanakauhale e mau ana maanei, Nana no i haawi mai, Nana no e lawe aku.

            Oki ae la ka berita gula ma Kahana, Oahu a Rev. Kekiokalani, i hoohui ai ma ka mare, Aperila 8, 188@.

            He makuahine maemae ma ka home, oluolu, haahaa, aloha nui ia. Ua imi kauka aupuni mai Honolulu mai, aole mea hiki

            Ua hanauia ko makou mama i aloha nui ia ma Kawela, mai ka puhaka mai o Mrs. Kauhane ame Akina Pake, i Maraki 16, A. D. 1869, ua loaa iaia he 57 makahiki a hoi aku la i ka lani kuu home e maha mau ai, me kona Haku aloha.

            Ua hoonaauaoia, e Mr. Kahei, kana kumu, o na kula Hawaii ia wa ma Kahuku Koolauloa. Malaila no i komo ai i ka ekalesia ahahuina Kahuku-Hauula huiia, i kona mau la opio e holoholo ana ma kona aina hanau.

            Nolaila o makou o kana mau kaikamahine, mai ko makou luaui ma-

 

KAOHI KA MEIA I KA

            UKU ANA I NA DALA

 

            Ma ka halawai a ka papa o na lunakiai ma ka auwina la o ka Poalima aku nei i hala, i hoike ae ai ka Meia Wilson, i kona manao, no ka hiki ole ke ukuia aku ka huina dala i koe, o ke alanui pali o Nuuanu i pau i ka hanaia, i ka hui lawe aelike Hawaiian Contracting Company, no ke kumu, o ia ke ku-e o ka papa lunakiai ame ka hui lawe aelike i ke kanawai.

            Wahi a ka Meia Wilson, o ka waiho ole ia ana aku o na hoakaka no ka hana i lawelaweia ma ke alanui pali o Nuuanu, e kuhikuhi ana i na hana hoololiia oiai e nee ana na hana o ke aianui imua, pela oia i haawi ole ai i ke apono, e ukuia aku ka huina o kanakolu-kumamalua kaukani dala, ahiki i ka wa ana e huli pono aku ai i na mea oiaio i hanaia, pela hoi ka waiho ana mai i kana hoike.

            Ua ahewa ka meia i ka papa o na lunakiai, i ka hoakaka ole ana i na hoololi i hanaia, mahope iho o ka hanaia ana o ka hoololi i hanaia, mahope iho o ka hanaia ana o ka hoololi e ka papa, a ma ke koi no ka aelike i waihoia aku ai e ukuia mai ka hui lawe aelike aole he mau hoakaka maloko olaila no kela mau hoololi, aka o ke koi i waihoia aku ai, no kela aelike no elike me ia i kinohi, oiai nae he mau hoololiloli kekahi i hanaia.

            Ma kela halawai i malamaia e ka papa o na lunakiai, i heluheluia ae ai he leka mai ia Louis S. Cain mai, i kulike ai me ia i kauohaia aku ai e ka papa o na lunakiai, no ka waiho ana mai i na buke kiko-la, oloko o ke keena o ka lunanana kukulu-hale, ke keena i noho poo ai oia mamua no ia keena.

            No ke kakauinoa ana nae o Louis S. Cain i kela leka ma ke ano he enekinia kalana, i hoole ai na hoa Repubalika o ka papa, i ke apono ana.

            Ma ke noi a ka Lunakiai Hollinger, ua a'oia aku ke kakauolelo o ka papa, e kauoha aku ia Louis Cain, e waiho aku i na buke apau oloko o ke keena o ka lunanana kuukulu hale, i ka hui hooia o Henry Davis Audit Company, ka hui i haawiia aku ai ka hana no ka hooia ana i na moohelu apau oloko o ke keena o ka oihana wai ame kukulu hale.

            I kulike ai me ke kauoha a ka papa o na lunakiai, i waiho ae ai o Sam Oneha, i kona bona o elima haneri dala, me ke kauoha ana aku nae o ka papa o na lunakiai, e waiho mai oia i bona o hookahi kaukani dala.

            No ka hoolimalima o ka Hale Kapiolani, no na makahiki eha, ma ke ano he hale no na keena o ke aupuni kulanakauhale, i apono ae ai ka papa i ka olelo hooholo, e hoamana ana i ka meia e kakauinoa malalo o ka aelike, no ka hoolimalima ana i kela hale, me ka uku mahina o hookahi kaukani dala, no ka makahiki mua, me hookahi haneri dala ka paku'i hou iho i kela ame keia makahiki mahope mai.

