Ka Nupepa Kuokoa, Volume LXIII, Number 5, 31 Ianuali 1924 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

T.H. Ianuari 31, 1924

Ka Halawai a Ka Papa Lunakiai o ka Poalua I Hala.

Ma ka halawai a ka papa o na lunakini o ka neho ana in a ka hora 7.30 o ka po Poalua nei o ka pule i hala, aoha mau hana nui e ae i noonooia mawaho ae o ka olelo hoolelo e pili ana i ka bila haawina dala no na hoolilo o ke kulanakauhala ame kalana no ka hapaha e pau ana ma ka la hope o Maraki, ka olelo hooholo a ka Mein Wilson i vito ai. a i noonoo ia ai hoi e na hoa o ka papa ma kekahi mau halawai aku nei i hala, a i hoopanee mau 'ia mai'ai ka hooholo ana, a no ia holo ole no i malamaia ai he halawai kuikawa na ka papa mamuli o ke kahea ana  a kea Meia Wilson, ma ka hora 1:30 o ia la.

            Aneane o hoopanee loa ia ka noonoo ana maluna o ka vito a ka Meia Wilson no ka olelo hooholo ahiki i ka pau ana o na pule elua ma ka manawa a ka Lunakiai Hollinger i waiho aku ai i ke noi e hoopaneeia ka halawai me ka hoakaka ole aku i kekahi manawa maopopo e noho hou ai ka halawai a ka papa, aka nae, mahope o ka hooholoia ana no ka hoopanee i ka halawai, a i ka manawa i loaa ai ka noonoo i ka Lunakiai Hollinger, ua hoike koke aku eia e hoopaneeia ka halawai ahiki i ka hora 1:30 o kela auwina la.

            Ma ka manawa o ka noho ana o ka halawai na ka Lunakiai Petrie i waiho aku he noi e noonooia ka vito a ka MEia Wilson maluna o ka olelo hooholo e pili ana i ka bila haawina o na hoolilo o ke kulanakauhala ame kalana no ka hapaha, a kokuaia ae eLunakiai McCllelan.

            Ia Lunakiai Petrie i hoomaka ae ai e kamailio hou ua ku koke ae la ka Lunakiai Hollinger a noi aku la e vaihoia ka vito a ka Meia ma ka papa.

            "Ua halahu oe e Hollinger mawaho o ke kumuhana," wahi a ka Meia. "O ka Lunakiai Petrie ka mea kuleana i ka papahele i nei manawa."

            Aohe hoolohe aku o ka Lunakiai Hollinger, a noi hou aku la no e waihola ka vito a ka Meia ma ka papa. "Aole keia he hana maikai," wahi a Hollinger me ka nui o ka leo. "He noi kumu ka'u maluna o ke kumuhana."

            "Ua halahu loa oe mawaho o ke kumuhana," wahi hou a ka meia. "Ua makaukau anei na hoa no ka ninau!"

            "Aole ana anei e loaa mai ana ia'u ke aponoia maanei e kamailio aku!" wahi a ka Hollinger ninau.

            "Noho iho oe ilalo," wahi a ka meia.

            Ia manawa i huli aku ai o Hollinger a noi aku la no ka hoopaneeia o ka halawai. Na ka Lunakiai Cunha i kokua ae i noi ana.

            "Heaha kau noi!" Wahi a ka meia.

            Alaila hoakaka hou aku la o Hollinger i kana noi. Ma ka manawa o ka waiho ana mai a ka meia no ke koho ana a ua hoa ua hooholoia ka hoopanee ana.

            Ia manawa i noi aku ai ka Lunakiai Hollinger e kahea ae ka meia i halawai kuikawa na ka papa ma ka auqina la hora 1:30 o ka Poaha.

            "Ua noi mai nei oe e hoopaneeia ka halawai," wahi a ka meia, a o ka huli aku la no ia ona a hele.

