Ka Nupepa Kuokoa, Volume LXIII, Number 6, 7 February 1924 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
--------
KIKOO MAI NA LIMA O KA MAKE I KA PERESIDENA WILSON
--------
(mai ka aono ekahi mai)
--------
E na kanaka na lakou e hoomalu @ i ka oihana kaua moana ame @ aina, e komo kino o Amerika @ o ke kaua.
He Peresdiena Kaua
Nno ka piha o na makahiki o ko ka Peresidena Wilson, noho alakai ana no ke aupuni o Amerika, ua kapaia aku oia, he Peresidena Kaua, mawaho ae o na Peresidena Wakinekoa ame Linekona.
Ua ike ko ke ao nei apuni, i ke ko'iko'i ame ka ehaeha i kau iho maluna o ka lahui, iloko o kela mau makahiki, e hooukaia ana ke kaua ma Europa, a ua hooliloia aku na iala ma kahi o ka umikumamamwalu biliona, a ua h@unaia aku hoi na koa ma kahi o ka aneane elima mi@iona ka nui, o ka hopena i ikeia o ia no ka hoohaahaaia ana o na mana o Kelemania, a o ka hoea ana mai hoi o ka nohoalii ana o ka maluhia.
Mahope o ka waiho ana aku i ka noho Peresidena ana no Amerika, ma ka manwa i kohoia ai ka Persidena Warren G. Harding, ua @oohala nui ka Peresidnea Wilson, @ kona manawa ma ka lawelawe ana i ka oihana loio ma Wakinekona, eia nae e emi mau ana ka ikaika o kona kino, a ma kela ano nawaliwali no oia, i hoea kino ae ai, ma ka manwa i hoonohoia ai o W. G. Harding i pani ma kona wahi, no ka lawe ana ae i ke alakai ana i ke aupuni.
He elua manawa o ka mare ana o ka Peresidena Wilson i ka wahine, a mai ka wahine mua mai he ekolu ana mau kaikamahine, aole he keiki me ka wahine elua ana i mare ai.
I ka waiho ana aku i ka Hale Keokeo, a hoi ae o noho ma ke ano makaainana, ua kuai ka Peresidena Wilson, i kekahi home home nani ma Wakinekona, no $150,000, a malaila oia kahi i hoohala ai i kona mau la hope ma ka honua nei, ahiki wale no i kona pauaho ana mai la i keia oia ana.
--------
HE AA I KA INOA MOHO
--------
I kuu kapena hele uluulu o ke Kuokoa, welina wale kaua: ---Ma ke Kuokoa o ka la 24 o Ianuari i ike iho ai au i ke kono a Laie ma o Joel K. Apaukehau la, a Laie ma o Joel K. Apuakehau la, e aa mai ana e huki me ka hui huki kaula o Honolulu nei, i ikeia ma ka inoa ka Hawaiian Civic Club, a ina aole o ae aku, alaila e liilo wale ka inoa moho.
Maikai kela! Ma ka aoao o ka hui H. C. C., ke aa nei e huki me Laie malalo o keia mau loina:
E waiho mua ae i elima kaukani dala ($5000) iloko o ka lima o Eben Low:
Ka iua, o na loaa apau o ka uku komo o holo aku no ia i ka hui e lanakila ana.
E Laie i ka eheu o na manu e, kiinaia mai ka ono, i na manawa apau au i kamkaukau ai e pane mai. Kahi e huki ai ma Honolulu nei.
Aloha aku i na keiki a kaua.
KALANI KEIKI,
Halepaahao o Uwahipouli, Honolulu, Feb. 4, 1924.
--------
HOOLAHA LULU MANAWALEA HELU 40.
--------
Ke hoikeia aku nei ka lohe i na hoahanau apau o ka Ahahui Kokua a Hookuonoono o na Oiwi Hawaii e lulu koke mai i ka Hookahi Dala Manawalea no ko kakou hoahanau J. I. Kikeo i haalele mai i keia ola ana maloko o na la he kauakolu mai ka laku o puka ai keia hoolaha.
