Ka Nupepa Kuokoa, Volume LXIII, Number 5, 31 January 1924 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa Honolulu, T.H. Ianuari 31, 1924

 

            Henetere i keia keiki malihini, ua hookipa aku la oia iaia, mahope nae o ka hoakakaia ana aku iaia o na mea apau e pili ana * keiki, nolaila mai ia manawa aku ua lilo kahi keiki pae hewa i mea hiipoi a makemake nui ia e keia ohana, me ko lakou noonoo ole ae no ka ukuia aku o ko lakou luhi o ka malama ana, ame na hoolilo he nui i hooliloia ma na mea apau e pono ai ke keiki, no ka mea, akahi ka hoi ke keiki i haawiia mai ia laua i luhiia e hai a nui a he hoounauna wale no ka laua. Hookahi wale no pilikia nui o ka hiki ole i ke keiki ke kamilio mai, i mea e maopopo aku ai kona manao ame kana mau mea a pau e makemake ai.

            Ma kekahi kakahiaka ae ua hookomoia aku la he hoolaha e Mr. Hunetere iloko o kekahi o na nupepa lawe nui ia o ke kulanakauhale, e ninau aku ana no na makua a i ole n a makamaka paha o ke keiki, a e kauoha aku ana e kii mai.

            Iloko o ke kumau o ka hoolaha no hookahi pule aole nae hookahi pane i loaa ae no ia ninau nolaila e ike iho ana no oe, e ka makamaka heluhelu, ua hoomau ia ka pohihihi no na makua o nei keiki a i ole kekahi mau pilikana paha iaia.

            No ka pane ole ia mai o ka hoolaha ua lilo i mea pohihihi loa ka huli ana aku e maopopo ai ka home o nei keiki ame kona ohana, no laila, mamuli o ke ano maikai a hoolohe o keia keiki, me kona hiki ke hilinai ia, ua lilo oia kekahi lala o nei ohana, a ua lilo no hoi keia ohana i mea aloha nana me he mea la he ohana pilo loa iaia.

            No kona mikioi ma ka malama ana i kona mau wahi aahu, me ka hoao ole e hana mai i kekahi hana hoouluhua e ulu ae ae ai ka inaina, no kona oluolu a no na ano maikai pu he nui i ikeia nona, ua pipili loa ka noonoo o nei ohana iaia, a no ia mau haawina maikai i loha iaia i loaa iho ai ka hoomaopopo ana i nei ohana ua puka mai keia keiki mailoko mai o kekahi ohana maikai a kulana kiekie e noho ana maloko o ke kulanakauhale o Nu Ioka ia manawa, me ia haahaa loa no mae o kona mau aahu e komo mau ai.

            Aole wahi mea iki me ia e hiki ai la hoi e loaa kekahi moali ike no kona mau makua a mau kahuhanai paha, no ka mea aohe mau kuni maluna o kona mau aahu. Ua nanaia kona mau aahu apau no ka makemake e ikeia kekahi inoa, ina he inoa kekahi i kakauia maluna o kona mau aahu ua huliia oloko o kona mau pakeke no ia manao hookahi no, aohe no nae he mea i ikeia, a no ia nele loa i loaa iho ai ka manao ia Mr. Hunetere u a laweia mai paha oia mai kekahi wahi mamao loa mai e kekahi kanaka a mau kanaka paha, ma ke ano ua aihueia mai oia, a i ka hiki ana mai i keia kulanakuhale ua haalele ia oia, me ka manaolana paha, na na luna aupuni o ke kulanakauhale e malama iaia, a i ole e hoouna aku iaia i kekahi halekula o na keiki kamehai.

            No ka maopopo ole o na makua a mau makamaka hoi no keia keiki, ua hoopihaia o Hunetere i ka inaina no ka poe na lakou i lawe mai i ke keiki ma ke no kaili mai kona makua mai me ka ike ole ia, iaia i huli hoi mai ai mai kana wahi mai o ka hana, ma kekahi la ua ukali pu ia mai la oia e kekahi o na kauka naaua oloa o ke kulanakauhale o Nu Ioka.

            Ia laua i hiki mai ai i ka hale, alaila hoakaka aku la o Mr. Hunetere i ka pilikia o ke keiki, a ua lilo ka pilikia kupanaha o ke keiki i mea nalu nui na ke kauka.

            "He keikie naauao keia i ka nana aku ma kona helehelena, koe wale no ka hiki ole iaia k ekamailio mai," wahi ana. "Ua hanauia mai paha oia me keia ano, a i ole ua halawai paha oia me kekahi ulia poino. Ma ka hoomaopopo iho aia iloko o kona *olo paha kona pilikia, ai ole ua eha ia paha oia ma kona poo, a i ole he ma'i paha aia iloko o kona lolo."

            "Malia paha, he hewa koikoi loa ka i hanaia maluna o nei keiki, a ua haaleleia oia me keia kulana pohihihi loa no k a huna ana i ka hewa i hanaia iho maluna on a," wahi a ka Mr. Hunetere hoakaka, me ka noonoo nui iloko on a.