            Ia manawa i wawalo ae ai oloko o ka puni i na leo uwa o ke anaina e akoakoa mai ana. Ua papa aku la o Hollinger ia poe, eia nae, no ka wawalo loa o na leo ua uhi pu ia kona leo. Ua hana ka Lunakiai Hollinger i keia i ole ai e koho na hoa maluna o ke noi a Peter e noonooia ka vito a ka Meia, no ka mea, wahi a Hollinger he noi ia i ku*e i ke kumuhana.

            I ka naua aku aohe manawa e kuikahi ai ka wai me ka aila iloko o ka papa'o na lunakiai kulanakauhale, no ka mea kupaa no na emokarata ma ko lakou aoao a pela no hoi na Lunakiai Repubalika ma ko lakou aoao me ka haawipio ole o kekahi aoao i kekahi, a ke manao mai nei na hoa Repubalika o ka papa e hapai ae i ka vito a ka Meia Wilson imua o ka hala kiekie, me ke kue pui ka manao kauawai o ka Loio Kulanakauhale Hoen.

            O ke kumu paakiki loa aia makakau ia e ka Lunakiiai i ohoomakaukau ai ka Lunakiai Hollinger kekahi pauku e pili ana ia Cain ame Abashire, o ia pauku ka na hoa Demokarata i makemakea ai e kiolaia ae alaila apono lakou i ka hooholoia o ka olelo hooholo, he hana nae ia a na hoa Repubalika i kue loa ai, a i ka paa ana o na Demokarata a paa pu me na Repubalika a un vitoia hoi ka olelo hooholo e ka Meia Wilson o ka hopena iho la keia i ikeia, me ka ilio o nei houholoni i mea hoopilikia aku i na limahana o ke kulanakauale ame kalana.

 

KA MOOLELO KAHIKO O HAWAII NEI AME KE KUNANA MAI O NA MOKU MA KA PAEAINA O HAWAII NEI, AME KA OLELO KAUOHA A KO KAKOU ALII.

(Kakauia e J.H.K.)

            Mr. Sol. Hanohano, Aloha kaua a nui: - E oluolu mai hoi oe ia'u in a he rumi kaawale kekahi o ka kaua hiwahiwa, o ia hoi ka Nupepa Kuokoa, no'u hoi ia rumi no kela mau hua e kau ae la maluna; oiai he mea no hoi ia e hoonaauao ai i na opio o o keia au hou e nee nei, a i mea no hoi o hoomaopopo ai kekahi poe makua i ike ole ia mea mamua, he mea maikai ka hoopaa ana i na mea i a'oia mai e ko kakou mau makua, a loaa ka ike ame ka hoomaopopo aua.

            O ka moolelo kahiko loa oa Hawaii nei, ua powehiwehi ia. Eia ka mea i akaka ole ai, o ka ike ole o na kanaka o ia wa i ke kakau palapala. Ua paa kekahi mau mea ma ka naau o ka poe kahiko, aka ua paa kapekepeke no, aole i paa pono. He oiaio kekahi a he hakuepa kekahi.

            O ka moolelo no na makahiki hou mai i hala iho nei, o ia ka mea akaka iki. I ka manao o kekahi poe naauao, aole paha aina maanei i ka wa kahiko, he moana wale no. Manao lakou ua hoea mai na aina mailoko mai o ka moana, a o na ahi pele ka mea i hoea mai ai. Eia ka mea i manao ai lakou pela:

            Ua ikeia kekahi mau moku i hoea mai, a ua like ke ano o ia mau aina me Hawaii nei. Eia ka mea akaka loa, he aina pele no keia paemoku, a pela no hoi na mokupuni apau ma keia moana.

            O nah pohaku apau, he pohaku i hoohehee wale ia no. Aole i like ua pohaku maanei me ko na aina puniole; na ka pele wale no koonei pohaku. I keia wa, ua pio ka nui o na pele, aka i ka wa kahiko he pele no ma Maui a ma Oahu, a ma keia paemoku apau.