Ma ke kauoha.
B. N. KAHALEPUNA.
Kakauolelo H. K. H. O. H.
Honolulu, T. H. Feb. 5, 1924.
6594---Feb. 6, 13.
--------
OLELO HOOLAHA
--------
Ke kauohaia aku nei lala apau o ka Ahahui o na Wahine Oiwi Hawaii, e hiki kino ae ma ka anaina hoomanao o ka ohana Alii Kalakaua, e malamaia ana ma ka luakini o Kawaiahao, i ka la 17 o keia mahina, hora 10:00 a. m., me ka aahu piha.
Ma ke kauoha.
WAHINEMAIKAI KALEO
Kakauolelo Ahahui Kokua a Hookuonoono o na Wahine Oiwi Hawaiii, 6594----Feb. 6, 13.
-------
E Hoo kaawale i Kekahi Hapa o Kou Ukuhana
-------
Ma o ka hoahu ana maloko o ka Banako i loaa ai ka hauoli i kou ohana.
O ka hoomakaulii, o ia ka moe o ka nohona ulakolako ana.
Ua makaukau mau makou e lawe mai i kau mau hoahu liilii.
CHINESE-AMERICAN BANK
Kihi o na Alanui Moi âme Nuuanu. Honolulu, T. H.
Pahu Leka 2000 Kelepona 6119
------
KA MAKEKE BIPI
METROPOLITAN MEAT CO.
--------
Ka Home o na lo Bipi Momona no ke Kumukuai Haahaa Loa
--------
Na lo Kamano Momona i Loaa Ole Ma Kekahi Mau Makekek e Ae.
--------
Ka Waiubata Maile He 60c Wale No o ka paona.
--------
E Hele Mai e ike ia makou. MAi Hoohilahila
---------
Metropolitan Meat Market
Me ke aoao Waikiki o ke kihi o na Alanui Bekela eme Moi
--------
E PAAKIKI ANA NA KANAWAI NO NA KAA OTO.
--------
Ina e hooholo mai ana ka papa o na lunakiai, i kekahi mau hoololiloli, e manaoia nei, e hookomo iloko o ke kauoha kanawai, i pili i ke ano o ka holo ana o na kaa otomobile maloko ponoi iho o keia kulanakauhale, alaila e paakiki anan ka hoohuli ana o na kaa, ma kekahi mau alanui, koe wale no ka holo ana a kaawale loa, alaila hoohuli mai, aole hoi elike me keia manawa, ka hiki ke hoohuli ma na alanui apau e makemakeia ana.
Ke noonooia nei na hoololiloli, i na rula o ka hooholo ana i na kaa otomobile, e ke komisina kaa ame ke kalapu otomobile, o na mea e hooholoia ana e kela komoisina, e waihoia aku ana imua o ka papa o na lunakiai, no ka hooholo maoli ana mai ma kekahi kauoha kanawai.
Ma keia mau hoololiloli i manaoia ua kapu loa ka hoohuli ana o na kaa otomobile, ma ka aoao hema, ma na alanui Moi ame Nuuanu, ma na alanui Moi ame Papu, a ma ke alanui Moi me Alakea, a ma ke alanui Hokele me Papu, mawaena o na hora ehiku o ke kakahiaka ahiki i ka hora ehiku o ke ahiahi.
Ua hookapu pu ia, ka hoohuli hou ana i na kaa ma ke kihi o na alanui Hokele, Moi ame Kalepa, mai ke alanui Muliwai mai a i ke alanui Rikeke, mawaena o ka hora ehiku o ke kakahiaka, a i ka hora ehiku o ke ahiahi.
No ke kukulu ana i na kaa otomobile, ma na alanui holo mai ia e na kaa, ua kaupalenaia ka manawa o na kaa e ku ai, pela hoi me ka aoao o ke alanui, i aeia ai no ke kukulu ana i na kaa, elike me keia:
Alanui Nuuanu, he hapalua hora wale no ka manawa i aeia no ke kukulu ana i na kaa, a ma ka aoao ma Ewa wale no o kela alanui, mai ke alanui Moiwahine, ahiki i ke alanui Pauahi, aole aeia e kukulu i na kaa ma ka aoao Waikiki o ke alanui Nuuanu; mai ke alanui Kukui aku ahiki i ke alanui Moiwahine.
