Ka Nupepa Kuokoa, Volume LXII, Number 52, 27 December 1923 — KOMO KA HOOPII I KA AHA. [ARTICLE]

KOMO KA HOOPII I KA AHA.

Ua hookomo maoli ia ae he hoopii iloko o ka aha, « ku-e ana ia Daniel S. K. Pahu no ka lawe i na dala o ke keena wai o Honolulu nei, ma ke ano kolohe, oiai e noho hana ana ma ke ano he mea malama buke no ke keena wai, a ke kakaliia aku nei ka hopena o kona hihia, pela hoi ka huina

He mea hookaumaha i ko kakou noonoo, ko na Hawaii, ka ike ana i na Hawaii opio, e paa ana i keia mau kulana hilina'iia, e komo ana iloko o na pilikia o keia ano, mamuli auanei o ka lakou mau epa i hana ai, e hapala ae ana ia iluna oko lakou lahui. Aole no hoi paha i pau loa na kanaka Hawaii i ke kolohe, o ka lawelawe ana nae o kekahi mau Hakakaikahi i ka hana kolohe i na waiwai i waihoia aku na lakou e malama, ua lahui ia aku la na Hawaii apau, he poe kolohe lakou. Aole o Mr. Pahu he kanaka komo iloko o na hana uhauha, aole no he kanaka inu rama, e manaoia aku ai, pela iho la 1 lawe ai oia i na dala o ka lehulehu; aka nae oia kekahi lunanui o kekahi hui hoopukapuka dala o keia kulanakauhale, a ke ole malalo o kekahi ano, i laweia mai ai na dala o kela keena wai, ma ke ano kolohe, alaila no ka hoopakele ana ae iaia, mai kekahi pilikia mai, pela iho la, i hiki ole ai iaia ke pale aku i ka hoowalewale.