            Nolaila ua manao wale ia, ua hoea mai keia paeina mailalo mai, aole nae i ike pono ia. Malia he aina no maanei mai kahiko mai. Hoomanao ae la ka mea kakau i ke mele Hiiaki penei:

Mai Kahiki ka wahine o Pele,

Mai ka aina i Polapola;

Mai ke ao punohu a Kane,

Mai ke ao lalapa i ka lani,

Lapaku i Hawaii ka wahine o Pele,

Kalai i ka waa Honuamea.

I akea ko waa e Kamohoalii,

A poa mai ka moku i paa uahoa.

Holo mai ke au aeae Pele Hiiaka no ea,

Aeae kiui o ke akua.

Noho mai o Malau ka i'a kaliu,

Iawai ka hope ka lei o ka waa,

Ia Ku ma laua o Lono.

Noho i ka honua aina,

Ku i hoolewa moku i ke kai,

Hele ae a komo i ka hale o Pele,

Huahuai Kahiki lapa uwila Pele,

Huai e hu aina ae ana hoi,

Ka mana o ko akua,

I waho nei la e.

Ua like ka helehelena o ko Hawaii nei me ko na mokupuni he nui loa me keia moana, ho kokoko like no nae a ua kokoke like no hoi ka olelo.

            Nolaila ua maopopo na ka lahu kanaka hookahi ko Hawaii nei, ame ko Kahiki, ko Nuuhiwa ame ko na mokupuni he nui loa. Ua akaka hookahi lahui kanaka mamua, aka, aole i ikeia ko lakou wahi i hele mai ai, mai hea mai la!

(Aole i pau.)

 

HAALELE MAI KUU MAMA KUULEIKAWELOWAHINE LEVI FAUFATA IA MAKOU.

            Mr. Solomon Hanohano, ka Lunahooponopono o ka Nupepa Kuokoa; - Oluolu mai kou ahonui in a he rumi kaawale kekahi o ka kaua manu nunu lawe meahou, ka Nupepa Kuokoa, i ka'u wahi puolo waimaka a ke aloha e kau ae la mluna, no kuu mama heleloa, Mrs. Kuuleikawelowahine Levi Faufata, ua hala, auwe no hoi kuu minamina paole i kuu mama e!

            Ua pauaho mai kuu mama i keia ola ana, ma ka po o ka Poakolu, Nov. 21, 1923, ma ka hapalua i hala o ka hora ewalu, ma ka home o kuu mau kaikuaana, Mr. ame Mrs. John Goo Kim.

            Elima wale no la o kona kaama'i ana, a haalele mai la i ka la ka mea mehana. Auwe kuu mama e!

            Ua hanauia kuu mama mai ka puhaka mai o kona makuahine Kalimahana ame Kalakaua kona makuakana, i ka makahiki 1857, mama ka la 25 o Dekemaba, ma Kuiaha. Pauwela, Maui, a ua piha iaia na makahiki he 66 me na la he 28 o o ka hanu ana i na ea o keia ola honua ana.

            Ua hoihoiia ke kino wailua o kuu mama ma kahi o Borthwick, a maka po o ka Poaha ae, i weheia ai ke kino o kuu mama, no ka ike ana iho o ka ohana ame na hoaloha. Auwe no hoi ka minamina i kuu mama! Heaha la ka'u hale, i hana ai i haulelo manawaino mai ai oe e mama ia'u!

            Ua hooikaika no au ma ka imi ana, i ke ola no kuu mama, aole nae e hiki ka paa mai, no ka mea o Kona makemake no ke hanaia; e hoonaniia Kona inoa Nana no i haawai mai, a Nana no i lawe aku la.

            O kuu mama i haalele mai la i keia ola ana, he makuahine akahai oia, hooluolu, lokomaikai a hoopono. He makuahine aloha kaue, aloha ohana, a pela no hoi ia'u, kana lei hookahi wale iho no, i hooueleia i ka mama, kuu hoapili o keia noho kino ana.

            Ua pau ko'u lohe hou ana i kona leo aloha e hea mai ana: E Lipeka kuu bebe, hele mai e honi ia mana! Luuluu Haalei i ka ua nui, e loku hala ole nei i kuu puuwai no kuu mama heleloa.

