Ka Nupepa Kuokoa, Volume LXIII, Number 8, 21 Pepeluali 1924 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

AOHE HOOPOHALA HOU ANA IHO.

Ma na hoike maopopo loa i loaa mai i keia keena no ke kulana o na ohana Hawaii kakaikahi e noho mai la ma na aina hoopulapula ma Kalamaula, aole loa he wahi kanalua iki no ko lakou holomua ma na aina hoopulapula ma Kalamaula, aole loa he wahi kanalua iki no ko lakou holomua ma na hana apau a lakau e lawelawe mai nei ma ko lakou mau aina hookuonoono; a ke ohi nei kekahi poe o lakou i na pomaikai, iloko o keia manawa pokole wale no o ka noho ana aku nei ma kela aina.

 

Mamuli o kela kulana homolomua, me ka nui pu o na omaikai o loaa ana i na ohana kakaikahi e noho mai la ma Molokai, ua hoopauia ae na manao hoopohala o kekahi poe o keia kulanakauhale a ke kakali aku nei lakou, o ka wehe hou ia ae o kekahi mau aina ma Molokai, no ka hoonoho ana aku i ka poe e makemake ana e hoi aku ilaila.

 

He mea paakiki, ka wehe koke ia aku o na aina hoopulapula ma Molokai ma ke ano elike me kela ma Kalamaula iloko ko o keia mau manawa no ka nele i ka wai, aka nae, ke makemake nei ka Komisana o na Home Hawaii, e wehe koke aku i kekahi mau eka aina mahuahua, no ke kanu halakahiki.

 

Ma keia manao o ke komisana e kanu na Hawaii e makemake ana e hoi a noho maluna o na aina hoopulapula e wehe hou ia aku ana, i ka halakahiki, na kekahi hui kanu halakahiki e haawi mai ana i na kokua ana i na Hawaii, e aponoia ana ka lakou mau noi e ke komisina, aole wale no ma ke kukulu ana i na home aka ma ka palau ana i ko lakou mau eka aina, ke kanu ana i ka halakahiki, ame ka uhi ana i ka pepa, alaila waiho aku la i ka malama ana i ka halakahiki, ahiki i ka pala ana me ka uku pu ia o kela ame keia ohana e malama ana i kana halakahiki ponoi iho, ma ka la me kekahi uku kupono. a i ke oo ana o ka halakahiki a okiia, ia manawa e uku aku ai kela ame keia ohana me kekahi pakeneka kupono o na loaa o ka halakahiki, i ka hui nana i kokua mai ma ke dala; he ekolu makahiki ka manawa e hookaa ai i kela aie, a mahope aku o kela mau makahiki ekolu, e ohi auanei ka ohana hookahi i na loaa apau o ka halakahiki nona ponoi iho.

 

Me keia mau kumu hoohoihoi e ku mai nei imua o ke alo, o ka hoeueu a ke Kuokoa i kekahi mau ohana e noho nei ma keia kulanakauhale, e waiho koke ae i na palapala noi me ke komisina, aohe hoohakalia hou ana iho, oiai keia manawa maikai mua loa, e haawiina mai ana, i ka wa e makaukau ai ke komisina me na alahele apau e ala ole mai ai he mau alalai ma kekahi ano.

 

Heaha ka waiwai o na dala nunui e loaa nei i kekahi poe Hawaii ma o na ukuhana la in a e hoooliloia ana ia mau dala no ka noho ana maloko o na hale hoolimalima, a no ke kuai ana i na meaai: no ha'i wale no ia pomaikai a lakou e noke nei i ka hooikaika i ka hana i kela ame keia makahiki, me ko lakou noho mau iloko o ka nele ame ka hoopiliwale.

 

Eia ka hana e loaa ai ka nohona kuokoa ana, ame ke kuonoono, ua loaa he mau kokua mahope mai o ke kua, me na dala mahuahua. He ano puikaika no paha i ka wa kinohi, o ka hoomanawanui ka mea e pono ai, mahope aku e ohi auanei i na pomaikai elike me keia olelo a ke kanaka naauao:

He awaawa ka hoomanawanui, he momona nae kona hua."

