Ka Nupepa Kuokoa, Volume LXIII, Number 9, 28 Pepeluali 1924 — Piholo a Make He Hawaii ma Waikiki ae Nei Halawai o Mealoha Kainulama me ka Poino ma ka Hele Ana e Lawai'a LOAA KONA KINO ME KANA UPENA KILOI Nui na Manao Kohokoho i ke Kumu Oiaio o Kona Piholo Ana i ke Kai [ARTICLE]

Piholo a Make He Hawaii ma Waikiki ae Nei

Halawai o Mealoha Kainulama me ka Poino ma ka Hele Ana e Lawai'a

LOAA KONA KINO ME KANA UPENA KILOI

Nui na Manao Kohokoho i ke Kumu Oiaio o Kona Piholo Ana i ke Kai

Mawaho ae noi o Waikiki, ma ka auwina la, o ka Poaha o ka pule aku la i hala, i piholo ai o Mealoha Kainulama iloko o ke kai, iaia i hele ai i ke kiola upena ma kola la. I kulike ai me ka hoakaka a ka poe i ike i ka nna o Kainulama me kona hopena poino, u4 helē oia i ka lawai'a, ma ka hapalua o ka hora umi o kela kakahiaka Poaha, mawaho pono aku o kahi auau o ka lehulehu ma WaikikK He nui no ka poe i hele aku i ka lawai'a ma kola kakahiaka, me ko lakou ike i ke ku o Kainulama ma kekahi wahi, no ka hakilo ana, o kona ike aku i kaf i'a. No kekahi mau hora ko Kainulama ana ma kahi hookahi, me kona haalele ole i kela wahi, me ke komo o na manao hoohuoi iloko o ka mea kiai David Kanuha, me ka hopohopo pu nona. I ka hoea ana mai na«, i ka manawa o ke pani o David Kanuha i hoea aku ai, 110 ke ku kiai ana ma kona wahi, oia o Bill Keaweamahi, ua kamailio mai la o Kanuha iaia, e makaala loa ia Kainulama, oiai ua loihi loa ke ku ana o kel'a kanaka ma kahi liookahi, me kona hele olē no kekahi wahi okoa aku. Ma ka hoakaka a Keaweamahi, aole ka i loihi kona lawe ana ae i ke kulana kiai, i ka poe auaukai, ike aku la oia, i ka hina ana o Kainulama imua, o ke piholo no ia iloko 0 ke kai, me kona holo ana aku e nana iaia, a nana i luu a loaa ke kino, me ka hoihoi ana mai nouka o ka aina maloo. Ma ka olelo hol a kekahi poe 1 ike i kela poino, e huli hoi mai ana ka o Kainulama, me ke kau ana i kana upena kiloi ilunE o kona poohiwi, a hoomaka mai la e au, o kona piholo no ia iloko o ke kai, a ma ko lakou manaoio, no ke kaumaha o kela upenß, a i ole, no kona hihia ana paha, pela oia i piholo ai; a ma ke koho wale hoi a kekahi p«e, ua laau kona wawae, mamuli 0 kona ku loihi loa iloko o ko kai. Ua lawelaweia na hana hoopakele 1 ke ola o Kainulama, iaia i hoihoiia ae ai nouka o ka aina, ua lilo nae ia mau hooikaika ana i mau mea waiwai ole, no ka mea ua haalele kaliiko mai ke ola i kona kino.