Ka Nupepa Kuokoa, Volume LXIII, Number 13, 27 March 1924 — ELIMA MAKAHIKI KA HOOPA'I I KAUIA. [ARTICLE]

ELIMA MAKAHIKI KA HOOPA'I I KAUIA.

No ka pili o ka hewa hoomoemoe ia Henrv R. Danner, o ia ka hoomoemoe ana i kana wahine ame elua mau wahine hou ae mawaho, i ka poe makemake wahine, ma ke ano iku-e i ke kanawai, i kauia mai ai j ka hoopa'i hoopaahao maluna onae ka Lunakanawai Federala Eawlins ma »ka Poalua nei, e noho oia maloko o ka halepahao na na makahiki 1 elima. No kekahi mau la ae nei i hala, i hooloheia ai ika hihia o keia haole imua o na kiure federala, a ma na oleloike i waihoia ae ma ka aoao o ke aupuni i lokahi ai na kiure, ma ka laikou olelo hooholo, e ahen-a ana i ka mea i hoopiiia, no kona pili i ka hewa, elike me ia i hoopiiia mai ai oia. Mamua o ke kau ana aku i ka hoopa 'i maluna ona, ua kamailio ae ika Lunakanawai Federala Rawlins, i kekahi mau olelo ikaika loa, e hoakaka ana o ka hewa i lawelaweia e kela haole, o 'kekahi ia o na hana ekaeka loa, ana i ike ai. Oiai he elima makahiki ke kiekie o ka hoopa'i a ike kanawai i hoakaka ai no kela ano hewa, ua hookaumahaia aku ka manao o ka Lunakanawai Eawlina. no ka uuku loa o kela mau makahiki hoopaahao, a wahi ana, ina he mana kekahi i loaa iaia malalo o ke kanawai, alaila o ka umi makahiki hoopaaho ke kupono o ka hoopa'i e kauia maluna 0 ka mea hana hewa. Ma na mea e pili ana i ka hewa 1 hoopiiia ae ai o Danner, ua lawe aku oia i kana wahine, ke kaikaina 0 ikana wahine, ame kekahi wahine okoa aku, he hoaloha waliino, nolalo o ae nei, no ka hana hoomoemoe. Oiai ma kela wahi, ua kukuluia he halelole no na wahine e noho ai, me ka hoolimalimaia ana o ke/kahi kiakaa otomobile, i mea nana e kii 1 na kane makemake wahine, e lawe mai. no kahi o ka halelole, a r hoihoi hou a'ku no ko lakou mau | wahi. : | Ona wahine ekolu na lioike ano I nui ma ka aoao o ke aupuni, pela me ke kiakaa i hoolimalimaia. Ma ka aoao hoi o ka mea i hoopiiia, ua hoole loa oia no kona pili i ika hewa, a wahi ana, he huakai lioloholo wale no kela ana i hele ai i Waimea me na wahine ekolu, a j ina ua hui aku kela mau wahine me na kane, ma ke ano haumia, me ke ku-e i ke kanawai, na lakou po noi no i ae aku ia hana, aole mamuli o kona makemake. Mai ka hora umi-kumamakahi me umi kumamalima minuke ka noonoo ana o na kiure i ka lakou olelo hooholo, ma kela hihia, ahiki i ika hapalua o ka hora elua akahi no lakou a lokahi e ahewa ana i ka mea hoopiiia, a i ka wa i lohe ai o ka wahine a Danner, no ka pili o ka hewa i kana kane, ua maule okoa oia.