Ka Nupepa Kuokoa, Volume LXII, Number 52, 27 Kekemapa 1923 — KA MAKAHIKI E PAU ANA. [ARTICLE]

KA MAKAHIKI E PAU ANA.

Ma ka hora umi-kumamalua o ka po o keia Poakahi ae, ka la 31 o nei, e nalohia aku ai ka makahiki 1923, a oili mai ka -wehena kaiao o ka makahiki 1924. He mea na kakou, na na makaainana o Hawaii nei e hauoli ka poe i hooloihiia mai na la o ke ola ana, ahiki i ka nalohia ana aku o keia makahiki e pau ana, no ka mea pela iho ia i hoomaopopoia ai ko ke Akua lokomaikai ia kakou, ame ka nui o Kona aloha palena ole. Ma ka mea oiaio maoli,, aia he mau kumu lehulehu, no kakou e hauoli ai, mamuli o k ahooloihiia ana mai o ko kakou e hauoli ai, mamuli o ka hooloihiia ana mai o ko kakou ola ana ahiki i ko kakou komo ana aku iloko o ka makahiki hou. la kakou e huli aku ai ihope a hoomanao i ka nee ana mai o ka makahiki e pau ana, aole no ia i pau holookoa i ka maikai, aole no hol i ke ino, aka ua komo pu no ia mau ano a elua; eia nae ma ke ano nui ke olelo ae, mailoko mai o ka maikai ame ke ino, he hookahi mea ano nui loa, o ia no ka hoomauia ana mai o ko kakou mau ola, me na hoopomaikai ana ma na ano lehulehu mai ke Akua mai; e konoia mai ai kakou, e komo like iloko o na hoohauoli ana, mamuli o ka loaa hou ana ia kakou o ka makahiki 1924. Ma na aina mamao mai. Hawaii aku nei, ime na kanaka e noho ana ma ia mau aina, elike me ia a kakou i ike ai ma na nuhou kelekalapa, ua nui maoli na poino a ka makani, ka waikahe, ke kaua no hoi ame ke ola'i, iloko o keia makahiki, he mau poino i loaa ole ia kakou ma Hawaii nei, me ia mau poino no nae, aole i nele ka loaa o na manao hauoli ame na hoomaikai ana i na makaainana o kela mau aina, no ka hookoeia ana mai o ko lakou mau ola. Ina ua komohia na manao hauoli a hoomaikai i na makaainana, o kekahi mau aina i halawai me na hopena maikai ole iloko o keia makahiki, aole anei hoi, e hooi loa ia aku ko kakou hauoli, ko na makaainana o keia Teritore, no ke kaawale ar.a aku o ia mau haawina mai ia kakou aku? Aia no nae he mau haawina kaumaha i kau aku maluna o kekahi mau ohana ma Hawaii nei, no ka haalele ana mai 0 ka lakou mau mea aloha i keia ola ana, me ka ike ole 1 ka makahiki hou; pela hoi kekahi poe o kakou, i kauia mai na hoopa'i ana a ke kanawai, no na karaima a lakou i hana ni; mailoko mai nae o ia mau hopena hookaumaha, e loaa ai ia kakou he mau haawina a'o kupono loa, ma ke ku ana ma ka aoao maikai apau o ko ke kanaka ola ana, pela wale no e ukali mau mai ai ka hauoli i n manawa apau. Ua hoopomaikai mai ke Akua i ka kakou mau oihana i keia makahiki, elike me ia a kakou i ike aku ai, ma o na makana o na haku hana i haawi aku ai i na kauwa, no ke Karisimaka aku la i hala ua ukaliia no hoi kekahi mau oihana liilii, nne ra haawina pakalaki, eia nae, iloko o ia mau oihana apau he hookahi no mea ano nui, o ia kela manao hauoli, no ka hoea ana aku o na mea apau i na hora hope o ka pau ana o ka makahiki kahiko, a oili mai.ka makahiki hou. Me kela manao hauoli nae iloko o kakou, he mea pono e hoomanao mau ia keia mea oiaio, mamuli wale no o ka hoohauoli ana ma na ano kupono apau, pela wale n oe oili mai ai na mea maikai, aole me na hauoli ana, o ke ano lealea .i uhauha.