Alanui Betela, he hapalua hora wale no ka manawa i aeia ai e kukulu i na kaa ma ka aoao ma Ewa o kela alanui, mai ke alanui Kalepa aku ahiki i ke alanui Hokele; aole aeia e kukulu i na kaa ma ka aoao ma Waikiki.
Alanui Papu, aole aeia ke kukulu ana i na kaa, ma ka aoao ma Ewa o kela alanui, mai ke alanui Moiwahine aku ahiki i ke alanui Beritania, a pela no ma ka aoao ma Wakiki. Hookahi kumu o ka papa loa ia ana o keia alanui, aole e kukulu i na kaa otomobile, no ka hookaawale ana i ke alanui, no na kaa kinaiahi.
Alanui Bihopa, he hapalua hora no ka loihi o ka manawa i aeia ai e kukulu i na kaa, ma ka aoao ma Ewa, o kela alanui, mai ke alanui Moiwahine aku ahiki i ke alanui Hokele.
Alanui Union, aole i kaupalenaia ke kukulu ana i na kaa, ma ka aoao ma Ewa o kela alanui, mai ke alanui Hokele aku ahiki i ke alanui Beritania, eia nae, aole aeia e kukulu i na kaa ma ka aoao Waikiki.
Alanui Alakea he hapalua hora ka manawa i aeia, e kukulu i na kaa ma ka aoao ma Ewa, mai ke alanui Moi aka a hiki i ke alanui Beritania, aole aeia e kukulu ma ka aoao ma Waikiki.
Alanui Rikeke, aole i kaupalenaia ka manawa e kukulu ai i na kaa, ma ka aoao ma Ewa o ke alanui, mai ke alanui Moi aku ahiki i ke alanui Beritania; aole nae aeia e kukulu ma ka aoao ma Waikiki.
No ke alanui Hokele, he hapalua hora no ka manawa i aeia, e kukulu i na kaa, ma ka aoao mauka, mai ke alanui Muliwai mai ahiki i ke alanui Nuuanu, aole nae he aeia e kukulu i na kaa ma ia aoao hookahi no, mawaena o ke alanui Nuuanu ame Rikeke. Ma ka aoao hoi maikai, ua ae ia e kukulu mai ke alanui Muliwai aku ahiki i ke alanui Rikeke, a koe kela wahi mawaena o na alanui Papu ame Bihopa.
No ke alanui Moi, ua aeia e kukulu ma na aoao a elua o ke alanui, mai ke alanui Muliwai mai ahiki i ke alanui Rikeke, no ka hapalua hora wale no nae ka manawa i aeia.
Alanui Moiwahine ua hookapu loa ia ke kukulu ana i na kaa ma na aoao a elua o kela alanui, mai ke alanui Rikeke mai ahiki i ke alanui Kaahumanu.
Ma na alanui nae e holo ana o na kaa uwila, a i aeia hoi, no ke kukulu ana i na kaa otomobile, he kanalima kapuai ka mamao, mai ke kihi aku o ke alanui, malaila e kukuluia ai na kaa, i kaawale ai ke alahele no na ohua e lele aku ana a e kau mai ana iluna o ua kaa.