           

HOEA MAI NEI NA WAIWAI HOU.

           

            Ma ke ku ana mai nei o na Mokuahi Kaleponi ma kela pule aku nei i loaa mai ai kekahi mau waiwai hou o ka halekuai lole o ka Fashion Colthing Co., Ltd, e noho poo ia nei e Edward Wongham, kekahi o na opio Hawaii e lawelawe nei i ka oihana kalepa o keia kulanakauhale.

            He mau makahiki loihi i kaahope ae nei ke ku ana o keia halekuai, a o ia wale no ka halekuai lole i noho on a ia e ka Hawaii ma keia kulanakauhale apuni e kupono ai no i na Hawaii ke kipa ana ae malaila e ike i keia Hawaii opio.

            Aia malaila e loaa ai ia oe na papale o na ano like ole; na paalole o na ano hou loa a miomio; na leia-i; na lole o na keiki hele kula ame kekahi mau waiwai e ae.

 

ma mai ehiku e ola nei, ua mare kane makou eono, a hookahi aole i mare kane, o kona mua ma Hilo, Hawaii, he mau kumukula, ka laua, aia ma Pearl City, Ewa, kekahi. Na makou mai na moopuna kuakahi ame kualua, ua hii moopuna i kana mau leia-i a hoi aku la ma-o.

            Nolaila, e oluolu nui na makamaka na hoaloha apau i haawi piha mai me na lima mohala i na pua hoouluwehi maluna iho o ko makou mama aloha, e hiamoe ana ma kona hale kaupoku ole, ame na makana puolo like ole.

            e pule nei makou i ka Makua Lani, e hoopiha mai i ko oukou mau waihona no na mea maikai he nui loa, mai ko oukou mau lima kokua palena ole.

 

            Na makou na ka ohana,

                        J. M. KEAUNUI,

                        MRS. AMALIA,

                        MRS. MARY KAHEIAU,

                        MRS. C. KEKAI,

                        MRS. ROSELIN A,

                        MRS. JOSEPHINE LUU,

                        MISS GRACE KALUA,

Hauula Oahu.

 

PAA I KA HOPUIA NO

            KA LAWE OKOLEHAO

 

            Ma ka hapalua o ka hora ekahi o ka Poaha aku nei i hala, i paa ae ai he Kepani o K. Nishiyama ka inoa, i ka hopuia e ka Makaikiu Kellett ame kona mau hope, ma ke alanui Hokele, a maluna o ke kaa otomobile o kela Kepani, i loaa aku ai na galani okolehao he hookahi haneri ka nui.

            No lalo ae n@o o Heeia kela Kepani a o ka maopopo ana i na makaikiu, he mea halihali oia i ka okolehao no ka hoolako ana i ko Honolulu nei poe, he mea huna ia na ka oihana makaikiu, koe wale no ka oili pono ana mai o kela Kepani a poholo ana iloko o ka upena i hoomoeia e na makai nona.

            I kela Kepani e holo mai ana maluna o kona kaa otomobile, ma ke alanui Hokele, a i kona kokoke ana i ka Hokele Iana, ia wa i kauohaia aku ai oia e ka Makaikiu Kellett @ ku, a ia huliia ana aku oluna o ke kaa otomobile, ua loaa aku la he iwakalua mau omole nunui, o elima galani o ka omole hookahi, ua like ia me hookahi haneri galani okolehao.

            Ua lawe loa ia aku kela Kepani no ka halewai, a kaa aku la oia malalo o ka malu o na kanaka o ke aupuni, pela hoi na galani okolehao, ame kona kaa otomobile.

            Ua hookuu hou ia oia no kona waiho ana aku i kona bela o $350.00 eia nae, ua haaleleia kela bela, mamuli o kona hoea ole ana ae imua o ka aha ma kekahi la mai.

