Ka Nupepa Kuokoa, Volume LXIII, Number 1, 3 Ianuali 1924 — E HOOMAU AKU I KA HANA MAIKAI [ARTICLE]

E HOOMAU AKU I KA HANA MAIKAI

Eia kakou ke nee nei iloko % na la mua o ka makahiki hou, a iloko o keia mau pule ae/e wehe hou ia aku ana ke Kalapu Hoahu Karisimaka, e ka Banako o Bihopa ma; o ka poe i lilo i mau lala no ke Kalapu Hoahu Karisimaka o ka makahiki aku la i hala, he mea pono e hoomau aku ko lakou lilo ana i mau lala no ke kalapu o keia makahiki nee aku nei. Ua pomaikai maoli ka poe i komo i mau lala no keia kalapu i ka makahiki aku la i hala, no ka mea ua loaa mai ia lakou he mau huina elala mahuahua, no ka hoopau ana ae i ko lakou mau pilikia, a no ka hoolako ana i na hemahema ame kekahi mau hana e ae e pono ai ka ohana. Eia na Hawaii ke pii mahuahua nei, ma ka heluna o ka poe i komo i mau lala .no keia Kalapu Hoahu Karisimaka; o keia kekahi hoailona jnaikai loa no kakou no na Hawaii, he anuu hikimua keia no ka hoomaa ana i kekahi heluna nui o kakou e lilo i poe hoomakaulii. Ma ka hoomakaulii ana e loaa ai na mea he nui. Mamuli auanei o ke komo ana i mau lala no keia kalapu. e hiki ai ke loaa he mau waihona mahuahua, i ka pau ana o ka makahiki, me ia mau waihona, e wehe aku ai i mau moohelu hoahu kaokoa maloko o na banako. He hookahi mea maikai loa o keia Kalapu Hoahu Karisimaka, a kakou i ike ai, o ia no ka hiki ole ke kikoo aku i na dala i hoahuia, aia wale no ahiki i na la hope o ka makahiki, ia wa e haawiia mai ai ka huina holookoa i hoahuia, me ka puka pu o ia mau elala no ka makahiki; ma na ano hoahu elala e ae, ua hiki loa ke kikooia i kela ame keia manawa e makemakeia aha; he meā pono no e loaa he mau moohelu hoahu o keia mau ano a elua, he kokua no ia i ka wa o ka pilikia, e ku ole ai i ka hoaa. Mailoko mai o ka ino i holopapa iho ma keia kulanakauliale, ma na la hope o ka makahiki aku la i hala, e loaa ai ia kakou he mau haawina a'o kupono loa, no ka hoomakaukau e ana ia kakou iho, mamua ae o ka manawa, i palekana ai mai na pilikia mai. Nui na hale i halanaia eka w r ai, nui pu no hoi na pilikia i ikeia ma kekahi mau wahi, o ka imi ana i na alahele e palekana ai mai kela mau pilikia mai, ka hana naauao no keia nee ana aku. O ka hauoli makahiki hou oiaio, o ia no ka lawelawe ana i na hana apau i ku i ke kulana keonimana ame ka leele, o ka poe i komo iloko o na hauoli ana o ke ano uhauha, ua hu loa aku ia mawaho o na palena kupono, aole kakou e kapa ia ano o ka hauoli ana, he hauoli i'o, no ka mea mahope aku o ka hauoli, u'a ul:ali mai na hopena hookaumaha, elike me ia i hoomaopopoia iwaena o kekahi poe ma ka La Karisimaka aku nei i hala, ame ka la Makahiki Hou.