            "Malia paha he hooilina keia keiki no kekahi waiwai nui, a *o ka liliia o nei keiki e kekahi poe i hanaia ai kekahi mea nona e poino ai. Ma na hiohiona a pau ke nana aku iaia ua puka mai oia mai kekahi ohana kiekie mai, koe wale no kona ano naaupo. He maikai kona ola kino, a he ikaika no hoi kona mau lala, koe wale no nae keia, aole i ulu kona kino elike me ke kupono maoli i makemakeia, a me he mea la, mamuli o kona hoohemahema a hoomaopopo ole ia e kona mau makua, aohe paha he lawa o kana mau meaai, aka, o ke kumu ko'iko'i loa, me ke kanalua ole ke olelo ae, o ke kumu o ka omali o kona kino mamuli no ia o ka pilikia o kona waihona noonoo. Ma ka hoomaopopo aku aia kona mau makahiki ma kahi o ka umi-kumaamalima i nei manawa."

            O keia mau hoakaka a pau maluna ae la no ke keiki, no na kumu o kona pilikia ana, ma ke kahamaka wale aku no ia mawaho o kona helehelena, a ma ka hahaia ana o ke poo i hooialoia ai ko ke kauka manao aia io ma ka loko ka poino o ke keiki, ua naha kekahi wahi o ka iwipoo a ua emi iloko a hooke i ka lolo.

            "He poino keia i hanaia maluna o kela keiki he mau makahiki lehulehu i hala hope aku nei," wahi a ke kauka, "no ka emi ana o ka iwipoo iloko i lilo ai i mea hoopoino i kona lolo a hoololoia na aalolo nana e hoomalu ana i na mea paahana ahiki ole ke kamilio mai."

            "A pehea, kou manao, he hiki no anei keia pilikia ke hoopauia ae me ka hoopoino ole ia o kona ola kino - he hiki no amei ke hoihoi hou ia ae kona ano maikai a like me mamu o kona hanauia ana mai?" i ninau ae ai o Mr. Hunetere i ke kauka, me ka iini nui o kona noonoo e loaa hou ke ano ame ke ola maikai i ke keiki, elike me kona ano mamua.

            "Malia paha, oia hoi ma ke oki ana iaia; aka, in a nei no ka hookoia aku o ia hana, e pono no e hanaia me ke akahele a makaala loa, no ka mea he hana mauna no i a la i ke ola."

            "E lilo ana anei ia hana mauna i mea koikoi loa, in a nei o kau keiki ponoi oia, e hoohakalia ana anei oe i ka hoao ana e ola iaia?" wahi a Mr. Hunetere.

            "Aole; ua hiki la hana ke hanaia ika manawa hookahi ahiki i ka pau ana. Aka nae, oiai ua loihi loa ka poino ana o nei keiki, aole e hiki ia'u ke pane pololei aku no ka holopono o ke oki ana a hoi hou mai kela ano maikai o ke keiki mamua, in a no e pakele mai ana oia mai ka poino mai, a eia nae-"

            "Pela?" i ninau ae ai o Mr. Hunetere me ka hiki ole iaia ke hoomanawanui iho. Ua hoopihoihoi loa ia mai kona noonoo no keia pilikia o ke keiki ame ka mea e hanaia aku ai nona i mea e ola ai.

            Aka nae aia kekahi manao ikaika iloko on a o ke oki ana i ke poo o ke keiki ma kahi o ka eha a ke kauka i hoakaka ae ai e hoohua mai ana ia hana i ke ola a e holopono ana no hoi ia hana, a ke iini nui la oia e hookoia kana mea i manaolana ai no ke ola mai o ke keiki.

            "He lanakila ana ia no kekahi hana akamai a'u in a no ka holopono o ka'u oki ana, a lilo ia okiia ana i mea e ola ai ko keiki," wahi a ke kauka.

            "Ina no ka pau o ia pilikia e hiki ana anei i keia keiki ke ola a like me kona ano mamua aku o kona poino ana. E hiki hou ana anei iaia ke kamilio mai?

            "Ae, pela ko'u manaoio. O ka'u e hoohuoi nei o kekahi hapa o kona iwipoo ua naha ma ka manawa o kona eha ana, a he hooke mau la ia iwi naha i ka lolo, a ua lilo ia i kumu e hiki ole ai ke kamilio a e loaa ai hoi iaia ka noonoo maikai, ua palaka pu oia i na manawa mamuli o ka pilikia ana o na aalolo a ua lolo hapa ia mau aalolo.

            "Ina no ka hookaawaleia ae o ka iwi, a i ole hapai hou ia ae a kona kulana mamua, a e hanaia hoi kekahi mea e paa ai ia iwipoo e emi hou ole iho ai, ke ike ole nei au i kekahi kumu e hiki ole ai ke hoi hou mai kela ano maikai o ke keiki mamua aku o kona eha ana, ia manawa e hoi mai ana kona noonoo maikai a like me mamua, me ka hiki pu iaia ke kamailio mai a ke hoohana i kona kino holookoa no ka mea, ua maikai kona lolo" wahi a ke kauka.

            "O, ke makemake loa nei au e hanaia ia hana me ka holopono loa. E ke kauka, o ka'u mea nui i noonoo iho la, he kuleana anei kekahi o'u e lawe ae ai i ke koikoi o keia hana au e manao nei, o ia hoi e oki i ke poo ke keiki, a kauoha aku ia oe e oki i ke poo o keia keiki, me ko'u ike maopopo no aohe o'u kuleana i ke kino o nei keiki," i pane ae ai o Mr. Hunetere.

