Ka Nupepa Kuokoa, Volume LXII, Number 52, 27 December 1923 — NA PALAPALA A NA MAKAMAKA. [ARTICLE]

NA PALAPALA A NA MAKAMAKA.

Eia no ke ahua o na palapala a na makamaka i hoouna mai ai no ke Kuokoa, me ka. hiki ole ke hoopukaia aku Uka manawa kupono, no ka loaa ole o kahi kaawale.aka nae me ka manaolana e lioea mai ana i ka wa e loaa ai he mau kolamu no ka nupepa no keia nee ana aku. Ke makemake nei makou e kauleo hou aku i n amakamaka, e hoouna mai ana i na manao hoaloha, na nuhou no hoi, a mau manao hoakaka paha maluna o kekahi mau kumuhana ano nui, no ka hoonaauao ana i ka lehulehu, he mea pono, e hoopokopokoia mai na manao e kakau ai, aole e kuawili, a i ole noke wale aku i ka helupapa i kekahi mau mea ano ole, he hana hoopiha nupepa wale no ia. I ke kakau ana no hoi i na manao, e malamaia na rula naauao o ke kakau ana, o ia ka hookaawale ana i kela ame keia pauku; a e hoomaka ia na pauku apau me na hua nunui, pela me na inoa a mau pani inoa paha. I hookahi wale no aoao ka apana pepa e kakau ai, aole ma na aoao a elua. Ua hemahema maoli no ka hapanui o na Hawaii i ke kakau ana i ka lakou olelo me ka pololei, aka i wahi nae e loaa ai ka makaukau ame ka ike, he mea pono e lilo ka Nupepa Kuokoa, i buke kula na lakou e heluhelu mau ai, a e hoomaopopo pono i ke ano pololei o ke kakau ana, ma ka hookaawale sna i na huaolelo ma ko lakou mau ano pakahi iho, pela hoi ke kau ana i na kiko i kupono ma ko lakou mau wahi. No keia mau makahiki i kaahope aku nei, ua aie nui ke Kuokoa i kekahi mau makamaka, no na meahou a lakou i hoouna mai ai no ka nupepa, pela hoi na hoakaka naauao maluna o kekahi mau *kumuhana, e pomaikai ai ka lehulehu, a i ko kakou komo ana aku i ka makahiki hou, ke lana nei ko makou manao, e hoomauia aku ana no ka loaa ana mai o na manao o kela ano, e hoolawaia aku ai ka lehulehu o ko ke Kuokoa poe heluhelu me na mea hoonaauao kup6no apau, e loaa« ai ka hauoli i'o. O ka helu hope loa keia o ka nupepa e puka aku ai no ka