Ka Nupepa Kuokoa, Volume LXIII, Number 7, 14 Pepeluali 1924 — OLELO HOALOHALOHA NO REV. S. K. KAULILI. [ARTICLE]

OLELO HOALOHALOHA NO REV. S. K. KAULILI.

No ka mea ua oluolu i ke Akua ka Makua Mana loa a lokomaikai nui wale, ka lawe ana aku i ka makua i alohaia, Solomon Kamaha Kaulill, mai keia ola ana, a mni o makou nei aku hoi, ma ko kakahiaka poniponi o ke Sabati, Dekcmaba 30, 1923 1 hala koke iho la, e waiho ana mahope nei i kana mau mea aloha he wahine ame na keiki aloha a laua: A no ka mea, o ka mea aloha i hala aku, oia no ke kahuhipa o ka Ekaleßia Euanelio o Koloa, Kauai nei, a no kekahi mau makahiki liuliu no i hala ae nei, a he limakokua nui, a iknika no hoi no na hana euanelio iloko o ke Kula Sabati ame ka Ahahui C. E., o ia Ekaleaia, a he hoapaahana oiaio, a piha no hoi i ke aloha no ka ke Akua hana; a 0 kona hala ana aku, ua hoonele mai no ia i keia Ekalesia ame kona mau mahelo hana apau mo kekahi koleua nui e pono ai na hana: NOLAILA, o makou o na Hoahanau, na Haumana ame na Kumu Kula Sabati ame na Lala o ka Ahnhui C. E., o ka Ekalesia Euanelio o Koloa nei, ke hoike nei ma keia, i ko makou komo pu ana aku me ka wahine kane-make, ame ka ohana apau o ka mea i hal aloa, i ke ala hoi ole mai, iloko o ka noho u ame ke kumakena ana, me ke noi pu ae i ke Akua e hoomaha a lioomama mai 1 na luukiu o ka ohana apau, o ka mea i hala, a e aloha mai hoi i ka wahine kane-make ame na keiki ame ka ohana apnu, a e hoopomaikai nui Eiai no ia lakou apau. Ke hooholo pu nei makou, e hoopaaia keia mau olelo maloko o na Buke Moolelo o na Mahele i hoikeia ae la o ka Ekalesia o Koloa nei, e haawiia aku kekahi kope i ka wahine kane-make nona, ame ka ohana apau o ka mea i hala; a hookahi kope e haawiia aku i ka Nupepa Kuokoa ame Hoaloha no ka hoolahaia ae o keia no ka ike mai o ka lehulehu i keia mau hoomanao aloha, no ko makou hoapaahana-i haalele mai. 0 makou no, ma o ko makou mau komite la i koho pono ia, MINNIE AKA, JAMES K. KULA, HENRY BLAKE, Koxnite Kula Sabati, me Ahahui C. E., me Ekalesia, o Kolon, Knuai. Koloa, Kauni, Jnn. 27, 1924.