Ka Nupepa Kuokoa, Volume LXIII, Number 15, 10 April 1924 — UA HAALELE MAI KUU WAHINE ALOHA I KEIA OLA ANA. [ARTICLE+ILLUSTRATION]

UA HAALELE MAI KUU WAHINE ALOHA I KEIA OLA ANA.

Mr. Lunahooponopono o ke Kuokoa, Aloha oe a nui loa: —E oluolu mai hoi oe i kauwahi rumi kaawale o ka hiwahiwa a kaua, no ka hoike ana aku hoi i na ohana ame na hoaloha o kuu wahine heleloa, ua hala hoi i ke ala hoi 010 mai. Luuluu wale kuu lei aloha, ua hala! Owau no keia o kana kane e noho luuluu ae nei me na hoomanao pau ole iaia, kuu hoapili o na wahi apau aloha wale ia mau wahi a maua e noho ai. Va hanauia mai kuu wahine aloha mai ka puhaka mai o Mrs. ame Mr. Chas. K. Kulaniliakoi, ma Lihue, Kauai, iloko o ka mahina o Novej maba Toaha, la eiwa, makahiki 1874,

a ua piha iaia he kanaha-kumama-iwa makahiki o kona hanu ana i na ea oluolu o keia noho honua ana, a hala wale aku la oia me kana mau hana maikai, a'u e poina ole ai iaia. wale ia oe! E Mokapu e, kahi hoi a'u i noho aloha ai me kuu leialoha, a'u hoi e poina ole ai ke hea mai nei ia'u e, ua pau ko'u ike ana ia oe e kuu wahine aloha. Aloha wale ia wahi a kaua e helo ai, ua noho aloha ia e au me ka'u aliiwahine no na makahiki lehulehu he nui,.a haalele wale mai la oia ia'u kana kane aloha, e u hookahi mahope nei. Ua piha ia maua na makahiki o ko maua noho aloha ana he 28; ua pili ia e maua me kuu wahine alolia apuni o Oahu nei, me na inoa he nui, i noho hoomanawanui ia ai, a'u e poina ole ai iaia; kuu wahine leo ole, kuu wahine puuwai hamama kuu wahine heahea, kuu wahine a'u hoi e poina ole ai i kau mau hana lokomaikai i kou poe hoaloha apuni nei kapaleai o Kaakaukukui nei. E Nuuanu e, kahi a'u e hele ai me ]f uu wahine, ua anu, ua pau ko 'u |lohe ana aku i kou leo e pa-e mai | ana ia'u, aloha wale ia wahi e piliia ai e kaua! Ua kaama'i kuu wahine aloha no na mahina eono ame na pule keu, ekolu mahina i kaama'i ai ma ko maua home ma Kaakaukukui nei, o hoomanawanuiia ana me na ehaeha he nui mailoko mai o kela makahiki aku nei i hala ka hookau ana o ka ma'i iaia, i ka mahina 0 Okatoba, a komo mai i keia makahiki 1924, me ka hoomanawanui ahiki i kona hoihoiia ana iloko o ka Haukapila Moiwahine, a ua piha iaia he elua mahina me ekolu pule kona- noho hoomanawanui ana 1 na ehaeha a hala wale aku la oia. ' Ua haalele mai oia ia'u kana kane e u hookahi nona. Ua haule kuu wahine aloha iloko o Maraki i ka la 23, i ka po roaono a ao ae Lapule, i ka hora elua a oi. Aloha Avale kuu wahine hoomanawanui i na ehaeha nui, he mea oiaio ua Jawc aku la no ko maua Makua iloko o ka lani, no ka mea Nana no i hana mai, a Nana no i lawe aku la. Ko haawi nei au i ka'u hoomaikai ana laia a nui loa. Owau keia kana kane e lei luuluu ae nei i kona aloha, a'u hoi e poina ole ai i ka poe apau i hele ae e ike i kuu wahine aloha i haalele mai ia'u. Ke hoomaikai aku nei au no ka lakou mau makana pua i haawi ae ai me ke aloha a e mahalo pu ae no hoi au i na lala apau o ka hui Kaakaukukui ; mea na'u e poina o)e ai ia lakou, aloha wale kuu wahino i hoomanawanui liko* ai i ka liana a makou a haalelo mai la oe ia'u, e noho hookahi mahope nei mo ko'u mau hoomanao pau ole nou, alolia wale nof Ua hana kuu wahine aloha malalo o keia ahahui Kaakaukukui, ma ke ano he lunahoomalu oia no keia ahahui mamuli o kona kāa nawaliwali ana, ua hoohemahema mai oia ia makou apau na lala o keia ahahui, a e lilo no hoi kan» mau hana maikai i mea na'u e poina ole ai iaia. Oini au e paiauma ana ia oe e kuu wahine aloha i kou mau la o ka

ehaeha me ka ohana ole, ua noho hoomnnawanui ia e kaua ahiki i kou pauaho ana mai la ia'u kau kane aloha. Auwe kuu minamina pau ole ia oc! Ua hala, ua nele au ika makua ole, ua pau ko'u ike ana aku ia o<? e kuu wahine aloha aole hoi o kon hoi ana mai ka hana mai, e nolio ae ana oe, e kau ae ana hoi kou mau maka no ko'u hoi mai e papa e, o ai kaua ua po ka la, aloha ■wale ia leo ou e hea mai ai ia 'u ua pau ua anuanu kuu home, aole oe e kuu hoapili aloha no kaua a *iui loa. Ke hoomaikai ae nei au 1 kuu Makua iloko o ka lani; o na )auluu ame na kaumaha apau a'u e u hookahi ae nei, o oe no ka Mea Nana e lawe aku, a e kiai mai no Oe ia'u kau kauwa i hooneleia i ka makua, amene. Owau iho no me ka haahaa, ka oukou kauwa luuluu. HENEY KAIMI,

MRS. JXTIJLA. H. KAIMI,