Ka Nupepa Kuokoa, Volume LXIII, Number 14, 3 April 1924 — HOPUIA ELUA MEA NO KE KOLOHE [ARTICLE]
HOPUIA ELUA MEA NO KE KOLOHE
No ka pulapu ana o kekahi mau kauaka elua, i na limahana o ka mahiko o Ewa, o ia ko laua hookohukohu ana, he mau limahana laua no ka hui hana nwila, no ka hoomoe ana i na uwea uwila maloko o na hale o na limahana, me ka ohi ana i kekahi huina dala mai na Kepani mai eha ame hookahi Pake, i paa ne ai o Louig Robollo ame Manuel Silva i ka hopuia, a e waiho loa ia aku ana ko laua hihia imua o ke kiuro kiekie. Ma ka hoakaka a ka Makaikiu Kellett, no ke ano o ka hana pulapu a kela mau kanaka, ma kekahi mau Ia ae nei i hala, ua hoea aku la laua no na kauhale o na limahana o ka mahiko o Ewa, a hoike aku la ua hiki ia laua ke hoomoe i na uwea uwila maloko o na hale o ka poe i makemake i na kukui uwila. No ka manaoio. o kekahi poe, he mau limahana kela mau kanaka no ka hui hana uwila, ua kauoha mai la na Kepani eha e hanaia ka uwila ma ko lakou mau hale, a pela hoi me kekahi Pake. Mai na ona pakahi mai o kela mau hale, i ohi mai ai laua he umikumamakolu dala, ma ke ano he hapa ia o ka uku no ko laua hana ana, aia a hookomo maoli ia ka uwila, alaila ukuia aku ke koena 0 na hoolilo no kela hana. Hookahi ka kumu i hiki ole ai ia laua ke hookomo i ka uwila maloko kela mau hale, o ia no ka ikaika loa o ka uwila ma ka uwea uwila o Ewa. Ma ka Poalua aku nei o ka pule 1 hala, ua ikeia kela mau kanaka, e hoao ana i ka 1 ava mau hana pulapu malalo ae nei o Pearl City, a 110 ka hoohuoi o ka Makai Eli Crabb, he mau hana pulapu wale no ka kela mau kanaka i ka lehulehu, i hopuia ai laua, a laweia mai no Honolulu nei. Ma ka Poakolu ae, i lawe okoa aku ai ka Makaikiu Kellett i kela mau kanaka nolalo o Ewa, no ka hoikeike ana imua o na ona no lakou na hale a lau a i hoomoe ai i na uwea uwila, a mahope o kona ninaninau ana aku ī kekahi.poe, me ka loaa ana mai iaia o na ike, no na hana a keia mau kanaka, i hooholo ai oia, e waiho loa aku i ko laua hihia imua o ke kiure kiekie, no ka ninaninau pono ana mai.