Ka Nupepa Kuokoa, Volume LXIII, Number 14, 3 April 1924 — Page 5
This text was transcribed by: | Kamehameha Schools Gift To Dr. Chun |
This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA. HONOLULU, T. H., POAHA, APERILA 3, 1924
E HOIHOI HOU IA ANA NO KINA
Aole e lilo ka hanauia ana o ke kili waiho Pake ma Hawaii nei, i komo nona e aeia ai e noho makemake ai me ka manao o na luna oihana o ka oihana hoopae linahana o Honolulu nei, aka e hoihoi hou ia aku ana oia no Kina.
Ua hanauia o Mrs. Wong ma Honolulu nei. ma ka la 8 o Maraki. o ka 1805 a i ka piha ana iaia o na makahiki ehiku, ua laweia oia no Kino a malaila oia kahi i noho ai ahiki i ka piha ana o na makahiki he umikumaono, ua mare oia i ke kane ma Kina, aka he hookahi makahiki mahope mai, ua make aku la kana kane.
Ma ka la 28 o ka mahina aku nei o Dekemaba o ka 1923, i huli nei hou mai ai o Mrs. Wong no Honolulu nei me kela manao o loaa hanauia ana maanei nei, ua haa iaia ke kuleana makaainana.
ua paaia oia ma ke keena o ka lehua hoopae limahana maanei nei. ahiki i ka hookuuia ana mai, ma loko o ka hoomalu, oiai e kakali ana o ka loaa mai o ka pane a ke kakauolelo o ka oihana hoopae limahana ma Wakinekona, no ka mea pono e hana aku ai nona.
O ka pane o ka hoounaia ana mai nei i na luna oihana maanei, o ia no ka hoihoi hou ana i kela wahine Puke no Kina; malalo o ke kumu, ua pau ke kuleana makaainana o kela wahine.
Oiai ka he makaainana Amerika i'o oia. mamuli o kona hanauia ana ma Hawaii nei, aka ua pau kela kuleana makainana ona, iaia i huli hoi hou ole mai ai no Hawaii nei, aole hoi i hele aku e hoopaa iaia iho. ma ke ano he makaainana Amerika. me ke Kanikela Pake ma kina, iloko o hookahi makahiki mahope o ka make ana o kana kane.
ua hoohalahala nae o Mrs. Wong, i na rula ana a ka papa o ka oihana hoopae limahana e ku-e ana i kona aeia e noho maanei nei, a ma ka la 21 o keia mahine e hooloheia ai kana mau kumu hoohalahala apau.
HOOPIIA AE HE KANAKA LIMA MUUMUU
Ma ka noho ana o ka aha hoomalu ma ke kakahiaka o ka Poalua iho nei he kanaka lima muumuu nona ka inoa o John Parker ka i hoopiiia ae o Claus roberts ka loio ma ka aoao hoopii. e ku-e ana ia Parker no ka hooha ana me kekahi wahine o Mrs. Florence Kim ka inoa. Ua haole oia i kona hewa ma ka manana a ka Lunakanawai Harry Steinen i ninau mai ai a ua hoopaneeia ka hoolohe hou ana i kona hihia no hookahi pule.
He hookahi wale no ka lima o nei kanaka a ua lilo ia i mea na ka poo o nana aku ana e ninau iho ai pehea la i hiki ai i kela kanaka lima muumuu ke hoeha i kela wahine.
o ka Pilipino i hopuia ae ai ma kekahi manawa aku nei i hala, nona ka inoa o Venancio Ardon, e na makaikiu a hookomoia ae ai he hoopii e ku-e ana iaia no ka pepehi hoomainoino ana i kana wahine, ua hoole ae oia i kona hewa ma ka manawa i ninauia mai ai e ka aha ma ke kakahiaka Poalua nei. Ma ka la apopo e hooloheia ai kona hihia e ka aha hoomalu.
Ma ka hora 1:00 o keia Sabati iho, Aperila 6. e malama ae ana ke kalapu Demokarata o ka Mahele la apana elima i ka halawai a ke kalapu ma Aala Paka.
HALE O NA ALII O HAWAII
(Ahahui Poo)
E malamaia ana ka halawai kumau o ka (Ahahui Poo) o kahale o na Alii o Hawaii, ma ka Phoenix Hall, i keia Sabati iho. Aperila 6, 1824 ma ka hora 2 p.m.
Ma ke kauoha a ka Iku Hai,
W. J. Coelho,
Iku Kau,
602--Apr. 3
Pahu himeni Victrola o na ano like ole, no lakou na kumukuai mai ka $25.00 a pii aku.
Na Pa Mele Hawaii ame na Pa Mele Hou loa ua hoea mai nei.
E kipa mai e ike ia makou.
Ua hiki ia makou ke hoonanea ia oe me ka makou mau leo mele hou loa.
