Ka Nupepa Kuokoa, Volume LXIII, Number 12, 20 March 1924 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Lawe i Kona Ola ma ke Oki Ana i Kona Puu

 

Loaa Aku ke Kino Make o ka Lunanana o ka Oihana Hoopae Limahana me Kona Puu i Moku i ka Pahi

 

            Mahope koke iho o ka hora umi o ke kakahiaka o ka Poalima nei, i loaa aku ai ke kino make o Richard I. Halsey, ka lunanana poo o ka oihana hoopaelimahana o Honolulu nei. me kona a-i i moku i ka pahi, ma kahi kokoke i ke alanui Ala Moana ma Kewalo ae nei. He nuhou hoopuiwa noonoo keia @ na hoaloha lehulehu, o Mr. Halsey ame kona ohana, no ka mea aole he mau kumu hoohuoi, i manaoia, nona e lawe ae ai i kona ola iho, ma kela ano ae la.

            Ma ka manawa o ka loaa ana aku @ kona kino make, e paa ana kekahi pahi okioki hou loa iloko o kekahi lima, a e waiho ana no hoi he pahipelu, ma kahi kokoke i ke kino, a ma kona a-i hoi e paa ana no he kaula. me he mea la, ua manao @@a o Mr. Halsey e lawe i kona oia, ma ka li ana iaia, a mahope hoololi hou e oki maoli me ka pahi.           

            Na kekahi keiki opio o Babriel Naholohelo, i ike i kela kino make, a nana i hoike ae i ka lohe i ka oihana makai. a i ka hoea ana aku o ka Hope Makai Nui Asch ame ke Kakiana Makaikiu Ross, ua ike koke ia, o Richard L. Halsey kela, ka mea a kana wahine o ka noke mau ana aku i ka ninau i ka halewai no kana kane.

            Aole he mau palapala i loaa aku maluna o ke kino, e hoakaka ana no ke kumu o ka lawe ana ae o Halsey i kona ola, koe wale no ka lohe i hoikeia aku i ka Hope Makai Nui Asch, mai ia Kauka T. Katsun@ma, ma kela kakahiaka, no ke kamailio ana aku o Halsey iaia, ma ka @@@@@ la o ka Puaha aku, o ke alahele wale no ana e hana aku ai, o ia ke oki ana i kona puu i ka pahi.

            Maloko o na pakeke o ka lole o kela haole, i loaa aku ai ka huina @ hookahi, i loaa aku ai ka huina @ hookahi haneri me umi dala, ma ka @ila. a he hookahi dala me kanalima-kumamalima keneka ma ke dala maoli. a mawaho ae olaila kana huihui ki.

 

AOLE MAU HOOHALAHALA IA HALSEY

 

            O na manao hoohuoi iloko o kekahi poe aia he mau kumu ko'iko'i ioa i hoohuoiia, e ku-e ana ia Richard L. Halsey, ka lunanana pooo ka oihana hoopaelimahana ma Honolulu nei, pela oia lawe okoa ae ai i kona puu ma ke kakahiaka o ka Poalima i hala e hoopauia kela mau hoohuoi, mamuli o ka hoike ana ae o W. W. Husband, ke poo nui o ka oihana hoopae limahanna ma Wahinekona, o ka hoea ana mai nei ma ka Poaono i hala, aole loa oia i ike, i kekahi mau hana poholalo. i lawelwaeia e Mr. Halsey, a ua hoopihaia aku hoi oia me na manao kaumaha, i kona wa i lohe ai, no ke alahele i laweia ae e keia luna oihana kahiki o ke aupuni; ma ka hoopokole ana i kona mau la e ola ai.

            O kona hoea ana mai no Honolulu nei, aole ia no ka huli ame ka noii pono ana aku i na hana i lawelaweia ma ke keena hoopae limahana, aka no ka makaikai ana no ia i na hana waanei, elike me ia ana i kipa ae ai ma na keena hoopae limahana e ae.

            Hookahi wale no ana mea i maopopo, o ia ka manaoia, e hoihoi aku ia Halsey, no kekahi keena hoopae limahana okoa e noho hana ai. no na makahiki elua mamua o ka piha ana o na makahiki he kanahiku iaia, e loaa ai ka uku hoomau, a hoonoho mai i kanaka hou ma Honolulu nei, no ka hookamaaina pono ana iaia. i na hana o keia keena maanei nei.

            E hala ana na la he umi keia luna oihana kiekie o ke keena hoopae limahana e hoohala ai maanei nei, mamua o ka huli hoi ana aku no Amerika@ a mamua o kona haalele ana ih@ e hanaia ana kekahi mau hoolo@@loli, no na limahana na lakou e lawelawe aku i na hana pakahi e ke keena hoopae limahana ma Honolulu nei.

 

            O ka paio hahana iwaena o na Demokarata e loheloheia aku nei iloko o keia mau la mawaena no ia o ka Meia Wilson ame ka Elele Lahui Jarrett. no ke kulana komite lahui no kela aoao kalaiaina.