            He makuahine haipule oia, e hele mau ana i ka hoike Kula Sabati, a na ka nawaliwali i hoopau i kona hele ana i kela hana maikai.

            Ua mare mua no kuu mama i ke kaue i kona mau la opio a ua make ia kane, me kona mare hou ana i kaua kane elua, oia o Levi Faufata, kuu papa aloha, owau hookahi w*le no ka laua keiki, a hala wale a*u la kuu mama, me ka haalele ana iao i kuu papa ame a'u, e kumukena mau aku nona, i ke ao ame ka p*.

            E Kahului, i ke kai holuholu, ua pau ka hoopulu hou ana o kou mau hunakai i na papalina nohea, o kuu mama aloha. Aloha ke Kahului Pistiery, kahi a kuu mama e hele ai me na moopuna i ka huki kaua, ua pau kona maalo hou ana na *a pau kona maalo hou ana *a ua kapakai aloha o Kahului.

            Oh! my dear mother, where can I find a mother like you, never!

            Ke haawi aku nei au i na hoomaikai ana he nui, i ka poe apau i lawe mai i na makana pua, no ka kochiwahiwa ana i ho i ke kino wailua o kuu mama, pela hoi ia olua e kuu mau kaikuaana Mr. ame Mrs. Goo Kim, ame kuu papa aloha, Kelua Ah Leong ame oe e Mrs. Lily Kaneaiakala, no ko oukou ana pu ana me maua na mea i hooneeia mai i ka maua mea aloha; *e kalokalo ae nei i ka leo o ka'u pule, na ko Akua no e malama a e kiki ia oukou a pau loa, a Nana no e hookau mai i na hoopomaikai ana maluna mai.

            Ua hoomoeia aku ke kino puamanu o kuu mama, ma ka ilina*o Pauoa, a na ke Kahu Henry P. Judd i hoomaikai i kuu mama.

            Ke haawi pu aku nei no hoi m* * hoomaikai he nui, i ka p* i ukali pu mai me maua ma * huakai hoolewa o kuu mama, * kona home ilina, a na ke Akua * ko kakou Makua ma ka lani, * haawi mai i na hoomaikai oi ae.

            Me na keiki hoonohohua ko * welina, a me oe e ka Lunahooponi pono ka'u hoomaikai hope.

            O maua iho no iloko o ka luul* ame ke kaumaha:

            MRS REBECCA K AH LEONG LEVI FAUFATA.

 

HAALELE MAI O SAMUEL K KALAMA, I KEIA OLA ANA.

Naha ka Hale a ke Aioha, ka Makamaka o ka Moe e Kipa Hai Ai Ua Ike-a.

            I ka Lunahooponopono o ke Kuokea: - Ke loaa kekahi kowa kaawale o n a kolamu o kau pepa, e oluolu hoi e hookau aku i keia puolo waimaka nui mak a oneki o ka mokuea, ke Kuokoa, a nana hoi ia e lawe hele aku ma na kihi eha o na mokupuni a hoike aku o Samuela K. Kaaumoana Kalama, ua hele palanehe aku la kona unhane ma ke ala koikua a Kane a o ka lepo no ka lepo; o ke aloha ka'u me ka minamina, ua abu iho la mahope nei i ukana luuluu na ka naau e hana mao ole ai i ke ao ame ka po. Luuluu wale hoi e! Ua moe aku la oia i ke kanaono-kumamakolu o kona mau makahiki.

            No kekahi mau mahina lehulehu kona kaama'i ana me ka hoao mau ia e paio me ka ma'i nana i hoomailo i kona kino; ua leuleleia ka imi ana i kona ola ma o a maanei mawaena o na kauka akamai o Hilo a pela pu me ko Honolulu nei, aka nae, me ia hui no o ka imiia ana oke ola, a oiai hoi ua oi aku no ke ikaika o ka ma'i mamu o ke akamai o ke kanaka, ua haalele mai la oia i keia ola ana maloko o ka Halema'i ma Hilo ma ka auqina la Poakolu o ka pule aku la i hala, a hoihoiia mai no Honolulu nei maluna o ka Makuahi Haleakala, a maloko o ka pa ilina o Pauoa i hoomoeia aku ai kona kino lepo no na kau a kau, a haalele iho la i Puna n hoaloha e kania-a mau aku nona i manawa apau.