HAALELE KE KALAIWA KEPANI HOLONUI I KA BELA
-------
He eiima poe hakihaki kanawai i hoopiiia ae i ka aha hoomalu ma ke kakahiaka o ka Poalua nei no ka hooiaiaoia ana ae ua kue lakou i na kanawai i kauia e pili ana i ke kalaiwa ana i na kaa otomobile, ekolu o ia poe i hoopiiia ae no ka holonui a o na kanaka e ae elua no ka holo me ka nana a noonoo ole i kohai pono. No ka hoea ole ana ae o H. Yoshida, he kalaiwa Kepani, imua o ka aha no ka pane ana i kona hihia i hoopiiiia ae ai he holonui, ua lilo wale kana mau dala he $25 i bela ao ai i ke aupuni. No T. F. Fung, i hoopiiia ae ai no ka holonui, he $15 kona hoopa'i o ke kauia an amai e ka Lunakanawai Harry Steiner. No ko E. A. Hart hihia, kekahi o na kanaka i hopuia ae no ka holonui, ua hoopaneeia ka hoolohe ana a ka la 12 o Feberuari, a ua hookuuia aku no ka bela ana ae he $25. Lilo wale na dala bela a Hamamura, ke Kepani i hoopiiiia ae ai na ka holonui ke aupuni, no kona hoea ole ana ae imua o ka aha ma ka manawa i kaheaia mai ai kona hihia. No ko M. E. Wilberts hihia i hopuia ae ai he holonui me ka nana ele i ko hai ola, ua hoopaneeia mai a keia Poaono iho.
--------
HOOKUUIA KEKAHI A PAA AKU KONA HOA
-------
E hoakaka ana kekahi lono mea hou o ka loaa ana ae i ka Advirtiser mai Hilo mai no ka hopuia ana mai nei o James Cullen a hoopiiia ae no ka laweola ma ka hihia e pili ana i ka make ana o Hunag Yamane, a ma ke kakahiaka o ka Poakahi nei ka hooloheia ana o kona hihia maloko o ka aha apana o Kohala Hema, imua o ka Lunakanawai W. M. S. Lindsay, a mahope o ka hooloheia ana o na oleloike i hoopau wale ia ai ia hihia. O ka Loio J. W. Russel o Hilo ke kokua ma ka aoao o ka mea i hoopiiia.
O---Davide Kaono, ka makuahonowaikana o ka mea i make kekahi i lawe pu ia ae imua o ka aha hookolokolo apana, ua haalele oia i kona ninaninauia e ka aha a ua waihoia aku kona hihia i ke kiure kiekie.
Ma na oleloike i hoikeia ae e na hoike ma ka manawa o ka noho ana oka aha, nieniele kumu make a ke koronero ua ikeia ko Cullen hoea ana ae i ka hale o Yamane mamua aku a mahope iki hoi o ke aumoe ka manawa i make ai o Yamane me kekahi mea e paa ana i kona lima he pilina kaa otomobile a hoomaka ka hooulu ane i ka hakak, he hakaka hoi i komo pu mai ai ka wahina a Yamane ame Kaono.
Ma ka manwa hoi i noho ai ka aha hookolokolo apana e hoolohe i keia hihia ma ka Poakahi nei, ma ka oleloike a kekahi mau kaikamahine Hawaii elua aole o Cullen malaila ma ia manawa i eha ai o Yamane. Wahi a lana ua hoea mai o Cullen ia hale mahope iho o ka pau ana o ka hakaka i eha ai o Yamane a o ke kumu hoi on a i make ai maloko o ka helema'i o Honokaa. Mamuli o keia mau oleloike a na kaikamahine i manaoia ai na David Kaono no i pepehi ia Yamane a o ke kumu hoi o kona paaia ana a waihoia aku kona hihia imua o ke kiure kiekie no kona noii a ninaninau ia ana mai i mea e loaa ae ai ka mea oiaio.
--------
O STAFFORD KE PANI O ASHFORD
--------
No ka lawe ana ae i ke kulana, e waiho hakahaka iho ana, mamuli o ka haalele ana mai o ka Hope Loio Kalana Huron K. Ashford, e hookohu aku ana ka Loio Kalana Heen, ia Harold E. Stafford, i pani ma kela wahi.
He hope Loio Kalana mua no o Mr. Stafford no ke Kulanakauhale a Kalana o Honolulu nei, eia nae, ua waiho oia i kela kulana, a holo aku no Mekiko, no ka lawelawe ana i ka oihana loio malaila.