Maopopo Ole ke Kumu

            Wahi a I. F. Wixon, ka mea i lawe ae i ka hooponopono ana i na hana o ke keena hoopae limaahna maanei nei, o ka hoea ana mai Wahinekona mai, he mau la wale ae nei no i hala, aole oia i maopopo iki i kekahi kumu, no ka lawe ana ae o Halesy i kona ola oiai aole he mau kumu hoohalahala e ku-e ana iaia, no ke ano o kana lawelawe ana i na hana o ke keena maanei nei.

            Ma kona manao koho wale no, he hookahi paha kumu nana i hoopilikia aku i ka oonoo o Mr. Halsey, o ia no kona kauohaia mai e hoi aku no kekahi keena oihana mai e hoi aku no kekahi keena oihana mai e hoi aku no kekahi keena oihana hoopae limahana okoa e noho hana ai; ina he kauohe kekahi o kela ano, alaila e konoia mai ana oia, e waiho aku i ka hana, no kona makemake ole e haalele iho i ka noho ana ma Honolulu nei, a ma ia ano, e hooneleia ana oia, i ka ukuhoomau a ke aupuni@ e haawi mai ai i na lima hana kahiko, i hoea aku na makahiki i ke kanahiku.

            Ma kana mau mea i maopopo, aole loa i manaoia, e hoouna aku ia Halsey no kahi okoa e noho hana ai, a i ole, hoopauia aku paha oia mai ke kulana ana i paa ai no kekahi mau makahiki loihi, a o ka hoea kino ana mai o ke Komisina Husband o ka oihana hoopaelimahana no Honolulu nei, aole ia no na mea e pili ana i ke ano o kona lawelawe ana i kaua oihana, aka he hana okoa no.

            O ka misiona a ke Komisina Husband no Hawaii nei, o ka hoea ana mai ma ka Poaono mai, he hookahi la, mahope iho o ka lawe ana ae o Halsey, i kona  ola, no ka noii pono ana aku no ia, i na mea e pili ana i ke ano o ka hookomoia ana mai o na Pake, i keia Teritore ma ke ano hoopae malu, malia paha no ka hele o ka weli a kau imua o Mr. Halsey, no kona loaa pono mai, pela oia i lawelawe ai i kela hana, he mea maopopo ole nae ia, koe wale no ke koho wale aku.

 

HAULE HE KEPAU MAI KA MOKUEA IHO

 

            Haule kekahi i-a kepau i hoopaaia ma kakahi wahi o ka mokuea Mar@in mai kahi he 2000 kapuai ke kiekie a kaupono iluna o kaupaku o ka hale o Mr. ame Mrs. Perez, o ke alanui Beritania a puka ke pili o kaupaku, ka papa pale o kaupaku a waiho ana iluna o ka papahele mahope koke iho o ka hora 10 o ke kakahiaka Poakahi nei, elike me ka hoakaka ma ka moolelo.

            E paani ana ka na keiki a ka ohana Perez, maluna o ka lanai ia manawa, o Elysnor nona na makahiki 6 ame Rudolph nona na makahiki 3, a ma ka apua wale no ko laua pakele ana.

            Iloko o Mrs. Perez o ka hale i ka manawa on a i lohe mai ai i ke koele ana o ke kepau me ka ikaika me he poka pa-hu la iluna o ka hale. Ua manaoia he poka pa-hu ka i haule hewa iho mai kekahi mokuea e lele poai puni ana maluna ae no kekahi mau minuke lehulehu, a eia nae ia holo ana mai ana e nana pono i ka mea i haule iho ai, eia ka he kepau i hanaia i like loa me ka i'a. He mokuea hoolele poka pa-hu Martin ka i lele poai puni ae maluna o ko lakou hale no kekahi manawa, a e holo mau ana ka kana mau keikikane iloko a iwaho e nana ai i ka mokuea a e hoike mau aku ana ka iaia no na mokuea. a maluna o ka lanai laua kahi i paani ai i ka manawa o ke kapau i haule iho ai iluna pono o ka hale.

 

            E noho ana ka halawai a ke Kalapu Demokarata o ka Mahele 19, Apana 5, ma ka home o ka Peresidena L. C. Kealoha, 1137 Banyan St., ma ka la 24 o keia mahina no ka wae ana i na elele no ka lakou Ahaelele a no ka wae pu ana hoi i na lunanui o ia Mahele.

 

Ae ke Kiaaina I ke Noi a na Paahao he 14

 

Hookuuia Lakou Malalo o ka Hoomalu Mailoko Mai o ka Halepaahao

 

LIKE OLE KA LAKOU KARAIMA I HANA AI

 

No ko Lakou Malama Pono i na Rula o ka Halepaahao Pela i Aeia ai

 

            Mahope iho o ka noonoo ana, i na palapala noi, i waihoia aku imua on a no ka hookuu ana i kekahi mau paahao, mailoko mai o ka halepaahao, malalo o ka hoomalu, i ae aku ui o Kiaaina Farrington i na palapala noi, a kekahi mau paahao he umi-kumamaha ko lakou nui, ma ka Poalima iho nei, a e pau ana ko lakou noho paahao ana, no ka hana ana i ko lakou mau hoopa'i pakahi.

