Ka Nupepa Kuokoa, Volume LXII, Number 52, 27 December 1923 — PIHA HANERI MANAWA KA HOPUIA ANA NO KA ONA. [ARTICLE]

PIHA HANERI MANAWA KA HOPUIA ANA NO KA ONA.

Hookuuia mal ka halepaahao mai ma ka hora 10 kakahiaka, a ma ka hora 3 no o ko ahiahi paa hon no i ka hopuia. O keia ka moolelo e pili ana ia Virgin Sousa, ke kanaka ona mau o Honolulu, a ma ka olelo a na makai no 100 manawa kona hopuia ana mamua no ka ona a hoopiiia ae no ia hewa, eia nae iaia no a hemo mai ka halepaahao mal e loaa hou aku ana no oia ua ona. Ua hookolokoloia o fiouza maloko o ka aha hoomalu ma ke Poakahi nei, a mahope o ka hoohiki ana ae ona aole e inu hou ana hookahi kiaha rama ahiki' mahope 0 ka La Karisimaka, ua olelo mai la ka lunakanawai iaia ina oia e paa hou ana i ka hopnia no ka ona a hoike ole aku oia i ka inoa o ke kanaka a man ianaka paha nana a na lakou i haawi inai ka waiona iaia e hoopaaia aku ana oia i ka halepaahao no kekahi manawa loihi. Mahope iho o ka haalele ana o Souza i ka rumi hookolokolo ua hele aku la oia e huli i ka mea kuai rama, oia ka mea maopopo, a ua loaa io aku no laia me he mea la 1 kahi no i maa iaia mam.ua, a i kona loaa ana aku maluna o ke alanui Moi e moe ana me ke kupouli 0 ka noonoo, ua ona naaupo e hiki ole ai iaia ke hoomanao ne i kona inoa ponoi, a ke hoomanao ae hoi 1 ka inoa o kft mea nana i kuai mai i ka rama iaisL, na kupouli loa kona noonoo. Ua paa hon ae ua Onamau la i ka hopuia a laweia ae e hoopaa maloko o ka halepaahao. a ma ke kakahiaka Poalua nei i hoplohe ia ai kona hihia a kauia mai ka hoopa'i nona. "Na kā makemake e lapaau i ka makemake" wahi a kekahi oleloa'o kahiko.