Ka Nupepa Kuokoa, Volume LXIII, Number 7, 14 February 1924 — Make Mamuli o Me ke Kaa Oto Ka Hookui Ana Halawai he Kaikamahine Pake Uuku me Kona Hopena Poino ma ka Ulia PAA NAE KE KIAKAA OTO I KA HOPUIA No ka Holonui ke Kumu o ka Hooku'iia Ana o ke Kaikamahine Uuku [ARTICLE]

Make Mamuli o Me ke Kaa Oto Ka Hookui Ana

Halawai he Kaikamahine Pake Uuku me Kona Hopena Poino ma ka Ulia

PAA NAE KE KIAKAA OTO I KA HOPUIA

No ka Holonui ke Kumu o ka Hooku'iia Ana o ke Kaikamahine Uuku

Ma ka hora umi-kumamakahi, o ke kakahiaka o ka Poakahi aku la i hala, i hooku'iia ac ai hc kaikamahine Pake, nona na makahiki he elima, e ke kaa otomobilc, o liookeleia ana e H. Yamanaka, a nia ka hapalua o ka hora ehileu o ka po Poakaki no, i mako loa ai oia, maloko o ka halema'i o na kamalii, mamuli o na palapu i loaa maluna 0 kona kino. I kulike ai me ka moolelo e pili ana i kela ulia poino, ua haalele aku ke kaikaniahine uuku i ka halekula o na kamalii Pake ma ko alanui Papu, me ka a'e ana aku i ke alanui Papu, no ka huli hoi ana i kona home. I kela kaikamahino ka e nanea ana i ka hele, ua hooku'iia aku la oia e ke kaa otomobile o H. Yamanaka, a walii a ka poe i ike pono, 1 kela ulia, ho pukalaki maoli no ka ke ano o ka hookelo ana a Yamanaka i kona kaa, no ka mea mahope iho o ka hooku'i ana aku me ke kaikamahine uuku, ua holo pahu'a aku la ia no umi-kumamahi-ku kapuai ka mamao, mamua o ka paa ana o leona holo. Ua hookauia ke kamaiki e Yamanaka iluna o kona kaa otomobile, a hoihoiia aku noloko o ka halema'i o na poino ulia, a mahope o ka. lawelaweia ana mai o kekalii mau lapaau ana maluna ona, i hoihoi loa ia aku ai no ka Halema 'i Kauikeolani. Ua hopuia kela kiakaa, malalo o ke kumu hoopii he holonui, me kona hookuu hou ia ana nae, mamuli o ka bele ana i ka huina o hookahi haneri dala, aka no ka make ana- o ke kaikamahine uuku, ua hopu hou ia oia, no ke kumu hoopii he laweola. O Kwai Chung ka inoa o kela kaikamahine, he kaikamahine na Mrs. ame Mrs. Chung You, o ke alanui ololī Kahela.