            O kela mau paahao a ke kiaaina i ae aku ai e hookuuia, o keia iho ko lakou mau inoa malalo nei:

            O Pedro Araneillo, he Pilipino, i hookolokoloia a ahewaia no ka hoeha me ka meaeha ku i ka make, ma Honolulu nei, ma ka la 30 o Aperila, o ka 1923. He elima makahiki hoopaahao ka hoopa'i i kauia maluna on a.

            John Kahuena, ua ahewaia oia a hoopa'iia, maloko o ka aha kaapuni ma Honolulu nei, no ka hewa hoike wahahee, ma ka la 2 o Okatoba, o ka 1923, e noho oia maloko o ka halepaahao mai ka eono mahina a i ka iwakalua makahiki.

            Pedro Jamita, ahewaia ma ka aha kaapuni ma Hilo, Hawaii, no ka hewa hoeha, me ke kauia ana o kona hoopa'i, he hookahi makahiki a i ka elima makahiki.

            John Kepaa, ahewaia iloko o ka aha kaapuni ma Honolulu nei, ma ka la 12 o Mei, 1923, no ka hewa wawahihale, a i hoopa'iia, e noho maloko o ka halepaahao, mai ka hookahi makahiki, a i ka umi makahiki.

            Robert Hamlett, ahewaia iloko o ka aha kaapuni ma Honolulu nei, no ka lawe ana i na waiwai i aihueia, ma ka la 5 o ka mahina o Okatoba, o ka 1923. O kona hoopa'i mai ka iwakalua-kumamakahi mahina aku, a i ka elima makahiki.

            H. Tello, ahewaia no ka hewa moekolohe, maloko o ka aha kaapuni ma Honolulu nei, ma ka la 25 o Novemaba o ka 1921; o kona hoopa'i i kauia mai ka ekolu makahiki a i ka umi makahiki.

            H. Yamamoto, ahewaia no ke kakauinoa ana i kekahi bila kikoo apuka, o kona hoopa'i mai ka hookahi a i ka elima makahiki.

            Melieio Herosaga, ahewaia ma ka aha kaapuni ma Hawaii, ma ka la 13 o Ianuari, 1923 no ka hewa hoeha. a o ka hoopa'i i kauia mai maluna ona, mai ma umi-kumamawalu mahina aku ahiki i ka elima makahiki.

            Simion Abedencia, ahewaia ma ka aha kaapuni ma Hilo, Hawaii, ma ka la 17 o Ianuari, 1923 no ka hewa hoeha, mai ka umi-kumamawalu makahiki aku a i ka elima makahiki.

            Marion L. Truax, ahewaia maloko a ka aha kaapuni o Maui, ma ka la 14 o Ianuari, o ka 1922, no ke apuka ana i kekahi bila dala, o ka hoopa'i i kauia mai maluna on a, he elua makahiki ahiki i ka umi makahiki.

            Kim Hak Sun, ahewaia iloko o ka aha kaapuni ma Hilo, Hawaii, no ka hewa wawahihale ma ka la 13 o Ianuari o ka 1923, o ka hoopa'ii kauia mai maluna ona, he umi mahina ahiki i ka umi makahiki.

            Charles Kamauoha, ahewaia maloko o ka aha kaapuni ma Honolulu nei, no ka wawahihale ma ke degere ekahi. ma ka la 24 o Okatoba o ka 1919; o kona hoopa'i i kauia mai he eono makahiki a i ke kanaha makahiki.

            John Kaena, ahewaia no ka hewa wawahihale, maloko o ka aha kaapuni ma Honolulu nei, no ka wawahihale ma ke degere ekahi, ma a la 24 o Okatoba, 1919: o kona hoopa'i i kauia mai he eono makahiki a i ke kanaha makahiki.

            S. Kanei, ahewaia maloko o ka aha kaapuni ma Honolulu nei, no ka hewa powa ma ka la 26 o Maraki, 1923; o ka hoopa'i i kauia mai maluna on a, he hookahi makahiki ahiki i ka elima makahiki, me ka hoopa'i dala pu. o hookahi dala.

 

Hahana na Paio ma ke Koho Elele Repubalika

 

Paa ka Manao o na Moho Komite Lahui Pakahi no ka Hapanui o na Elele i Kohoia e Loaa ai ka Lanakila

 

            He keu aku ka hahana o na paio ana ma kekahi mau kalapu Repubalika, no ke koho elele i malamaia ma ke ahiahi o ka Poanono aku la i hala, ma na kalapu nui o na moho elele, i makemakeia e hele no ka ahaelele e noho mai ana ma keia kulanakauhale, ma ka la 7 o ka mahina ae nei o Aperila.

