Ka Nupepa Kuokoa, Volume LXIII, Number 7, 14 Pepeluali 1924 — HE MOOLELO NO KEONI MONOTANA A I OLE MAI KA AMANA LIKANAKA MAI A I KA LILO ANA I KANAKA ONAMILIONA WAIWAI LOA. [ARTICLE]

HE MOOLELO NO KEONI MONOTANA A I OLE MAI KA AMANA LIKANAKA MAI A I KA LILO ANA I KANAKA ONAMILIONA WAIWAI LOA.

a ilo keīa moeuhane i mea nana e hoopihoihoi ioa mai i ka manao o Keoni Kalakona, me ka hiki ole iaia ke hiamoe hou aku no kekahi manawa loihi, aka nae i ka \va 1 lulumi hou iho ai kona mau maka i ka hiamoe, aia hoi, loaa hou aku la no iaia kekahi moeuhane, maloko o kela moeuhane, aia ka hoi oia maloko o kekahi hale nani kahi i noho ai, a e hoopuniia ana oia e na wahine u i ame na kanaka mana nui o ka honua nei, a iaia i nana aku ai maluna o na helehelena o kela poe apau, ike aku ;a oia, aole loa he hookahi iwaena o lakou, e pakele mai ka inaina mai o ke Akua e kau aku ana maluna o lakou kela inaina i lilo ai ua o Keoni Monotana, i mea nana e hooko. Aia na kanaka e hele mai ana imua o kona alo, me na waimaka e hiolo ana ma na papalina me ke noi ana mai e hoopakeleia aku lakou, aka ua hooleia aku ko lakou mau makemake. Ke kukuli okoa la na wahine imua ona, me na lima e pe'a ana mahope o ke kua, a uwalo mai la imua ona me na leo i piha i ke kaumaha ame ka ehaeha, aole no oia i maliu aku ia mau leo uwalo, he hookahi no ana pane, o ka hoole aku i ko lakou mau makemake apau. Iloko no o kela moeuhane, i kamailio aku ai oia i ka poe no lakou na helehelena ana o ka ike ana: "He meapaahana wale iho no au, he mikini na ke Akua, aole o'u mana maluna o ko'u mau mea apau. Ina he mana ko'u, i ko'u mau mea apau, ua makaukau loa au e hoopakele ae ia oukou, a no na hewa a oukou i hana ai, e huikala aku no au, aole nae pela, eia au malalo o kekahi mea i oi ae ka mana imua o na mea apau ma ka honua nei. "Xa oukou ponoi no i kipapa i ke alahele no ko oukou mau hopena poino. Elike me ka oukou i lulu ai, pela no auanei oukou e ohi mai ai." , No kela mau olelo ae la maluna ,i kamailioia aku eia imua o ka poe ana i ike aku ai, i ninau okoa mai ai ua poe nei: "Owai oe?" Alaila pane aku la oia i ka i ana: "Owau keia o Monotana." Alaila puiwa ae la oia, a iaia i kaakaa ae ai kona mau maka, aia hoi e ku al*u ana o Wanada ma kona aoao, iloko o kekahi lima, e paa ana oia he ihoiho kukui, me ka pane ana aku, ua oili mai na kukuna malamalama o ke kakahiaka. "Elike me ka oili ana mai o ka la ma ka hikina, pela no e hoomaka aku ai au i ka'u hana ma keia la," wahi a ua o Monotana imua o kana kauwa, me ke ala ana ae a noho iluna. He mea oiaio, i ka uhi ana mai o ka malu o ke ahiahi, aole o Monotana ame Wanada maloko o ka luahuna waiwai, aka aia laua ma ke alahele, e hooko ana i ko ke Akua inaina, maluna o ka poe apau Ana i hookaawale ai, e hookau aku i ka hoopa'i maluna o lakou, a no ka nianawa mua loa, i waihoia iho ai ka luahuna waiwai, me ka mea ole nana e malama, koe wale 110 kela mana hookahi, nana i kiai mai kahiko loa mai. Ma kela po. ua hoea hou aku la no o Monotana, maloko o ka hale inurama, ana o ke kipa mua ana ma ke ano hoopahaohao, ma ka inoa o Keoni Kalakona. Aole i hoohewahewa kela poe kanaka i kamaaina mua ai, ia lakou i ike mai ai iaia nei, aka ku like ae la lakou apau ilpna, me ka pane- leo ole, aia ka wiwo ame ka maka'u maluna o ko lakou mau helehelena apau, alaila owaka ae la ka waha o Monotana, a hoomaka aku la e kamailio: "Auhea oukou e kuu mau ia'u o ka hoea mua ana mai noloko nei o keia liale inurama, ma ke ano malihini, ua ninau mai oukou i ko'u inoa, aole nae au i hoike aku ia oukou,nolaila i hoea hou mai la au, no ka hooko ana ia makemake o oukou. "O lMonotana ko'u inoa, a o keia mau kuahiwi e waiho mai nei. me na gula apau malalo iho o ko lakou mau kum'u, no'u wale no ia mau waiwai apau ,a i wahi e hoopauia ae ai ko oukou pohihihi, e nana mai," ia wa i wehe ae ai oia i ke pani o ka puka o ka hale inurama, komo ana no o Wanada me ekolu poe kanaka hou ae mawaho ona, me ka hapai ana i kekahi eke nui ili holoholona.