            Ua hanauia oia mai ka puhaka mai o Pahukoa kona luaui makuahine, a o Kalama kona luaui makuakane, a ua lilo aku oia i kona mau kahu hanai Same Kaaumoana ame Kainea a nee mai no Honolulu nei.

            Ua hoonaauaoia oia i kona mau la kamalii ma na kula Hawaii, a o kona makuakane no Mr. Kaaumoana, ka mea nona ka inoa i heaia maluna on a, nana i hoonaauao mua iaia ma ka olelo Hawaii, aka, i ka lakou nee ana mai no Honolulu nei ua komo aku la o Samuel K. Kalama, i ke Kula Alii o Kahehuna malalo o ke a'o ana a McIntosh ke kumupoo mua, a oia kekahi o na haumana holomua loa ma kana mau haawina, a iloko no o ia kula i koho mua ai oia i kana oihana e lawelawe aku ai o ia hoi k a oihana kamana, a he noiau oia ma ia oihana a pela hoi me ke kahakiii hale a moe pu aku la oia me ia ike waiwai nui.

            Ua hooheiia ola ma ka bertia laahia o ka mare me a'u Mrs. Kanoe Kalama, he 46 makahiki i hala aku nei, o keia kekahi o na paamare i hoohuiia e ka Makua Kuaea i ikeia ka noho aloh a maluhia me ka hookaawale ole ahiki i ka hala wale ana aku la no o Samuel K. Kalama. Mailoko mai o laua i puka aku ai kekahi mau keiki he umi kumamaiwa ka nui, ua hala e aku nae he umi-kumamalua o lakou ma kela ao a he ehiku wale no o ola nei, o ia hoi he elima mau keikikane, a he elua mau kaikamahine, me na moopuna he umi-kumamaiwa ka nui, aole no nao i pau ko lakou hoolue keiki ana.

            Mauka ae nei no o Pauoa keia ohana nui i noho ai, a he mau makahiki eha a elima paha i hala aku nei ka nee ana aku o Samuel K. Kalama am a'u Mrs. Kalama no ka aina Hookuonoono ma Waiakea, Hilo, no ka mea, o laua kekahi i lawe i na aina hookuonoono ma Waiakea, a malaila no hoi i noho ai a i hookumu ai ka ma'i ahiki i ka nui loa ana a waiho aku la kona kino ma ka Ilina o Pauoa.

            He hoahanau kahiko loa oia no ka Ekalesia o Kaumakapili, he hoa no ka papa kahuwaiwai a he hoa pu no ka ahaluna o ia ekalesia, a he kumu Kula Sabati no ka apana o Pauoa i kona manawa e noho paa ana ma Honolulu nei.

            He lala oia no ka Hui Hookuonoono o na Oiwi Hawaii, aka, mamuli o kona nee ana aku no Hilo, ua pau kona kulana lala. He lala oia no ka Ahahui Ka Hale o na alii, me ia ahahui oia i pili aku ai ahiki i kona moe ana aku la, a malalo hoi o na hooponopono ana a ia ahahui kona kino wailua ahiki i ka hoomoeia ana aku la.

            He kanaka akamai loa o Kalama i moe aku la ma ka oihana kamana ame kahakii. He mau kumu kamana lehulehu kana o ka noho hana ana oia o Solomon David Barrow, John Lucas, ame Henry De Fries. Na Mr. Kalama i moe aku la i hana i ka hale hookolokolo ma Kailua, Kona, Hawaii, i hooiloiloia ai aole hiki i ke kanaka Hawaii ke hana, eia nae, ua paa ia hale me ka mahalo nui ia. Oia pukekahi i hana i ka Halekula o Lahainaluna, a he kanaka *ocau loa oia ma ke kahakiii hale a ma ke kukulu hale pu, a aia i noho aku ai ma Hilo, o ia no kana hana i kekahi manawa kaawale mai ka hana mai o ka aina hookuonoono.

