Ka Nupepa Kuokoa, Volume LXIII, Number 7, 14 February 1924 — UA AA KA HUI HUKIHUKI O LAIE. [ARTICLE]
UA AA KA HUI HUKIHUKI O LAIE.
E Mr. Lunahooponopono, Aloha oe:—E ahonui mai. ua hoopuiwaia mai na keiki huki kaula o Laie, e Mr. Kalanl, a ua puiwa like no paha me ko Honolulu no kela inoa moho. Ua hui kuka like ae la na keiki a hooholo like penei: $5000.00 ia Laie $5000.00 ia Honolulu, a hoohiliia $10,000.00. O ka hui e lanakila ana, nana kela puu pohaku nui. Aole ae o Laie i kela uku puka pohihihi ame $nOOO.OO ia Laie wale no, a ke olelo mai nei lakou, no Waolani ka ia poe, ke ae aku, o ka pololei maoli no ka, like a like alaila, huki. Nolaila malaila iho la no kaua pau ina e holo like, koho na- lunakanawai ka rula huki, lie mau aelike paha, o oe ame kou mau keiki aku malaila pau mai la au malaila, e ka hoahanau; o H. Kalili ke kuleana me kona mau keiki. JOEL K. APUAKEHAU, Kahuku Oahu.