Ka Nupepa Kuokoa, Volume LXIII, Number 14, 3 April 1924 — AOLE NO I APONOIA KE KOMISINA MAKAI [ARTICLE]

AOLE NO I APONOIA KE KOMISINA MAKAI

O na hookoliu oihana o na lala o ke komisina makai, i waihoia mai 0 ka Meia Wilson, no ke apono ana aku a ka papa lunakiai, ma ka halawai i malamaia a ka papa, ma ka auwina la o ka Poalima nei, ua hoopaneeia aku la a no kekahi halawai hou aku, ma ke koho ana a na hoa Eepubalika o ka papa. 0 na lala o ke komisina makai, 1 waihoia mai ko lakou mau inoa imua o ka papa lunakiai, oia o Ambrose J. Wirtz, Jacob K. Ordenstcin ame Lang Akana, he mau inoa hou loa keia mai na inoa mua r.iai, i waihoia ae e lea meia, no na hoa o ko komisina makai, a i ku-e mau ia aku ai ke apono ana e na hoa Kepubalika o ka papa mamua aku nei. Ma ka manawa i waiho mai ai ka meia i kela mau inoa ae la maluna, no ka papa komiaina makai, ■ua noi koke mai 1 a ka Lunakiai Hollinger, e waihoia ka noonoo ana ma)una o ko lakou mau hookohu, a no kekahi manawa okoa aleu; ia manawa hookahi i waiho mai ai ka Lunakiai MeOlellan he paku'i i ke noi, no ke aponoia o ka hookohu. Ma ka ninauia ana o ka hoololi, ua haule, ma o ke koho ana o na hoa Demokarata o ka papa ma ka aoao o ka hoololi, a koho hoi na hoa Bepubalika, ma'ka aoao e ku-e ana i kela hoololi, nolaila ua hooholoia ke noi mua a ka Lunakiai Hollinger, e hoopanee ka noonoo ana i ka hookohu o na lala o ka papa komisina. Na Hana e ae O ka bila haawina no na mahina eono e nee aku nei, no ke Kulanakauhale a Kalana o Honolulu nei, u.a apono ka meia i na itamu apau o ka bila haawina, a koe ka itamu, no na hoolilo o ka hale auau o ka lehulehu ma Waikiki. Ua hookahua ka itamu, no na hoolilo o ka ha!e auau o ka lehulehu ma Waikiki. L'a hookahua ka meia i kona hoole ana i kela itamu, malalo o ke knmu, ua lawa no ka waihona mua, no ka hoohana ana aku i kela hale auau me ka pilikia ole no keia nee ana aku. He mau leka ka ka meia i waiho :se ai imua o ka papa lunakiai, o ka niua e apono ana oia, i ke noi mai ka Makai JSTui Trask aku, no ka hookohuia aku i kakiana makai nana kaa, no ka uku mahina o hookahi haneri me kanahiku-kumama-lima dala, a o ka lua, e apono ana oia i ke noi a Kauka Hanchett, e hookohu i kokua nona. Ua waihoia kela mau palapala a elua, i na komite, i kuleana i na hana o kela ano. Mai ia W. A. Wall ae he leka, imua o ka papa e hoakaka ana no kona hookohu ana aku ia A. C. Zablan i kokua kakauolelo noloko 0 ke keena o ka oihana wai, ma kahi o J. P. Awana i hoopauia, no ka uku mahina o hookahi hancr; me kanalima dala. No ka hoohalahala a H. H. Plemer o Waialua, ka hope makai nui mua o kela apana, no ka hoike mua ole ia ana aku o ka lohe iaia, ua hoopauia oia mai ka oihana aku, 1 heluhelu ae ai ka Hope Loio Kalana Kelley i ka manao kanawai e pane ana no leela hoohalahala, ma ke ano, ua ku i ka mana ka hoopauia ana o Mr. Plemer pela hoi ka hookohuia ana o D. K. Aiau o Waialua, i hope makai nui, He manao kanawai hou no kekahi i heluheluia ae e ka Hope Loio Kalana Kelley e hoakaka ana, i ke kuleana ole e ukuia o Thonias C. Blackwell i kona uku mahina ma ke ano he wiliki no kekahi o na hale paumawai, no ke kumu ua hoopauia oia mai ka hana aku. No ka hookohu oihana i hanaia aku e F. C. BcneTedes, ka lunanui 0 na paka nme na kahua paani, o ia ke koho ana ia Paul Niauhoe i mea kiai paka no Kalihi-kai, ma kahi o Noa Kaheahu i make, ua apono aku ka papa lunakiai i kela hookohu 1 hanaia. —