            Iloko o kela koho baloka i loaa ai ka lanakila i kekahi mau elele, a haule hoi kekahi mau moho elele, aia maluna o lakou ke kau ana aku o na manaolana, o na hoaloha o Robert W. Shingle ame Clarence H. Cooke, no ko laua kohoia i komite lahui pakahi, e ka ahaelele Repubalika e noho mai ana.

            Hookahi kumu o ke ala ana mai o kela paio mawaena o na puulu elele, no ko lakou lanakila, ma ke koho baloka o na Kalapu ma ka Poaono aku la i hala, o ia no, ko lakou makemake ia Shingle ame Cooke pakahi, e lilo i komite lahui, a ke kunei na hoaloha o kela mau moho me na manaopaa e kaa ana ka hapanui o na elele i kohoia, pela me na elele o na kalapu i loaa ole na paio ana, ma ka aoao e kakoo ana i ka lakou moho komite lahui pakahi.

            Me he mea la, ma Oahu iho nei paha ka hahana loa o na paio i hoomaopopoia, me ke ku okoa ana o na puulu elele o Shingle a paio me na puulu elele o Cooke, aole no nae i nele ka ikeia o na hiohiona o kela ano, ma na kalapu o na kuaaina elike me na hoike i hoea mai i Honolulu nei.

            Ma na apana nunui o Kaimuki, ua kaa ka lanakila holookoa, i na puulu elele ma ka aoao o Shingle, o ia na mahele ekahi ame elua, he umi ka nui o na elele mai kela mau mahele mai.

            Ma ka mahele ekolu mai hoi o ka apana eha, ua haule na elele ma ka aoao o Shingle, i na elele o Cooke, he elua mau elele mai kei mahele mai.

            Ma ka mahele umi-kumamakolu hoi o ka apana elima, o kekahi ia o na mahele i ikeia ka hahana loa na paio ana mawaena o na pulu elele, a o ka mahele hookahi hoi, i hiki aku ma kahi o ka elua haneri a oi poe, i hele ae e koho baloka.

            Ma keia mahele, i kaa ai ka lanakila i ka puulu elele o Cooke, me hookahi nae elele o Shingle i kohoia, a pa'iapa'i elua mau elele no Cooke ame Shingle pakahi.

            Ma ka mahele eha o ka apana eha, o kekahi mahele nui ia o na paio anan mawaena o na moho elele, a iwaena o ka poe i kohoia a puka, he elima mau elele i maopopo loa, no Shingle, he hookahi no Cooke, a he elua i maopopo ole.

            Ma kekahi mau mahele paonioni, ua koho like ia na elele ma na aoao a elua, a ma na mahele paonioni ole no hoi, ua mahele hapalua no na elele, no na moho komite lahui.

            O keia malalo iho neu na elele i kohoia e hoea ae ana ma ka ahaelele Teritore Repubalika e noho mai ana ma ka la 7 o Aperila, no ka Mokupuni o Oahu nei:

Apana Eha

            Mahele Ekahi-Henry Freitas, Ed Towse, Frank F. Fenandes, James Ashby Williams, Henry Vida.

            Mahele Elua-James L. Holt, F. Barney Joy, Peter Kalaluhi, Harry T. Mills, W. W. Westcott.

            Mahele Ekolu-Arthur G. Smith, Harry S. Hayward.

            Mahele Eha-James-P. Winne, Arthur M. Brown, David Kalauokalani, Leon K. Sterling, A. R. ("Sonny") Cunha. William K. Simerson, Clifford Kinball, William H. Donnelly.

            Mahele Elima-Chang Chau, Henry Hickey, Jr., J. M. Keanu, C. W. Spitz, kohoia, Charles B. Dwight ame L. E. Forrest pa'ipa'i 25 baloka pakahi, na ka ahaelele e hooholo mai.

            Mahele Eono-John B. Enos, Joseph Ordenstein, Frederick D. Lowrey, W. H. D. King, Prof. Leebrick, Mrs. Arthur L. Andrews, Mrs. Albert P. Taylor, Roy A. Vitousek, Mrs. Malcolm MacIntyre.

            Mahele Ehiku-John A. Hughes, Louis A. Rosa.

            Mahele Ewalu-Clarence H. Cooke, Lawrence M. Judd, Sherwood M. Lowrey, Mrs. Wilhelmi@a Dowsett, Mrs. K. Scott, Fred C. Bailey, Robert W. Shingle, Joseph P. Dias.

            Mahele Eiwa-Kirk B. Porter, John Pau.

            Mahele Umi-Jack Lucas, Albert M. Cristy, Dr. Charles B. Cooper, Robert Horner, Philip E. Spauling, Miss Palmyra Reis, William Thompson.