 

NA HAAWINA DALA NO NA AWAKUMOKU

 

            He lono mai ka Buro mai o ka Advertiser ma Hilo o ka loaa ana ae i ka Nupepa Advertiser, ke hoakaka ana he lono ma ke kelekalapa ka ka i loaa ae i ke Dr. Milton Ri@e, ka peresidena o ka oihana Kalepa o Hilo mai Wakinekona ae ma ke kakahiaka Poakahi nei mai ia Cleveland A. Newton mai, kekahi hoa o ke komite o ka hale o @a lunamakaainana maluna o na hana o na awapae ame na muliwai, a e hoike ae ana ia Mr. Rice no ka loaa ana ae ia Mr. Newton o ke aponoia no kona hookomo pu iloko o ka bila haawina hoolilo no na muliwai ame na awapae i ka huina o $12,000,000 no ka hana nui ma Hilo o ia ka hooloihi ana aku i ka palekai ame ka eli ana a hohonu i ke awa o Hilo, a e hoakaka pu ana ka i ke apono ana o ke komite. He nuhou hoohauoli nui keia i ko Hilo mau kini, oiai hoi i ka poe he mau moku ka lakou ma ke ano laula, oiai na hookomoia aku la ia haawina dala iloko o ka bila o na awapae ame na muliwai aole hoi iloko o ka bila o na enekinia elike me ia i manao mua ia ai.

 

O JOHN KEKAHIO, UA HALA MA KELA AO.

 

            Mr. Solomon Hanohano, Lunahooponopono o ka Nupepa Kuokoa; Aloha kaua:- E oluolu oe e hookomo iho ma kahi kaawale o kau nupepa i ke poomanao e kau ae la maluna, no kuu kane aloha, i haalele mai ai i keia ola ana, i ike mai ai na kini makamaka ame na hoaloha o kuu kane heleloa.

            Ua haalele mai kuu kane ia'u ame na keiki a maua he ehiku, na moopuna he umi-kumama-lima, ame na moopuna kuakahi he eono, i keia ola ana, ma ka la 2 o ka mahina nei o Aperila, a waiho iho i ka ukana luuluu  me ke kaumaha na makou e hoomanawanui aku mahope nei.

             Ua hanauia mai o John Kekahio mai ka puhaka mai o kona mau makua Mr. Keahi ame Molokai (w), ma ka la 30 o Maraki, 1852, ma Kaunakakai, Molokai, nolaila ma kona hala ana aku la, ua piha iaia na makahiki he 72 me na la keu.

            Ua noho hana oia malalo o ka oihana kukeawa ma Honolulu nei, no na makahiki he iwakalua-kumamaono, ma ia hana no oia kahi i lawelawe ai, ahiki wale no i kona pauaho ana mai i keia ola ana.

            Ma ko makou aoao ko ka ohana, ke haawi aku nei makou i na mahalo ame na hoomaikai ana he nui i na hoa-hana, na hoaloha ame na makamaka, no ka lakou mau makana pua, i hoowehiwehi iho maluna o kona kino wailua, a i komo mai hoi me makou iloko o ko makou mau hora o ke kaumaha ame ka luuluu; na ko kakou Makua no ma ka lani, e haawi mai i na hoomaikai oi ae mailuna mai, ame na hoopomaikai ana ia oukou apau.

            E oluolu oukou apau e lawe aku i ka makou mau hoomaikai palena ole, mailoko aku o ko makou mau puuwai; a ia oe e Mr. Lunahooponopono ame kou mau keiki o ke keena pa'i ko makou mahalo hope.

            Owau iho no me ke kaumaha,

                        MRS. KAHUE KEKAHIO,

                                    Ame ka Ohana.

 

NA LEKA I KII OLE IA MAI

AHIKI I APR. 12, 1924.

 

Akana, Mrs. Kaa- Josiah

            naana   Kulolia, Mrs. Pa-

Aki, George Ama-      hupu.

            na        Kunane, Miss

Alana, Mrs. Es-           Abbie

            ther      Lia, Lily

Awana, Mrs. K. Makea, Keo

Ina, Miss Mable Mikasobe, Henry

Kaaihue, Mrs.  Nakaiewalu, Mrs.

            Joe K.  Emma

Kaaihue, Robt. P. Pa, Mas. Henry

Kau, Miss Lucy (2)

Kaleimamo, Mrs. Paioa, Mas. Char-

            John     les

Keolanui, Mrs.            Pauahi, Mrs. He-

            Vitolia mieth

Kekahuna, Mas.          Paulo, Miss Eliza-

            J@s. L.            beth

Kini, Jr., Mrs.

            E ninau mai ma na leta i hoolahaia ke kii mai.

D. H. MacADAM,

Lunaleta.

 

HAINA NANE.

 

            Mr. Lunahooponopono o ka hiwahiwa a ka lahui, Aloha kaua:- Ina hoi e loaa ia'u i wahi kaawale o ka moku i noho kapena ia e oe no ka'u haina o ka nane kupaianaha a ke keiki o ka aina lewa i ke kai, i kukulu mai ai.