 

MALUNA O KE KIAAINA KE KO'OIKO'I O KA HOOHOLO ANA.

He mau pule lehulehu keia e kakaliia aku nei no ka hookoia @ ka hoopa'i make maluna o na PIlipino elua na laua i pepehi ia Francis Wright a make ma ka makahiki aku nei i hala.

 

Ma ka mea oiaio no ka hooko ole ia ana o kela hoopa'i o ia no ke kakauinoa ole ana o ke kiaaina i ka palapala no ka @ o kela mau Pilipino maluna o ka amana likanaka.

 

Ua waihoia aku he mau uwalo ana imua o ke kiaaina no ka hoopakele ana ae i ko laua mau ola mai ka make mai, nolaila o ka hoopakele ana ae i ke ola o kela mau Pilipino pepehikanaka mai ka amana mai ame ka ole, ua ili aku ke ko'iko'i o ka hooholo ana maluna o ke kiaaina o keia tertore.

 

Mailoko mai o na Pilipino ehiku i komo iloko o ka hana pepehikanaka, elike me ke kumu hoopii e kue ana ia lakou, no ka make ana o Francis Wright, he elua o lakou i ahewaia no ke karaima pepehikanaka ma ke degere ekahi, a i kauia aku ai ka hoopa'i make maluna o laua.

 

He eha o kela puulu Pilipino, i ahewaia ma ke degere elua o ke karaima pephikanaka me ke kauia ana mai o ka hoopa'i hoopaahao maluna o lakou e noho maloko o ka haleppahao a pau ko lakou ola ana.

 

O ke koena iho o na Pilipino, o ia kona ahewaia ana no ka laweola, me ke kauia  aku o ka hoopa'i hoopaahao no na makahiki elima.

 

Aole he kanalua iki no ka pepehiia ana o Francis Wright a make e kela mau Pilipino ehiku aole paha ua lakou apau i pepehi maoli, aka ua komo like lakou iloko o na hoolala ana, e hooko aku i ke karaima pephikanaka in a pela, alaila ua pili like ka hewa ia lakou apau, me kaokoa ole ka hewa o na Pilipino elua, mai ko laua mau hoa lahui aku; a ina ua hoopaahaoia he eha mau Pilipino, ma ke degere elua o ke karaima pepehikanaka, alaila e pono pu e hookauia aku ia hoopa'i like maluna o na mea elua i ahewaia e make, a e kau pu ia hoi ia hoopa'i like maluna o ka Pilipino i ahewaia no ka laweola a i hoopa'iia he elima makahiki hoopaahao.

 

He mea hiki ole nae ke hookolokolo hou ia kela poe Pilipino imua o ka aha, no ke karaima i hanaia, aka he kuleana nui ka i loaa i ke kiaaina, e hana mai ai i ke kulike, ina ua manaoio  oia aole i kaokoa ae ka hewa i hanaia e na Pilipino elua, mai ka na Pilipino e ae, i hoopakelia ae ai ko lakou mau ola mai ka make mai.

 

Ke manaoio nei keia pepa, o ke alahele a ke Komisina R. M. Ducnan, o ke Komisina HOme Hawaii i makemake ai e loaa he wahi nui kupono, no ka hoahu ana i na meaai apau, i hoouluia e na Hawaii ma na aina hoopuiapula ma Molokai, ma keia kulanakauhale, pela wale no e loaa aku ai na kumukuai kupono i kela poe hoopulapula' aole o ka hoouna mai i na makekeke maanei no ke kuai hoolilo ana aku, no ka mea mahope iho o ka laweia ana ae o na hoolilo o ka poe na lakou e kuai aku, ame na hoolilo ukumoku, e hoemi loa ia iho ana ko lakou mau pomaikai. Ma ke kokua ana aku o ke Komisina o na Home Hawaii, ma ka imi ana i na alahele e poho ole ai kela mau Hawaii ma Molokai e loaa pua ana i ka lehulehu na meaai kupono a e hoemiia mai ana no hoi ke kumukuai o kekahi mau mea a ka poe hoopukapuka e kuai mai nei me ka pipii loa.

