Ka Nupepa Kuokoa, Volume LXIII, Number 5, 31 Ianuali 1924 — HAALELE MAI O SAMUEL K. KALAMA, I KEIA OLA ANA. Naha ka Hale a ke Aloha, ka Makamake o ka Moe e Kipa Hai Ai Ua Ike-a. [ARTICLE]

HAALELE MAI O SAMUEL K. KALAMA, I KEIA OLA ANA.

Naha ka Hale a ke Aloha, ka Makamake o ka Moe e Kipa Hai Ai Ua Ike-a.

I ka Lunahooponopono o ke Kuokoa:—Ke loaa kekahi kowa kaawale o na kolamu o kau pepa, e oluolu hoi e hookau aku i keia puolo waimaka nui ma ka oneki o ka mokuea, ke Kuokoa, a nana hoi ia c lawe hele aku ma na kihi eha 0 na mokupuni a hoike aku o Samuela K. Kaaumoana Kalama, ua hele palanehe aku la kona uhaiie ma ke ala koikua a Kane a o ka lepo no ka lepo; o ke aloha ka'u nie ka minamina, ua ahu iho la mahope noi 1 ukana luuluu na ka naau e hana mao ole ai i ke ao ame ka po. Luuluu wale hoi e! Ua moe aku la oia i ke kanaono-kumamakolu o kona mau makahiki. No kekahi mau mahina lehulehu kona kaama'i ana me ka hoao mau ia e paio me ka ma'i nana i hoomailo i kona kino,- ua lauleleia ka imi ana i kona ola ma o a maanei mawaena o na kauka akamai o Hilo a pela pu me ko Honolulu nei, aka nae, me ia iiui no o ka imiia ana o kc ola, a oiai hoi ua oi aku no ka ikaika o ka ma'i mamua o ke akamai o ke kanaka, ua haalele mai la oia i keia ola ana maloko o ka Halema'i ma Hilo ma ka auwina la Poakolu o ka pule aku la i hala, a hoihoiia mai no Honolulu nei maluna o ka Mokuahi Haleakala, a | maloko o ka pa ilina o Pauoa i hoomouia aku ai kona kino lepo no na kau a kau, a liaalele iho la i Puna na hoaloha e kania-a mau aku nona i na manawa apau. Ua hanauia oia mai ka puhaka mai o Pahukoa kona luaui makuahine, a o Kalama kona luaui makualeane, a ua lilo aku oia i kona mau kahu hanai Sam Kaaumoana ame Kainea a nee mai no Honolulu nei. Ua hoonaauaoia oia i kona mau la kamalii ma na kula Hawaii, a 0 kona makuakane no Mr. Kaaumoana, ka mea no»a ka iuoa i heaia maluna oua, nana i hoonaauao mua iaia ma ka olelo Hawaii, aka, i k > lakou nee ana mai no Honolulu nei ua komo aku la o Samuel K. Kalauia, i ke Kula Alii o. Kahohuna m'alalo o ke a'o ana a Mclntosh ke kumupoo mua,'a oia kekahi o na haumana holomua loa ma kana mau haawina, a iloko no o ia kula i kolio mua ai oia i kana oihana e lawelawe aku ai o ia hoi ka oihana kamana, a lie noiau .oia ma ia .oihana a pela hoi me k"c kahakii hale a moe pu aku la oia. nie ia ike waiwni nui. Ua hoohuiia oia ma ka berita. laahia o K ka mare me a'u Mrs. Kanoe Kalama, 'he 46 makahiki i hala aku nei, o keia kekahi o na paamare 1 hoohuiia e ka Makua Kuaea i ikeia ka noho aloha a maluhia me ka hookaawale ole ahiki i ka hala wale ana aku la no o Samuel K. Kalama. Mailoko mai o laua i puka aku ai kekahi niau keiki he umi-kuma-maiwa ka nui, ua hala e aku nae hp umi-kumamalua o lakou ma kela ao a he ehiku wale no o ola nei, o ia hoi he elima mau keikikane, a he elua mau kaikamahine, me na moopuna he umi-kumamaiwa ka nui. aole no nao i pau ko lakou hoolue keiki ana. Mauka ae nei no o Pnuoa keia ohana nui i noho ai, a lie mau makahiki eha a elima paha i hala aku nei ka nee ana aku o Samuel I\. Kalama ame a.'u Mrs. Kalama no ka aina Hookuonoono ma Waiakea, Hilo, no ka mea, o laua kekahi i lawe i na aina hookuonoono ma Waiakea, a malaila no hoi i noho ai a i hookumu ai ka ma'i ahiki i ka nui loa ana a waiho aku la kona kino ma ka Ilina o Pauoa. He hoahanau )cahiko loa oia no ka Ekalesia o Kaumakapili, he 'uoa no ka papa leahuwaiwai a he lioa pu no ka ahaluna o ia ekalesia, a he kumu Kula Snbati no ka apana 0 Pauoa i kona manawa e noho paa ana ma Honolulu nei. He lala oia no ka Hui Hookuonoono o na Oiwi Hawaii, aka, mamuli o kona nee ana aku no Hilo, ua pau kona kulana lala. He lala oia no ka Ahahui Ka Hale o na Alii, me ia ahahui oia i pili aku ai ahiki i kona moe ana aku la, a malalo hoi o na hooponopono ana a ia ahahui kona kino wailua ahiki i ka hoomoeia ana aku la. He kanaka akamai loa o Kalania ī moe aku la ma ka oihana kamana ame kaliakii. He mau kumu kamana lehulehu kana o ka nolio hanai ana oia o David Batrow. John Lueaa ame Henrr De Fries. Na Mr. Kalama i moe aku la i hana 1 lea hale hookolokolo ma Kailua, Kona, Hawaii, i hooiloiloia ai hiki i ke kanak* Hawaii ke hana. v eia nae, ua pa« ia /lale me ka mahalo nui ia. Oia pu kekahi i hana i ka'Halekula o Lahainaluna, a he kanaka noeau loa oia ma ke kahakii hale a ma ke kukulu hale pu, a 'aia i nolio-aku ai ma Hilo, o ia no kana hana i kekahi manawa kaawale" mai l<a hana mai o ka aina hookuonoono. Ua moe aku la oia i ka moe kau a moe hooilo, &ka, o kana mau liana maikai apau i kona manawa ma keia ao ua lilo he kiahoomanao poina ole nona, he kiahoomanao nana i kukulu ponoi, a iaia i hala aku la, ua haalele iho oia ia 'u kana wahine, kona hoapili hoi, no ua ma-i

kahiki lehuleliu a i na keiki he nui na hoaloha amo na makamaka lie nui wale, e hoomanao mau akff nona. Auwe kuu kane, kuu hoapili e! E hoomaikaiia ke Akua Kahikolu, ka Mea Nona ke kino ame ka uhane, o Kona makemake ke hanaia aole o ka ke kanaka! Ke haawi aku nei au i ka 'u hoomaikai i ka Lunahoōponopono no ka ae oluolu ana njai i keia kanaenae e hoopukaia ae maloko o ka Nupepa Kuokoa, a pela hoi i na limahana o ka papapa'i. Na makou no me ka luuluu, MRS. KANOE KLAMA, ame ka ohana. Pauoa, Jan. 29, 1924.