Ka Nupepa Kuokoa, Volume LXIII, Number 1, 3 January 1924 — HE 302 MAU OHUA I HOOMALUIA AE [ARTICLE]

HE 302 MAU OHUA I HOOMALUIA AE

No eono hora ka paaia ana o ka mokuahi Peresidēna Taft mawaho o ka nuku o ke awa mahope o ka hoea ana mai Yokohama Aiai a aole ia i komo mai iloko o ke awa a ma ka Uwapo 7" hoi ahiki mamua iki iho o ke awakea o ka Poalima aku la i ha'.a, mamuli o kona hoomaluia ana no ka puka ana ae o ka ma'i puupuu liilii mawaena o kekahi wau ohua. Ma ke kakahiaka loa o ia la ke kaalo ana ae o ia moku ina ka nuku 0 ke awa, aka, mamuli o ka ma'i puupuu liilii i ikeia mawaena o kekahi o na ohua no ka ifana ana 1 na ohua. H.e 302 mau ohua, o ka hapanui o ia heluna he mau Pake, i hookaawaleia mailuna niai o ka moku a laweia mai no kahi hoOmalu mai Kakaaulana, a malaila i nana hou ia ai e na kauka a paaia lakou malaila ahiki i ka pau ana o ka ma'i. He manawa pokole ka mahope iho o ka haalele ana aku a ka mokuahi Taft i ke awa o Yokohama ua puka ae la ka ma'i puupuu liilii mawaena o kekahi mau oliua oneki. He bebo ka mea i loaa a make ia ma'i, a fcanuia oia i ka moana. Ia manawa i hoomakaia ai na ohua apau o ka rumi onēki e o-ia no ka hoopakele ana mai i ka lehuleliu o na kanaka maluna o ka moku mai ka pahola loa ana ae o ia ma'i. Mai ka haalēle ana aku ka a ka Mokuahi Peresidena Taft ia Yokohama ahiki wale i ke ku ana mai i Honolulu nei he malio maikai ka moana, a maluna mai ona he 100 mau eke leka, me 13 mau ohua no keia awa.