            Mahele Umi-kumamakahi-Mrs.Mary H. Atcherley, Mrs. Anna K. Mendiola, J. B. Kini Kapo.

            Mahele Umi-kumamalua-Mrs. Malie Auld, Philip K. Kaauwai.

            Mahele Umi-kumamakolu-Judge O. P. Soares, Miss Ana K. Harrison, (Augustus V. Peters, Henry H. Williams.

            Mahele Umi-kumamaha-John S. Correa.

            Malele Umi-kumamalima-George H. Karratti, John Kahunakala.

            Mahele Umikumamaono-J. J. Brown.

            Mahele Umi-kumamahiku-J. H. S. Kaleo, William Medeiros, George McCorriston.

            Mahele Umi-kumamawalu-George H. Angus, John H. Wise Olaf Lyle Sorenson.

            Mehele Umi-kumamaiwa-George Chalmers, Jr.

            Mahele Ekahi-J. Kanahele, B. C. A. Achong.

            Mahele Ekolu-J. Frank Woolley.

            Mahele Eha-W. J. Kanakanui, J. W. Keau, William K. Rathburn.

            Mahele Elima-Oscar P. Coz, John K Kauwalu, Mrs. Annie Keahipaka Dr. H. Wood.

            Mahele Eono-Ernst Br@@ht.

            Mahele Ehiku-James A. Hattie, J. Lewis Rentons.

            Mahele Ewalu-E. W. Greene, G. W. Nawaakoa, Eli M. Crabbe, Chas. N. Arnold, Walter S. Witte.

            Mahele Eiwa-John Aamasiu, Ed. ward H. S. Marino, Jr., John A. Akana, Mrs. Rachel Antone.

            Mahele Umi-Robert S. Lono, Fred KUOKOA-22

            K. Cockett, W. C. Achi, Sr., Nolle R. Smith.

            Mahele umi-kumamakahi-Edward Drew, Mrs. Sarah Kamakawiwoole, Joh de Mello, John K. Naiwi.

            Mahele Umi-Kumamalua-E. B. Keala, Walter R. Coombs.

            Mahele Umi-kumamakolu-George S. Waterhouse, A. L. Castle, M. C. Amana, Tom Ulukou, George R. Carter, kohoia, Richard A. Cooke, ame William E. Paikuli, Sr., pa'ipa'i 135 baloka pakahi.

            Mahele Umi-kumamaha-Mrs. Daniel P. McGregor.

            Mahele Umi-kumamalima-William H. Knox, Thomas Pedro, Sr,

            Mahele Umi-kumamaono-C. C. Pittam.

            Mahele Umi-kumamahiku-A L. C. Atkinson.

            Mahele Umi-kumamawalu-Mark Ned, William A. Hall.

            Mahele Umi-kumamaiwa-John K. Hiram, Samuel Apela.

            Mahele Iwakalua - Mrs. Bina Mossman, George F. Wright.

            Mahele Iwakalua-kumamakahi-Mrs. Bessie Richard Clinton.

 

LILO O MAUNAWILI NO HANERI KAUKANI DALA

 

            No ka lilio o na aina kahakai o na kuaaina aku nei, i mau wahi makemake nui ia iloko o keia manawa, i mau home kuaaina, i lilo ae ai ka aina hanai holoholona o Maunawili, ma Kailua, ma ke kuai i ka hui o Trent Trust Co, no ke kumukuai o hookahi haneri kaukani dala, mai ia Mrs. Helen Irwin Crocker mai, ka on a non kela aina.

            Aia keia aina o Maunawili, ma ka hikina aku o na aina o Kailua i lilo i ke kuaiia e kekahi poe, a e huli pono ana ke alo i ke kai.

            Ma ka hoakaka a Richard H. Trent, ka peresidena o ka hui o Trent Trust Co., aole he manao nui e ae, o kona kuai ana i kela aina, no ka mahelehee ana aku no ia ma na apana, i mau home pili kahakai, no ka poe e makemake ana e loaa he mau wahi no lakou e noho ai ma na kuaaina, me ke kumukuai oluolu.

            No kekahi mau makahiki ae nei i hala, aole he manao kuai iloko o Mrs. Crocker i kela aina, o kona manao mua, o ia no ka hoi ana mai a noho malaila, pela iho la i hooleia aku ai na makemake o kekahi poe. i ake e lilo kahiko kela aina ia lakou, no kekahi mau hana i makemakeia.

            O ke Country Club, ka i makamake loa i kekahi hapa o Maunawili, e kuai he makahiki a oi i hala ae nei, i wahi e kukulu ai i kona hele hui, ua poho wale nae kela manaolana, mamuli o ka makemake ole ia ana ia wa e hoolilo mai, a oiai hoi ua lilo mai la ma ke kuai i ka hui o Trent ma. nolaila ua maopopo loa, e kuai aku ana ke Country Club, i kahua no lakou e ku ai ma kela wahi.