Lawe mai la ua poe kanaka nei, a hookuu iho la i ke eke ili holoholona imua o ke alo o Monotana, me ka wehe.ana ae o Wanada i ka waha o ke eke, aia hoi ua ahuwale ae la na puupuu gula, imua o na kanaka e akoakoa ana maloko o ka hale inurama. I ka wa I ike mai ai o na kanaka oloko 0 ka hale inurama, 1 ka nui o ke gula, ua holo mai la lakou imua, me he mea la, aia ka manao minamina me ka makpe iloko o lakou no kela wai\rai nui hewahewa, e hiki ole ai ke pale ae i ka hoowalewale, no ka hao ana i kela waiwai, ua kau ae la nae o Monotana i kona lima akau iluna, he pipika hoi ia o ua poe kanaka nei, rrre ka hoi hou ana aku ihope, ma ko lakou mau walii i ku mua mai ai. "Auhea oukou e kuu mau hoaloha, i lawe mai nei no au i keia gula na oukou, malalo nae o keia kumu, e lilo oukou apau i poe hooko i ka'u maU kauoha, i ka wa e makemakeia ai. Ke kauoha nei au ia Kamaki, oia ka mea nana e kaupaona i ke kaumaha 0 na puupuu gula maloko nei o keia eke, a mahc]e like mawaena o oukou apau, a i ka lawe ana o kela ame keia i kona mahele iho o keia waiwai, e hoohiki mai oia imua o'u, e hooko no oia i ko'u mau makemake apau, i ka wa e kauohaia aku ai, me kona ku-e ole mai ma kekahi ano. "Ina au e lohe ana ma keia hope aku, aole i kaulike ka maheleia .ana o keia waiwai mawaena o oukou, a i ole, ua ala mai paha kekahi hakaka ana mawaena o oukou iho, mamuli mai o keia gula, e hoea hou mai no au, no ke kau ana aku i ka hoopa'i weliweli maluna o oukou. O ke aloha 110 ko oukou. eia au ke hele nei," alaila oili mai la oia iwaho, me ka ukali ana mai o Wanada ame kona mau hoa mahope ona, oiai hoi na kanaka oloko o ka hale inurama, i noho aku ai me ka hele a piha i ka maka'u, 110 na olelo a lakou i lohe ai, mai ke kanaka malihini aku, nona ka inoa a lakou 0 ka lohe ana no ka manawa mua loa o Monotana. Ma kela po, oiai o Monotana ame Wanada kana kauwa Ilikini ame kona mau hoa, e hele la me ko lakou alahele loa, ua ulu ae la ka haunaele ame ka hookahekoko, mawaena o na kanaka i haawiia aku ai ke gula ma ke ano makana, maloko o i-a hale inurama, a i ka oili ana mai o ka malamalama o kekahi la ae, he eono wale no o lakou i pakele mai na ola, o ka hapanui ua pau aku i ka make nolaila o kela poe wale no eono, ka i komo like aku iloko o ka mahele ana i na puupuu gula, a Monotana, i haawi aku ai na lakou. Ma ke kakahiaka ana ae o kekahi la mai, eia o Monotana ma kahi o kanalima mile ka mamao mai ka luahuna waiwai aku a i ka hoea ana aku o kekahi elele imua ona, a kamailio aku'la iaia, no ka hopena \ ala ae mawaena 0 na kanaka ana i makana aku ai i na puupuu gula, pahola wak ae la no ka minoaka ma kona m«u papalina, a pa«e lai "O ka hopena iho la no ia « loaa i kela poe kanaka, no ka