            "He pomaikai nui ia e loaa ana i nei keiki, wahi a ke kauka.

            "He olelo oiaio no ia, in a nei no ka holopono o na mea apau ma kau lawelawe ana," wahi a Mr. Hunetere.

            "Alaila he ninau pohihihi hou ia i hiki ole ia oe a ia'u ke hoakaka ae, aka, in a nei no ka holopono o ka'u oki ana a loaa hou iaia ka noonoo maikai elike me ia mamua, e hiki ana iaia ke hoike mai me ke kanalua ole, i kona inoa, a ia wa e maopopo ai kona ohana a hoihoi hou aku iaia ia lakou."

            E Kauka Sereza, e ae ana no anei oe e kaana pu i ke koikoi o na ahewa ana me a'u in a no kou hooko aku i keia hana maluna o ke keiki?" i ninau ae ai o Mr. Hunetere mahope o kona noonoo nui ana no kekahi mau minuke.

            "Me ka naau oluolu loa au e haawi aku nei i ko'u ae ia oe no kau ninau, e Mr. Hunetere," wahi o ka pane a ke kauka, in a nae e haawiia mai ana ia hana na'u e lawelawe aku aohe mea e ae e kauia mai ana na ahewa ana owau wale no, mamuli o ko'u makemake wale no e hoao no ka pomaikai o ka'u oihana."

            "Ae, paha; aka nae, ma kekahi olelo ana, e loaa ana ia oe ke kaulana ame ka hanohano pu ina nei no ka holopono o kau lapaau ana a ola ke keiki," i pane aku ai o Mr. Hunetere.

            "Me ke kanalua ole. "Alaila lamalama ae la na maka o ke kauka no nei mau olelo a kona hoakamailio.

            "Eia ke kumu o ko'u ninau ana aku la ia oe. Ua hoao au e loaa na makaamka o nei keiki, a ua hookomo aku au he hoolaha iloko o kekahi o na nupepa o keia kulanakauhale, aka aole nae he pane iki i loaa mai maloko o Nu Ioka nei a i ole maloko hoi o Burukeline e hoike mai ana na lakou keia keiki. No'u iho ua nui ko'u makemake i nei keiki, me kuu aloha pu iaia. Aohe au e hoihoi aku ana iaia iloko o kekahi halema'i pupule a i ole ia iloko hoi o na hale e malamaia mai ai o na keiki kamehai, e like me keia. Aole au e hookuu hou aku ana iaia e holo hele hou aku maluna o na alanui me ka maopopo 'ole o ka poe na lakou e malama mai iaia. Ua hoooholo au i kuu manao na'u e malama iaia elike me ia a'u e malama ai i ka'u keiki ponoi ina he keiki ia i loaa i ka ma'i elike me keia, a ua lilo hoi keia kulana pohihihi loa on a i mea hoehaeha mai i kuu noonoo. Heaha ana ka'u hana pono e hana aku ai?"

            "Ina he manaoio kou e haawi iaia i ka malama maikai loa ana a kekahi makuakane, ke ike ole nei au i kekahi kumu kupono e hoohana ole ai oe i kau olelo hooholo ma ke ano he mana hoi kou malupa o nei keiki, ma kou hana ana a auamo ana hoi i ke koikoi i mea e hoihoi hou ia mai ai kona ano maikai elike me mamua." wahi a ke Kauka Sereza.

            "Ina pela ua pono; alaila e ae mai ana anei oe e lawe aku i ka malama ana o nei ma'i malalo o kou mana a e lapaau oe iaia elike me ka ike ame ka makaukau apau i loaa ia oe. O na hoolilo apau no kou luhi na'u ia e auamo, o kou wale no oia ka uku makana ame ka mahalo nui ia, in a e ola io ana nei ma'i ia oe."

            Aole i pane koke mai ke Kauka Sereza no nei noi a hala kekahi mau minuke lehulehu ma ia hope iho. I ka Mr. Hunetere nana aku e noonoo nui ana oia iloko i ho on a me ka halo ana ma na aoao apau e pili ana i ka ma'i, a o keia hana i haawiia aku la iaia he hana koikoi a he mea ano nui no hoi nona e kaulana io ai, in a nei no ka holopono o kana lawelawe ana.

            I ka hala ana o ia mau minuke, ala ae la kona poo iluna, a ua hoohoihoi loa ia mai ko Mr. Hunetere noonoo i ka manawa ana i ike aku ai i ka mohala maikai o ka helehelena o ke kauka, me he mea la, aia iloko o kona noonoo he manaolana nui no ke ola o ke keiki, ame ka holopono hoi o kana hana e lawelawe aku ana. Ua ike aku oia me ka maopopo loa e haawi ana ke kauka i kona ike lapaau a pau i mea e ola ai ke keiki a e kaulana pu ai me kana oihana lapaau.