HAWAII SALES CO., LTD,
Nuuanu mauka koke aku o ke Alanui Moi, Hamama ma na ahiahi.
HOOLE KE KOMISINA I KE NOI HOOPII HOU I KA UKUKAA
O ke noi a ka hui kaa uwila, ma o kona mau lunanui la, i ke komisina o na hana o ka lehulehu, e aeia aku kela hui, e hoopii hou ae i ka uku o na ohua e kau ana maluna o na kaa uwila, ma keia mua aku, mai ka elima keneka, no ke alahele hookahi, ua hoole ke komisina i kela noi, ma ka halawai a ke komisina o na hana o ka lehulehu, i malama ae ai ma ka Poaha aku nei i hala.
Ma ka leka a ke komisina o na hana o ka lehulehu, i hoouna aku ai ia H. Stuart Johnson, ka lunanui o ka hui kaa uwila, e hoakaka ana ia i ka hoole ana o ke kimisina i ke noi a ka hui kaa uwila, e hoopii hou ia ka uku o n aohua o ke kaa uwila, malalo o na kumu, i waihoia mai e ka hui, imua o kela komisina.
Ma ka palapala noi a ka hui kaa uwila, o ka waiho ana ae, no ka ae aku o ke komisina, i kela manao hoopii hou i ka uku ohua, o na kaa uwila, e hoakaka ana ia, no ka nui o na hanahou e lawelaweia aku ana, ma na alahao kaa uwila, mamuli o kela mau hana, ua hiki ole e lawa na dala, ma ka aoao o ka hui, no ka hoohana ana aku; pela hoi kekahi mau hale hou e kukuluia aku ana, no ka pono o ka hui kaa uwila.
no na hora elua ka noho ana o ke komisina o na hana o ka lehulehu e noonoo i kela palapala noi, a o ka hopena i oili ae, o ia no ka manaoio o ke komisina, aole i lawa na kumu ma ka aoao o ka hui kaa uwila, elike me ia i waihoia ae ai, e hiki ai ke aeia aku ke noi.
O ka manao ana o ka hui kaa uwila, e hoomoe aku i mau alahao hou, a i mau alahao palua paha, elike me ia e ikeia nei ma ke alanui Moi i keia manawa, o ke alahele wale no e pono ai i ka hui ke hana, o ia ka aie ana i ke dala mai kekahi wahi mai, a i ole, hoomahuahua hou ae i kona kumuwaiwai, aole ma ke koi ana aku i ka lehulehu, e uku i na ukukaa oi ae, i ko keia wa e kakiia nei.
Ma na mea e ae a ka hui kaa uwila o ke noi ana mai, o ia ka hana hou ana i na alahao kaauwila, ame ke kukulu na aku i mau hale hou, ua haawi aku ke komisina i na apono ana; aka no ka uku o na kaa uwila, e mau aku ana no ia elike me ia i keia manawa, ahiki i ka wa e ikeia ai, aia he mau kumu kupono kekahi ma ka aoao o ka hui kaa, e waiho mai ai, no ke aponoia aku.
HOPUIA O A. L. CASTLE NO KA HOLONUI
Ma ka hora eiwa o ka po o ka Poakahi iho nei, i hopuia ae ai o A. L. Castle, no ka hewa holonui, e ka Makai Mokokaikala J. P. Gomes.
Ma na mea e pili ana i keia hopuia ana o Mrs. Castle, ua hoakaka ae ka Makai Gomes, no ka hookele ana o Castle i kona kaa ma ke ano puahia, ma ke alanui Kalakaua, ahiki i ka hooku'i ana aku me kekahi kaa otomobile, e ku ana ma ka aoao o ke alanui, mawaho mai o ka home o Baker, e kokoke ana i ke alanui John Ena.
e ku ana ka Makai Gomes ma ke kihi o na alanui Kalakaua ame John Ena, me kona kamailio pu ana me A. Castro; a iloko o ko laua nanea, ua lohe aku la oia i kekahi mea kani, kohu aku la oia i kekahi mea kani, kohu hooku'i ana o na kaa otomobile, he oiaio, iaia i hele mai ai e nana, i loaa mai ai iaia ke kaa o Castle, ua hooku'i i'o me ke kaa otomobile e ku ana mawaho mai o ka home o Baker.
Ua ikaika maoli ka kela hooku'i ana, no ka mea ua upepe ohope o ka aoao hema o ka kaa otomobile i hooku'iia aku ai, a ua haiki hoi kekahi mau kukuna o ka huila mahope.
PAHU'A KA MANAO E LAWE I KE OLA
O ka manao laweola o kekahi Pilipino o John Filisiano ka inoa, ua hoopahu'aia ia, mamuli o ka hoea koke ana aku o kekahi makai, a lawe ae la iaia no ka halema'i o na poino ulia, ma ke kakahiaka nui o ka Palua, o ka pule aku la i hala.