Ma ka manawa i hoike ae ai ka Hope Loio Kalana Ashford, e waiho ana oia i kona kulana oihana, imua o ka Loio Kalana Heen, ke hoea aku i ka la 1 ae nei o ka mahina o Maraki, ua hoouna aku la o Heen he kelekalapa ia Mr. Stafford, e ninau aku ana i kona manao, in a paha e ae mai ana oia, e lilo hou i Kokua Loio Kalana, a ua loaa mai nei kana pane apono, no kona lawe i ka oihana ana, i lawelawe mua ai maanei nei.
--------
VITO KA MEIA I KEKAHI MAU ITAMU
--------
Ma ka noho ana ae o ka halawai a ka papa o na lunakiai, ma ka auwina la o ka Poaha aku nei i hala, i hoouna mai ai ka MEia Wilson, i kana palalpala, e apono ana i ka hapanui o na itamu maloko o ka bila haawina no na ukuhana o na limahana o ke kulanakauhale, pela hoi kona hoakaka ana mai, no kona vito ana i kekahi mau itamu, malalo o na kumu ana i ike ai , i ke kupono ole e aeia aku na itamu i hookomoia maloko o ka bila haawina.
O na itamu a ka meia i hoole mai ai, i kona apono ana, o ia no ka itamu e hoomahuahua ae ana, i ka haawina no ka oihana kinaiahi, ame kekahi mau itamu liilii e pili ana i na haawina dala, no ka hale auau o ka lehulehu mawaho ae nei o Waikiki.
No na mea e pili ana i ka haawina o ka oihana kinaiahi, ma ka manao nui maoli o ka Lunakiai Hollinger, o ka hoomahuahua ana ae i ka haawina o kela keena, o ia no ka hoohana ana i elua puulu o na kanaka kinaiahi, i hiki ai i kekahi puulu e hoi e hoomaha, a e ku hoi kekahi puulu, no ka makaala ana i na kahea pauahi.
Ua kue na hoa Demokarata o ka papa i kela itamu hoomahuahua i ka haawina o ka oihana kinaiahi mai kinohi loa mai o ka halawai ana o ka papa lunakiai hou, aka nae aole i maliuia aku ia kue ana mai, ahiki i ka hookomo okoa ia ana o kela itamu iloko o ka bila haawina.
Ma ka palapala a ka meia i hoouna mai ai i ka papa, e hoakaka ana ia, no kona apono ole, e hoohanaia i elua puulu o na kanaka kinaiahi, no ke kumu, aole he nui o na pauahi, i ikeia ma keia kulanakauhale, a o ka ae ana aku e hoohanaia na puulu o kela ano, ua like no ia me ka hoomaunauna wale ana i na dala o ka lehulehu, oiai nue, he nui na hana e ae, e hooliloia aku ai na dala ma ke ano e pomaikai ai ka lehulehu.
Ua hoakaka pu mai oia, i kona kaumaha loa, no ke komo ole ana iloko o ka bila haawina, na ukuhana no ka enekinia kalana ame ka lunanana kukulu hale, no ka mea wahi ana, in a nei no ke apono mai o ka aha hookolokolo, i ka mana o ka hookohu i hanaia i hanaia no kela mau kanaka, alaila e loaa koke ana no ko laua ukuhana, mamua o ke kakali ana, a he wa okoa aku, e hooholoia ai ko laua mau ukuhana, ma kekahi olelo hooholo kaokao.
No na itamu hoi no ka hale auaua o Waikiki ua hoakaka pu ae ka meia, no ka lawa ole o ka huina dala maloko o kekahi itamu, a aole hoi he waiwai ma kekahi itamu, oiai ua kaa aku na mea e pono ai kela itamu malalo o kekahi haawina okoa.
Ua waihoia ka itamu, e pili ana i ka hoomahuahua hou ana ne i ka haawina o ka oihana kinaiahi, ma ka papa, a ua waihoia aku hoi na itamu pili i ka hale auau iloko o ka lima, o ke komite waiwia.