            "Ke manzo nei au e hoao au i nei keiki," wahi ana me ke ano ulolohi o ia pane ana ae ana. "aka, eia nae, mamua o kuu lawelawe ana ke makemake nei au e kuka mui me kakahi o kuu mau hoaloha kauka, i mea e loaa mai ai o kona manao ame kona kokua ana mai ia'u maluna o keia ma'i mamaua o ka lawelawe ana aku

            "E hele hou mai ana au e ike ia oe maloko o kekahi mau la kakaikahi mai keia la aku, a maloko o ia manawa e hana oe i ka mea maikai loa no ke keiki, i mea e hooikaikaia ae ai kona kino, ma o ka hanai ana iaia me na meaai maikai loa no ka mea, he hana maikai loa ia e hanaia mamua o kona okiia ana," wahi a ke Kauka Sereza.

 

MOKUNA VI.

 

            He pule holookoa i hala ae mamua o ka loaa ana mai o ka loh ia Mr. Hunetere no kekahi meahou mai ke Kauka Sereza mai, a he pule nui no hoi ia o kona hoopihoihoiia ana me ka moe maikai ole o kona po.

            Ma ka la hope o ia pule hoea mai ana ke Kauka Sereza e ike iaia a i ke keiki pu, ka ma'i ana e lawelawe aku ana me ka lawe pu ana mai i kekahi kauka kaha i kaulana mai ka halema'i mai.

            Mahope o ka nana ana o ua mau kauka nei i ke poo o ke keii a ike iho la he pilikia hiki loa ia ia laua ke lawelawe me ke kanalua ole i ka holopono, hooholo iho la laua e lawelawe like laua ma ke oki ana i ke keiki ma kona poo.

            Ua hoihoiia aku la ke keiki noloko o ka halema'i kahi o ka poe ma'i ma ke poo e lapaauia ai, a malaila i okiiia ai ke keiki.

            Ma ia okiia ana ua hooiaiaioa ka ke kauka Sereza ike i loakaka ae ai ia Mr. Hunetere, ua pilikia ka lolo o ke keiki ke kumu ia o ka hiki ole iaia ke kamilio.

            Oiai ke keiki maloko o ka halema'i, a mahope o ke okiia ana o kahi o ke poo i manaoia aia malaila kahi o ka pilikia o ke keiki, i hooiaioia ai ka ke Kauke Sereza mea i manao wale ai, ua pololei loa ia manao koho wale ana ona.

            Ma ke koho wale a na kauka ua hahauia ke poo o ke keiki me kekahi mea oolea he mau makahiki lehulehu mahope aku, a ua naha ka iwipoo o kela keiki, a oia wahi o ka iwipoo i naha ai, ua'emi iloko a hooke i ka lolo, a ua lilo ia hooke ana o ka iwi i ka lolo i mea hoopilikia i kekahi o na aalolo a hoololola ke aalolo e hiki ole ai ke kamilio a ke hoomanao kekahi mea.

            I ka loaa ana o keia pilikia ua hookaawale koke ia ka iwi, a ua hoomaha ia ae ka lolo ma kahi i hookeia aku ai, a ua kokeia ke kupanaha ame ka hoohikiwaweia ana o ke kama o ke keiki.

(Aole i pau).

 

MR. SOLOMON NAILI DANIEL KUEWA, UA HALA.

 

            Mr. Lunahooponopono o ka Nupepa Kuokoa, Aloha kaua a nui loa: - E oluolu mai hoi oe ia'u in a he rumi kaawale kekahi o kou moku, o ia hoi ka Nupepa Kuokoa, no'u hoi ia rumi no kola mau hua e kau ae la maluna, a nana hoi ia e lawe aku me ka mama loa ma na kihi eha o ko kaua aina aloha nei, mai ka puka ana a ka la ma Kumukahi, ahiki aku i ka welo ana a ka la i Lehua, i ike mai ai na makua ame na kupuna e noho ana ma o a maanei o ka aina.

            Ua like me ka uwila e anal ana, pela no ka make o ka hiki ana mai maluna o kuu mea aloha he keiki.

            Ua hanauia ola mai ko maua puhaka aku, Mr. Daniel Kuewa ame Mrs. Lanihau Daniel i ka la 3 o Feberuari 1910, a mako i ka la 9 o Ianuari, 1924; ua piha iaia na makahiki he 13 me 11 malama me 6 la o ka hanu ana i na ea huihui o keia ola honua ana.

            Pela i ko ai ka olelo a ka Buke Nui e hoike ana ma Ioba XIV:1-2, ponoi:

            O ko kanaka i hauaiuia e ka wahine ho hapa kona mau la, a ua piha i ka popilikia. Puka mai no ia me he pua la a ua okiia aku. A holo aku no ia me he aka la, aole ia e mau.

            Nolaila e hoomaikaiia ka makua ma na lani kiekie loa, he malu ma ka honua, he aloha no i kanaka.

            Ua akoakoa na mea apau e like iaia, a he keiki i aloha nui ia e uhaiaholo ana i na hana maikai a ko kakou Haku Jesu Kristo, a oia nei, kekahi i ka hoolaaia ana o ka luakini o Makua, a pela me ka mea e kakau nei me kana moopuna Miss Malie Dan Hao.

            I ka makaukau ana o na mea apau, ua akoakoa mai la na hoahanau o na hoomana like ole. Ka hoomana Kalawina, ka hoomana Naauao ame ka hoomana o Iesu Kristo o ka Poe Hoano o na la Hope Nei.