Ua hoao mua kela Pilipino e kaawe iaia iho maloko o kona rumi, eia nae ua hoopakeleia ae oia mai ka make mai, ma o ka hoea ana mai o na lima kokua i ka manawa kupono; ua hoao pu oia e lele iloko o ke kai ma ka uwapo o Haaliliamanu, o ka papa'u nae o ke kai, ke kumu o kona piholo ole ana ilalo, a mai lawelawe aku paha oia i kekahi mau hana e ae e hookoia ai kona makemake e pau ke ola ana ma keia ao, in a aole i hoea koke aku kekahi makai, a kaa aku la oia malalo o ka malu o ke kanaka o ke aupuni.
O ke kumu o ka makemkae ana o kela Pilipino e lawe okoa ae i kona ola, elike me na mea i hoakakaia ae e ka Makai Prestidge, mamuli ka ia o ka maikai ole o kona noho ana me kana wahine.
ua kamailio aku ka wahine a kela Pilipino iaia, ua pau kona noonoo hou ana aku nona, a e haalele ana oia, a hoi aku me kekahi kanaka okoa e noho ai, mamuli o kela mau olelo a ka wahine, ua lilo ia i kumu e hoopilikiaia ai kona noonoo ahiki i kona kaawe okoa ana.
Me kekahi kaula, i kaawe ai kela Pilipino maloko no o kona rumi, a i ka ike ana o ka wahine i keia hana, ua kahea ae la oia i mau kokua, a oiai he nui ka poe e noho ana maloko o Pela hale hoolimalima, ua holo mai la he elua mau kanaka, a na laua i oki i ke kaula a moku, a hookuu iho la i ka pilipino ilalo.
aole nae i lilo ka hoopakeleia ana o kona ola, i kumu no ua Pilipino nei e hoopau ae ai i ka manao e make, no ka mea ua holo aku la oia no ke kahawai o Nuuanu, a lele aku la iloko o ke kai, aole nae oia i piholo no ka papa'u o ke kai, aohe nae he wa a haule pono oia iluna o kekahi pohaku nui, ina paha ua hookoia kona makemake.
Ma ka manawa i laweia ae ai kela Pilipino no ka halema'i o na poino ulia, a i ka nanaia ana o kona kino, i ikeia ai kekahi mau mok-pahi ma kona umauma, me he mea la, ua hoohana mua oia i ka pahi, a ike paha i ka eha, alaila hoao e kaawe.
MA KA LA 18 O MEI E HOOLAAIA AI KA LUAKINI HOU
No ka hoolaa ana i ka halepule hou o Kaukeano e ku nei ma Kapunahou o ka peresidena o ke kula kahunapule o ka pakipika ma Berkeley Herman F. Swartz, D. D. ka mea haiolelo ma ia la, a e hoea mai ana oia i Honolulu nei ma ka la 13 o Mei, i kulike me ka lono o ka loaa aha ae ma ka uweaolelo a i hoikeia ae hoi ma ke akea e ka Rev. Albert W. Palmer ke kahunapule o Kaukeano ma ke kakahiaka o ka Sabati nei.
Ma ka la 18 aku e hoolaaia ai ia luakini hou a o ke Dr. Swartz ka mea haiolelo i kupono no ia hana hoolaa. Iloko o ia hebedoma holookoa mai ka la 18 aku a ka la 25 o na ana pili hoolaa wale no ke malamaia ana ma ia mau la komo pu me na hana himeni hoolaa ame ka hoolaa ana i na mea e ae apau.
Ua lao pu ae ka he lono ma ke kelekalapa uwealole mai ia William W. Carruth mai, oia pu kekahi e hoea mai ana maluna mai o ka mokuahi like me ka Dr. Swartz, no ka hookani ana i ka okana no keia mau hana hoola. O Mr. Carruth ke poo o ke keena o ka Mills Colelge he haumana i puka maikai mai mai ke kula A'o meakani o ke kkula nui o iale, a he haumana hoi na Jepsen ame Parker, na kumukula kaulana i ka hookani okana o ke kula nui o iale. ua ao pu ia oia e Widor, ke kanaka hookani okana Palani i kaulana ma St. Sulpice maloko o ke Kulanakauhale o Parisa, a he lala hoi no ka ahahui o ka poe hookani okana American Guild.
Ua paa ka luakini hou o kaukeano i keia la a he mau hooponopono liilii loa ka koe e hoomaemaeia mai nei a e pau loa ana nae na hana mamua ae o ka manawa e hoolaaia ai. o ia kekahi o na halepule nani a hiehie o ke kulana maloko o ka kulanakauhale nei o Honolulu, a ua kukuluia hoi ma kahi maluhia a kaawale loa mai na kaa uwila hanakuli a hoohaunaele mai i ka manawa haipule, kekahi o na kumu i hookaawaleia aku ai ia luakini ma Kapunahou.
