Ka Nupepa Kuokoa, Volume LXIII, Number 1, 3 January 1924 — UA OI NA HANAU MAMUA O O NA MAKE. [ARTICLE]

UA OI NA HANAU MAMUA O O NA MAKE.

Ke pii mau aku nei ka ulu o ka lahui maloko o ke kulanakauhale o Honolulu, elike me ka hoike a ka buro o ka Papa Ola i hoolahaia ae ma ke akea e ka luna hoopaa papahelu,' Miss M. Hestcr Leinon, ma ka Poakahi iho nei. Iloko o ka mahina o Novemaba i hala he 342 na hanau, 163 mau paamare a he 131 mau make. No ka mahina aku o Okatoba he 329 mau hanau, 109 mau paamare a 130 mau make. No na make no ka maliina o Novemaba, ma ke kama, 74 mau kane a he 57 wahine. Ma na lahui, elike me ia malalo nei: Na Hawaii, komo pu me 10 mau hapa-Hawaii, he 44; na Kepani, he 33; na Amerika, he 17; na Pake, he 11; na Pukiki, he 19; na Pilipino, 9; Poko Riko, 3; Korea, 2; Hukini, 1; na lahui e ae, 1. He eono o ka poe i make he poe noho paa ole maloko o keia kulanakauhale, he 64 i make maloko o na halema'i a mau hale e ae. Mawaena o ka poe i make iloko o ka mahina he 47 mau keiki malalo o ka elima makahiki, he 44 malalo 0 ka 12 mahina, a he ekolu mau make hookahi makahiki. No ka ma'i akepau lee kumu nui o na make, he 16 poe i make iloko o ka mahina me ia ano ma'i, a malalo mai na make me na ano nia'i e ae. Elua i make i ka "Flu". hookahi i ka ma'i fiva a hoōkahi 1 ka ma'i eha o'ka puu. Ma ka hapalua o ka hora elua o ka auwina la o keia Sabati iho, lanuari 6, e malamaia ae ana ka halawai o ka Pa Ilina o Kalaepohaku, ma ka home o Mr. Daniel Maunakea. Ma ka po Sabati iho* ne| oiai ka wai nui e kahe ana me ka holomoku ma ke kahawai o Moanalua he mau laina kaa oto kīhulehu ka i paila ae maloko o ke ma Moanalua no ka hiki ole e holo aku a e holo mai, ma keia aoaO.