            Ua weheia he halawai e H. N. Kanihonui, me na olelo paipai ame na hoalohaloha ana imua o na ohana apau, ua hookaniia ka himeni 36 H. A. N., a pau, ua pule o H. N. Kanihonui a pau, ua olelo mai oia in a he manao ko kekahi, ua ku mai o Iosia Kanihonui a kakoo mai i na mea, a kona papa i haiolelo ai, a pau ia, ua hookuu ka halawai me ka himeni H. A. N. aoao 131.

            I ka pau ana na ka mea e kakau nei ka pule hookuu, a ua hookomoia ke kino o ke keiki iloko o ka pahu, a hookauia aku la mahuna o ke kaa kalaka, a laweia aku la no Waimea, nona ka loihi 6 mile.

            Aia no malaila na kupuna ame ka ohana apau. Ke noi ae nei au i ka'u leo pule i ka Haku o hoomama mai i na luuluu o na makua na laua keia keiki, a pela pu no hoi me ka ohana apau; Nana no e hookaawale ae i na kaumaha apau, o ia ka'u pule ma ka inoa o Iesu Kristo, Amene.

J.H. HAO,

Waialua, Oahu

 

HE ALOHA NO KUU SOLOMON NAILI KUEWA, JR.

 

            Mr. Solomon Hanohano: - E oluolu mai kou ahonui e hookomo iho i ka'u wahi puolo e kau ae la maluna, ma kahi kaawalo o ka kakou hiwahiwa ke Kuokoa, a nana hoi ia e lawe hele aku mao a maanei o ka paeaina aloha nei o kaua, i ike iho ai na makamaka ame na hoaloha o kuu uncle, heleloa.

            Ua oluolu i ka mea mana loa, ke kipa ana ae ma ka home o ko'u mau kupuna ma Kamooloa, Waialua, Oahu, a lawe ae la i ka hanu ola o kuu uncle Solomon N. Kuewa, Jr. a hookoe iho la i ke kino puanuanu na na makua ame ka ohana e u aku ma keia ao.

            Ma ka la 10 iho la o keia mahina, i haalele mai ai oia i keia ola ana. Hoomoeia oia ma Waimea ma ka ilina o kona mau kupuna; o ka mako koke ana aku nei no ia o na kupuna i kela makahiki aku nei, o mau ana no ka ulaula o ka lepo a uhai aku la kuu uncle ia laua.

            Ke hoomanao ae i na la a'u e noho keiki ole ana, laukanaka mai la au iaia me na pokii on a. Ua lilo no hoi ola i mea nui na'u, pela no na pokii apau, ua malama keiki ia e a'u.

            E puuki, kahi a'u i luakaha ai me kuu uncle Naili e, aole au e hookipa hou ana iaia ma ko oukou mau alanui ame na malumalu.

            He mea nui au irai âme kona kaikuahina âme na poli pu no ona.

            I kahi e no au e hele aku ai, lohe no au ia lakou apau e olelo ana, mama? Niece coming.

            Oiai au me ka'u kane moa, ua lilo me he maku la no lakou, pela no hoi ka'u kane mua, aole au i loha i kuu uncle e hea ana ia'u ma ko'u inoa, e hea mau ana oia ia'u niece, a o kau kane hoi nefew.

            Mea e no hoi ke aloha ke hoomauao ae nou e kuu uncle, ua hala, ua pau kuu kuhilani hou ana ia oe.

            Aole au i lohe i kona leo e pakike mai ana ia'u, a he mea opine ole no hoi iaia kana mau olelo, Niece why you like stay with Henry.

            Tutu Lanihau e, aia ihea o uncle Naili kahi i hele ai? Auwe kuu kupunawahine, hoomanawanui e, kuhi hoi au e ola ana la hoi ka inoa o tutu, eia ka aole! Tutu! ua maha aku la o uncle, ua pau ka luhi, ua moe aku la i ka moe mau loa, moe hooluliluli ole hoi.

            Aole i uilani ae kona ano, he mea nui no hoi oia i ko'u luaui makuakane. Kuu papa ohana ole o Waialua nei e, hookahi no ohana o ka mama, o kuu uncle i haalele mai la, Mrs. Daniel Kuewa. Pehea la oia ke lohe aku, o Uncle Naili e, pehea la oe i manao ino mai ai ia makou a huna aku la i kou mau maka.

            Halialia wale mai la no kou aloha ia'u e Uncle hoi e, mai ike ole no paha au i kou kino wailua, in a aole o Manuel Alameida.

            O ko'u hui hope loa ana no me kuu uncle mamua o ka pule Kar*maka, eia ka o ko'u ike hope loa ana iho la ia. Auwe no hoi e!

            Aka e hoomaikaiia ka Makua Mana Loa, Nana no i hana mai a Nana no i lawe aku la, e hoomaikai mau loa ia kona inoa. Ma kela ao, a i keia ao.

            Me na keiki onuihua metala ko'u welina, ame ka makuahine ame ka makuakane, o kuu uncle i haalele mai, ka'u kalokalo na ka Haku e hoomama mai ia olua. Hiinai aku kakou Iaia, a mai Iaia mai ko kakou ola, ua maha o uncle, a o kakou koe. O kona ala e loaa aku ana ia kakou, ko iho la ka ka Haku olelo, e hoi ka lepo i ka lepo o ka uhane, me ka mea nana kakou. He mahu wale no ko kakou, a nalo aku.