 

Ma na hana e lawelaweia mai nei e ka Makaikiu Kellett, o ka oihana makai o Honolulu nei, ma ka hopuhopu ana i poe piliwaiwai, ka poe puhi a kuai waiona pela hoi ka poe aihue i hoike ae ai oia, no kona kupono e paa i kela oihana e loaa ole ai he makalua no ka Makaikiu Harris e komo mai ai, ma ke ano he poo no na makaikiu maanei nei.

 

Nuhou Kuloko

Ma keia ahiahi, e wehe ae ai ka Hui Malu ELks i na hana hoikeike malalo ae nei o Aala Paka.

 

He la kulaia aupuni ka la apopo, o ia ka la hanau o Wakinekona, e paniia ana na hale oihana apau ma ia la, pela me na kula aupuni o ke teritore.

 

 

He o ia mau ka hopuhopuia o ka poe kuai waiona, e na makaikiu o ka oihana makai o Honolulu nei ame na oihana federala; o na Kepani wale no nae ka poe i hopuia no kela hana hakihaki kanawai.

 

E alawa ae e ua lala o ka Ahahui Kaahumanu, i ka hoolaha kuai laulau a kela ahahui, e puka aku nei ma kekahi wahi o keia pepa, no ka hele ana ae e kuai laulau ma ka makeke o ke alanui Kekaulike, ma ke kkahiaka o ka la apopo, ka la o Wahinekona.

 

Mahope o ka hoohala na i kekahi mau mahina ma Wahinekona, i huli hoi mai ai o Kiaaina W.R. Farrington, ma ka Poalua iho nei, me ka malamaia ana o kekahi paina nui hoohanohano nona, maluna o kaupoku o ka Hokele Iana, ma ke awakea o nehinei.

 

He kauoha pili oihana ka i hoounaia aku i na luna oihana o Kapalakiko no ka hopu ana mai ia Antone R. Acosta, ma ka manawa e ku aku ai ka mokuahi Sonoma no ka Ipuka Gula, malalo o ke kumu hoopii, o ia ka lawe i na waiwai i haawiia aku nana e malama.

 

Mahope iho o ke kaama'i ana no kekahi manawa pokole wale no, i pauaho mai ai o Mrs. Mary Kaaipuaa, o ke alanui ololi Jack, Nuuanu, i keia ola ana ma ka po o ka Poaono aku la i hala, a ma ka auwina la o ka Poakahi iho nei, i hoomoeia aku ai kona kino wailua, ma ka ilina o Maemae.

 

Ma ka Poakahi iho nei i aeia mai ai ka Lunakanawai Federala Poindexter e lawelawe i ka oihana loio imua o na aha hookolokolo apau o keia teritore. E holo hoomaha aku ana oia no Amerika, e hala ai na mahina elua, a iaia e hoi hou mai ai no keia kulanakauhale, e lawelawe aku ai oia i ka oihana loio.

 

Eia na hoolala no ka hoonee aku i na hana hoikeike fea nui, mawaho ae nei o ke kahua hoikeike hou ma Kapahulu, ke liuliu mai nei; e makaukau ai mamua ae o ka manawa e weheia ai ka hoikeike fea territore, iloko o kekahi manawa o ka mahina o Okatoba, o keia makahiki.

 

HOOLAHA PAILINA.

Ke kauohaia aku nei ka poe apau he mau iwi ka lakou, e waiho nei ma ka pailina o ka ekalesia o Wananalua, Hana, Maui, e uku mai i ka mea nona ka inoa malalo iho nei, ma ka hookahi dala ($1.00) o ka iwi hookahi, a ina aole e hooko mai elike me keia, a hala he kanakolu la mahope iho o keia hoolaha, alaila e manaoia, ua pau ko lakou hoomanao ana i ka lakou mau mea aloha, alaila e palahaia aku ana ia mau he, a haawiia aku no na ohana e makemake mai ana, ua lawe ae ka ekalesia a hoomaemae a malama me ka maikai i keia pailina, a he mea maikai e makaala mai ua makamaka i ko lakou kuleana.

 

Me ka haahaa.

 

MRS. ALICE L. KAHOKUOLUNA, Hana, Maui. 6596-Feb. 21, 28.