            He manu ka kana he ekolu eheu, a aia ma na eheu na umiumi, aole ka on a panoo, aole e ku ma kona apahu, aole on a mau wawae, a aia ka i ka umiumi ke ola.

            Pololei io, he kupaianaha ka manu a ke keiki o ka aina lewa i ke kai, a ke pane nei au, Pe'aihu.

            O ka pe'aihu keia o na moku a ua kamaaina no hoi kakou i na pe'aihu o na moku, he ekolu on a kihi, a he ekolu kaula ma na kihi ekolu no hoi ia umiumi.

            Pololei aole ona panoo, he kino kona, aole nae ku ma kona apahu a aole no on a mau wawae, a i wahi no kaua e ike ai, aia a hoopaa oe i keia mau kaula imua, a iluna a ihope, ilaila auanei oe e ike ai, i ke ola o ua manu eheu kolu kupaianaha nei, a nono paha neia wahi hooheno.

            Aia i Alika, ka ihu o ka moku,

            Ua hao a paihi, na pe'a i ka makani,

            Ea, he nele manu iho la keia la, a ke keiki o Kalaupapa, ke lele la hoi i ka lewa, i ahona i ka paa i na umiumi.

            Me ka lana o kuu manao e puehu liilii ana ka hulu o ka manu, a e haalulu auanei ka aina lewa i ke kai.

            Me oe e Mr. Lunahooponopono ko'u anoai ame kou ma ukeiki limahei o ka papapa'i, ko'u aloha.

            Kou oiai,

G. M. K. KAKELA I KA EHUKAI,

Kalaupapa, Aperila 4, 1924.

 

            Hoi nele aku la ke keiki o Kalaupapa, aole ilaila ka iini a ka makemake, eia iho no, imua o ke alo, i ka wai lana malie. Huli hou ia mai!-L. H.

 

HAINA NANE.

 

            Solomon Hanohano, Aloha kaua:- E ae mai kou oluolu , no'u hoi kauwahi keena kaawale o kau nupepa no ka'u haina o ka nane a ka eueu o Kahuku, e olelo ana ka nane penei:

            Kuu manu, ekolu ona ekekeu, he umiumi kona mai kona ekekeu mai, aole ka he poo, aole kona apahu, aole kona mau wawae, a ua loaa kona ola mai kona umiumi mai, owai ka inoa o kuu manu @

            Haina. Mokumahu, o ia Kilauea. Aohe poo o ka moku, a aohe no he wawae, aka, he pekekeu, o na pekekeu ekolu, o ua manu nei, o ia no na manamana ekolu o ka epaepa, a o ke kuikolu e hoopaa ana i ka iho, e holo la a loaa ka mikini nana e hooni i ka epaepa, o ia no ka umiumi, a in a aole keia kuikolu, aole loa e hiki i keia moku ke holo mai ia Kauai nei.

            Ke hooki nei au maanei.

                        Kou no,

            KE KIU HANU MEAHOU,

            Lihue, Kauai, Maraki 29, 1924.

 

            Hu hewa mai la ka mokuahi Bee, ua holoai'a aku la i ke kai o Manila. Huli hou ia mai!-L. H.

 

HAINA NANE.

 

            Mr. Solomon Hanohano; Aloha oe:- E oluolu hou mai kou hanohano in a he wahi rumi koe o ke Kilohana a kaua no ka'u haina o ka nane a ke keiki hanai manu kupanaha o ka aina lewa i ke kai i ike mai ai na hoa heluhelu meahou o ka hiwahiwa a kaua i ka'u haina o ka nane a ke keiki o na pali hauliuli o ke Koolau. E hooheno ana ka nane a ua hoaloha nei:

            He manu kupua kana o ka loaa ana i ka nahele o Kolokini, oia iho keia:

            Kuu manu ekolu on a ekekeu, he umiumi kona mai na ekeu mai, aole on a panoo, aole no he apahu kino, aole no he wawae, ua loaa kona ola mai na umiumi mai, owai ka inoa o kuu manu.

            Haina. O ke Kauoha Hou, ka inoa o ko manu. O kona mau ekeu, o Manaoio, o Manaolana, ame ke Aloha, a nona na ekeu ekolu a kaua e hooheno nei.

            Owai hoi kona mau umiumi i loaa ai kona ola? O na huaolelo ame na manao wehewehe o kela me keia o na ekeu i ha'iia ae la maluna

O keaha hoi kona ola@

 

            O ka manaoio o ia kona ola.