            Me ke aloha i kuu uncle,

            MABLE H. OTHOLT,

1 Section Camp, Waialua,

 

HOOLE NA HOA REPUBALIKA O KA PAPA I KE APONO ANA    

            Ma ka noho ana o ka halawai a ka papa o na lunakiai o ke Kulanakkauhale a Kalana o Honolulu nei, ma ka Poalima aku la i hala, i hoole ae ai na hoa Repubalika, o ka papa, i ke apono ana i ka manao kanawai o ka Loio Kalana Heen, no ke ku i ka mana o ka hookohu oihana i hanaia e ka Meia Wilson, a i aponoia e ka papa lunakiai i pau, e hoolilo ana ia Louis S. Cain i enekinia kalana, a ia Lewis Abshire hoi i lunanana kukulu hale.

            Ma ka halawai a kela papa, ma ka Poalua aku, i hooholo lokahi ai ka papa e waiho mai ka Loio Kalana Heen i kona manao kanawai, no ke ku i ka mana ame ka mana ole o ka hookohuia ana o kela mau kanaka, ma ko laua mau kulana oihana pakahi, eia nae ua hoole na hoa Repubalika o ka papa i ke apono ana i ka manao kanawai o ka Loio Kalana Heen, no ke kumu, wahi a ka Lunakiai Hollinger, ua ku-e kela manao kanawai, i ka manao kanawai i waihoia aku iaia, e kekahi mea okoa ae ana o ka ninau mua ana.

            Mahope iho o ka waihoia ana mai o kela manao knawai, i waiho ae ai ka Lunakiai Hollinger i ke noi, e kapaeia ka lawe ana mai i kela manao kanawai no ka manawa maopopo ole.

            Ua waiho mai ka Lunakiai Bassett he hoololi i ke noi, o ia hoi, e apono aku ka pap e lawe mai i ka manao kanawai, a e waihoia ma kahi o na palapala, ma ke koho ana nae, ua haule wale, a ua aponoia ke noi mua a ka Lunakiai Hollinger, e kapae ana i kela manao kanawai.

            Ma ka manao kanawai o ka Loio Kalana Heen, e hoakaka ana ia, no ke ku i ke kanawai, ka hookohu ana a ka Meia, ia Louis S. Cain ame Lewis Abshine, a i aponoia ai hoi e ka papa lunakiai kahiko, malalo o ke kumu, ua hanaia kela mau hookohu oihana, mamua ae o ka manawa, e noho mai ai ka papa lunakiai hou.

            No ka ninau e pili ana i ka lawe ana ae o na mea i hookohuia i ka laua hoohiki oihana, a pela hoi me ko laua waiho ana ae i na bona, no ka hooko pono i ka laua hana, wahi o ka manao hoakaka o ka Loio Kalana Heen, aole i kauohaia ma ke kanawai, aia a hoohiki mua kela mau kanaka, a pela hoi ke aponoia ana o ko laua mau bona, alaila mana i ho la ka hookohu oihana i hanaia, me kona kuhikuhi ana mai i kahi o ke kanawai, e hoakaka wale ana no ia, no na luna oihana kohoia, a hookohuia paha, i maopopo ka loihi o ko lakou manawa e paa ai i ka oihana, aole no na luna oihana i hoakaka maopopo ole ia ko lakou manawa e paa ai i ko lakou mau kulana oihana.

 

EKOLU MAU PILIPINO I PAA AE I KA HOPUIA.

            Ekolu mau Pilipino i hopiiia ae imua o ka aha hoomalu ma ka Poaha aku la i hala no lakou keia mau inoa: Louis Omega, Mariano Spinosa ame Maria Ingardo, a i hooloheia ko lakou mau hihia mamua o ka Lunakanawai Harry Steiner, no ka hewa moekolohe. No ko Omega hihia ua hoopaneeia mai ka hooloheia ana a ka Poaono mai, hora 9. Ua hoopa'iia o Spinosa he $30 a no ka wahine Marie Ingardo ua hoomaluia oia no umi-kumamakolu mahina, in a no ka loaa pono hou aku, he paa wale no.

            Makai ae nei o ka apana o Iwilei i paa ae ai nei poe i ka hopuia ma ka hora 4:30 o ke kakahiaka o ka Poakolu aku e kekahi o na makai hou Solomon G. Kekipi, a nana i waiho ae ka hoopii maloko o kana hoike o ka hoihoi ana ae. O ke kane mua a Maia Ingardo he Pilipino luina, ua haalele mai iaia eha makahiki i hala aku nei, mai ia manawa mai on a i kaawale aku ai i noho kapena ae ai o Omega no Maria, ahiki he mahina aku nei ua kapaeia o Omega ma kulakula, a o Spinosa ka on a ame ke kapena hou o Maria o ka noho ana mai ia manawa mai, mamuli keia o ke kauoha ana ae o Omega iaia e malama i ka punua a lakou.

            Ua maikai ko lakou launa ana no kekahi manawa uuku, eia nae, aua no kekahi manawa, eia nae, i ka hala ana o kekahi manawa, no ka lili o Omega i ka lilo o Maria ia Sinosa, ua ulu ae la *e mokuahana mawaena o laua, a o keia hoopii i hookomoia ae la i ka aha no ka hooponopono ana ia owai la o na kane elua ka mea i kuleana i ka wahine ma ke kanawai, a e hoopauia ai hoi ka hoopoino ana aku paha a kekahi kane i kekahi. "O ke kane mare a Maria, o Pedro Datuin," wahi a ko Kapena Maknikiu Kellett o ka hoike ana ae, "aka nae, ua wehe o uwahi iaia aia i Manila, o keia mau pili aoao hou o Maria na kapena hou no ke Kahulihuli."