            Ua moe aku la oia i ka moe kau a moe hooilo, aka, o kana mau hana maikai apau i kona manawa ma keia ao ua lilo he kiahoomanao poina ole nona, he kiahoomanao nana i kukulu ponoi, a iaia i hale aku la, ua haalele iho oia ia'u kana wahine, kona hoapili hoi, no ua makahiki lehulehu a i na keiki he nui na hoaloha ame na makamaka he nui wale, e hoomanao mau aku nona.

            Auwe kuu kane, kuu hoapili e! E hoomaikaiiia ke Akua Kahikolu, ka Mea Nona ke kino ame ka uhane, o Kona makemake ke hanaia aole o ka ke kanaka!

            Ke haawi aku nei au i ka'u hoomaikai i ka Lunahooponopono no ka ae oluolu ana mai i keia kanaenae e hoopukaia ae maloko o ka Nupepa Kuokoa, a pela hoi i na limahana o ka papapa'i.

            Na makou no me kuu luuluu,

            MRS KANOE KLAMA,

                        ama ka ohana.

Pauoa, Jan 29, 1924.

 

HE HOOMAIKAI

            Ke haawi aku nei makou ka ohana o Samuel K. Kalama, i haalele iho ia makou me ka naau luuluu, i ka makou mau hoomaikai piha i na lala apau o ka Ahahui Ka Hale o na Alii, no na hana maikai i hanaia iho maluna o ke kino o ka makou mea aloha, a pela hoi me na makamaka ame na hoaloha apau i komo pu mai e kumakena pu me makou a i haawi mai hoi i na makana pua no ka hoohiwahiwa ana iho i ke kino wailua o ka makou mea aloha.

Na Makou no me ka luuluu,

MRS. KANOE KALAMA, âme ka ohana.

 

Ma ka Poakolu aku nei i hala, i ku mai ai ka mokukaua Palani Jeanne D'Arc no Honolulu nei, me ka lilo o na aliimoku ame na koa luina, i mau malihini na ko ke ku lanakauhale nei poe no kekahi mau la, a ma keia la e holo aku ai no Hilo, no ka makaikai ana o na kanaka i ka luapele.

 

AIHUEIA KEKAHI PAHU-HAO O 500 PAONA.

            He pahuhao waiho dala o 500 paona ke kaumaha, ka i aihueia ma ka po o ka Poakolu o ka pule i hala e kekahi poe aihue, mailoko aku o ka halekuai o kekahi Pake o Wong sau ka inoa, e ku nei ma ke alanui Kunawai, mahope o ka wawahiia ana o ka poka mamua o ka halekuai a laweia aku ka pahuhao, a maloko o ka lua pohaku ma Puunui, a malaila i wawahiia a* a lilo aku he $40 mo kekahi mau palapala waiwai e waiho ana maloko.

            Ua waihoia ae keia hihia i ka Makaik'u Kellett, a ke huli mai nei oia me kona mau kanaka i ka poe na lakou i hana keia karaima. Loaa aku ka pahuhao i wawahiia ai a i aihueia ai hoi maloko o ka lua pohaku ma Puunui ma ka wanaao o ka Poaha nei, a ma ka manaoia e paa aku ana no na piko pau iole i ka hopuia, mamuli o kekahi mau moali ike i loaa ae i ka oihana makaikiu; o ka poe n lakou i hana i keia hana, he ninau pohihihi ia, aka nae, he poe kekahi i hoohuoiia a no ko lakou paa ae i ka hopuia he ninau walo no ia no ka manawa.