            Ke manzo nei, ua lawa keia. No na wehewehe i koe o ko nane. E nana iho ma Korineto mokuna 12 mai ka pauku 1 a ka 7.

            E ike iho oe e ka mea heluhelu i ke kanono o na ekeu ekolu a ke keiki o ka aina lewa i ke kai.

            Ke manaolana nei au, ua loaa ka lua, i ke alapii a ka opae.

            E Mr. Lunahooponopono, ua huhewa aku la paha ka'u penikala i kula i ka haina o keia auanei!

            Me ka Lunahooponopono âme na keiki kikoni hua metala o kou keena pa'i ka mahalo, me ke aloha poina ole.

JOHN KAHALA,

            Waiakea Homestead Store, Hilo, Hawaii

 

Ua hu i'o mai ia oe i kula a pakele aku la no ka manu a ke keiki o Kahuku. Huli hou ia mai!- L. H.

 

HOOLAHA KUAI O KA AINA AUPUNI.

 

            Ma keia ke haawiia aku nei ka hoolaha akea ma ka hora 10:00 a. m., Poalima, Mei 16, 1924, ma ke Keena o ka Hope-akena, Mr. F. K. Kalua, Wailuku, Maui, malaila e kuai hoolilo ia aku ai ma ke kudala akea@ i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 348 ame 358 o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka apana Aupuni ma Kanaio no na hana luawai hooki'o elike me ia mahope ae nei:

            Hapa o ka aina Aupuni o Kanaio,

            Honuaula, Maui, nona ka

            iliaina o 1.0 eka, oi aku a emi

            mai paha.

            E kaa ke kuai o keia apana malalo o na kulana mahope ae nei:

            1. Kumukuai haahaa, $50.00.

            2. Kumu aelike, kuike ma ka haule ana o ka hamare.

            3. E uku ka mea e lilo ai i na hoolilo apau o ka hoolaha ana mahope koke iho o ke kuai.

            4. O ka makaainana wale no o na Mokuaina Huiia o Amerika a i ole o kekahi mea i kukala ae i kona manao e lilo i makaainana, a i ole o kekahi ahahui i kukuluia a e ku ana malalo o na kanawai o ke Teritore o Hawaii ke lilo i mea kuai mai.

            O ke kii palapala aina e hoikeikeana i ka aina e hooliloia aku ana eia ke waiho nei ma kahi o na palapala a e ikeia no ma ke Keena o ka Hope-akena, Wailuku, Maui, a i ole ma ke Keena o ke Komisina, o na Aina Aupuni, Hale Kapitala, Honolulu.

            No na hoakaka i koe e ninau ae ma ke Keena o ka Hope-akena, Mr. F.K. Kalua, Wailuku, Maui, a i ole ma ke Keena o ke Komisina o na Aina Aupuni, Hale Kapitala, Honolulu.

            Hanaia ma Honolulu maloko o ke Keena o ke Komisina o na Aina Aupuni, i keia la 11 o Aperila, A. D. 1924.

C. T. BAILEY,

            Komisina o na Aina Aupuni.

6604-Apr. 17, 24.

 

KA WA UA

            AME KA

                        RUMATIKA

 

He Ma'i Uahoa ka Rumatika A@a Wale no ka Maha a Loihi ka Lapaau Ana

            O ka wa ua a i ole ka noho ana paha ma na wahi kawa-u ka mea hoopilikia loa mai i ka poe i loaa i ka Rumatika. He nawaliwali keia i kauia ma na papa ekolu-Pehu. Olona ame Hu'i. O ka Pehu nae ka mea ike mau ia me ke kupilikii maoli o ka mea ma'i. a lolo paha no ke koena o ke ola ana. Aia ka waiawa Rumatika iloko o ke koko, pehea ka nui o ka lomi ana aole ia he mea e kaawale aku ai. E hoomaemae pono ia ke koko ame na meapaahana, me ka hana nui no nae. E loaa ana no na hopena kamahao iloko o na pule pokole@ aka he mea maikai ka hoomau ana aku i ka hoohana ana i ka B. B. C. no kekahi manawa loihi@ i mau al ka hopena maikai i loaa mai.

            Kualia ka B. B. C. no $1.00. Wai a Hua@le paha.

            E loaa no ka Laau Hamo B. B. C. he kokua nui mawaho e hoohanaia no na ano eha apau. Ma na Halekuai Laau ame na Mahiko. Benson, Simith &. Co., Honolulu.

