Ka Nupepa Kuokoa, Volume LXIII, Number 6, 7 Pepeluali 1924 — HAINA NANE. [ARTICLE]

HAINA NANE.

Mr. Lunahooponopouo o ka Nupepa Kuokoa, Welina kaua: —E oluolu mai hoi oe, ia'u hoi ke kauwahi rami kaawale o ka hiwahiwa no ka'u haina o ka nane a kuu hoa o ke kai malino o Kona, e i ana penei: He kama kana o elua mahele. O ka mahele*l —e loaa no au ma na meaulu apau a ke Akua i hana ai. Haimi: Opu. L'a loaa ia mea he opu i na mea ola hanu apau o ka honua nei a ke Akua i hana ai ma ka aina a ma ke kai, nolaila, pili pono ka la i Papaenaena i ko kama o ka mahele I, a ua hoa nei, a ma kekahi olelo ana ae, he hanau mua. Mahele 2. E loaa no au ma na moku, waapa, waa, na holoholona, na mealele, kolo ame na kanaka; aole au e haalele ia lakou ahilei i ko la : kou liooluolu ana. Haina: Kahaia. Ma na moku, na waapa, na waa, na hololiolona, na mea lele, na mea kolo ame ke kanaka ua hoohanaia maluna o ko lakou mau kino ka mahele 2 o ke kama—Kahaia. Ke hoomaopopo pono iho, aia maluna o ke kino kanaka ka mea ano nui, elike paha penei: I ka wa e kahaia ai ka opu o ke kanaka e ke kauka no kekahi nna'i maloko, a ke liolopono ia kahaia ana, ina paha he wahine, alaila. ua hauoli nohoi ke kane; aka hoi, ke holopono ole, o ia hoi, make, alaila, ua ehaeha no ka noonoo o ke kane; a o ia paha ka mea a ua keiki nei o jka p kapu o Keoua la i puana ae | ai: Ua welio o uwahi, lle manu kuu hoa, Noho mai i ka nahele. I ka hooh'ui ana, ae i na muhele elua, loaa ka inoa pololei o ke leama a ua kupua nei, '' Opukahaia. No ka hoihoi ana.ae ia Kahaia, ka mahele elua o ke kama, mamua o Opu, k'a mahele eleahi, e loaa no Kahaia-Opu. I-Ie ano olelo Kepani paha kela, a i ole Pake paha, ma ke ano o ka hoopuka ana; aka, na kaua e ke keiki lia\vaii e puana ae ana kaua ma ka kaua olelo ana i ka kaua olelo me ka maikai, "Jvahaia" ka ''Opu," o ia no hoi ka mea i haalele ai ka uhane i ke kino. I Pau ka oe hanrf, pio lea oe ahi. ' Pololei no ka puana ana a kahi boy o ua pali kapu nei: "\Vehc o uu-ahi, I He'manu kuu hoa, Noho mai i ka nahele. Mulea no ka hua nioi a ua kaikuaana nei o Auwaiowao, aka, ua mananalo aku la palia ka mulea o ua hua nioi la i ka miki poi ulu o Aliulili! Me ka lana o ka manao, e hoi puolo ana ke keiki heenalu o Wawaekahi. Me ke aloha nui i ka Lunahooponopono, kou mau hoapaahana, ke keiki no hoi o ua pali kapu nei o Keoua, na hoa huli nane ame na hoa helhhelu o ka Nupepa Kuokoa. Owau iho no me ka liaahaa, | POHAKUOPELE. Ua poho wale mai la kou manaolana, aole e loaa kahi hoina o ke kai loa; 110 ka mea he o ia mau no ka wela o na hua nioi a ka eueu o ka pali kapu o Keoua; e kiki ai na wai oka niaka. Hooni hou ia mai! —L. 11.