            I kulike me ka hoakaka a na maikai, na *hueia kekahi kaa otomobile mailoko aku o ka halekaa ma ke alanui halema'i Pupule ma kekahi manawa mahope iho o ka hora 11 o ka po Poakolu a maluna o ia kaa i holo aku ai na kanaka i manao wale ia ekolu ko lakou nui, no ka halekuai o ka Wong Sau. Ma ka olelo a kekahi poe e noho ana ma kahi kokoke i ka halekuai ua ohe lakou i ka halulu o kekai kaa otomobile kalaka aneane ma ka hora 3 o ka wanaao Poakolu, ka po i aihueia ai ka pahu hao, a ua lohe mai lakou i ka leo o ke kahi o na kanaka e kau ana maluna o ke kaa oto i ka oleio ana ae i kekahi o kona mau hoa e holo lakou uo ka Pali o Nuuanu.

            Aohe * waiwia ano nui e ae i laweia mailoko mai o ka haleku* o ka pahuhao walo no oiai na* kuekaaia no ka kekahi mau * oloko o na ume ame kekahi * pahu e ae no ka huli ana * ke dala, a i ka loaa ole ana * nao lakou aia wale no ka dala * loa iloko o ka pahuhao, no* ka pahuhao no ka lakou o ka* ana.

            Ma ka manawa o ka loaa ana * o* pahuhao a nanaia me he * la me kekahi hamare nui ia i *hiia ai, no ka mea ua nahana loa ke panihao, a mamuli o na * io i manaoia ai ua hoao ka * hue e wehe i ke pani me kekahi* a no ka hemo ole pela i wawa* ai me ka hamare nui.

            O ke kaa otomobile a ka po* hue i lawe ai mailoko aku * halekaa ma ma ke alanui hale* Pupule ua loaa aku i na maka* uka o Kalihi, ma kahi a na * aihue i lawe ai a haalele. He * hana wehe kolu nui i aihueia ke kaa ae, a me ia meahana i une ai na kanaka ahiki i ka * ana o ka puka o ka halekuai ka i loaa aku e waiho ana malo* ka halekuai o ka Pake, O na hu manamanalima o na kanaka lakou i aihue ka pahuhao a e ana no ke kohu maluna o ka * hao, ua pa'iia ke kii ae lilo oia kekahi mea hoike no ka ana aku i ka poe aihue. M* manao wale i a he ekolu ka * na kanaka i komo pu ma keia a* aua.

            Ma nehinei ke 69 o na la * o ke Kamaliiwahine Mrs. Ema* De Fries o ka pauaho ana ma keia ola ana, ma ka makahiki nei i hala.

 

Hale o Na Alii O Hawaii

(Ahahui Poo)

E malamaia ana ka halawai kumau o ka (Ahahui Poo) o ka Hale o na Alii o Hawaii, ma ka Phoenix Hall, i keia Sabati iho Feberuari 3, 1924, ma ka hora 2p.m.

Ma ke kauoha a ka Iku Hai, W.J. Coelho, Iku Kau

 

Hoailona Aeoko Waiu Kia

Mahalo Na kauka i ka Waiu Aeko no na bebe maikai ole o ke ola kino.

 

E Hookaawale i Kekahi Hapa o Kou Ukuhana

ma o ka hoahu ana maloko o ka Banako i loaa ai ka hauoli i kou ohana.

O ka hoomakaulii, o ia ka mole o ka nohona ulakolako ana.

Ua makaukau mau makou e lawe mai i kau mau hoahu liilii.

 

CHINESE-AMERICAN BANK

Kihi o na Alaunui Moi âme Nuuanu.

Pahu Leka 2000

Honolulu, T.H.

Kelepona 6119

 

Ke Makeke Bipi

Metropolitan Meat Co.

Ka homa o na Io Bipi Momona no ke Kumukuai Haahaa Loa

Na Io Kamano Momona i Loaa Ole Ma Kekahi Mau Makeke e Ae

Ka Waiubata Maile He 60c Wale no o ka paona.

E Hele Mai e ike ia makou. Mai Hoohilahila.

Metropolitan Meat Market

Ma ka aoao Waikiki o ke kihi o na Alanui Bekela ame Moi

 

F gets there! The new zerolene for Fords.