hooko ole i ku 11 mau mea apau i olelo aku nei iniua o lakou." Aole i ike hou ia kela kanaka a ke kupaianaha nui wale, ma' ke kulanakauhale o na kanaka eli gula, no kekahi mau mahina loihi mahope mai; elike no me ke kupaianaha o kona oili ana aku iwaena o kela poe kanaka, pela no ke kupaianaha o kona nalowale ana mai ia lakou aku. He mau mahina lehulehu nae mahope mai, ua hoea aku la kekahi kaaahi kuikawa no ka Halehoolulu Kikowaena maloko 0 ke kulanakauhale o Nu loka, a iwaena o na ohua o ka lele ana mailuna aku o ke kaaahi, o Keoni Monotana kekahi, i ukaliia aku e kana mau kauwa Ilikini, he eha ka nui, Maluna 0 kekahi kaa hoolimalima e hukiia ana e na lio elua, 1 kau aku ai lakou apau, a holo pololei aku la no ka hokele. Ia Keoni Monotana o ka hoea ana aku maloko o ka hokele, kahi a kekahi mau malihini hanohano e noho ana, ua nana mai la lakou maluna o keia kanaka malihini me na manao kahaha, no ka mea he oiwi kino kona o ke kulana kilakila; ua ka-, hikoia hoi oia me kekahi paalole eleele, e hoike mai ana kela| ano, aole keia he kanaka o ke kulana haahaa, aka he mea oia i loaa kekahi mana nui, i loaa ole i kekahi kanaka e ae a lakou i ike mua ai. j I wahi nae no lakou e maopopo ai i kona inoa, hele okoa aku la kekahi poe e nana i ka buke oloko o ka hokele, o ka lakou inoa i heluhelu ilio ai, oia no o Monotana, he inoa a lakou i lohe o!e ai mamua. He manawa pokole mahope iho o ka hōea ana aku o Mo-' nolana ame kana mau kauwa no ka hokele, a oiai oia e noho ana maloko o kona rumi, komo ana no o W r anada, a o ia ka Monotana o ka ninau ana mai: "Pehea, ua hlopono aku nei anei kau misiona?" "Ae, ua hooko iaku au elike me kau mau mea apau i makemake ai," wahi a Wanawa. Pehea na dala?" "Ua hookomo aleu au maloko o ka banako, elike me kau kauoha." "Pehea na mea e pili ana i ka moku ame na lio?" "Ua hookoia kau mau kauoha apau e a'u me ka holopono loa." • ' "Ke hauoli nei au, i ka holopono 0 kau mau mea apau i hana aku nei, aka e hoike mai ia'u, no ka hana mua loa a'u i haawi aku nei nau hookoia ai ka mare." "Ua maopopo mua ia'u, e hookoia ana kela hana, aka nae eia ihea ke kane e mare aku ai, kahi i noho ai?" "Eia oia maloko nei o keia hokele, aia kona mau rumi ke pili mai nei me kou mau rumi e kuu haku." "Eia anei o Rolana Kinikala maloko nei 0 keia hokele?" i ninau wale ae ai no 0 !Monotana iaia iho; alaila kaniailio ae la me ka leo nui imua o Wanada: "Aole he mea i niaopopo i kela kanaka no kona hopena, aka pehea ka wahine ana e mare aku ana?" "Aia no oia me kona makuakane kahi i noho at. He hookahi ae nei hora i hala, i ike aku ai au iaia, me na waimaka e haale ana ma kona mau lihilihi, e kukuli ana imua o kona makuakane, a ua ike aku me kuu mau maka ponoi, i ke kula'i ana aku a kona makuakane iaia, me he mea la e kauoha aku ana e ku a hele mai kona alo aku." / Ua hele ka helehelena o Moilotānā ;; 'a'haikea pu, iaia e hoolohe aku ana i na hoakaka a Wanasa, v aka nae iaia i pane mai ai, pahola ae la ka minoaka ma na ppalina, a i mai la: "Aole he loihi o ka manawa e noho*T<aumaha ai oia, e auhee aku no kela mau haawina apau mai iaia aku! E lawe aku oe a haawi i kuu pepa inoa ia Rolana Kinikala, no ka mea ke makemake nei au e hui pu me ia!" "Auhea oe e kuu haku, he nui ka poe i makemake e halawai pu me ia, aole nae he hookahi o lakou i hookipaia aku imua ona." "Aole o'u nana, no kana mea i hana aku ai imua o kela poe, aole oia e hoole ana i ka hookipa ana aku ia'u, ke loaa aku iaia kuu'pepa inoa, no ka mea ua ae mai ke Akua, e hoea au imua o kona alo."