SACRAMENTO, Mar. 31--O kaleponi kekahi e akoakoa aku ana ma o kona mau elele la i ka ahakuka a na kanaka hanai holoholona ame na kanaka hooulu huaaui ma ke kulanakauhale o loko paakai no ke kukakuka ana e hoolokahi ia ai ke kau ana i na hookapu maluna o na meaulu apau ma Kaleponi mamulio ka ma'i luku ka eha ma ka waha ame ke kapuai wawae o na holoholona, o ia ka mea i hoikeia ae i keia la.
WAIHO KA LOIO KUHINA H. M. DAUGHETY I KA OIHANA
Mamuli o ke noi mai ka peresidena coolidge mai, e waiho aku oia i kona kulana oihana, ma ke ano he loio kuhina no ke apununi, i hooko aku ai ka loio kuhina harry m. daugherty ia noi, ma ka poalima aku la i hala, i kulike ai me ka lono kelekalapa o ka hoounaia ana mai no honolulu nei ma kela la, mai wakinekona mai.
ma ka manawa i waiho aku ai ka loio kuhina daugherty i kana palapala haalele oihana, i ka peresidena coolidge, ua apono koke ia mai ia, me ka hoohakahakaia o kela kulana oihana, no ka hoopihaia mai e kekahi mea hou ma ia wahi.
o ke kumu nui nana i kono aku i ka Peresidena Coolidge, e noi mai i ka loio kuhina Daugherty, e waiho aku i kona kulana oihana, mamuli o kona manaoio ana, aole e lawelaweia ana na hana o ka lehulehu ma ke ano kupono, oiai e kupale ana o Daugherty, no na iho ma na mea e pili ana i na kumu hoohalahala ku-e iaia no ka huikau pu ana iloko o na hana poholalo, e noke ia mai la i ko noii e na hoa o ka ahaolelo lahui.
ma ka hoakaka a ka loio kuhina daugherty, he elua ka manawa mamua aku i hoike okoa aku ai oia i kona manao i ka peresidena coolidge, no ka waiho ana i kona kulana oihana, aka ua ka-ua mau mai ka peresidena iaia, a no kona noi okoaia ana aku e waiho mai i ka oihana, i ae koke aku ai oia, me ka hoohalakaia ol eiho, i ka haalele ana i na hana apau o ke keena o ka loio kuhina.
E LOAA ANA HE WAHINE LOIO HOU MAANEI
i hakalia wale no i kona waiho ole aku i kana palapala noi, no ka ninaninauia mai, e lilo i loio, pela i hakalia loa ai, ka ike ana ae a ko hawaii nei poe, i kekahi wahine loio hou, a o ka elua hoi o na wahine loio maloko o keia Teritore oia o Miss Garrick Buck.
No na mahina eono ae nei i hala, i hoea mai ai keia wahine no Honolulu nei, a ke noho mai nei oia maloko o ke keena o ka Loio Pittman, ma ke ano he kakaupokole, ma na hana pili kanawai apau, a o ka mea no hoi nana e kokua mai nei i ka Loio Pittman , ma ka hoomakaukau ana, i ka hihia o Dan S. K. Pahu.
Ua komo aku keia wahine iloko o ke kula a'o loio o Kaleponi Hema, a ua hookuuia mai oia i ka makahiki 1921, me ka loaa ana iaia o ka palapala laikini loio piha, no ke ku ana imua o na aha hookolokolo apau o Kaleponi, a he loio oia mamua o kona hoea ana mai i Hawaii nei.
O ka wahine mua loa i loaa iaia ka laikini loio e noho nei ma keia kulanakauhale oia o Miss Maquerite Ashford, ke kaikamahine a ka Lunakanawai Ashford i make.
AU AKU AU MAI KA RAMA ILOKO O KA RUMI
mahope o ka hoopanee ana o ka aha federala ma ke kakahiaka poalua nei ma ka manawa o ka hooloheia ana o ka hihia o jose G. serrao, ke pukiki puhi rama o hilo, no ke ku-e i na kanawai hookapu waiona, ua hapaiia ae la na eke huluhulu i piha me na omole rama no ka hoihoi ana aku maloko o kekahi rumi.
o na eke huluhulue i piha me na omole he mau mea hoike ia ma ka aoao o ke aupuni, a he mau rama hoi i laweia mai i honolulu nei mai kela wahi mai o Serrao i hopua ai ma hilo. I ka manawa o hapaiia mai ana kekahi o ia mau eke huluhulu i piha me ua omole rama e Herman Clark, ka hope ilamuku, a i ka hiki ana mai ma kahi o ka puka, o ka manawa no ia o kekahi kikiao makani ikaika i pa mai ai a upa mai la i ke panipuka a pa mai la i ke eke i piha me na omole a nahaha iho la na omole iloko o ka eke, a au akku a au mai ka rama iluna o ka papahele. he mau glani okoa kekahi maloko o ke eke i pau i ka nahaha. a oiai na hoomaha ka aha ia manawa mamuli o ka hoopaneeia ana a noho hou e hoolohe i ka hihia o Serrao ma ke kakahiaka o nehinei ua nee ae la ka ka poe e noho ana maloko o ka rumi ia manawa i ka akaaka a pau pu me ka lunakanawai John De Bolt.