 

I NA HOA O KA AOAO REPUBALIKA O KE TERRITORE O HAWAII-

 

HE KAHEA NO KA A HAELELE REPUBALIKA E MALAMAIA ANA MALOKO O HONOLULU, T.H., MA KA LA 7 O APERILA, 1924, ME KA HOOHOLO ANA I NA LA NO KA WAE AME KE KOHO ANA I NA ELELE AME KO LAKOU MA U HOPE.

 

Mamuli o ka olelo hooholo a ke Komite Kuwaena Teritore Republika i aponoia ma ka halawai i malamais maloko o Honolulu, T. H., ma ka la 4 o Februari, 1924, a i kulike ai me ka Pauku 3 o ka Mahele 7 o na rula ame na hooponopono ana o ka aoao Republika o ke Teritore o Hawaii, ma keia ke haawiiia aku nei ka hoolaha, ke kaheaia aku nei ka Ahaelele Teritore e malamaia maloko o Honolulu, T. H., ma ka la 7 o Aperila, 1924, no ke koho ana i elua mau elele ame ko laua mau hope i ka Ahalele Lahui o na Elele i Kohoia o ka Aoao Republika e malamaia ana ma ke Kulanakauhale o Cleveland, maloko o ka Mokuaina o Ohio, ma ka hora 11:00 a.m., o ka Poalua, ka la 10 o Iune, 1924, no ka wae ana ae i na moho no ka Peresidena ame Hope Peresidena e kohoia aku ai ma ke koho Peresidena ma ka Poalua, Novemaba 4, 1924, a no ka noonoo ana i na hana e ae e hapaiia mai ana imua o ia aha.

 

E halawai na Kalapu Mahele apau o ka Aoao Repubalika maloko o ke Teritore o Hawaii ma ka hora 7:30 p.m., ma ka Poaha, ka la 6 o Maraki, 1924, no ka wae ana ae i na elele i ka Ahaelele Teritore i oleloia. E hamama no ka waiho inoa ana mai ka hora 7:30 p.m., a e waihoia ae ma ke kakau me ka Lunahoomalu o ka halawai.

 

Ma ka Poano, ka la 15 o Maraki, 1924, e koho na Kalapu Mahele ma ka baloha, mawaena o na hora 2:00 p.m. me 8:30 p.m., i na elele i ka Ahaelele Teritore i oleloia elike me ia malalo iho nei:

 

NA MAHELE

Na Apana        1   2   3   4   5   6   7   8   9   10   11   12   13   14   15   16   17   18   19   20   21   22 Huina Elele

EKAHI….      1   1   1   1   2   2   3   6   1   2   1   3   1   1   2   1   1      ..    ..      ..   ..   ..   30

ELUA…..       3   3   1   1   1   1   1   1   2   3   1   1   1   2   1   2   ..     ..     ..    ..    ..    ..   25

EKOLU….     1   1   3   1   4   1   5   2   1   1   1   5   1   1   1   4   1   1   1   1   1   3   41

EHA….           5   5   2   8   5   9   2   8   2   7   3   2   4  1   2   1   3   3   1   ..   ..   ..   73

ELIMA….      2   1   1   3   4   1   2   5   4   4   4   2   6   1   2   2   1   2   2   2   1   ..   52

EONO…..      1   1   2   2   2   2   6   3   1   1   2   ..   ..   ..   ..   ..   ..   ..   ..  ..  ..   ..   23

HUINA NUI O NA ELELE…………244

LAWRENCE M. JUDD,

Lunahoomalu, Komite Kuwaena Teritore Repubalika.

LUKE L. UKAUKA,

Kakauolelo, Komite Kuwaena Teritore Repubalika.

Honolulu, Februari 24, 1924.

6596-Feb. 21

 

J. ASSEN KE KANAKA PILIKUA

Ma ka Poakolu o ka pule aku nei i hala, i hoea mai ai i keia kulanakauhale o J. Assen, ke kamaka pilikua Norewai, i laweia mai nei, no na hana hoikeike a ka Hui Malu Elks malolo ae nei o Aala Paka, e hoomaka ana mai keia po Poaha aku, no eiwa la.

