Ka Nupepa Kuokoa, Volume LXIII, Number 9, 28 February 1924 — O KELLETT KA ONA O KA WAAPA HOOPAE WAIONA. [ARTICLE]

O KELLETT KA ONA O KA WAAPA HOOPAE WAIONA.

Mahope o ka noho ponliuli ana, no ka ona nona ka \raapa Kepani, nana i halihali akui ka "wisake, a hoopae ma ke ano malu, ma Hanalei, Kauai, he mau pule ae nei i hala, i hoea mai ai, i ka maopopo ana, o ka Makaikiu Kellett, o ka oihana makai o Honolulu nei, ka ona nona kela. waapa, eia nae, aole oia i komo pu iloko o ka hana hoopae malu i ka waiona, a i ole maopopo paha no ka hoohanaia ana o kona waapa ma kela hana hakihaki kanawai. i Ma ke Sabati aku nei i hala, ke ! ku ana mai o kela waapa no Honolulu nei, me ka lavreia ana ae, he ekolu mau Kepani, no ka ninaninau- | ia mai e ka Loio Amerika Cardcn, ma na* mea. e pili ana, i ka hana hoopae malu i ka waiona, elike me ia i loaa ai i na makai ma Hanalei, Knuai. , Ma ka hoakaka a ka Makaikiu

Kellett, ua hoolimalima oia i kona waapa i kekahi Kepani o Sarai ka inoa, he mau mahina ae nei i hala, no ka hana lawai'a, no ka uku hoolimalima, o hookahi haneri me iwakalua-kumamalima dala o ka mahina, mawaho ae olaila, aohe ana mea i ike aku, i ka hana a ke Kepani i lawelawe ai me kona waapā. He hookahi nae kumu e ,ka maopopo atia, o ka waapa ..Kepani o Kellett, ka waapa, naōa i lawe £ka waiona no Kauai, o ia inoa e kau ana ma ka ihu o ka yraapa. No na mea e pili ana i ka 'liaole nona ka inoa o Tom Fish, a o ke kapena hoi o kela waapa i manaoia ai, aohe mea a na luna oihana federala i kamailio ae ai, koe wale no ke kauka'i ana aku, mai ke Kepani mai nana i hoolimalima i kela waapa. e 'oaa mai ai na mea oiaio loa.