KA MANAWA AME NA HAAWINE HOIKE HAPAHA O NA KULA SABATI
manawa haawina
Kaneohe Aperila 13 malaki 23
waikane Aperila 20 malaki 30
hauula Aperila 27 Aperila 6
Kauku Mei 4 Aperila 13
Waialua Mei 11 Aperila 20
Makua Mei 18 Aperila 27
Waianae Mei 25 Mei 4
Ewa-Puuloa June 7 Mei 11
Kalihi-M June 14 Mei 18
Kaumakapili June 12 Mei 25
Kawaiahao June 28 June 1
E makaala na kula sabati pakahi i ko lakou manawa ame ka haawina hoike o ka hapaha.
SAM K. HAHELE.
K. K. Kula Sabati nui o Oahu.
MAHALOIA KA HOLOMUA O NA HANA MA MOLOKAI
Ua nui ka hauoli o Rudolph M. Dunean, ke kakauolelo mana hooko a ke komisina o na home hawaii no kana mau mea o ka ike ana aku nei ma ka aina hoopulapula kalanianaole ma molokai, mahope o kona hoohala ana aku nei i kekahi mau la malaila ma ka hele ana e nana i na aina, elike me kana o ka hoike ana ae ma ka manawa ana o ka hoi ana mai ma ka poakahi nei.
O kekahi o na mea ano nui a Mr. Duncan o ka hoike ana ae ma kona manawa o ka hoi ana mai o ia ka olelo hooholo a ke kalana o maui e uku hou mai ia i ke komisina ka huina o aneane $800 a ke komisina i hoolilo aku ai no na alanui i hanaia malalo o na hoolilo o ke komisina, ma ke ano o kekahi hapa ia o ka hana ano nui o ka hoolilo o ke komisina, ma ke ano hoopulapula ana ma Molokai.
no ka hooponopono ana i na moohelu waiwai o ka home hookuonoono, ka hoomakaukau ana i na moraki ame kekahi mau palapala e ae e pili ana i na aina ma molokai no ke kakauinoa ana iho o ke kiaaina Farrington, ka lunahoomalu o ke komisina i lilo ai ka hapanui o na la a Mr. Duncan i hoohala ai ma molokai, elike me kana o ka hoike ana ae.
o ka paamare mua loa e hoohuiia ana maluna o na aina hoopulapula ma ka la aku la i nehinei i awaiauluia ai. o na aina i hoolaaia no ke kanu ana aku i ka halakahiki, ua pau i ka nanaia, ua pau ka aina i ka hoomaemaeia mamuli o ke kokua a kekahi mikini mahu o 10 tona i hooleleia ai ma pukoo a laweia mai maua ahiki i kahi i makemaekia nana e hoomaemae i na kumulaau kiawe.
Ke hoomakaukau mai la ka Enekinia Jorgensen e ana i mau aina hou ma hoolehua ame palaau o 40 eka o ka apana hookahi no ka hookuonoono ana, a ia Mr. Duncan i hele aku ai e nana i na aina o ka enekinia jorgensen ame C. A. Stobie, ka mea malama buke helu waiwai a ke komisina, pu kekahi. ma ka la 20 o Maraki i hala ka haalele ana iho o nei mau keonimana ia honolulu nei no molokai.
KEKAHI MAU HIHIA O KA OIHANA HOOMALU
he $15 ka hoopa'i o Miss K. Ryan i hoopiiia ae ai no ka hooku'i ana o ke kaa oio ana e kalaiwa ana me ke kaa e kalaiwaia ana e K. F. Wong ma ke kihi o na alanui kapahulu ame waialae mahope o ka maopopo ana o ka pili o ka hewa iaia no ke kalaiwa ana i kona kaa me ka noonoo ole i ko hai pono.
He kaa oto e hookeleia ana e George Armitage- ka i hooku'i me ke kaa e kalaiwaia ana e H. Yamasaki ma ke kihi o na alanui Kapiolani ame Lunalilo ma ka hora 7 o ke ahiahi Poakahi nei. He ohua e kau ana maluna o ke kaa oto o kalaiwaia ana e yamasaki ka i laweia ae i ka halema'i o na poino ulia no kekahi mau moku ma kona poo a ma ka helehelena i na aniani nahaha o ka pale makani omua o ke kaa. ma ka hoike a ka makai homes o ka hoike ana ae, o armitego ka ka mea i pololei ka holo ana o kona kaa ma ka aoao pololei o ke alanui.