            E moe pololei ana ke alanui aupuni a hoea i keia aina, a ke paukela alanui i ka hanaia, o kekahi ana kela o na wahi maikai loa, no ka hoohala ana o ko ke kulanakauhale nei poe, i kekahi manawa malaila.

 

Ma Kauai ana Na Hoomanao a na Kamehameha

 

Elua Mokuahi Nana e Lawe Ana i na Ahahui Kamehameha no Kela Hana

 

E HOIKEIKEIA ANA HE O-AHI MA HAENA

 

Makaukau ka Ahahui Kaumualii e Hookipa Aku i ko Lakou Mau Hoahanau

 

            Ma ka Mokupuni Kaili-la, Kauai Manokalanipo, na hana hoomanao a na Ahahui Kamehameha i keia makahiki, e huliamahi ana na lala o ka Ahahui Mamalahoa o Hawaii, ka Ahahui Kahekili o Maui, ame ka Ahahui Kamehameha o Oahu nei, no ka hooko ana aku i ke kono a ka Ahahui Kaumualii o Kauai, ma kela mokupuni e akoakoa ai na ahahui apau, no ke komo pu ana iloko o na hoomanao no ka la o ka Na'i Aupuni Kamehameha I.

            I kulike ai me na hoolala ana a na alakai o keia huakai no Kauai, he elua mau mokuahi, na laua e halihali aku ana i na lala o na ahahui o Hawaii, Maui ame ko Oahu nei, a he mokuahi okoa no ko ka ahahui o Kauai, no ka holo kaapuni ana ia Kauai, no ka makaikai ana i na pali o-ahi kaulana o Kaena ame Kalalau, a hala loa aku no ka Mokupuni o Niihau.

            Na ka mokuahi Mauna Kea e lawe mai ana i na lala o ka Ahahui Mamalahoa o Hawaii, ame ka Ahahui Kahekili o Maui, no Honolulu nei, e ku mai ai kela mokuahi ma ka Poalima, ka la 6 o Iune.

            Ma ka hora umi hoi o ka po o kela Poalima, ka la 6 o Iune, e haalele iho ai ka Mauna Kea ia Honolulu nei, me na lala o na Ahahui Kamehameha ame Mamalahoa, no Kauai.

            Ma ia manawa hookahi no, e haalele iho ai ka mokuahi Kilauea m@ na lala o ka Ahahui Kahekili o Maui maluna on a, no ka mea ua makemakea no na keiki o Maui, e kaokoa ko lakou mokuahi, a o ka poe holo makaikai, aole he mau lala no ka Ahahui Kamehameha, a mau ahahui lala paha, e kau pu ana lakou maluna o keia mau mokuahi a elua.

            E hoe like aku ana na mokuahi a elua no ke awa o Ahukini, ma ke ka kahiaka o ka la 7 ae, a kau maluna o na kaa otomobile, alaila kaahele mauka o ka aina no Hanalei i ka ualoku, ame ke one pua rose o Mahamoku.

            E hoohalaia ana ka manawa o kela la, ma ka makaikai ana i na wai kaulana o Kapalae ame Wai Aamoo, a ma ia po iho, e malamaia ana he mau hoikeike hoolele ahi, mai na puu o-ahi mai o Haena ame Kalalau

            E kau ana na lala o na ahahui maluna o na mokuahi, i ka manawa e hooleleia ana ke ahi e na keiki laeula o Kauai ma kela hana, a mailuna o na mokuahi e makaikai aku ai na mea apau, i kekahi o na hiona, i ike nui ole ia ma Hawaii nei.

            Mamuli o kela hana o-ahi no ka hanohano @ ka Ahahui Kamehameha ame kona mau ahahui lala, ua manaoia, e nui ana na malihini mai na aina mamao mai, ame na kamaaina pu o Honolulu nei, e holo ana ma keia huakai, a ke hoolala mai nei ka hui mokuahi holo pili aina, e hoouna i ka mokuahi Kinau, ke pau ole na malihini maluna o na mokuahi Mauna Kea ame Kilauea.

            Ua makaukau na lala o ka Ahahui Kaumualii, e hookipa aku i na lala o na ahahui ekolu e hoea aku ana no Kauai, aole wale no, ma ka hoolako ana mai ia lakou me na meaai, aka me na kaa otomobile, no ka lawe hoomakaikai ana ia lakou ma na wahi pana apau o kela mokupuni.

           

            Mamuli o ka waiho ana mai o ka Makai M. A. Sanders i kona hookohu oihana, ma ke ano he makai no na uwapo i ka Makai Nui Trask, e kaawale aku ai oia mai ka oihana makai aku, ma ka la 4 ae nei o Aperila, i hoike ae ai ka Makai Nui Trask, e hoonoho aku ana oia ia Peter Hose, ma kela kulana.

           

            Like ole na lohe e oiliili ae nei iloko o keia mau la, no ke kulana ikaika o na moho komite lahui o ka aoao Repubalika, e alualu nei i kela kulana.

