Ka Nupepa Kuokoa, Volume LXIII, Number 7, 14 February 1924 — KE ANAINA HOOMANAO I KA OHANA KALAKAUA. [ARTICLE]

KE ANAINA HOOMANAO I KA OHANA KALAKAUA.

No ka mua loa, c malama ae ana na ahahui Hahc anaina hoomanao no ka ohana o ka Moi Kalakaua, ma'oko o ka luakini o Kawaiahao. nia keia Sabati iho. ma!alo o na hooponopono ana a ka Ahahui Hafe o na Alii o Hai noho poo ia e ke Kamaliiwahine Kawananakoa. Malia paha. iloko o ka noonoo o kekahi poe o kakou, e lilo keia hoomanao ana i ka ohana Kalakaua, i mea maikai o:c i ko lakou manao, no ka hoomanao pu ole ia o na la o kekahi mau moi e ae o Hawaii nei; ina nae he noonoo kekahi o kela ano; e hoopau loa *ia ano noonoo. īloko o ke au o ka nohoalii ana o ka Moi Kalakaua no keia aupuni, ua nanaia aku oia ma ke ano oia kekahi o na moi naauao, nif ka maliu i na a'o ana aku a kekahi poe ko'iko'i iwaena o kona mau makaainana; o kekahi o na hōike maopopo loa no ia naauao, o ia no kona hana ana i ke kuikahi panailike me na aupuni e. Mamuli o kela kuikahi panailike, i waeleia ae ai ke alahele a malāelae no ka oihana kanu.ko ma Hawaii nei; ūa moe nku nae ka Moi Kalakaua, aka ke ku mai nei kekahi o kana mau hana kilakila, i kiahoomanao nona mahope nei, ka hana nana i hoowaiwai mai i ka aina, a i hoowaiwai pu aku i kekahi mahele nui o na makaainana.