 

O ke kiekie o keia pilikua, he ewalu kapuai me eono iniha. Ma keia kii e hiki ai ke ikeia, ua lilo i hana paakiki nana ke puhi ana i kona eiga i ke kukaepele iloko o ka lima o ke kaikamahine uuku, me kona kulou ole aku imua.

 

Maluna o ka mokuahi, a mauka nei o ka aina, ua hanaia kekahi moe kaokoa i kupono nona.

 

Mawaho ae o keia kanaka loihi loa, o ka laweia ana mai nei no na hana hoikeike a ka Hui Malu Elks, ua hoea pu mai nei kekahi kanaka momona loa, o ehiku haneri me kanaha-kumamamalima paona, pela hoi me kekahi kanaka uuku loa: ma waho ae o kela mau kanaka a ke kupaianaha nui wale, he nui hou ae na mea hoikeike a ko Hawaii nei poe, e hialaai ai, ke hele ae, ma na po e malamaia ana na hoikeike ma Aala Paka.

 

LAWE HE KUMUKULA WAHINE I KONA OLA PONOI.

Ma ke kakahiaka o ka Poakahi aku la i hala, i loaa aku ai ke kino make o Miss Harriet C. MaeNeil, he kumukula no Waialua, o keia mokupuni maloko o kona home a ma ka aoao o kona kino, e waiho ana he pu panapana, ka mea nana i hoike mai, ua lawe okoa ae no kela wahine kumukula i kona ola me kona mau lima ponoi.

 

Ua lohe ka poe e noho kokoke ana i ka home o kela wahine, i ke kani o ka pu panapana no ekoulu manawa, ma ka hora ehiku o kela kakakhiaka, a i ka wa i heleia aku ai e nana, i ke kumu o ke kani ana o ka pu panapana, i ikeia ai, e waiho mai ana ke kino o Miss MacNeil, me elua mau puka poka ma kona umauma, a he hookahi hoi puka ka ma kona poo.

 

No no makahiki ae nei elua, ka noho ana o kela kumukula e a'o ma ke kula aupuni o Waialua, a maloko no o kekahi hale i hookaawaleia no na kumukula kona wahi e noho ai, a ua lilo kela lawe okoa ana ae i kona ola iho, i mea hoopohihihi aku i ka noonoo o ko Waialua poe, ame kona mau hoaloha maanei nei.

 

He wahine aoo kela nona na makahiki he kanaono, a he kaikunane kona e noho nei ma ke ano he kumukula no Punahou.

 

Ua hoihoi loa ia mai kona kino make no keia kulanakahale a ma ka hora eha o ka auwina la o ka Poalua i malamaia ae ai ke anaina haipule nona, me ke puhiia ana o kona kino i ke ahi, no ka hoihoiia aku no Amerika, no kona onehanau.

 

Nuhou Kuwaho

WAKINEKONA, Feb. 15. - Ua hoopukaia ae he kauoha kauawai i keia la e ka Persidena Coolidge e hoopanee ana i ka lele ana o ka mokuea a ka oihana kaua moana Shenandoah i hoolalaia ai i ka welau akau ahiki i ka loaa ana he manawa kupono i ka ahaolelo e noonoo ai maluna o ia kumuhana.

 

TUREKE, Feb. 15.- He kauoha ka i loaa ae i ka Makai Nui i keia la mai ke aupuni mai e hookapu loa ana i ko Howard Carter, ke kanaka Amerika nana e eli mai nei i ka lua kupapau o ka Moi Parao komo ana aku iloko o ka he kahi o ke kino o ka moi i waiho ai.

 

DUBLIN, Jan. 26.- O ka huina lahuikanaka o ka Free State i heluia ma ka hapa mua o ka 1923 he 3,165,000 i kohoia. Ua aneane loa keia mau huahelu e pololei loa, a e hoike ana ia he 30,000 ka pii hou ae o ka nui o ka lahui iloko o na makahiki he 10.

 

HOOKUUIA O MAKIA KIA E KE KIURE.