 

Pau Elua i Luahi na Ka Poka Pu Panapana

 

No ka ae Ole o Kekahi Wahine e Hoi Hou e Noho pu me ia i ki ae ai o Ross Tully Iaia a Make a ki no Iaia Iho

 

            Mamuli o ka piha i ka inaina no ka ae ole o kekahi wahine nona ka inoa o Mrs. Theresa Walker e hoi aku a noho pu me ia, ma ke @no kane a wahine, i ki ae ai o Ross Tully, he makai mua no ka oihana koa, a he makai kauwai hoi no ka oihana makai i kela wahine a make me ka pu panapana, ma ka hapalua o ka hora eiwa o ka po o ka Poakahi iho nei, a lawe okoa ae la no i kona ola iho, ma ke ki ana iaia i ka pu.

            O kahi i hanaia ai o kela ki-pu, maloko o ka halekuai o T. Ono, ma ke alanui Moi, ma ka manawa i loaa aku ai o Mrs. Theresa Walker maloko olaila ia Ross Tully.

            He wahine Hawaii o Mrs. Theresa Walker, i kaawale mai kana kane mai, ola o Cecil Walker, he limahana nolalo o Puuloa, mamuli o ko laua okiia ana malalo o na kana wai o ka aina, a no na mahina ekolu i hala ae nei, ka noho pu ana o Mrs. Walk@r ame Ross Tully, he kane a he wahine.

            He ekolu ka pule mamua aku nei, ua haalele aku la o Mrs. T. Walker i ka noho pu ana me Ross Tully, a hoi aku la @ noho me kona makuahine hanauna, me Mrs. Elizabeth McKee, ma ke alanui ololi Morris, me kona ae ole e huli hoi hou aku e noho pu me Ross Tully.

            I kulike ai me ka moolelo e pili ana i kela hana ki-pu, ua hele aku o Mrs. Walker ame Mrs. McKee, ame kona keikikane o umi-kumamalua makahiki, no ka halekuai o T. Ono, ma ka hapalua o ka hora eiwa o kela po, a ia laua maloko olaila, i komo aku ai o Ross Tully, aia hoi he pu panapana e paa ana iloko o kona lima, a hoomaka aku la e ki ia Mrs. T. Walker.

Nui na Poka I Kiia

            Ua ku kela poka mua i kiia aku ma ke kua o Mrs. Walker, me ka hikaka ana aku o kela wahine, a holo aku la ma kekahi kihi o ka halekuai, a iaia ma kela wahi, i ki hou aku ai o Tully iaia no elima manawa, me ke komo ana o na poka lioko o kona kino.

            Oiai ka ke kino o Mrs. Walker e waiho ana iluna o ka papahele, aole i na iho la ka inaina o Tully, me kela mau poka ana i ki mua ai, aka hoopiha hou iho la no oia i ka pu panapana i na poka, a ki aku la he elua mau poka hou, iloko o ke kino o Mrs. Walker.

            No kona ike paha, aloe he hopohopo ana i koe, no ka make o ka wahine ana i inaina loa ai, ua hoopili okoa ae la o Tully i ka waha o ka pu panapana, ma kahi he hapalua iniha ke kaawale mai kona poo aku. o ke ki ae la no ia i ka pu, me ke komo ana aku o ka poka iloko o ke poo, ma ka aoao akau mai. a puka he hapalua iniha ma ka aoao hema o ke poo.

Piha i ka Poe Makahiki

            Mahope koke iho o ka lawelawe ia ana o kela ki-pu, ua piha mai la ka halekuai o T. Ono i ka poe makahiki, me ka hooioni ole ia nae o na kino elua e wahio ana iluna o ka papahele, a iloko no hoi o kela manaw hookahi, i hoikeia mai ai ka lohe i ka halewai, a iloko o ka manawa pokole loa, i hoea aku ai ka Hope Makai Nui Asch ame ka Makaikiu Mike Swift, me ka noke ia o na hoike i ka ninaninau, i ke kumu i ala mai ai o kela ki-pu, e na kanaka o ke aupuni.

            Ma ka hoakaka a Mrs. Elizabeth McKee, no na pule ka elua mamua aku, e hooikaika mau ana o Mr. Tully. ma na ano apau, i wahi e hoi hou aku ai o Mrs. Walker e noho pu me ia.

            Ma na hora o ka po, e pokaa mau ana oia mawaho o ka hale, no ke ake e ike aku ia Mrs. Walker, a he hookahi ka po, i hoea aku ai ua o Tully. a olelo aku la, in a aole o Mrs. McKee e hookuu aku ana i kana kaikamahine hanauna e hoi pu noho me ia, e pepehiia ana oia a make.

            No kela mau olelo hooweliweli a Tully, i hoike okoa ia mai ai ka lohe i ka oihana makai e Mrs. McKee, me ka laweia ana o Tully, i ka halewai, a malaila i kailiia ai ka pu panapana mai iaia aku.

