Ka Nupepa Kuokoa, Volume LXII, Number 52, 27 December 1923 — HAUOLI MAKAHIKI HOU KAKOU! [ARTICLE]

HAUOLI MAKAHIKI HOU KAKOU!

He mau la helu wale no koe, alaila komo aku kakou iloko oka hauoli ana no ka makahiki hou. Oiai nae o keia ka helu hope loa o ke Kuokoa no keia makahiki e pau ana, ke haawi aku nei ia i kona aloha imua o na makamaka heluhelu no ka makahiki hou: Aloha Makahiki Hou kakou! He mea maa a kamaaina ia kakou na Hawaii, ka hoomanao ana i ka makahiki hou, me na mea i loaa ia kakou ma ka makahiki e pau ana, e laa ka hoomakaukau ana i mau papaaina, no ka hoakoako ana mai i na ohana ame na hoaloha, ō kc kauleo wale no a keia pepa ia kakou, a i hoea mai ia manawa, e komo kakou iloko o na hoomanao ana, me na hoohauoli kupono e ala oīe mai ai he mau hopena e hoopilikia mai ai mahope aku, a e komo aku ai paha iloko o na hookaumaha ana. No keia ola o kakou, no na pono ame na pomaikai a ke Akua i haawi mai ai no kakou, ka ikaika o ko kakou mau kino, ame na pono e ae he nui, a kakou e hauoli nei i keia la. no ia mau mea, i konoia mai ai kakou, e hoomanao i ka la makahiki liou, i loaa ia leakou mamuli o ka lokomaikai o ke Akua. E hoao kakou elike me ka hiki e lilo ka la mua o ka makahiki hou i la ano nui no ko kakou ola ana, mamuli o ka hookaokoa ana ae i ka kakou mau hana, no keia nee ana aku o ko kakou ola ana, a ma kekahi olelo ana ae hoi, elike me ka hou ana o ka makahiki, pela, no ke ano hou o ko kakou ola ana aku; e waiho i na hana apau e hookomo ana ia kakou ame ko kakou mau oharta iloko o ke kaumaha ame ka pilikia, a lawe mai i na ano e ukali mai ai ka noho hauoli oiaio ana.