O Makia Kia, ke kalaiwa o ke ka otomobile i hooku'i ai i ke kumulaau ma Waialua ma kekahi mau pule i hala hope aku nei, a i make ai hoi kekahi mau wahine Hawaii elua no laua na inoa a Annie K. Uaia ame Mrs. Kahinu Kuewa, ma muli o ka ulia kaa, ma kekahi wahi kokoke i Waialua, ma ka la 19 o Dekemaba o ka 1923 i hala, a i hoopiiia ae ai no ka hewa laweola, ua hookuuia oia e ka papa kiure a ka Lunakanawai Kaapuni James J. Banks ma ka Poalaua nei, mahope o ka noho ana o ka aha kaapuni e ninaninau i keia hihia no na la elua.

 

Mahope iho o ka pau ana o na hoakaka a na loio ma na aoaao elua a komo aku la ka hihia i ka papa kiure, he 10 minuke wale no ka loihi o ka manawa o ka noonoo ana o na kiure no ka lakou olelo hooholo mahpe o ka baloka ana no elua manawa a hoihoi ae la i ka olelo hooholo e hookuu ana ia Kia.

 

O ka Loio Kulanakauhale ame Kalana Wm. H. Heen ka mea hoopii ma ka aoao o ke aupuni, a o Harold t. Kay, he loio hou, ka ka aha i koho ai i kokua ma ka aoao o ka mea i hoopiiia.

 

I kulike me ka hoakaka ma ka moolelo e pili ana i keia ulia ana a make na wahine Hawaii elua, i ka lawai'a na wahine ma Waiau a e hoi mai ana laua maluna o ke kaa otomobile e kalawaia ana e Makia Kia, a i ka hoea ana mai ma kekahi wahi ua pakika iho la na huila o ke kaa a hooku'i akau la i kekahi kumulaau e ku ana mahai o ke alanui, a o ke kumu hoi o ka make ana o na wahine mahope koke iho.

 

Mahope o ka hookuuia ana ae o Makia Kia e ke kiure ma kona kumuhoopii mua i hookomoia ae ai he laweola, ia manawa i noi ae ai ka loio kulanakauhale Wm. H. Heen, i ka aha e hoopau wale ia ka lua o na kumuhoopii e kue ana ia Kia no ka make ana o ka lua o na wahine, a ua hookomoia ae he moolelo no ia hookuuia ana maloko o ka buke moolelo o ka aha, mahope o ke apono ana ae o ka aha.

 

NA MARE.

J.B. Benson Jr., ia Mary L. Martin, Feb. 4.

 

Abe Santana ia Sadie Evans, Feb. 5.

 

Peter Garcia ia Caroline Hiram, Feb. 6.

 

Robert Kealoha ia Elsie Ulii, Feb. 7.

 

Tom Naka ia Mary Kaai, Feb. 9.

 

A.R. Gaspar ia Rosina H. Sake, Feb. 9.

 

Leonard Rose ia Alice Aylett. Feb. 15.

 

NA MAKE.

Kaleipainniu Aylett, ma ke alanui Sereno, Feb. 7.

 

D.K. Kaeha, ma ke alanui Ferandendez, Feb. 13.

 

A Mele Kalama, ma ke alanui Beretania, Feb. 14.

 

ALice H. Scott, ma ke alanui Pele. Feb. 15.

 

Henry Waiwaiole, ma ke alanui Kanakanui, Feb. 15.

 

Pilikua Lane, ma ke alanui Pineapple, Feb. 16.

 

Mrs. Mary Kaaipuaa, ma ke alanui Jack, Feb. 16.

 

George L. Fong Jr., ma ke alanui Cooke, Feb. 16.

 

ALPINE MILK

Mau ka ono o keia waiu maemae me ka momona no ka wa loihi, mahope mai o kou wehe ana i ke kini. Ninau i kou kanaka kuai meaai no ka-

 

NA HANAU.

Na E. Coyle âme @ @ he kaikamahine, Feb. 2.

 

Na John Caspino âme @ Kalama, he kaikahine, F@

 

Na C.J. Riley ame @ laa, he kekikane, Feb. @

 

Na Peter Heliona âme @ P. Keahiolalo, he kaikamahine, Feb. 14.

 

Na Richard K. Helenihi @ san Holoua, he kaikamahine Feb.