--------
NOHO I KA HALEPAAHAO NO KA AEAHAUKA'E
--------
No ka hooko ana aku i ke kanawai aeahauka'e, i kauia mai ai he hoopa'i hoopaahao maluna o kekahi mau Pilipino elua, ma ka Poaha aku la i hala e ka Lunakanawai Apana Steiner, no ko laua pili i ka hewa aeahauka'e, he hookahi makahiki o kekahi e noho ai maloko o ka halepaahao, a he ekolu mahina hoi o kekahi.
O ke kumupale a kekahi Pilipino no kona kumu i hele ole ai i ka hana, no ka loaa ole no o kana hana, ua hooikaika oia ma ke noi ana i na haku hana, aole nae he haawiia mai o ka ohana iaia.
Ma ka manawa nae a ka lunakanawwai i ninau aku ai, i ke kumu o kona hele ole ana i ka hana, ua pane aku la oia, aole he hiki iaia ke lawelawe i na hana ikaika, no kek kumu, kahaia oia e ke kauka, ma na hana mama wale n oka hiki iaia ke lawelawe.
Mamuli o kela hoakaka, i kau mai ai ke kahu o ka aha i ka hopa'i maluna on a, e noho oia maloko o ka halepaahao no na mahina ekolu, a maloko olaila e lawelawe ai oia i kekahi mau hana mama, elike me kana i makemakej ai.
No ka elua o na Pilipino aeahaukae, he hookahi makahiki hoopaahae kona hoopa'i i kauia aku e ka Lunakanawai Steiner, mamuli o na ike i waihoia ae e na makai, he paahao kela, i maa i ka noho ana maloko o na paia o ka halepaahao, no na karaima lehulehu.
-------
Maloko o ka hale kii onioni ma Manana, Ewa, e wehe ae ana ke kalapu o na keiki mokapo, he ahamele, me na hana hoikeike o na meahana lima, ame hulahula, ma ka hapalua o ka hora ehiku o keia po Poalima iho, malalo o na hooponopono ana o ka Hui Manawalea o ua Wahine o kaHoomana o iesu Kristo o ka Poe Hoano o na La Hope Nei
--------
Mahope o ka hoohala ana i kekahi mau la ma ke kulanakauhale nei, i huli hoi aku ai ka Rev. Isaac D. Iaca no Molokai, a wahi ana, aia na Hawaii e noho mai la ma na aina hookuonoono o Kalamaula, ke ohi mai la i na pomaikai o ko lakou hooikaika ana iloko o ko keiau mau ia,
EIWA MAU PAAHAO I HOIHOI HOU IA NO KA HALEPAAHAO
-------
He eiwa mau paahao i hookuuia mai ka halepaahao mai malalo o ka hoomalu i hoihoi hou ia aku i ka halepaahao teritore e ke Kapena o na Makaikiu Kellett no ka hoopau pono ana i ko lakou mau manawa hoopa'i i pau ole, mamuli o ko lakou hahaki i na rula i kauia no ka hoomalu ana. Iloko o na mahina elua i hala aku ua paa hou ae keia poe i ka hopuia e na makaikiu no ke kue i na kanawai, oiai lakou e hele laula ana malalo o ko lakou hookuuia ana mai, a no lakou hoi keia mai inoa malalo nei:
O John Reviera i pau ole kona manawa hoopaahao o ka hoomalu ana, ua paa hou ae oia i ka hopuia no ka hewa wawahihale, ka hewa no on a i hoopa'i mua ia ai; Antone Pinto, i hookuuia mai ai malalo o ka hoomalu ana, a i pau ole hoi kona manawa hoopaahao no ka hewa wawahihele, ua hopu hou ia oia no ia hewa hookahi; t. Mihata, i hoopaahaoia ai no ka hewa wawahihale a i hookuuia mai ai malalo o ka hoomalu ana, ua hopu hou ia oia no ia hewa hookahi; John Kelau ame John Blossom i hoopaaia ai no ka hewa wawahihale, me ka aihue a i hookuuia mai ai malalo o ka hoomalu ana ua hopu hou ia laua no ka powa maluna o na alanui; Albert Figuera, i pau ole kona hoopa'i mua no ka aihua ana i kekahi kaa otomobile a i hookuuia mai ai malalo o ka hoomalu ana, ua hopu hoi ia no oia no ia hewa hookahi; o John Keanu, i pau ole kona manawa, no ka hewa wawahihale, a i hopu hou ia no ia hewa hookahi no; Choy Chung Wha, i pau ole no kona manawa, ua hopu hou ia no oia no ka hewa aihua ma ke degere ekahi a hoopaa hou ia; Ellis Wright, i hookuuia mai ka halepaahao mai malalo o ka hoomalu, ua hopu hou ia no oia no ka hewa wawahihale.
