Ka Nupepa Kuokoa, Volume LXII, Number 52, 27 December 1923 — HUAKAI MAKAIKAI KUAHIWI. [ARTICLE]

HUAKAI MAKAIKAI KUAHIWI.

I kuu Nupepa ke Kuokoa, ka elele ihai meahou, nau ia e hoike aku i keia mau meahou a na kamahele alo kuahiwi. Ma ka Poaono, Dec. 8, 1923, i hoomaka ai na kamahele no ka huakai pii kuahiwi no lakou keia mau inoa,, Naluahine Kaopua, Hapheal Kahaleoumi, Henry Waimau, Robert Chai, kau meakakau no hoi, Robert Kahaialiioumi. Haalele i ka home. Hora 2:30, hiki i ka home kuahiwi Kaukahoku, hora 5:30. hooaumoe na kamahele ia po, hora 1 wanaao, hoomakaukau paina. Haalele ia Kaukahoku hora 2:30, hiki i Kaalapuahi hora 4:30. Hui me kamaaina o ia uka kuahiwi, Mr. ame Mrg. Mahone. Pa kahea a kamaaina e komo maloko a hoomanao ae la kou meakakau ia mele kahikO, o ia kēia: Maloko o ka hale na kane hana, E pa kiaha wai o Maleka. Lohe mai la i kamaaina, aia he mau malihini makaikai kuahiwi kekahi maloko o ka home o kamaaina. I ke ao ana ae Dec. 9, hui aku la xne ia mau malihini, he kamaaina no, no lakou na inoa pakahi, Mrs. Drives, Mrs. Gomas, Miss Maes, Mas. M. Freitas, Jr. Mas. Peterßorn Jr., a kou meakakau i moeuhane mua ole ai eia he mau kamahele pii kuahiwi hou kekahi. Paina kakahiaka pau hoomakaukau na kamahele hui pu me na kamaaina, piha ka huina i ka 12 kekahi helu maikai loa keia. Haalele ia Kaalapuali hora 7:30. He mile paha ia pii ana loaa aku la kekahi mau puu nui no lakou na inoa. Puumelekale, Puuapele, Puukookoolau. Hora 8 ia, he J0 minuko paha keia pii hou ana, loaa aku la keia kahua nui palahalaha, ninau i na kamaaina, ha'iia mai ana ke kahua hoike kanaka. He u'i he nani i ka maka ke nana aku keia kahua, he ano like no paha me Kapiolani Paka. Maanei i hookuu aku a| na kamahele i ka holo o ka lio, ho ku i ka nani, ua mau kamahele nei i ka lawe haaheo a na lio. E .holo a pati ka makemake. Hoomanao hou ae la kou meakakau ia mele kahiko. Ina o Mine kuu lio holo,

Oi aku ka holo ka panee imua. Kamoe aku la ka piina no Hualalai, hiki i a puu kaulana, o ia hoi o Puumakana hapaha koe 11. He puu keia ma ka aoao Hamakua o Hualalai. He puu_iiui no a maluna pono iho o keia puu he puu uuku oioi, aia iwaena o keia puu ka l u a makani, keia kekahi lua hohonu loa> a . kou meakakau i ike ai. Kiola oe i ka pohaku nui, aole loheia ke pahu, keia paha ka lua a ka puke nui i olelo ai, ahe bottonles3 pit,aohe palena. .l'aikii he ku 110 i ka maka'u, nihinilii, ma kahi paha o 6 kapuai ka laula o ka'e o keia l«a apuni, ani lea mnkani ka poe maka'u aole hiki ke heleku lie kolo elike mf kekahi mau hoa Mrs. Drives amo Mrs. Gomas, ke kolo ilalo aole hiki ke kokoke loa i ka lua. Hora 11:15, haalelo ia wahi, kamoe ka huakai no Hainon, ka puu kiekio o Hualalai. Ina ma Kona mai e lc:iu ni, e ikeia no keia mau puu, a ka puu mauka o ia o Hainoa, malaila makou i pii ai. pii n o ma ka lio oioi he loihi a kiekie, aole hiki ke pii wawae. Aia iluna o keia puu hookahi kun\u ohia kumakua, aia malaila hookahi omole, o na makaikai apau i hiki ilaila kakau ka inoa, hookomo iloko. Heluhelu aku kou meakakau i ka inoa o ka poe i hiki iluna o kela kuahiwi, aole i pa«, aole manawa, nui 16a ka inoa, maopopo a maopopo ole kekahi, kahiko loa kekahi. Hora 12 huli hoi na kamahele. Hiki hou i kela kahua nani a'u i hoike mua ao nei maluna o ia hoi kahua hoike kanaka. Maanei kaawale na kamahele, ilio 5 me na kamaaina a 7 ma ke ala no Kaalapuahi a hoi loa aku no ko'lakou home. Haawi ke aloha good bye, me ke mele ana ia Aloha Oe. Huli lakou iho, kamoe liou aku la makou he alahele okōa me ko makou. kapena Nalua-hine, malaila aku a ke alanui kaulana oia kupuna i hala Haanio; 0 ia kela alanui mai kai mai o Kaumalumalu. Hora 1:15; hoomaha iki, paina awakea pau, kamoe hou ka piina i ike i kela mau alu kaulana, a na kupuna i hana ai, o ia boi ke ahu a Umi, ma keia alanui a Haanio e pii ai. Keia kekahi vrahi nani loa a kou meakakau i ike ai. Ina he lio hoio kou, a ma keia kula e holo ,ai pau ka makemake holo; a o ia ka kou meakakau e kau leo nku nei, e pii 1 ike kumaka i ka nani o ke kuahiwi. Mam«a o ka lohe olelo. Hora 1:45, ike i na ahu kaulana a kupuna i hana ai. Ai no hoi i ka panini o kuahiwi, nui ka ono malaila | aku a ka Nnhaha hora 2:25. He home kahiko keia, keia ka hale | ako hulu hipa a ia haole 'i noho mua i kuahiwi, ua poina i kou meakakau ka inoa, ua hai mai no ke pailaka o ka la loa, malaila mai no

Pulehua hora 3:10, ka home kuahi-wi o na Keiki a Kinuwea. Kc huli hoi nei keia i ka home, iho mai Polemaaina ka home kuahiwi o J. L. Johnson, hora 4:10, malaila mai a Kaukahoku, homo kuahiwi o T. C. White, hora 5. Hora 6 haalele ia Kaukahoku, hiki i ka home hora 9 o po. Hui me ka ohan.i me na ola kino maikai. Maanei hookuu na kamahele. Hoi kela keia no kona home ponoi. Haawi ke aloha o keia au naauao o ia hoi good night. Me na keiki o ka papapa'i ko'u hoomaikai. ROBERT KAHAIALIIOUMI, Keauhou, N. Kona, Hawaii.