Ka Nupepa Kuokoa, Volume LXII, Number 52, 27 Kekemapa 1923 — Nuhou Kuloko [ARTICLE]

Nuhou Kuloko

•- — , i Hele ka Paka Aala a pihaku'i iloko o keia mau po i ka poe ma kaikai, no ke ake e ike i na han.i hoohauoli a hoikeike e malamaia nei malaila. No ka malia ana ma ke ahiahi o ka Poakahi iho nei, i hoohala ai he heluna nui o na makaainana o keia kulanakauhale i ko lakou manawa, ma ka hele holoholo ana ma kela ame keia wahi o ke taona nei, a huli hoi aku la no na home ma na hora o ke aumoe, no ka hoomana<? ana i ka La Karisimaka. Mahope iho o ka hoohala ana hc elua mahina ma Amerika, i huli hoi mai ai ka Loio Amerika Carden ma ka Poakahi iho nei no keia kulanakauhale. Ua hooleia ke noi no ka huikala ana. i na Kepani elua o ka hoopa'iia ana, no ka hewa hoopa-hu, i ka home o kekahi Kepani ma Olaa, Hawaii. No ka hoopuka ana i kekahi mau kikoo dala apuka lehulehu, i paa ae ai o Ernest Perry i ka hopuia ma ka Poakahi iho nei, eia nae he kalepa ka i poho ma'uwale mamuli 0 ko lakou uku ana i na dala maoli no kela mau kikoo apuka. Ma ka Poakahi iho nei i huli mai ai ka Elele Lahui H. A. Baldwin mua o Hawaii nei, no ka Paredaiso o ka Pakipika, mahope o kona hoohala ana i kekahi mau pule ma ka Ipuka Gula o Kapalakiko. Ma ka hapalua o ka hora ekahi o ka awina la o keia la, e noho ae ai ke kure kiekie o ke earitore, no ka noonoo ana i na hana a kela kiure, no ka makahiki e pau ana ma keia Poakahi ae. Ma ka Poakolu o keia pule ae e hoea mai ana, e lawe ae ai na luna oihana hou 1 kohoia o ke Kulanakauhale a Kalana o Honolulu nei, 1 ko lakou mau kulana, i kulike ni me ke kauoha a ke kanawai. Eia no ko noho hamau mai nei ka Makai Nui Trask, no ke kanaka ana e hoonoho ae ana ma ke poo o ka oihana makaikiu, pela hoi me kana mau hookohu oihana, e hana aku ana no na hope makai nui o na kuaaina.