Ka Nupepa Kuokoa, Volume LXII, Number 52, 27 December 1923 — KE OLA O KA NUPEPA... [ARTICLE]

KE OLA O KA NUPEPA...

makahiki 1923. Ma ko makou aoao, ke hoeueu aku nei mako'u, i ka poe i hokaa ole mai i ka uku o ka lakou Kuokoa no keia makahiki, he n?ea pono e uku koke mai, mamua o ke komo ana aku iloko o keia makahiki ae. O ka poe no hoi i uku piha no ka makahiki holookoa. a e noho aie ole nei no ka nupepa, o lakou kekahi e kauleo pu ia aku nei, e uku mai i ka lakou nupepa no keia makahiki hou, ina ia no na mahina eono, a i ole no ka makahiki holookoa paha. He elua dala me ka hapalua ka uku o ka Nupepa Kuokoa no ka makahiki, a he hookahi dala me ka hapaha no na mahina eono, a i ole ka pau ana paha o ka makahiki hookahi. He kuike mau ka rula paa o ka nupepa. s—+++ Ua kupono ka hooholo ana ae o ka papa komisina ukuhoomau o ke Kulanakauhale a Kalana o Honolulu nei, e haawi i ka elua hapakolu o ka ukumahina o ka Makai D. B. Hau mea, o kona ukuhoomauia ma kona manawa e waiho mai ai i ka oihana makai, ma ka la hope o keia makahiki. No na makahiki he kanakolu kona noho hoomanawanui ana iloko o ka oihana makai o Honolulu nei, iloko o na loli like oie o ke aupuni; nolaila o kekahi makai i noho iloko o ka oihana no na makahiki loihi elike me keia, aole he hana kupono e ae ma ka aoao o ka poe i loaa ia lakou ke kuleana e hooholo ai i ka ukuhoomau, o ka haawi wale aku no iaia i kekahi hoike maopopo no kana mea i hana mai ai no ka lehulehu. E ke kauwa hana pono, ua loaa ia oe ka uku kupono no kou hoomanawanui anal Me ka Makai Nui David K. Trask, ma ke poo o ka oihana makai o Honolulu nei, no ka nee ana aku o keia makahiki ae, e kau aku ko kakou manaolana, e oili mai ana he mau loli ano nui no keia mua aku, aole wale no iloko ponoi iho o kela oihana, aka m ake kulana kekahi o na hana i kamaaina ia kakou ma keia kulanakauhale.