Ka Nupepa Kuokoa, Volume LXIII, Number 9, 28 Pepeluali 1924 — HOONOUTA KE KIAKAA UWILA I KA POHAKU. [ARTICLE]

HOONOUIA KE KIAKAA UWILA I KA POHAKU.

No ka hewa hoeha me ka meaeha ku i ka make i hookomoia ae ai he hoopii e ka Makai Kalauli ma ka po o ke Sabati nei, o ku-e ana ia Roel Perkins, ke alakai o kekahi puulu kamalii kolohe o ke alanui Liliha mahope o kona hopuia ana. I kulike me ka hoakaka a ka Makaikiu Kellett o ka hoike ana ae, o Perkins kekahi o na ohua i kau ma ke kaa uwila o' ke alanui Liliha ma ka hora 7:30 o ia ahiahi me ka ona. Ia Perkins e kau ana iluna o ke kaa uwila oia mau kona pnhi ana i ka paka, a no ka paakiki o Perkins ua hoihoi hou aku la ke kanaka ohi tikiki i ka ukukaa o Perkins a kauoha pu aku la iaia e lele ilalo. Ua lele io aku ua o Perkins ilalo no ka hooko ana i ke kauoha, a mahope o kona hele ana aku a mamao mai ke kaa aku, ma kahi he 20 paha kapuai, lalau iho la oia i kekahi pohaku nui a hoonou mai la i ke kiakaa a nahaha ke aniani pale makani omua loaa pono ka lae o ke kiakaa David Mitchell a pouli kona ike. Ua laweia mai o Mitcbell i ka halema 'i o na poino ulia no ka lapaauia ana aku o kona lae i waawaa. I ka hoikeia, ana mai o keia karima i ka halewai o ka Makai Kalauli ka i hoounaia aku e hele e hopu ia Perkins, a maloko o na minukē he 20 ma ia hope iho i kai huluhuluia ae ai o Perkins i ka halewai. I ka hoea ana ae o Perkins i ka halema'i o na poino'ulia a i ka ike ana aku o Mitchell iaia, ua hooia koke ae oia o Perkins no i laweia ae ai ke kanaka nana oia i hoonou mai a eha ai oia. T kuiike me ia. a ke Kapena o na

Alakaikiu Kcllett o ka lioike ana ae ma ia $0, o Perkins i paa ae ai i ka hopuia oia ke alakai o kekahi puulu o na kamalii kolohe inoino o ke alanui Liliha, a o ka puulu kamnlii kolohe hoi nana i hoopilikia iiUu i ka noho ana o kekahi o na kanaka ma ke -alanui Liliha iloJio o kn mahina i hala aku.