Ka Nupepa Kuokoa, Volume LXIII, Number 7, 14 February 1924 — LOKAHI NA KIURE NO KA PILI O KA HEWA AIHUE Ahewaia o Askew Mahope o ka Noonoo Ana o na Kiure i ka Olelo Hooholo no ka Manawa Loihi—Ma Keia Poaono ka Hoopa'i [ARTICLE]

LOKAHI NA KIURE NO KA PILI O KA HEWA AIHUE

Ahewaia o Askew Mahope o ka Noonoo Ana o na Kiure i ka Olelo Hooholo no ka Manawa Loihi—Ma Keia Poaono ka Hoopa'i

Mahope iho o ka hoopaaia ana o na kiure, no ca hora he iwakaluakumamalua maloko o ko lakou keeua oihana, a maloko o ka hokele, i hoopuka mai ai lakou, i ka olelo hooholo, ma ka auwina la- o ka Poaono aku nei i hala, e ahewa ana ia Robcrt E. Askew, no ka pili o ka hewa aihue iaia, i na dala o ka Banako o Hawaii i hiki aku ka huina ma kalii o ka umi-kumamalima kaukani dala. Ma ka manawa nae a kela kiurc i lioihoi ae ai i kana olelo hooholo iniua o ka Lunakanawai Kaapun'i James Banks, ua nonoi pu mai ia i ka aha e kauia "aku kekahi hoopa'i oluolu maluna o ka mea t hoo]>iiia, ua hoopaneeia mai nae ko kau ana aku i kona hoopa'i a keia Poaono iho. Ma ka, oleloia, he hookalii kumu o ka loaa koke ole o ka olelo hooholo a ko kiure no kela hihia, o ia uo ke ku ana he elua mau kiure, ma ka aoao e hookuu i ka mea i hoopiiia, no ka pili ole 0 ka. hewa aihue iaia, a he hookahi wale no ka kumu o ko laua hoololi ana i ko laua manao, mamuli no ia o ke kumu, e kauia mai he hoopa'i mama maluna 0 Eskew. Ua hoohalahala ,nac ka Loio Charl6s S. Davia, ka loio o ka mea 1 hoopiiia, i ka olelo hooholo, malalo o ke kumu, ua ku-e kela olelo hooholo, i ke kanawai, ame na oleloike, kona waiho ana ajku i ke noi, e hoolohe hou ia ka hihia. He kuli o Mr. Robert E. Eskew, nolaila aole oia i lohe i ka olelo hooholo e pili ana i kona hihia, i ka manawa i heluheluia ae ai e ke kakauolelo o ka aha, mamuli o kela kuli, i kauoha okoa ae ai ka Lunakanawai Banks, e haawiia aku ka pepa, i kakauia ai ka olelo hooholo i ka mea i hoopiiia. Maliope o ka heluhelu ana i na mea i kakauia iluna o ka apana pepa, aole he mau hiona o ke kaumaha i ikeia aku maluna o ka helehelena o Eskew, a iaia i haawi hou mai ai i kela apana pepa, nana aku la oia i kona makuahine, alaila haaavi ae Ta i kona mahalo imua o ka I F.oio Davis. I Ka Moolelo o Kela Hlhia Ma ka makaliiki aku nei i hala, iloko o ka mahina o Maraki, i nalowale honua ai ka huina o umi-

kumamalima kaukani dala, ma ke ano pohihihi, o ka hoounaia ana ae i ka Banako Hawaii, mai ka Banako mai o Bihopa ma, he mau dala i manaoia no ka uku ana aku i na limahana o ka mahiko ma Ewa ae nei. Ma ka manawa o ka hoounaia ana aku o na bila i ka lunanui o ka mahiko, a heluia, i ikeia ai, ka pokole o na bila dala, aole hoi elike me ka huina i hoakakaia maloko o ka hoike, no ka huina oiaio i hoounaia aku. O ke ano o ka nalowale ana o na kaukani dala he nmi-kumamalima, he ninau pohihihi loa ia, i na luna oihana o na hale banako a elua, a i wahi e loaa pono ai ka mea kolohe, ua kauoha okoa ia he elua mau makaikiu i Kapalakiko, no ka holo ana mai no Honolulu nei. O na Makaikiu A. M. Harri?, e noii mai la i ka hiliia pohihihi, no ka make ana o Mr. Conant o Molokai, a o ka mea hookahi no hoi nana i noii, ahiki i ka loaa pono ana, o ka poe na lakou i pepehi ia Wai Bow, amo Cunningham, ka i hoounaia mai, me ka maolpopo ole nae i koonei poe, a ua hoonohoia kekahi o kela mau makaikiu maloko o ka Banako Hawaii, e noho hana ai ma ke ano ho kupakako, oia o Cunningham. Ma na hana maalea, elike me ke ano mau a na makaikiu e lawelawe oi, i loaa pono ai, o Mr. Eskew ka mea nana i lawe i na kaukani dala i nalowale. He mea oia e noho hana ana maloko o ka Banakg Haw,iii,. a o ke ano o kana lawe ana i na kaukani dala ma ke ano kolohe, ma ka hoohehee ana no ia i na sila, i hoopaaia ai o na bila dala. a lawe mai la i na bila iwakalua dala ka waiwaiio, a hookomo aku la tna ia Tvahi, i na bila elima dala. Ma ka nokeia ana i ka niele, i ae okoa ae ai oia no kona pili i ka hewa, me ke kuhikuhi ana, i kahi i hunaia ai o kekahi mau kaukani dala, maloko no ia o kekalii kini, i kanuia iloko o ke one, mawaho ae nei o Wnikiki. O kekahi o na kumupale ko'iko'i ma ka aoao o ka mea i hoopiiia, no kona lawelawe ana i kela hana aihue, o ia no ke opulepule o kona noonoo, ua lawelawe oia i kela hana, me ka maopopo ole iaia o ke ko'iko'i o ka hewa. i hanaia.