Ka Nupepa Kuokoa, Volume LXIII, Number 15, 10 April 1924 — KAUIA KA HOOPA'I HOOPAAHAO NO LONG [ARTICLE]

KAUIA KA HOOPA'I HOOPAAHAO NO LONG

Mai ka elim«a makahiki ka haahaa, a i ka iwakalua makahiki ke kiokie, o ka hoopa'i ia i kauia mai e ka Lunakanawai Jamca J. Banks maluna o Henry K. Long, ka mea i ahewaia no kona komo aihue ana maloko o kekahi mau home lehulehu mawaho ae nei o Waikiki, me ka lawe aihue ana i na lole, ame na lako hoonani o na ivahine, mailoko mai o kela mau home. Aole o 3frs. Long maloko o ke keena hookolokolo, ma ka manawa i hoopukaia mai ai ka hoopa'i maluna o kana kane, ma ka Poaono aku la i hala, ua hiki ole iaia kc hoomanawlnui i na manao kaumaha, no ka hopena e kau mai ana maluna ona. Ua ae okoa o Mra. Long imua o ka aha, no kona komo pu ana e lawelawe i na hana i hookoia e kana kane, a ua hoopnneeia mai ke kau ana o ka hoopa'i maluna ona, mamuli o kana mau keiki liilii elua.

Mamua o ke kauia ana mai o ka hoopa'i maluna o Henry K. Long ua uwalo aku kona loio oia ka Lunakanawai Coko imua o ka aha, no ke kauia mai he hoopa'i mama maluna ona, mo ke kuhikuhi ana nku i ke kulana opiopio o ka mea i hoopiiia, a elike me ke ano o na kanaka opio, ua hana wale aku no oia i ke karaima, i wahi o !nko ai kana wahine, i i?a lole īnaikai. "Walu o ka hoakaka a ka Lunakanawai Batiks, iaia i hookau mai ai i ka hoopa'i maluna o Mr. Long, ua noii pono oia i ke ano o ke karaima i hanaia, ame ke kulana o Mr. Long, a ma ia noii ana, i loaa mai ai iaia ka ike, lie kanaka opio o Long i hoonaauao maikai ia, aka o ka pilikia nui, o ia no ka hiki ole iaia ke pale aku i ka hoowalewale, elike me ke ano i ike mau ia iwaena o na kanaka hana karaima apau. Ma kona hui kamaiUo pu ana me Mr. Long, i loaa pu aku ai iaia ka ike, ua lawelawe oia i ka hana wawahihale, i wahi e lako ai kana wahine me na mea nani; he hana hoi ana i hooko maoli aku ai mamuli o kona mnnao ponoi, aole me ka hookikina aku, nolaila ua hiki 010 iaia ke kau mai i kekahi hoopa'i maalahi maluna ona. Hookahi kumu o ka paa ana o Henry K. Long i ka hopuia, ame kana wahine, mamuli no ia o ka ikeia ana o Kekahi papale o ka aihueia ana mailoko mai o kekahi o na home mawaho ae nei o Waikiki, maluna o ke poo o Mrs. Long, o ka ona nona kela %vaiwai, oiai o Mr. ame Mrs. Long i lele aku ai mai ko kaa uwila aku mawaho a© nei o Kaimuki, a i ka wa i noke ia aku ai o Long i ka niele e ka Makaikiu Kellett, mahope iho o ka hopuia ana, i hua'i pau mai ai oia i kana mau waiwai apau i aihue ai, ame na home i komo aihue ia.