            Ma kela manawa ka o ka hoea ana aku o Tully no ka halekuai, aole he mau olelo i kamailioia mai iaia mai, aka kau ae la i kana pu panapana iluna a hoomaka aku la e ki ia Mrs. Walker.

Mai Ki Hewa i ka Mea Okea

            He hapalua hora mamua ae o kela hana karaima i lawelaweia, ua hoea aku la o Tully, no ka home o E. C. Roseburg. ma ke alanui Moi, Helu 1269. He nui ka poe maloko o kela hale e nanea ana i ka hoolohe i ke kani a ka ipuolelo

            Hookahi ka wahine e noho ana ma ka puka aniani, a no ke kuhihewa paha o Tully, o Mrs. Walker kela wahine, ua hookokoke loa mai la oia i kona wahi e noho ana. me ka paa no i ka pu panapana iloko o kona lima, a no ka maopopo pono ole paha iaia, nolaila ua hele okoa ae la oia. a komo mai la ma ka puka mamua o ka hale.

            O kana mea mua loa o ka nina@ ana aku, in a paha ala o Mrs. Theresa Walker maloko o kela hale ia manawa, o ka mea i hoikeia mai iaia, aole kela wahine i hoea aku ma kela hale. a aole no on a ikeia no kekahi mau la, ia wa i olelo aku ai o Tully, ua kuhihewa loa oia, i ka wahine e noho ana ma ka puka aniani, o Mrs. Walker, a ua makaukau oia e ki i kana pu panapana.

            I kela lohe ana, aole o Mrs. Walker ma kela hale, o kona haaloi@ aku la no ia, a hele mai la e huli, ahiki i ka loaa ana maloko o ka halekuai.

            Ma ka hoakaka a ke Kapena Makaikiu Kellett, he makai kauwai @ Tully, a no ka mahina aku nei i hala, e pulapu ana oia i ka poe o ka apana o Kapalama, ma @@ hookohukohu ana, he mea oia i hoolimalimaia, no ka hopuhopu ana i ka poe kuai waiona.

            Ma ke Sabati koke aku nei n@ kai i hala, ua hoea kino ae la ola i ka halewai, a koi aku la i ka Hope Makai Nui Asch, e haawi mai i kekahi dala iaia, no ka hele an@ e kuai waiona, i loaa ai na ike no ka hopuhopu ana aku i ka poe hakihaki kanawai; ua kipakuia aku @@e oia e hele mai ka halewai aku. me kona kamailioia aku, no kona makemake ole ia ma ka hana ana i ake ai e loaa ke dala iaia.

 

HE HUI HUMUHUMU KAPA KUIKI

 

            I kulike me ka lono i hoikoia mai i keia keena ke hana mau i@ mai nei ka e kakahi mau makuahine Hawaii o eono ka nui na hana humu kapa kuiki lau, a mau kapa kuiki e ae. O ka inoa o ia hui, ka Wai aniani Club. Ua hiki i keia hui k@ humu wili i na kapa lau, ina e ma kemakeia ana pela, a ke kuiki hoi a paa ke kapa, in a he kapa i paa mua i ka humu wili ia o ka humu wale ana no ka lakou a paa. Ina no ka makemake o kekahi poe i kapa kuiki a na keia hui e kuai i na lakou apau me ka humu ana a paa@ ua hiki loa ia lakou ke hana a paa a ku i ka makemake o ka mea e hoo@ale aku ana i kapa a na ka mea makemake kapa e hoihoi aku i k@ lakou mau hoolilo apau.

            Ina ka no ka makemake o kekahi mea i kapa kuiki a hele aku e hoolale ia lakou na lakou e kuai i na lako a pau me ka humuhumu ana a pau, he $40 na hoolilo apau a in a ua lako mua na mea apau n@ ke kapa, o ka humu wili wale no ka lakou ame ka humuhumu ana a paa, he $25 ka uku; a in a he kapa lau ua paa mua i ka wiliia a he kua loloa ke ano o ka humu ana he $15 no ka humuhumu ana a paa.

            O kahi o ka halehana o keia hui e ku nei, aia ma ke alanui (Auld Lane) Helu 1301. He mahina ae nei ka a oi ka loihi o ka manawa o keia hui i ku ai a ua lehulehu ka na kapa i paa ia lakou i ka humuia@ a no ko lakou manao e lilo ka lakou hana i mea hoopomaikai aku i ka poe makemake kapa kuiki, me ka hoopomaikai pu i na lala o ia hui, a i loaa ai hoi i hana e hoopaamau ia ai ko lakou manawa. pela lakou i makemake ai e hoomauia aku keia hana

 

            Ma ka la hope o keia mahina @ pau ai ka wae ana ae o na kalapu Demokarata i ko lakou mau lunanui, ame na elele i ka ahaelele Demokarata e noho mai ana ma ka la 24 ae nei o ka mahina o Aperila.