--------
NA IHIA MALOKO O NA AHA HOOKOLOKOLO
--------
Ma ka Poakahi iho nei i hooloheia ai e ka papa kiure a ka Lunakanawai Ray J. O'brien ka hihia koipoho a MRs. L. M. Cook e kue ana ia E. S. Brook ame A. B. Sill.
--------
Ma ka noho ana o ka aha federala ma ka Poalima i hala, e hoolohe i ka hihia o Leong You, ka Pake i hoopiiia ae ai no ke kue i ke kanawai opiuma, he $25 kona hoopa'i i kauia mai mahope o ka maopopo ana o kona hewa i ka aha.
--------
He Pilipino nona ka inoa o Alebareina, nona na makahiki 21, he kanak hana, a ma ke alanui Ololi Desha kona wahi noho, ka i hookomo ae i kana palapala noi imua o ka aha federala no kona makemake e lilo i kupa Amerika, ma ka Poaono i hala aku la.
--------
No ke kookua ana i ka aha kaapuni ma Honolulu nei i mea e hoopauia ae ai kekahi mau hihia karaima i hoea mai ai ka Lunakanawai kaapuni o Hawaii Komohana, J. W. Thompson i Honolulu nei ma ke Sabati iho nei, a maloko o ka hale aupuni federala e noho ai kana aha.
--------
Ma ke kakahiaka Poakahi nei i noho ai ka papa kiuro a ka Lunakanawai J. J. Banks e hoolohe i ka hihia o Robert E. Askew, ke kupakako mua o ka Banako Hawaii i hoopiiia ae ai no ka aihue ana i ka $15,000 mai k aBanako Hawaii mai.
--------
O na hihia okimare i paio ole ia ae ka ka Lunakanawai John r. Desha o ka hoolohe ana ma ka hora 2 auwina la o ka Poakahi nei.
He hoopii no ka hookaawale ana ka i hookomoia ae i ka aha kaapuui ma ka Poaono i hala aku la e Mrs. Mary Chang Loy e kue ana ia Ernest Chang Loy no ka malama ole i kona ola. O ke kolu keia o na hihia okimare no na la mua o keia mahina.
--------
Ua hoopaneeia mai ka hoolohe ana o ka aha a ka Lunakanawai J. J. Banks i ka hihia o S. Miyoshi a ka la i nehinei aku la, ua hoopiiia ae keia Kepani no ka laweola no ka poino ana o kekahi hoa lahui on a iaia.
--------
Ma ka Poaono i hala aku la ka waihoia an aae o ka hoopii imua o ka Lunakanawai J. J. banks, e kue ana i aHnery K. Long ame Emily K. Long, na mea aihue o Waikiki, no ekolu mau kumuhoopii e kue ana ia laua no ka wawahihale ame ka aihue ana i kekahi mau waiwai mailoko mai o na hale, ma ke degere ekahi. Ma keia Poaono iho e hooloheia ae ai ka laua pane. He $5000 ko Henry K. Long bona a he 4100 ke ka wahine. O Hnery K. Bunker ame Mary K. Punohu na hape.
--------
Ma ka Poalua nei ke kauia ana aku o ka hoopa'i maluna o Arthur Blank e ka Lunakanawai J. J. Banks, mahope o kona ae ana ne i kona hewa no kona hoololi ana i kekahi kaa oto me ka manao ino.