No keia mau olelo, aole e hiki ia Wanada ke hoole mai i ka hele ana aku e hooko i ke kauoha a kona haku, a iaia hoi i 'hala aku ai, a noho hookahi iho la o Monotana maloko o kona rumi, hooho ae la oia i keia mau olelo: "I keia po, e hoomaka aku ai au e hooko i kuu inaina! Ma ka puka ana mai o ka la i ke kakahiaka, e malamalama ana ke ao holookoa, mmuli o ka'u mau mea e hana aku ana mai keia \va aku ahiki i ka la apopo; a iloko aūanei o ka la hookahi e kau ai ka weli i ko ke ao nei, i ka inoa o Monolana," alaila ku ae la oia iluna, a hele aku la no kahi o ke aniani kilohi e kau mai ana, a nana aku la i kona helehelena haikea, ame kona <poo i hele a keokeo ka lauoho. No kekahi manawa loihi kona ku malie ana imua o ke aniani kilohi, alaila hooho hou ae la i keia mau olelo: Aole loa e hiki i kekahi mea ke hooniaopopo mai, aia maluna o Monotana ka meahuna pohihihi, i pili i ke kanaka i liia ai iluna o ka amana likanaka. Aia wale no a ike mai lakou i ke ano o ka'u mea e hana aku ai, malia ia wa e komo aku ai kekahi mau hoomaopopo ana, no ka nui o ko ke Akua inaina, i ka hewa o na kanaka o ka honua nei." Ma kela wahi o kana mau olelo i kamailio ae ai, hoea hou mai la o Wanada imua ona, a o ia kana i ninau mai ai i ke kauwa: "I-leaha ka pane no kau huakai au i hele mai la e hoike imua o kou haku ?" "Ua ae mai nei oia e ike ia oe, a ke kakali mai la maloko o kona rumi, o kou hoea aku imua ona." "Ua pono, e hele i'o aku au e ike ia Rolana Kinikala," o ke ku ae la no ia o Monotana iluna a oili aku la nowaho o ka holo, me ka hele pololei ana aku.a ku iho la ma ka puka o ka rumi o Rolana Kinikala, me ka namunamu liilii ana iho: "Aole no'u ponoi iho ka manao e komo iloko o keia rumi, aka no ka mea i lilo i haku maluna o'u," alaila kikeke aku la oia mawaho o ka puka, me kona lohe ana aku i ka leo o ka mea maloko mai, e kauoha mai ana iaia e wehe aku i ke pani 0 ka puka, no ke komo ana aku iloko. MOKUNA X. O na kumu o ko Mnotana hoowahawaha ana no Rolana Kinikala, ke kanaka ana i wanana mua ae ai, e hoea mai ana 1 kona hopena, na keia mua aku ia e hoike mai. Wehe malie ae la o Monotana i ka puka, alaila komo aku Ia iloko o ka rumi, me kona pani hou ana niai i ka puka a paa, aia hoi ka hulili ma kona mau maka, a ke nana aku i ua kanaka kupaianaha nei, me he mea la, ua hooi hou ia ae ke a'ia'i o kona helehelena, a ua hooi pu ia ae no hoi ke kuakea o kona mau lauoho, o ia no oe o kekahi pena keokeo loa. Aia o Rolana Kinikala ma kahi kokoke i ka puka aniani, kahi i noho ai, a iaia i ike mai ai i ke komo ana aku o ka malhini, ku ae la oia iluna, me ka hele ana mai he hookahi kainawawae, aole nae oia 1 hele mai e hui a lululima pu me keia malihini, aka ku honua wale aku la no oia, aia nae ka maka'u ame ka weliweli maluna o kona helehelena kahi i halii ai. Ke nana pono loa mai la o Rolana Kinikala ia Monotana, me liona hoomaepopo ana mai, aole oia i kamaaina mua i keia

