Ka Nupepa Kuokoa, Volume LXIII, Number 7, 14 Pepeluali 1924 — HAINA NANE [ARTICLE]

HAINA NANE

Mr. Solomon Hanohano; Lunahooponopono o ka Nupepa Kuokoa, Aloha oe:—E oluolu mai oe no'u kekahi wahi kaawale o ka hiwahiwa a ka lahui no ka'u haina o ka nane a Z. P. K. Kawaikaumaiikamakaokaopua, ko keiki hoi o ka peni hulu kamelo o na Kona, a na ka kaua hiwahiwa ia e aha'i palanehe aku maluna o na puu na owawa, a maluna aku o na ale hanupanupa o ka moana, a kaalo iho ma na aia paa o ka pali kapu o Keoua, ma Kona, a hoea loa aku ma ka lae ma Kumukahi ma Hawaii, kahi hoi a ka 1& e puka mai ai, a ka welo ana o ka la i ka mole olu o Lehua, e ike mai ai na olohe huli meapohihihi o keia au holomua o ka naauao. Eia mai 0 uwahl a hoea aku. Kukulu mai ua keiki nei o ka peni hulu kamelo i ka nane ana, penei: Mahele 1. Loaa no au i na meaulu apau o ka honua nei, a ke Akua 1 hana ai. Ninau iho la ua keiki holo ekake nei o na Kona, owai ka mahele mua o ke kama? Haina: Welau. Ua loaa io keia iloko o na meaulu e laa ka welau v ' a i ole, elau ko, ua like a like keia mau mea, a ke Akua i hooulu mai ai, a o ia ka'u e hooheno ae nei: Loaa aku oe ia'u, Ma ka wolelau lima, Ma kuu poli mai oe, Na'u e honehone aku. Uhenehene ana ko aka, Ko lealea paha, He mea maamau ia, For you ame a'u. Mahele 2. Loaa no au ina moku, waapa, na holoholona na mealele na meakolo ame na kaHaka apau o ka honua nei, aole loa au e haalele ia lakou ahiki i ko lakou hooluolu ana. Ninau hou iho la ua keiki holo ekake nei ona Kona. Owai ka mahele hope o ke Kamal. Haina. Akau. Penei iho na wehewelie ana: ona moku e holo nei ma ka moana kai nui akea, e hahai ! ana no ma kona aoao akau, i ka mo- , ku e paewa ai ma kona alahele, he mea maopopo e poino ana iwaena moana, mamuli o ka halawai me kekahi moku e hahai ana no ma kona aoao akau, pela no hoi na waapa a waa, he aoao akau like no ko laua, pela pu me na mealele he eheu akau, he wawae akau, he maka akau, pela no i na meakolo, pela pu me na lahui kanaka apau. He maka akau, he lima akau a he wawae akau. Olelo hou iho la ua kae'ae'a nei o ka pali kapu o Keoua: Aole au e haalele ia lakou ahiki i ko lakou hooluolu ana, pehea hoi e haalele ai, oiai aia no me ia ka maka akau, pela ka 'lima akau, pela me ka wawae akau. I ka hoohuiia ana o ka mahele 1, ame 2, loaa no ka haina. Welau Akau. Ua like no keia me ka Welau Hema. Aia nae ka li'a ana i ka "Welau Akau, o ia hoi o Alika, aina anu, pela hoi ua keiki nVi i wehe aku nei o uwahi i na kai anu o ka Welau Akau, a o Alika hoi i ka poe Holokahiki ia mau la i aui aku la, 0 ia ka'u e hooheno ae nei: Aia i Alika, Ka ihu o ka moku. Ua hao a paihi, Na pe'a i ka makani. Liolio ole iho, Na kaula likini. Ma keia wahi ke hooki nei au 1 ka'u kopekopo ana, me ka lana o ka manao, loaa pono aku la oe i ka poka kila o ka papu o Daimana Hila nana e wawahi aku i na pali paa o ka pali kapu o Keoua. E kala mai no oe ia'u ina ua paewa ka'u haina me kau papa konane, oiai aole he hookahi halau a kaua i a'o ai i keia mea he naauao, aelieu. Me ka LuUahooponopono amo na keiki oniu hua kepau ko'u welina pau ole. Kou no a mau, K. K. G. AEKAĪ 0 KEAUAU, Keiki .o ka peni hulu Pikape, 1317 North King St., Honolulu, Jan. 12, 1924. Papani mai la ke o holu lea aiana, ke hele la a ku pono i ka piko i kahi momona. Weluwelu liilii io mai la ka paa o ka pali kapu o Keoua i kau poka kila, pela iho a loaa mai ka makana, paneeia aku imua oul —L. H.