Ka Nupepa Kuokoa, Volume LXII, Number 52, 27 Kekemapa 1923 — HE PUOLO WAIMAKA NO MRS. ELIZABETH MAKANUI KAIO. [ARTICLE]

HE PUOLO WAIMAKA NO MRS. ELIZABETH MAKANUI KAIO.

Mr. Lunahooponopono, Welina pu kaua:—E oluolu hoi oe e hookomo iho ma ka rumi kaawale o ka kaua hiwahiwa, ka Nupepa Kuokoa, i kela poomanao e kau ae la maluna, i ike mai ai na makamaka ame na hoaloha. Ua loihi no ka hoomailo ana o ka ma'i maluna ona. Ua huliia no hoi ke ola mao a maanei, aka aole i loaa iaia, ka oluolu. Aloha oo e Martha Mannaaola kou ike ole ana i kou mama heleloa, no ka mea, aia oe i Manila o noho mai la. Aloha oe e David Olahana Kaio, he mea nui loa oe i kou kupunawahine, a hala wale aku la no oia. Ua haalelo mai oia i kana mau moopuna ame na moopuna kuakahi. Alohkno! O Mrs, Elizabeht Makanui Kaio, he lala kahiko oia no ka Hui Akoni Hemolele. Aloha no ke alanui o Papohaku e waiho mai nei kahi au e holoholo mau ai. Ua haalele mai oia i keia ola ana Dec. 3, 1923. Ua maneleia aku kona kino ma ka ilina Kakolia o Wailuku, a na ka Father Justin oia i hoomaikai, a na ka Hui Akoni Hemolele ka pule hope. Nolaila ke komo pu aku nei ka Hui Akoni Hemolelo, me olua e na moopuna, i hoonelēia, i ke kupunawahine. Ke haawi aku nei makou i ko makou hoomaikai palena ole i ka poe i lawe mai i ka lakou mau bo-ko pua, ame na lei pepa, e hoohiwahiwa iaia. Me na keiki hoonohohua metala keieahi hoomaikai n«i. O maua no me ka luuluu. MRS. MARTHA E. KAINA, MRS. CECILIA M. KEKIPI,