O na kanaka opio i paa ai i ka hopuia ma Waialua no lakou ka heluna he elima, a no lakou hoi na inoa o George McShane, John Wilson, Henery Kalama, Alfred WOn, ame John Kamana, ma ke kakahiaka o ka poakahi iho nei ka hoihoi nui ia anamai i honolulu nei e ka hope makai aiau, a hookomoia ae he hoopii no lakou no ka aihue ana i ke kaa ot o nakagawa ma ka po o ka poaono o ka pule aku la i hala. aole o ka aihue wale no ka hana hewa a nei mau opio, o ka hoololi pu ana ka kekahi i ka helu o ke kaa a hoomaka aku la ka holo lealea ana no kela huli koolau o keia mokupuni me ka manao e pakele ana, paa e mai nae i ka hopuia e ka hope makai aiau ma waialua.
Ma ka hora umi-kumamakahi o ka po o ka poakahi nei, i holapu ae ai ke ahi i ka hale kaa otomobile o kekahi kepani nona ka inoa o M. Uyeno, mauka ae nei o manoa; a ma na mea i kohoia aia ma kahi o ka ekolu haneri dala ke poho ma kela pauahi.
HOOLAHA KUAI O KA AINA AUPUNI
ma keia ka haawi aku nei ka hoolaha akea ma ka hora 10:00 a. m., poaono, mei 3, 1924, ma ka puka mamua o ka hale aupuni kalana, lihue, kauai, malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka pauku 73 o ke kanawai kumu o hawaii, na pauku 348 ame 358 o na kanawai hooponopono hou ia o hawaii o 1915, ame ke kanawai 143 o na kanawai ahaolelo o 1917, ke koena aina aupuni pa-hale malalo iho nei:
Koena Aina Aupuni ma waioli,
hanalei, kauai, nona ka iliana o 3,849 kapuai kuea, oi aku a emi mai paha.
E kaa no ka apana e kuai hoolilo ia aku ana maluna ae malalo o keia kumu aelike penei:
1. kumukuai haahaa $25.00
2. Kuiki ma ka manawa e haule ai o ka hamare.
3. e uku no ka mea iaia e lilo ai i na hoolilo no ka hoolaha ana mahope iho o ke kuai ana.
4. o ka makaainana wale no o na Mokuaina Huiia o Amerika a i ole o kekahi mea paha i hoike ae i kona manao e lilo i makaainana Amerika, ke lilo i mea kuai mai.
O ke kii palapala aina e hoikeike ana i ka aina e kuaiia aku ana, eia ka waiho nei ma kahi o na palapala, a e ikeia no ma ke keena o ka hope-akena aina, hale aupuni kalana, lihue, kauai, a i ole ma ke keena o ke komisina o na aina aupuni, hale kupitala, honolulu.
no na hoakaka aku i koe e noi ae ma ke keena o ka hope-agena, Mr. J. M. Lydgate, hale aupuni kalana, lihue, kauai, a i ole ma ke keena o ke komisina o na aina aupuni, hale kapitala, honolulu.
hanaia ma honolulu, maloko o ke keena o ke komisina o na aina aupuni i keia la 31 o maraki, A. D. 1924
C. T. BAILEY,
komisina o na aina aupuni 6602--Apr. 3, 10.
HOOLAHA KUAI O KA APANA AUPUNI
ma keia ka haawiia aku nei ka hoolaha akea, ma ka hora 10:00 a.m., poaono, mei, 3, 1924, ma ka puka mamua o ka hale kalana, lihue, kauai, malaila e kuai hoolilo ia aku ai i ka mea koho kiekie loa malalo o na manao o ka puaku 73 o ke kanawai kumu o hawaii na pauku 348 ame 358 o na kanawai hooponopono hou ia o hawaii o 1915 ame ke kanawai 143 o na kanawai ahaolelo o 1917, ka apana pa-hale malalo iho nei.
apana 80, na apana taono o
hanapepe, hanapepe, kona,
kauai, nona ka iliaina o 10,654
kapuai kuea oi aku a emi mai
paha.
E kuai hoolilo ia aku ana ka apana maluna ae malalo o na kumu aelike ame na kulana apau o na aelike kuai kuikawa i hoopukaia e ke keena o ke komisina o na aina aupuni, a malalo hoi o na kulana mahope ae nei e hookomoia aku ana ma ke ano he mau aelike ame kulana paku'i maloko o ka aelike kuai kuikawa e hoopukaia aku ana e apo ana i ka apana i oleloia.