--------
CITY MILL CO.
KEKAHI O NA HUI KAHIKO LOA MA HONOLULU NEI
Poe kuai Papa, Pilihale, na iako Paipu na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukula makou i na hale ma ka uku liilii ana, me na hookaa liilii
O KA OI LOA AKU NO KA POE HOOKUONOONO.
Mai Poina --- Hele Mai Ia Makou
Kihi o na alanui Moiwahine me Kekaulike. Honolulu, T. H.
--------
A LOT MEANS A HOME
--------
$750. Palolo Hillside, Lot, over 12 acre, $20 down, $10 per month.
$1675. Lot 50x200, 9th Avenue, Strauch Tract, Kaimuki. $50 down, $20 per month.
$850. Lot over 1/3 acre 9th Ave. Palolo, $20 down, $10 per month.
$1000. Lot 50x100, 7th Ave. Kaimuki, $20 down, $10 per Month.
Easiest terms in town. Prices the lowest consistent with market values.
--------
Ask C. W. Carpenter, with
PAULO KALAUKA
(P. E. R. STRAUCH)
Alanui Moi, Helu 74, Mawaena o na Alanui Papu ame Betela.
--------
Keena Hawaii
NO NA
LAKO HANA MAHIKO
--------
Hapuku Kila Oliver
Chilled âme na Palau Na Katapila Cleveland
Na Katapila Fordson
Na Kaa Kalaka White
Na Kaa KAlaka Federal
Na Kaa Kanaka Ford
Na Hana Pili Amala
--------
HANA I NA KINO O NA KAA UKANA ME KALAKA ME
--------
SCHUMAN
CARRIAGE CO., LTD.
-------
Na Poaionia o na ilana Halihali o Hawaii Nei
--------
KA VITROLA
--Ka Meakane Mele kilakila--he meakane e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
ame na mea apau pili i na mele.
--------
Bergstrom Music Co.
1020 Alanui Papu Honolulu
--------
HALE UWI WAIU
O
MAPULEHU
PUKOO, MOLOKAI
E hooholo Ana i ka
MOKUKUNA GESOLINA
LELEIONA
Mawaena o na Awa o Honolulu me Molokai
-------
Geo P. Cooke,
ONA.
Poe Lawe Hau me Waiu
--------
E KUAI I KOU MAU
Pono Hale
ma ka
Hawaii Furniture
Co.
Helu 469 Alanui Moi
kokoke i ke kihi o ke alanui Liliha
He oluolu na kukai olelo ana
--------
T. O. MURATA
FURNITURE STORE
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo
715 alanui Hema, Honolulu, T. H.
Kelepona 1695
--------
Ka pila
GRAFONOLA COLUMBIA
Maopopo ka Wa e Pau Ai
Na ka mea hoopaa nona iho e @kaala ia @oa nou. Ua hiki ia oe ke hulahula ahiki i ka huaolelo @oe loa.
Uku Liilii ke Makemakeia
Thayer Piano Co.,
LIMITED.
148-150 Alanui Hokele
--------
Kakela & Kuke
(KAUPALENAIA)
-------
Poe Kalepa ma ke Komisina
A Ne
Poe Agena no na Mahiko Lehulehu
--------
PAPA
NA LAKO
KUKULU
HALE
--------
No ka hoahu ana i kou wai ma na Pahu Wai Papa Ulaula o 5000 a 10000 Galani.
E hoolakoia aku no na kumukuai ame na hoakaka ia oe ke noi mai.
--------
ALLEN & ROBINSON, LTD.
HONOLULU, T. H.
--------
Nupepa Kuokoa
--------
No ka makahiki (one year) ….. $2.50
O na Dala âme na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu, T. H.
217 Alanui Moi, ma Waikiki a ke alanui Alakea; ka Nupepa Advertiser.
Entered at the Post Office at Honolulu, T. H., as Second Class Matter.
SOLOMON HANOHANO, Lunahooponopono.
Charles S. Crane, Luna Nui.