            O ke Zerolene "F" no na Ford ka aiia hou loa * Hale Huli Akeakamai o ke Standard Oil. Ua mana* mkou o ia ka mea nana e lawelawe i ka hana * no na Ford, oiai aole aila e ae i hiki ke hana ia mea * ke Zerolene "F" no na Ford ka mea nana e hoomaliu hua i na mile gasoline, hoemi i ka holoi ana i ka * ame na hoolilo o ka anai ana o na pani hoemi i ka * ana ame ka pilikia, a hooloihi i ka maikai o kela * keia Ford i hoohanaia ai ia. He pane oiaio pili * akamai ia i ka ninau hooma-u a ka on a kaa Ford aole he oi aku o ka lilo, aka he emi mai malalo * hapanui o na aila Ford kuikawa i keia wa ma ka makeke.

            O ka nui o na aila he maikai maloko o ke kini a m* loko o ka pahu hooholo kaa. O ke Zerolene "F" no * Ford aole wale no i maopopo loa ka maikai maloko * ke kini - he aila alili lelo nona ke ano i maopopo ma* kona nanaina - he maikai ia no ka hana. Ma na wahi apau o ka hana. E hoolaha ana ia i ke koi mua o ka hooma-u ana i ka Ford - e holo ana ia ma na wahi e k* mai ana no ka hooma-uia.

            O na meapaahana wrist - pin ma ka hoohalike ana. He ano maikai loa ke ano o ka hooma-u ana i ka Ford. aka aohe hoopahola aku i ka aila i na meapaahana wirst - pin, ke ole e pololei ka aila. Aohe no on a hoea i ka hapalua maluna o na paia ku'e-ke ole e pololei ka aila.

            O ka Zerolene "F" no na Ford e hoopakele ana ia i kou Ford, a i ole i keia mau wahi moeke'a. E hoemi mai ana ia i ka lilo o ka malama ana i kou kaa a hoolihi aku i kona kulana maikai.

            O ke Zerolene "F" no na Ford e hoea ana ia malaila malalo o na kuleana apau e hoohanaia aila, i ke kau wela ame ka hooilo. Elike me na aila Zerolene e ae ua hanaia ia mai ka Aila Maka Western Napthenic Base mai, pela no hoi, elike me na aila Zerolene e ae, he liilii loa kona pa'u, a he liilii loa me ka malie ame ka mama ke ano o ka ha'u ana i ka wa e pau ai. Aole au hoopilikia ana me na lina papaa a "paakiki" ma na ku'e ke malama o* i ke Zerolene "F" no na Ford wale no maloko o kou pahu hooholo kaa.

            Aneane e pau loa na Wahi Hoopiha Aila, ame ka hapanui o na halekaa ame na wahi kuai aila e ae e lawe nei i keia wa i ke Zerolene "F" - ma ke ki aila ame na kini. Hoomaemae i kou pahu hooholo kaa i keia la a hoomaka me ka pololei me ke Zerolene "F" no na Ford.

            O ka Ford i hana pono ia, he hoopukapuka A-1 halihali ia. Hoopakele i KAU hoopukapuka ma ka hooma-u kupono.

STANDARD OIL COMPANY, (California)

 

"KUMUKUAI LIILII OLUOLU"

            O kekahi mea e hoolilo ana i ke Zerolene F, Helu 3, a i ole Helu 5, malalo iho o ka 20 keneka no ke kuaka, a i ole Helu 7, ai ole Helu 9 malalo iho o ka 25 keneka, aole i loaa iaiu he puka kupono. Pinepine ka ukali aku o na kumukuai oluolu i panihakahaka no na aila inoino ma kahi o ke Zerolene maikai.

            Ma kekahi mau apana mawaho o Hawaii nei, ua hoopiiia ae ke kumukuai liilii i kekahi manawa a kiekie no ke Zerolene.

 

100% FORD lubration.

 

ASK FOR ZEROLENE "F" for Fords.