1. he mea pono e kukuluia i halenoho nona ka lilo aole e oi aku mamua o $2,500.00 maluna o ka apana i oleloia, iloko o elua (2) makahiki mai ka la aku o ke kuai.
2. e pono e noho hoomau ka mea iaia e lilo ai maluna olaila, no hookahi (1) makahiki iloko o na makahiki mua (3) ekolu mai ka la aku o ke kuai.
3. e uku ka mea iaia e lilo ai i kela ame keia makahiki ma keia hope aku i na auhau malua o ka waiwaiio o ke koina o ka aina i oleloia ame na auhau e ae e kauia mai ana a e auhauia mai ana maluna iho i ole e pili ana i ka aina oleloia, a no kekahi kuleana paha iloko olaila.
4. e hoopukaia no ka palapala sila ekolu (3) makahiki mahope aku o ka la o ke kuai i ole ma kekahi manawa ma ka pau ana o ke koi pili kukulu hale ame hookahi (1) makahiki o ka noho ana.
e kaa ke kuai o keia apana malalo o keia mau kulana:
a. kumukuai haahaa, $160.00.
b. aelike, kuike ma ka haule ana o ka hamare.
c. e uku ka mea iaia e lilo ai i na hoolilo apau o ka hoolaha ana ame na kaki e ae apau i pili me ka hoomakaukau ana i ka aelike kuai kuikawa e hoopukaia aku ana mamuli o keia kuai.
d. o ka makaainana wale no o na mokuaina huiia o amerika. a i ole o kekahi mea paha i kukala ae i kona manao e lilo i makaainana ke lilo i mea kuai mai.
o ke kii palapala aina e hoikeike ana i ka apana e hooliloia aku ana ame ke ano o ka aeliko kuai kuikawa eia ka waiho nei ma kahi o na palapala a e ikeia no ma ke keena o ka hope-akena, hale kalana lihue, kauai, a i ole ma ke keena o ke komisina o na aina aupuni, hale kapitala, honolulu.
no na hoakaka i koe e ninau ae ma ke keena o ka hope-akena, Mr. J. M. Lydgate, Hale kalana llihue, kauai, a i ole ke keena o ko komisina o na aina aupuni, hale kapitala, honolulu.
hanaia ma honolulu maloko o ke keena o ke komisina o na aina aupuni, i keia la 28 o marak, A. D. 1924.
C. T. BAILEY
komisina o na aina aupuni 6602--Apr. 3, 10.
HOOLAHA KUAI O KA APANA AUPUNI
ma keia ka haawiia aku nei ka hoolaha akea, ma ka hora 10:00 a.m., poaha, mei 1, 1924, ma ka puka mamua o ka hale kapitala honolulu, T. H., malaila e kuai hoolilo ia aku ai i ka poe koho kiekie loa malalo o na manao o ka pauku 73 o ke kanawai kumu o hawaii, na pauku 348 ame 358 o na kanawai hooponopono hou ia o hawaii o 1915 ame ka kanawai 143 o na kanawai ahaolelo o 1917, na apana aupuni no na hana pa-hale ma na ihona hema o puowaina, honolulu oahu elike me ia malalo iho nei:
Apana 523-B, na APana Ihona o Puowaina nona ka iliaina o 4,000 kapuai kuea, oi aku a emi mai paha. kumukuai haahaa, $800.00.
apana 523-C âme 524-C, na apana ihona o puowaina, uona ka iliaina o 6.040 kapuai kuea, oi aku a emi mai paha. kumukuai haahaa $755.00.
Apana 524-B na Apana Ihona o Puowaina, nona ka iliaina o 4.800 kapuai kuea, oi aku a emi mai paha. kumukuai haahaa, $600.00
Apana 525-B, na apana ihona o puowaina, nona ka iliaina o 3,840 kapuai kuea, oi aku a emi mai paha. kumukuai haahaa, $480.00.
Apana 525-C, na apana ihona o puowaina, nona ka iliaina o 5,516 kapuai kuea, oi aku a emi mai paha. kumukuai haahaa, $689.00.
Apana 526-B, na apana ihona o puowaina, nona ka iliaina o 10,040 kapuai kuea, oi aku a emi mai paha. kumukuai haahaa, $1,255.00.
Apana 527-A, na apana ihona o puowaina, nona ka iliaina o 6,121 kapuai kuea, oi aku a emi mai paha. kumukuai haahaa, $765.00.
Apana 528-A, âme 529-A, na apana ihona o puowaina, nona ka iliaina o 12,111 kapuai kuea, oi aku a emi mai paha. kumukuai haahaa, $1,514.00.
Apana 530-A, na apana ihona o puowaina, nona ka iliaina o 9,960 kapuai kuea, oi aku a emi mai paha. kumukuai haahaa, $1,244.00.