 

HOOLAHA KUAI O KA HOOLIMALIMA AUPUNI.

 

            Ma keia ke haawiia aku nei ka hoolaha akea ma ka hora 10:00' a.m., Poaono, Feberuari 23, 1924,, ma ka puka mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, ua Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina Aupuni malalo iho nei:

            Apana 28, na Apana Mahi o Wailua, Wailua Kauai, nona ka iliaina o 3.88 eka, oi aku a emi mai paha, e hookoe ana mailaila mai i ka pono hoomoe hawaii ame auwai e moe ke'a ana i keia apana, hui pu me na wai ame na pono pili auwai maloko a i na auwai i oleloia.

            E kaa no ka hoolimalima e hooliloia aku ana malalo o na kumu aelike ame na kulana apau o na Hoolimalima Laula Aupuni i hoopukaia e ke Keena o ke Komisina o na Aina Aupuni.

            E kaa keia kuai malalo o na kulana mahope ae nei:

            a. Manawa o ka hoolimalima, 15 makahiki mai Feberuari 23, 1924 aku.

            b. Uku hoolimalima haahaa, $40.00 o ka makahiki, e uku hapa-makahiki mua ia.

            c. E uku mua ka mea e lilo ai ma ka haule ana o ka hamare, i ka uku hoolimalima o na mahina mua eono, hui pu me na hoolilo o ka hoolaha aua ame na kaki e ae apau e pili ana me ka hoomakaukau ana i ka hoolimalima i oleloia.

            d. E koiia ana ka mea e lilo ai e waiho mai me ke Komisina o na Aina Aupuni ma, a i ole mamua ae o ka hanaia ana a'i ole haawiia ana o ka hoolimalima, a i ole iloko o 30 la mahope aku o ka la o ke kuai, i bona maikai a lawa pono me ka huina o $500.00 me na hope i aponoia e ke Komisina o na Aina Aupuni, e hoakaka ana no ka hooko pono ia o na kulana apau ame na aelike i paa maloko o ka hoolimalima e hoopukaia aku ana mamuli o keia kuai.

            O ke kii palapala aina e hoikeike ana i ka aina e hoolimalima aku ana ame ke ano o ka Hoolimalima Aupuni Laula eia ke waiho nei ma kahi o na palapala a e ikeia no ma ke Keena o ka Hope-akena, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu, T.H.

            No na hoakaka i koe e ninau ae ma ke Keena o ka Hope akena, Mr. J.M. Lydgate, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Halo Kapitala, Honolulu, T.H.

            Hanaia ma Honolulu, T.H., maloko o ke Keena o ke Komisina o na Aina Aupuni, i keia la 17 o Ianuari, A.D. 1924.

C.T. Bailey

            Komisina o na Aina Aupuni. 6592-Jan. 24, 31.

 

HOOLAHA KUAI O KA HOOLIMALIMA AUPUNI.

            Ma keia ke haawiia aku nei ka hoolaha akea ma ka hora 10:00 a.m., Poaono, feberuari 23, 1924 ma ka puka mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina Aupuni malalo iho nei:

            Apana 36, na Apana Kanu Laiki ame Kula o Hanapepe, Hanapepe, Kauai, nona ka iliaina o 2,60 eka, oi aku a emi mai paha, e hookoe ana mailaila mai i ka pono hoomoe auwai ame hookahewai e moe ke'a ana ma ka apana i oleloia, hui pu me na wai ame na pono pili auwai maloko a i na auwai i oleloia.

            E kaa no ka hoolimalima e hooliloia aku ana malalo o na kumu aelike ame na kulana apau o na Hoolimalima Laula Aupuni i hoopukaia e ke Keena o ke Komisina o na Aina Aupuni.

            E kaa keia kuai malalo o na kulana mahope ae nei:

            1. Manawa o ka hoolimalima, 15 makahiki mai Feberuari 23, 1924 aku.

            2. Uku hoolimalima haahaa, $20.00 o ka makahiki, e uku hapa makahiki mua ia.

            3. E uku mua ka mea e lilo ai ma ka haule ana o ka hamare, i ka uku hoolimalima o na mahine mua eono, hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i ka hoolimalima i *loia.

            O ke kii palapala aina e hoike ana i na aina e hoolimalimaia ana ame ke ono o ka hoolimalima*. Aupuni Laulu eia ke waiho nei * kahi o na palapala a e ikeia * ke keena o * Hope* Aupuna Kalana, Lihue, Kauai, * ole ma ke Keena o ke Komisina * na Aina Aupuni Hale Kapitala, Honolulu, T.H.

            No na hoakaka i koe e ninau pe ma ke Keena o ka Hope-akena, Mr. J.M. Lydgate, Hale Aupuni * Lihue, Kauai, a i ole ma ke * o ke Komisina o na Aina Aupuni Hale Kapitala, Honolulu, T.H.