kanaka, a aole no hoi i ike iaia ma kekahi wahi, eia nae aia maluna o ka malihini kekahi hiona, nana i hookau aku i ka weli maluna ona, me he mea la, no ke ala ana mai paha o kekahi hoomanao ana no Keoni Kalakona. "lawai au i noho aie aku ai, no keia hanohano nui i loaa ia'u, mamuli o kou kipa ana mai la e ike ia'u? wahi a Rolāna Kinikala, me ke kuhikuhi ana ae o kekahi lima ma kahi o ka noho e waiho mai ana. "Ma kahi nae o ka pane- ana aku no kela ninau a Rolana i kona inoa, kamailio aku la o Monotana ma ke ano lioolalau: "Ke ole au e kuhihewa, o Roiana Kinikala anei kou inoa?" "Ae, o ko'u inoa ia." •* "E nonoi aku ana au { kau huikala ana mal ia'u, malia ua pili ia'u ka mahaoi ame ka paarula oie, ke ninau aku, ina paha he oiaio na mea a'u i lohe ai, o oe ke kane hoopalau a Mira e mare aku ai, ke kaikamahine a Uilama Ganeki?" ' "Owau i'o ke kane hoopalau ake kaikamahine a Uilama Ganeki. aka nae ua hookahaha loa mai oe ia'u, ma keia mea au e ninau mai nei." ! "Ua maopopo mua ia'u, e hookahahaia ana kou manao no'u, aka e kala mai nāe oe, no ko'u hokai wale aku no, ma ka hana i kuleana ole ai au.~ He hoaloha kahiko au no kou makuakane, iloko o kekahi mau makahiki -ae nei i hala, me ko'u kaawale ana Ynai iaia mai no ka manawa loihi, a ua kuhihewa maoli no 1 oia u amake au, i ko'u ike hou ole ia; nolaila ma kela ano hoaloha o maua, ua lilo i mea r\ui ia'u, na mea apau e pili ana iaia." | "Ke mea keia a'u i lohe mau ole ai, aole no 1 kamailio iki mai kuu makuakane e pili ana no kekahi hoaloha kahiko ona." "O ka manao nui o ko'u hele ana mai Ia e hui pu me oe i keia ahiahi, no ka hoike ana aku o ia, ua makemake au e haawi makana aku i ka wahine au e mare aku ai, i hoike no ko maua noho aloha ana me kou makuakane; a oiai nae, ua paa kuu manao, e hookahaha aku ia lakou apau, ke hoea mai i ka wa pono, pela wale no au i hele mai la e ike ia oe, a hoike aku no keia makana a'u. ' " "He inoa okoa loa ko'u i kamaaina i kou makuakane, pela ia Uilama Ganeki, ame kekahi poe e ae., ua pau nae ko'u kaheaia ana ma ia inoa, ma ka manawa i ili mai ai kekahi waiwai nui maluna o'u, a ke ole au e kuhihewa, aole no o Uilama Ganeki e hoomaopopo mai ana ia'u, ke ike mai oia. "O koū inoa a'u i ike iho nei maluna o ka pepa inoa, o kela kekahi o na inoa malihini loa, aole au i lohe i kela inoa mamua." "Ma ke ano he inoa ohana, o kela kekahi o na inoa kahiko loa mai kinohi mai o ka hookumuia ana o ka honua, aka nae he mau makahiki lehulehu mahope mai, ua pau ke kaheaia ana. a maluna wale no o'u, i kahea hou ia ai keia inoa, a ua hooili pu ia mai no hoi maluna o'u, ka waiwai a ko'u mau kupuna, ame ka moolelo oko lakou mau hanauna he nui. Pehea, e komo pu mai ana anei oe ma ke kokua ana, i na mea a'u i hoakaka mua aku nei?" "No na mea anei e pili ana i kau makana?" "Ae," alaila kulou aku la o Monotana imua, aia hoi kona mau maka ke haka pono loa la ma ka helehelena o Rolana, ua lilo ke ano o ka nana ana aku a keia kanaka malihini, i kumu e pii ai ke kunahihi o ua o Rolana Kinikala, o ia no oe o ka mea i inu aku i kekahi kiaha gini, a oiai nae aole he mea ano e, ma ke noi a ka malihini e pili ana no kekahi makana ana e haawi ai i kana w r ahine hoopalau, pane mai la oia; "Aole au i ike i kekahi kumu ake'ake'a no kau mea \ noi mai nei; koe wale no nae ko'u kahaha no kou manao ana e kamailio mai ia'u no kela m^kana." "Aole i'o paha i ploolei ko'u hoike e ana aku nei ia oe no keia makana, eia nae o ko'u manao no ia. O ka mea pololei loa a'u e kukakuka ai no keia makana oia no o- Uilama Ganeki, ka makuakane o Mira; aole