E kuai hoolilo ia aku ana nana apana maluna ae malalo o na kumu. aelike me na kulana apau o na aelike kuai kuikawa i hoopukaia e ka keena o ke komisina o na aina aupuni, a malalo hoi o na kulana mahope ae nei e hookomoia aku ana ma ke ano he mau aelike ame kulana paku'i maloko o ka aelike kuai kuikawa e hoopukaia aku ana e apo ana i na apana i oleloia:
a. e kuai hoolilo ia aku ana na apana apau maluna ae me ke koe o ka apana 523-B malalo o ka hamu (1) me ka maopopo loa aole lakou i hoolakoia me ka pono alahele a aole i hoopaa ke teritore iaia iho no ka hoolako ana ia mea. e hookomoia ana he pauku hoakaka ao keia mea maloko o na palapala sila e hoopukaia aku ana e apo ana i na apana e hooliloia aku ana mamuli o keia kuai.
b. e ukuia ka hookahi-hapaha o ke kumukuai e lilo ai ma ke kuike ma ka haule ana o hamare a o ke koena aku iloko o na uku liilii like ana ekolu ma ka makahiki, me ka ukupanee ma ke 6% o ka makahiki maluna o kekahi koena i uku ole ia.
c. e uku ka mea iaia e lilo ai i kela ame keia makahiki ma keia hope aku i na auhau maluna o ka wiawaiio o ke koina o ka aina oleloia ame na auhau o ae e kauia mai ana a e aehauia mai ana paha maluna a i ole i pili i ka aina i oleloia a i kekahi kuleana paha iloko olaila.
d. e hoopukaia no ka palapala sila iloko o ekolu (3) makahiki mai ka la aku o ke kuai a i ole iloko o kekahi manawai i ka wa e uku piha ia ai ke kumukuai i lilo ai, ka ukupanee ame na auhau i ka teritore e pili ana i ka apana pakahi i hooliloia.
ua kaa ke kuai hoolilo o keia mau apana malalo o keia mau kulana mahope ae nei:
1. e uku ka poe ia lakou e lilo ai i na hoolilo apau o ka hoolaha ame na kaki e ae apau e pili ana me ka hoomakaukau ana i na aeliko kkuai kuikawa e hoopukaia aku ana mamuli o keia kuai.
2. o ka makaainana wale no o na mokuaina huiia o amerika a i ole o kekahi mea paha i kukala ae i kona manao e lilo makaainana ke lilo i mea kuai mai.
3. kumu aelike, kuike ke makemake kekahi mea kuai mai a i ole he 25% uku liilii elike me ia i hoakakaia ae nei maluna.
o ke kii palapala aina e hoikeike ana i na apana e hooliloia aku ana ame ke ano o ka elike kuai kuikawa eia ka waiho nei ma kahi ua palapala a e ikeia no ma ke keena o ka komisina o na aina aupuni, hale kapitala, honolulu.
no na hoakaka aku i koe e ninau ae ma ke keena o ke komisina o na aina aupuni, hale kapitala, honolulu.
hanaia ma honolulu maloko o ke keena o ke komisina o na aina aupuni, i keia la 28 o Maraki, A. D. 1924.
C.T. BAILEY
Komisina o na Aina Aupuni 6602--Apr. 3. 10.
"Ke Noonoo Nei Anei Oe No Ka Pono o Kau Mau Keiki?"
Ina eia oe ke noonoo nei no ka pono o kau mau keiki no ko lakou ola ana o keia mau aku, o kau hana aloha oi kelakela loa no lakou, o ia no kou haawi ana i kou ikaika apau e loaa pakahi ia lakou na.
HOONAAUAO KIEKIE ANA
a o ke alahele e loaa ai ia lakou ia mea o ia no kou hoomaka koke ana e
HOAHU I KAU MAU WAHI KENIKENI LIILII
me makou i keia la
The Bank of Bishop & Co., Ltd.
Ka banako kamaaina i na Hawaii
No Keaha Mai ke Poheoheo Puka?
Ina o ke kumupale no ka hanaia ana o ke poheoheo puka, no ka wehe ana i ka pukla, alaila ua hiki no ke hookomo i laka umii ma ka hao.
aia kekahi mau waiwai e ae. o ka poheoheo puka o ka mea hookipa mua ia ma na home apau e hoakaka mai ana i ka noeau o ka hoohiwahiwa ana a ka poe maloko.
mamua o kou kukulu ana i hale, e wae me kou mea kahakii i na laka ame na lako hao e ai aku ai ka nani ame ka maalahi o kou home hou.
Aia na
Laka & Hao
SARGENT
no cela âme keia kii âme ka hoohiwahiwa ana.
LEWERS & COOKE, LTD.
põe leoa ma na lako kukulu hale mahope mai o ka 1852
169-177 Alanui Moi Hema