Ka Nupepa Kuokoa, Volume LXIII, Number 13, 27 March 1924 — HIKI KE LAWELAWE I NA HANA PILI OIHANA [ARTICLE]
HIKI KE LAWELAWE I NA HANA PILI OIHANA
Ua hoohuihui ae nei kekahi poe kanaka opio Ha-waii ia lakou iho. e lawelawe oihana nei ma keia kulanakauhale, ma ke kukulu ana i keena oihana no lakou. no ka lawe» lawe ana aku i na hana like ole, malalo o ka inoa Cosmopolitan Business Agencv. Aia ke keena oihana o keia poe opio Hawaii ma ka Hale Lineoln, ma ka rumi Helu 5, e ku nei ma ka aoao mauka o -ke alanui Moi, mawaena o ka Hokele Young ame ka Hale Kapiolani. 0 na hana pili kanawai apau. o ia hoi ka hana īoio, na makaukau kekahi Hawaii, no ka lawelawe ana imua o na aha kanawai apau; o na aina pohihihi, na hooiaio palapala, ka hana ana i na palapala kuai, hoolimalima, & mau ano palapala o ae; kuai aina, a hoolilo ana i na aina; ka ohi ana i na aie, a mau hana e ae paha i makemakeia, ua hiki loa i keia poe Hawaii ke hooko aku i ka manawa pokole loa.