Ka Nupepa Kuokoa, Volume LXIII, Number 8, 21 February 1924 — NUI NA POINO O KA HALE HUI MALU ELKS Pau Kekahi Hapa o Kela Hale i ke Ahi ma ka Po o ka Poakahi Iho Nei me ka Nui o na Poho i Ikeia [ARTICLE]

NUI NA POINO O KA HALE HUI MALU ELKS

Pau Kekahi Hapa o Kela Hale i ke Ahi ma ka Po o ka Poakahi Iho Nei me ka Nui o na Poho i Ikeia

Mahope koke iho o ka hora umi, 0 ka po o ka Poakahi aku la i hala, 1 a ia ae ai ka home o ka Hui Malu Elks e ke ahi, ma Waikiki, eia nae ua hoopakeleia no kela halo mai ka lilo ana aku i puulehu, mamuli 0 ka }Jio koke ana o ke ahi i ke kinaiia, aka ua hiki aku nae na poho 1 kohoia, ma kahi o ka iwakaluakumamalima kaukani dala. Aole i maopopo ke kumu o ka pau ana o kela hale i ke ahi, aka ua koho wale ia aku nae, mamuli mai o na hunaahi o ka pukauwahi, i lele aku a haule i- na huuahuna lepo maluna o kaupoku, no ka mea ma kela Poakahi no ka holoiia ana o ka pukauwahi e na kauwa. Ua ma'u maoli ka a ana a ke ahi, mamua o ka ikeia ana, mailuna mai o kaupoku ka a ana ahiki i ke komo a;na iloko o na rumi maluna loa o kela hale, a ma ka manawa a na kaawai i hoea aku ai no kahi o ka hale pauahi, ua holopapa okoa ke ahi, ma ka papahele ekolu, ma ka aoao e huli la i Daimana Hila. I kinohi, ua manaoia, e pau holookoa ana kela hale i ke ahi, hookahi nae kumu o ke ko ole ana o ia manao, aole he makani o kela po; nolaila ua nee malie loa ka a ana a ko ahi, ahiki i ka hoomaka ana aku o na kanaka kinaiahi ki i na iliwai iluna o lea hale, a i&ko wale no o ka hapalua hora o kela hooikaika ana e kinai, ua pio iho la ko alii, me ka nui nae o na poino, o na pono hale, ame ka hale holo'okoa i ka wai. Pakele na Lako Hale Na kekahi mnu hoa o ka Ahahui Malu Elks e nolio ana m'aloko o kela hale, ame ka poe i hoea aku ma ka manawa o ka ikeia ana o ke ahi, i haliliali i na lako hale hoonani, o ke kumukuai pii, iwaho o kahi e palekana ai; o na mea hiki ole ia lakou ke lawe, ua koe aku ia iloko o ka hale, me ka lilo o ko lakou nani, i mea ole. Ma ka oleloia ua inisuaia kela hale me na lako liale lioonani apau, no ka huina o

kanawalu kaukani dala. Ilookahi mea noho maloko o kela hale, i oi aku kona poho, oia o Donald C. Thompson, he kanaka paikii kaulana; ma kana olelo, hekanaha kaukani dala kona poho ma kela pauahi. Hc haole malihiui keia o ka hoea ana mai no Honolulu nei, a he malihini hanohano hoi na. ka Hui Malu Llks, aia kona rumi ma ka papahele ekolu, a maloko o kela rumi, kana mau meahana paikii, kona mau lako gula amo na dala pepa he ekolu kaukani me ehiku haneri; no kana mau lako paikii nae, ua inisuaia, no ka huina o iwakalua-kumamalima kaukani dala, ma keia ano, e hoihoiia mai ana no kekahi hapa o kona poho. Hookahi kumu, o ka hiki ole ana ke hoopakele i kona mau waiwai, aolo oia maloko o kela hale, ma ia manawa o ka po, aka'ma ka hokele lana oia, a i kona lohe ana no ka paualii, ua hoi awiwi aku la oia no Waikiki, eia nae ua lohi loa kona hoea ana aku, no ka mea ua pau holookoa kona rumi i ke ahi. Hiki Ole ke Hana Hou ia No kahi o kela hale i poino, aole he hana paakiki, ka hana hou ana aku a kulike me mamua, aka no na pena hoohiwahiwa i hanaia ma na paia, a maluna o na kilina, he mau mea hiki ole ia ke hana hou ia, koe wale no a hooliloia he mau elala mahuahua. Ma ka oleloia, ma ka manawa a Mr. J. B. Kakela, ka ona nona kela home, i kukulu ai i ka hale, ua lawe mai oia i na kanaka loea pena kii mai Europa mai, me ka hoohalaia ana ho makahiki holookoa e kela mau loea ma ka hoonani ana ialoko 0 kona home, i hiki aku na hoolilo ma kahl o ka iwakalua kaukani dala Ua lilo mai kela home i ka Ahahui Ma-lu Elks i ka makahiki 1917, me ka waiho hou ia aku o kela hale ma ke kuai, a he hui ka ma Los Angclcs ka i makemake e kuai mai 1 kela hale ame ka aina, me ka manao e kukulu i hokele, nona, na hoolilo i hiki aku i ka hookahi miliona elala. —I