Ka Nupepa Kuokoa, Volume LXII, Number 51, 20 December 1923 — NAHA KA PALE KAI O KE AWA O KAHULUI I KE KAI. [ARTICLE]

NAHA KA PALE KAI O KE AWA O KAHULUI I KE KAI.

Mamuli o ka nui o ka ino, ka makani ikaika ame ka ua, o na la i hala aku nei, i mau mea hoopoino i na awakumoku o na niokupuai like ole o kakou e huli ana i ka makani. I kulike me na lono o ka loaa ana ae mai Kahului, Maui, mai no ka ikaika loa o ke poi ana mai o na nalu a uhipu maluna o ka palekai i hanaia ai ua naha ka kekahi wahi o ia palekai. Ua poi mai na nalu a nhi maluna o ka liale ipukukui me ka uhipu ia o ka loa holookoa o ka palokai eke kai v Ma ka lono oka loaa ana ae ma ke kakahiaka Poaha aku nei o ka pule i hala mai Kahului mai o ke poo ka mawaho loa o ka palekai ka i naha a hiolo iloko o ke kai mamuli o ka ikaika o ke poi ana mai o ka nalu oiai ka makani e pa mau mal ana me ka ikaika, a na ia ikaika o ka makani i hapai mai i na ale ahiu o ka moana a kohu mau puu ke kiekie. Ma ka lono i loaa ae o ka mokunhi President Wilaon i haalele aku ai ia Kapalakiko ua komopoo mai ia iloko o ka ino ma ka moana a ua poino kekahi mau wahi o kona enekini, a mamuli o ia poino ana i hoohakaliaia ai kona ku ana mai i ke awa o Honolulu nei. He mau la ino no keia e nele ole ai ka halawai o na moku o holo ana ma ka moana me na pilikia.