Ka Nupepa Kuokoa, Volume LXIII, Number 5, 31 January 1924 — Nuhou Kuloko [ARTICLE]

Nuhou Kuloko

Piha ke keena auhau i ka poe hookomo i ka lakou mau hoike no na waiwaipaa ame na hoike loaa makahiki i keia mau la hope, e kokoke aku nei i ka pau ana o keia mahlna. Puhipuhi ahi na makai e noho mai nei i keia mau la, malalo o ka Makai Nui David Trask, aole wale no, ma ka hopuhopn ana i ka poe kuai waiona ame ka poe piliwaiwai, aka ma ka hopuhopu pu ana kekahi i ka puulu o ka poe hana karaima ame ka poe aeahauka'e. No ka emi iho o ka pol a Jonah Kumalae e tuai ai i ka lehulehu, malalo o ke ana, i kauia e M. B. Bairos/ ka mea nana meaai o ke Teritore, i hoopnkaia ae ai he palapala hopu nona, no ka *lioea ae imua o ka aha. Ma ka mokuahi Kilauea o ka haalele ana mai ia Honoluiu nei, ma ke ahiahi o ka Poakahi aku la i hala, i huli hoi aku ai ka Loio Kalana A. G. Kaulukou no ka Mokupuni Kaili La, mahope iho o ka hoohala ana i kekahi mau Ia kakaikahi ma koia kulanakauhale. Ma ke kakahiaka o ka Poakahi iho nei, i lawe ae ai ka Lanakanawai Kaapuni W. C. Aehi, Jr., o ka aha kaapnni o Kauai, i kana hoohiki oihana imua o ka Lunakanawai Kiekie E. C. Peters, mahope iho o ka loaa hou ana mai nei o kona hookohu oihana mai Wakinekona mai. Ma ka hapalua o ka hora ekahi o keia auwina la, e noho ae ai ke kiure kiekie no ka jiinaninan ana i kekahi mau hihia i kaa akn malalo 0 ka malu o kela kiure. Maloko o lta halema'i ma Hilo, 1 pauaho mai ai o Samuel K. Kaaumoana i kamaaina i keia kulanakauhale, me ka hoihoiia ana mai o kona kino wailua no Honolulu nei, a ma ka auwina la o ka l'oalua aku la i hala, i malamaia ae ai koiia anaina hoolewa, a hoomoeia aku ma ka ilina o Pauoa. Ma ka hora eha o ka auwina la o keia Poakahi ae ; e noho mai ai he halawai ano nui a ke komite kuwaena Teritore Repubalika, maloko o ke keena o Senatoa L. M. Judd, ka lunahoomalu o kela komite ma ka hale o T. H. Davies & Co. Ma ka auwina la o keia Sabati iho, e malamaia ae ana ka halawai kumau a ka Ahahui Hale a na Alii o Hawaii, maloko o kahi halawai maamau, elike me ka hoolaha e puka aku nei ma kekahi wahi o keia pepa.