 

Na Mr. ame Mrs. John @ Kanaha, he kaikamahine Feb. @

 

PARISA, Jan 25. Ua @ @ ka moolelo a na kauaka Pala@ maikai o ke ola kino o na ka@ hine Palani mai o a o, mamuli o lakou komo mau ana ma na @ hooikaika kino ma na wahi ak@ kela ma'i omali a nawaliwa'i @mai o ka ili i ikeia ia lakou @ ua nalowale loa mai ia @.

 

Wahine Puniu Akamai

Mahalo Hou no La B. B. C. ka L@@@ Lapaau Hou Nona ka Holomua Kamahao ka Mea i Lilo ai i Kumu Kamalilo na ko ke Kulanakauhale Holookoa.

 

Ke lave nei na wahine puniu aka mai, i hopohopo ole i ka @ ana i ko lakou manao i ka B. B. @ me ko lakou ike i na mea @ olaila Wahi a kekahi wahine @ Waikiki: " Ke manao nei @ @ laau lapaau maikai loa ke B. B. @ He pilikia ko'u opu no kekahi @ nawa, me ka hu'i ma ke kua @ me na ehaeha apau @ @ @ @ elua wale no omole o ka B. B. @ a'u i hoohana ai, ua @ aku i hu'i. Ua olouia loa au ma @ mau @iikia e ae. Ua @ @ mau aalolo, pau ka nalulu @ ka hiamoe ana, ono mai ka ai @ ke haaheo nei au no kou lilo ana i mea lawe i ka B. B. C. no k amea ma kokua nui mai ia ia'u a ke @ oli nei au i ka hoo@a ana aku @ o na wahine apau, he laau @ kino kamahao ia." He wahine @ ae mai Waialua mai ame @ mau wahine puniu akamai o @ lulu ame na mokupuni ka i olelo @ ia mea hookahi no no ka B. b. C. Aole he alekohola iloko ola@a @ @ ualuea ai i ka opu, hiki ke @ i ka puha me ka piha makani @ puka mai ai ka waiawa ke ha @ Aole waiawa e pilikia ai na @ paahana. Kokua nui aku ka B. B. C. i na pilikia o ke akepaa, ka poluiu@ ka nalulu. ke poniuulu, ka hiaa @ hou nui i ka po. Ma na Halekuai laau ame na Halekuai mahik@ @ @ $1.00. Wai a i ole @ paha. Benson. Smith & Co. @ lulu.

 

Pehea ka Pono Omua Aku Nei o Kau Kamaiki?

Ke a'o nei anei oe i ka waiwaiio o ke dala ma ka hoomaka ana e wehe i Moohelu Hoahu Banako ma kona inoa?

 

He haawi anei oe iaia i haawina dala me ka hoomaa ana e hoolilo i kekahi hapa me ka naauao a e hoahu i kekahi?

 

Hui wale na kahua onipaa no ka makaukau lawelawe oihana i hookahuaia ma keia ano e na makua noonoo a piha makee.

 

Wehe Koke i Moohelu HOahu no Kau Kamaiki me Makou ano The Bank of Bishop & Co., Ltd. Ka Banako Kamaaina i na Hawaii.

 

He Palekaua Lahilahi Hiki ke Ku-e Aku

Elike me ke kila e ku-e ana i ke kila, ke pena e pale ana i ke kawa-u ka elele o ka popopo ame ka lepohao.

 

O ke pena ka heke o na metala apau. Loihi kona paa, maalahi kona hana ana maloo me ka oi ae o kana uhi ana me ka waiho iho i ke kulana maikai no ke pena hou ana aku. Ke hoohuihuiia me na metala wahooluu e malama ana ia i keia mau ano maikai. No keia kumu, o ke kahua iho la ia o ka oihana pena.

 

PIONEER WHITE LEAD

i hanaia e W.P. Fuller Co., ua loaa mai ma kela nao kahiko o ka hana ana a Dutch, o ke ano wale no e loaa mai ai ka paa, ka uaua ame ka metala keokeo i makemakeia ai e loaa i na pena maikai.

 

LEWERS & COOKE, LTD.

Poe Loea ma na Lako Kukulu Hale Mahope mai o ka 1852

169-177 Alanui Moi Hema