Ka Nupepa Kuokoa, Volume LXIII, Number 13, 27 Malaki 1924 — HE HOOMAIKAI [ARTICLE]

HE HOOMAIKAI

Ma ka aoao o ka Ahahui Hooikaika Kristiano makua o Waianae, mao mau komite la, ke pahola aku nei i na hoomaikai h& nui ina makamaka, na hoaloha, amo na haipule oiaio, no na kokua aloha i haawi ia mai no ka holomua amo ka pomaikai o ka liana a ke Akua. A elike me ia i hookakaia maloko o na tikiki i kuai ia aku ina hoaloha, o ia hoi ma kela ahiahi Poaono aku la i hala, Maraki 22, 1924 ; e wehe ia ai he ahamele ma Waianae, no ka pomaikai o ka C. E., o Waianae, a ua hooko i'o ia ia hana ma ka wehe ia ana o ua «hamele nei iloko o ka Waianae Theatre. Ua hoea ae na kini lehulehu e ike kumaka ina hana o ia po, a i ka hora 7:30 p. m., i hoomaka ia ai na hana, a i ko kuupau ana mai o na loea puukani o ka Bana Hawaii me ka lakou mau meakani e kikoni palamimo iho ana me ko lakou mānamanalima maluna o na kaula o uwehone me ka paulehia nui, ua oho like ae la ko anaina mai o a o me ka olioli nui, me na leo huro, na paipai lima, na hehihehi wawae, me ke kaJica okoa ana mai, hana hou, a ua hoa'koia aku no.

Mamuli o ka nani, a ku no hoi i ka i-i, a o ke ano kaili puuwai i mele ia mai e Mrs. L. Alohikea, ua paiakuli ae la ka hale holookoa, me na leo huro, no ia ano ulumahiehie o ke anaina, ua ku ae kekahi hoakanaka i pii kona mau keke-le (ana hauoli) i ka 104, a liele mai la e hui pu me na lala o ka B£na Ilawaii, e hoonui a hoomahuahua aku i na. mea e hoohauoli, a hoakaaka aku ai i ke anaina. L"*a lawa maoli ka makemake i pane mai ai kekahi hoaloha haole o kela apana me ka piha i ka hauoli no na melo ame na meakani nani ana i lohe ai i kela po. TJa. lawa keia mau lioakaka, a e na lima aloha hoomohala mai i na kokua no ka holomua o ka hana a ke Akua, ua wehe ae oukou ina hipuu, a haawi mai la i ka ke Akua a au'a aku la no hoi i ka Kaizara. ke Akua e hoomaikai mai ia oukou apau, a e hoopiha mai i ko oukou waihona piha a palena ole. No oukou e na Lede ame na Keonimana o ka Bana Hawaii Glec Club, na hoomaikai nui, no ka oukou kokua a kakoo nui no ka holomua o keia hana. Na ke Akua e hoomaikai a e hoohua nui mai a e hooloihi i ko oukou mau la e ola aku ai, kolopupu a haumakaiole, he ola ia na ke Akua. Welina haahaa, GEORGE MALUNA, Lunahoomalu o ke Komite.