nae o'u makemake e loaa aku ka ike iaia, eia no au ke ola nei." "Heaha iho la hoi lee kumu o kou makemake ole ana e ike mai oia ia oe?" Eia no ke kumu, ua ala ae kekahi hoopaapaa hahana loa mawaena o inaua, a iloko'o-ia hoopaapaa ana, i kaawale ai au mai iaia mai, me ko maua piha like i ka inaina ame ka huhii kekahi no kekahi. He hoopaapaa kela i ala ae, mamuli o ke kuhihewa, me ka maopopo ole, aka i ka hala ana o keia mau makahiki lehulehu," akahi no au a huli hou mai la, no ka hoomoakaka pono ana aku i na mea apau imua ona, iloko o ka wa pono a'u e ike ana. Auhea oe eka hoaloha, i kahi wa uukil o Mira, he mea nui loa oia ia'u, a elike me ko'u lilo ana he hoaloha no kona makuakane, ua lilo pu no au i hoaloha nona," alaila minoaka iho la o Monotana, me ka mau no nae o kona nana ana aku ma na maka o Rolana, a hoomau hou aku la i kana kamailio ana:

E ike mai oe e ka hoaloha, aole wale no. no ke kamailio pu ana me oe no ka makana a'u i noonoo ai no kau wahine e mare aku ai, ke kumu o ko'u hoea ana mai la imua o kou alo, aka he mea okoa ae no kekahi." "Alaila ua makemake anei oe e hoea kino ae, i ka wa e hookoia ana ka mare mawaena o maua?" "O ko'u iini maoli no ia, a oiai he malihini loa au ma keia kulanakauhale, he hana rula ole no'u ka hele ana aku i ko olua anaina mare, me ke kono mua ole ia mai, pela iho la au i manao ai, ma ou ]a, e loaa ai ia'u ke konoia no ka hoea ana aku ma ko olua anaina mare. Ina he mea e ae, ke mare mai ana me oe, aole o Mira, ke kaikamahine a Uilama Ganeki, aole, loa au e hoohaahaa ana ia'u iho, elike me keia a'u i hoea mai la." <f He nani ia, ua hoike mai la oe i kou makemake, ke kono aku nei au ia oe e hoea ae ma ko maua anaina mare, a pela pu hoi me ke anaina ike, e malamaia ana mahope o ka pau ana o ka mare," wahi a Rolana Kinikala me ka hoihoi. "Me na mahalo he nui ia oe. O ka'u nonoi wale no imua ou, e oluolu mai hoi oe, e hoopoina i na mea apau a kaua i kamailio iho nei, koe wale no kou kono ana mai nei ia'u e hoea aku no ko olua anaina mare ame ke anaina ike, aia no hoi ahiki mai i ka wa pono, alaila e hoomaopopo hou kaua no ke ano o ka'u makana i ka mea au e lawe mai ana he wahine nau," alaila ku ae la o Monotana iluna, no ka haalele ana iho ia Rolana, aka ua pane koke mai la ua kanaka nei, i ka i ana mai: "Ua hiki ia oe ke hilinai mal maluna o'u, no ka hookoia 0 kau mau mea apau i makemake ai, aka pehea, aole anei e hiki ia'u ke kamailio aku imua o Mira, e pili ana i kau makana?" "Aole i keia manawa. e hoomanawanul oe ahfki i ka wa kupono. Aole no nae he loihi o ka manawa e kakali ai, e loaa a»:u <ma ka ike i ko ke ao holookoa e pili ana ia Monotana, a o ka wa ia e maopopo ai ko'u mau ano apau, no keia manawa la, ke ake nei au, e noh'o pouliuli na mea apau no'u. "la'u i nalowale ai no kekahi manawa loihi ae nei i hala, ua noho aie au i kekahi poe lehulehu, aka i keia hoi hou ana mai la a'u, e uku aku ai au i kela mau aie apau, me ka ukupanee pu no kela ame keia <Jala a'u i lawe ai, a no kekahi mau kumu kupono a'u i ike ai, au no e apono mai ai ina e maopopo aku ana ia oe, i hoohakalia ai au i ka uku ana aku ia mau aie; aka e loaa aku ana 1 kela ame keia mea a'u 1 aeia ai, ka huina 1 pa-umiia ae, i ka huina i aieia." (Aole i pau.)