            Hanaia ma Honolulu, T.H. ma loko o ke Keena o ke Komisina na Aina aupuni, i keia la * ari, A.D. 1924.

C.T. Bailey

Komisina o na Aina Aupuni 6592-Jan. 24. 31.

 

HOOLAHA KUAI O KA AINA AUPUNI.

 

            Ma keia, ke haawiia aku nei * hoolaha, akea ma ka * 10:00 a.m., Poaono, Feberuari * ke Keena o ka liape-akema Mr. K. Kalua, Wailuku, Maui * o kuai holiloia aku ai * dala akea i ka mea koho* kiekie malalo o na manao o ka Pauka * oke Kanawai Kumu o Hawaii * Pauku 348 ame 358 o na Kanawai Hooponopono Hou ia o Hawaii 1915, ame ke Kanawai * Kanawai Ahaolelo o 1917, pahale Aupuni malalo iho *

            Hapa o ka Aina Aupuni * la pue, e pili ana ma ka * 7392 D apana 1 ia * ka Hikina, Uapue, Kona * lokai, nona ka iliaina o * oi aku a emi mai paha.

            E kaa no ka apana e kauai * lilo ia aku ana maluna ae * o na kumu aelike e hooko* ma ke ano he mau aelike pa* ame na kulana maloko o ka * Kuai Kuikawa e hoopukaia ana * pili ana i ka apana i oleloia *

            1. E kukuluia kekahi hale * non a ka lilo aole e * iho malalo o ka $1000.00 * na o ka aina i oleloia iloko hookahi makahiki mai ka * aku o ke kuai.

            2. E uku no ka mea iaia e lilo * i kela ame keia makahiki * pe aku i na auhau * luna o ka waiwaiio o ke * o ka aina i oleloia ame kahi mau auhau e ae e * mai ana a i ele e au* ana maluna a i ole e pili ana ka nina i oleloia a i ole * kahi kuleana paha maloko * ila.

            3. E hoopukaia no ka Palapala Sila he hookah makahiki * hope iho o ka la o ke * i ole i kekahi manawa e pae * a mahope iho o ke * ana o ka hale, ka uku piha ana mai o ke kumukuai * ame na auhau e ukuia * Teritore.

            4. E uku hapa ia ko kumu* ma ka wa e haule ai o * mare ma ke kuike a * na he hookahi makahiki * pe mai o ka la o * ka ukupauee o * hiki.

            E Kaa keia kuai malalo o * lana mahope ae nei:

            a. Kumukuai haahaa, $70.00

            b. O na makaainana Amerika * no a i ole o ka mea i kuku* ae ma ke ano ku i ke kana* no kona manao e lilo i makaainana ke lilo i mea kuai *

            c. E uku ka mea e lilo ai ma * haule ana o ka hamare i * hoolilo apau o ka hoolaha ana ame kekahi mau kaki e * pili ana me ka hoomakaukau ana i ka Aelike Kuai Kuikawa e hoopukaia ana mamuli o * kuai.

            O ke kii palapala aina e hoikeike ana i ka aina e kuai hoolilo ia * ana eia ke waiho nei ma kahi o * palapala a e ikeia no ma ke Keena o ka Hope-akena, Wailuku, Maui a i ole ma ke keena o ke Komisina o na Aina Aupuni, Hale Ka*, Honolulu.

            No na hoakaka i koe e ninau * ke Keena o ka Hope-Akena, Mr. K. Kalua, Wailuku, Maui, a * ma ke Keena o ke Komisina * Aina Aupuni, Hale, Kapitala, Honolulu, T.H.

            Hanaia ma Honolulu, T.H., * ko o ke Keena o ke Komisina * Aina Aupuni  i keia la 9 o Ianuari A.D. 1924.

            C.T. Bailey

            Komisina o na Aina Aupuni, 6591 - Jan. 17, 24, 31.

 

HOOLAHA I KA POE AIE

 

KOOLAU WATER COMPANY LIMITED

            Ma keia ka haawiia aku nei he hoolaha i ka poe apau he koi kekahi i ke Koolau Water Company, Limited., he Hui Hawaii i hoopauia malalo o ke kauoha a ka Puuku * Teritore o Hawaii i Dekemaba * 1923, no ka waiho ana ae ia * imua o ke Kahuwaiwai nona * inoa malalo iho nei ma kona keena ma ka Alexander & Baldwin, Limited, maloko o ka Hale Stangenwald, ma ke Alannui Kalepa, maloko o Honolulu, T.H., iloko o k* naiwa la mai keia la aku (o la * ka la mua o ka hoopukaia ana o keia hoolaha) a i ole e ku-e * loa ia aku no ia.

            Honolulu, T.H., Ianuari 3, 192*

                                    J.P. Cooke

            Kahu no ka Poe Aie ame * Poe Paamahele o ke Koolau Water Company Limited, * oleloia.

6589 - Jan 3, 10, 37, 24, 31 ….

 

PoiMakepono

            E loaa no ka poi uouo k* puu makepono loa, maemae * maiau o ka hanaia ana ma* ano apau.

            28 PAONA NO $1.00 MA KE KUIKE.

            HALE WILI PONO

            JONAH KUMALAE

1719 Alanui Liliha.

HELE MAI I KE PONO

Mai Poina i ka Helu ame * Alanui.