 

"Moeuhane au no ko'u noho ana ma na hale mabala---"

 

            Na paia pani'o, na pono hale hoonani i hana maiau ia ame na puka aniani o na aniani waihooluu maluna o na papahele Mabala Italia waihooluu nani. Me he mea la e hoakaka ana ka meakakau i keia mele kahiko i ka home oluolu, mahamaha i hanaia me ka papahele u'i "Marble Tile Linoleum."

           

            Eia ke hoohanaia nei kela ano noeau o ka malama ana iloko o na ano hou o ka Linoleum maikai, na ano o ka paa ame ka maikai, a na home nani, na hokele kaulana ame na halehana e hoohana nei ia mea.

LINOLEUM

no na rumi apau maloko o ka hale

LEWERS & COOKE, LTD.

Poe Loea ma na Lako Kukulu Hale Mahope mai o ka 1852

169-177 Alanui Moi Hema

 

LILO I KA HALE HANAHAO H. I. W. KA AELIKE

 

            No ka hana ana i na mikini o kekahi hale wiliko hou e kukuluia mai ana ma na Mokupuni Pilipine, ua lilo mai nei ka aelike, i ka Hale Hanahao Honolulu no ka huina o $800,000, e pau ai na mikini i ka hanaia iloko o na mahina ekolu.

            O keia iho la ka elua o na aelike i lilo mai i ka hale hanahao, iloko o ka manawa pokole; o ka aelike

 

HE MAU APANA AINA KUAI.

 

E hoomaka me ka apana aina. Mahope kokua no au e kukulu i kou hale noho.

 

$1275--Lot 50x150. Maunalei Ave. near 10th. $25 down, $15 per month.

$1675-- Lot 50x200, 10th Ave. just outside Improvement District. $50 down, $20 per month.

$1500--Lot S317 sq. ft fronting on two streets. 7th Ave makai. $40 down, $20 per month.

$2200--Lot 50x200, 9th Ave. near Kaimuki Ave. $50 down, $25 per month.

$2800--Lot 50x200. cleared ready to build. $100 down, $75 per month.

Easiest terms in town. Prices the lowest consistent with market values

 

Ask C. W. Carpenter. with

PAULO KALAUKA

(P. E. R. STRAUCH)

Alanui Moi, Helu 74, Mawaena o na Alanui Papu ame Betela.

 

PIONEER BUILDING & LOAN ASSʻN.

Rumi 1, Kuea Campbell

Hookumuia 1890.

 

Mahele $200 ka waiwaiio

ukuia ma ka mahina ma ka ukuliilii o $1.

Wa e oo ai i kohoia umi makahiki.

NA HOPENA I HALA

 

Dala Maoli i

Ukuia i ka Ahahui

10 makahiki---

$120.00

 

Dala Maoli i Ukuia

i ka Poe Paa Mahele

ma ka pau ana o

10 makahiki--

$200.00

 

Kuaiia na Mahele ma na Kuea o 1 a 100

WARREN DEASE.

Kakauolelo.

 

KOU PUUKALAHALA

 

            O kou puukalahala o keia mau la, a i ole ka mea nana e kokua mai ia oe iloko o kou mau hora o ka pilikia, o ia na DALA au i houluulu liilii ai maloko o ka Banako i kela ame keia pule.

            Ina aole oe i hana pela, alaila, o ka wa kupono loa keia au e hana ai.

MAI KALI HOU AKU

The Bank of Bishop & Co., Ltd.

Ka Banako Kamaaina i na Hawaii.

 

mua, no ka hana ana no ia i na mikini o kekahi o na halewilik@ hou ma Pilipine.

 

            E alawa ae e na lala o ka Ahahui o ka Hale o na Alii o Hawaii, i ka hoolaha halawai kumau. e puka aku nei ma kekahi wahi o keia pepa.

 

E IKE IA KAUA HOAKANAKA

            Eia anei oe ke manao nei e kuai i mau lole hou no kau mau keiki kula?

            Ina eia oe ke manao nei pela, e kipa mai e ike ia makou.

            Ua hoea mai nei ka makou mau lole hou a eia ke kuaiia nei no na kumukuai haahaa loa.

            Eia pu manie e lao ai na Pihi o ka Ahahui Kamehameha.

HELE MAI: MAI HOOPEPE:

THE FASHION CLOTHING CO. LTD

1114 Alanui Papu, mauka iho o ke Alanui Hokele.